رواية ضره من عالم اخر الفصل الاول1بقلم نوسه حمد
انا وزميلتي طلعنا بدري من الدوام قالت لي يلا ناكل ف اقرب مطعم مشينا وقعدنا ف اول تربيزه وطلبنا الاكل وكل واحده مسكت تلفونا وبقينا نتونس ونضحك فجاه لفت انتباهي ولد قاعد قصادنا وجيه وجاهه م عاديه انا عمري م شفت ف جمالو واللفت انتباهي اكتر بعاين لي بطريقة غريبه لمن خوفتا من نظراتو قلت لي علا اسمعيني ف ولد ورانا بعاين لي ساي لاكن اوووعك تتلفتي قبل م اكمل كلامي علا دايره تتلفت قومتا علي حيلي ولفتها علي قلت ليها انتي مجنونه هسي اقول علي شنو تاني م ح اكلمك بي اي شي دايره تفضحيني قعدت تضحك قالت لي افضحك كيف هو لا بعرفك لا بتعرفيهو المهم جابو لينا الاكل وانا زاتي غلبني اكل الولد شده م بعاين لي لمن خوفتا منو
علا قالت لي اسمعي عادل دا جاي اسلم علينا م تحرجيني معاهو زي كل مره قلت ليها اهاا دي الحركات البترفع الكثافه م تعرسو تريحونا ياخ بدل هبالتكم دي قالت لي جيبي قروش بكره بنعرس ليكم نتكلم كده عادل جا قال لينا تقطعو فيني صاح وانا النوع الفضيحه قلت ليهو ااي ياخ م تشد حيلك وتعرسو بدل كل مره تتلاقو ف الشوارع اتلمووو ياخ عادل قال لي لاحظي انو كلامك جارح ياخ سديتي نفسنا كدي النقوم اجيب ليكم عصير قال لينا تشربو شنو علا قالت ليهو ليمون بنعناع قال لي انتي كالعاده م عاوزه قلت ليهو اكيدددد قال لي ياخ اريتك لو حبيبتي كان لملمت قروش العصير وعرسنا بيهن علا زعلت منو زعل ساعه نحنا نحنس فيها انو اهظر معاها غايتو الحمد لله الحب دا فيهو جنس عباطه بعد زمن حتى ضحكت لينا وعادل قام اجيب العصير وطبعا الولد القاعد من جا عادل بقا تركيزو معانا اكتر
لمن عادل مشا للكاشير فجاه وقف جنب طربيزه الولد وسلم عليهو سلام زول بعرفو وبقا اقول ليهو زمن ي عادل وعملت شنو قال ليهو لسه والله م عملت شي وانت عملت شنو قال ليهو انا باريت الشرطه دي وم عملت اي شي؛ شكلو شغال ف الشرطه انا لمن شفتهم اتكلمو بالطريقه دي خفت الولد اقول لي عادل البت تعاين لي شلت شنطتي وجريت جري اهلي
م وصلت البيت سمح اتصلت علي علا قالت لي ي بت المحظوظه انتي وين قلت ليها نايمه وم ناقصاك لا انتي لا عادل اختوني ياخ قالت لي عادل البتنبزي فيهو دا جاب ليك عريس فجاه خطف منها التلفون قال لي م ناقصاني صاح قلت ليهو بهظر ياخ فشنو اديني الزيت قال لي الولد السلمت عليهو دفعتي وقال عجبتيهو وبكره قال بجي يطلب يدك قلت ليهو عادل انت مجنون صح انت من زمن الخطوبه الكده هسي احتمال م موافقه قال لي م موافقه ليه انتي بايره قلت ليهو والله زي بورتكم احسن اسكت بس وقفلت الخط ف وشهم وم صدقتهم وكان اليوم خميس والجمعه ماف دوام عشان امش اسأل علا بس من جواي فرحتا فرح م عادي وقلبي ادق ولد سمح سماحه وطويل طول م عادي وانا مشكلتي قصيره قزمه بس سرحت كده قلت هسي اهلو بعدين اقولو علي شنو قصيره وانبزوني قعدت اضحك قلت هيا ي حليلي بقا علي المثل بتاع هميت لي ولاده الغربه هسي وينو هو لملمت مشاعري الهبله ونومتا.
وم صحيت الا الساعه عشره بعد امي دقت لي جرس قومتا استحميت وصليت ورتبت البيت ثواني م عديتا من النظافه اخواتي جن بي شفعن خربو لي البيت ودخلت غرفتي قفلتها علي عشان م افقعو مرارتي راقده كده جاتني اختي قالت لي معانا ضيوف شكلهم غريبين قومي ارح اخلطي عصير انا عدتكم دي م بعرفا ع وين قلت ليها هسي كان راجلك جا بتعرفيها ع وين بس اصلك م زولت واجب امري لله قومتا دخلت المطبخ خلطت لي منقه وناديت ماما عشان تجي تشيلهم قالت لي تعالي انتي دخلت وانا شايله العصير القا ليك الضيوف الولد اللاقيتَو ف المطعم معاهو امو وابوهو انا لمن بقيت ارجف ختيت العصير وسلمت عليهم امي قالت لي اقعدي قلت ليها ماشه اصلي وانا من الخلعه دايره اجن جريت جري اتصلت على علا قلت ليها ي حيوانه الولد جاب اهلو وجا مالكم م كلمتوني اولاد اختي قلبو البيت قلب قالت لي هوي انا زاتي م عارفه شي المهم لي بعدين وريني الزيت قفلت منها وبقيت اطقطف ف اصابعيني والتوتر داير اكتلني
امي جاتني بعد ساعه اظنهم الضيوف طلعو قالت لي الناس ديل جو اخطبَوك واتصلت على ابوك عشان اجي اشوفهم ولاقاهم وفاتحوهو ف موضوعك اها انتي رايك شنو قلت ليها امي هو انا بعرفو لا لا م دايراهو قالت لي انتي ي بت عمرك بقا كم وعشرين واي راجل اجيك ترفضيهو ودا عريس جاهز نديهم كلمه قالو طوالي العرس والمره دي زاتو م بنستشيرك وابوك حالف المره دي ترفضي اقطع رقبتك وانا من جواي فرحانه فرحه العريس سمح سماحه ابوي جا داخل قال لي امك كلمتك صح قلت ليهو اي قال لي انا عندي تلفونات اسال منو وارد عليهم وجاهز قال العرس اسبوع بس م بزيدو وانا مفترض من استعجالن دا اعرف انو ف حاجه
المهم ابوي سال منو واي زول اقول ليهم م فيهم كلمة وابوي وافق وانا وافقتا وادوهن الموافقه ف ظرف يومين جابو الشنطه والحاجات وبدو التجهيزات بس الشي المحيرني الولد دا نهاي م اتصل علي ولا حاول اتصل ودي الحاجه الطممت بطني ورسل لي اختو وانتظرا برا اداها لي قروش حتي م نزل بارك لي والموضوع دا خوفني شديد بس اعمل شنو م اتوقعت اكون كده
حددو العرس وانا م انحبستا سمح علا جات قعدت معاي وظبطتني وعلقت على خطيبي قالت لي ليه م اتصل عليك قلت ليها انا زاتي محتاره بس اشحدو اتصل علي مستحيل حتى امس جا برا م دخل سلم علي علا قالت لي غريبه قلت ليها استعجلتا انا صراحة مفترض م اوافق بس الحمد لله
جا يوم العرس وطبعا اهلي عملو لي مناسبه كبيره وجو ناس السيرة ولا حتي من الكوفير هو م جا ساقني وانا زعلت بس اعمل شنو ولمن دخلت لقيتو قاعد ف الكرسي قام بارك لي وقعد حسيت بالاحراج بس اعمل شنَو من ناحيه الولد مكسرني بس م عيشني اجمل لحظات حياتي كتمها علي المهم انتهت مناسبتي ومشينا الشقه ومن هنا بدت معاناتي 🥺🥺🥺🥺