رواية ضره من عالم اخر الفصل الثاني2بقلم نوسه حمد
بدت معاناتي من الشهر العسل اتزوجت واحد لا فاهمه عنو شي لا فاهم عني شي رغم انو مافي زول جبرو علي بس اداني احساس انو مجبور ع الزواج من اول يوم ما ركز معاي ولا اتغزل فيني ولا عبر عن فرحتو لزواجنا كنت قاعده بتوبي حق الجرتق ومكسوره شديد بس اعمل شنو انبهرت بي شكلو من غير ما اعرف معدنو جا لقاني مهمومه حسيتو كانو ما شايفني ولا بستعبط ولا الحاصل شنو ما فاهمه غير ملابسو وكانت في غرفه تانيه مشا رقد فيها انا قلبي انقطع وكنت خايفه ومتوتره وغالبني البعملو طلعت توبي وصليت اول وقت لي بعد زواجي ومفترض اكون هو معاي ويقيم بي الصلاه بس الحمد لله خلصتا صلاه وحسيت نفسي جيعانه جوع ما عادي طلعت افتش للمطبخ وفتحت التلاجه وفيها كل ما لذ وطاب ورغم اني متحضره جدا بس جد فيها حاجات م عرفتها جهزت لنفسي اكل قلت امشي اصحيهو ياكل عشان ربنا ما يسالني هو لو ماخاف فيني الله انا خوفت فيهو الله اتقدمتا اتجاه الغرفه بتاعتو سمعتو اتونس واضحك ومبسوط قلبي بقا ادق قلت معقولة هو بحب وعندو حبيبه ليه اتزوجني عشان شنو عمل كده اتمغستا شديد وما دخلت عليهو بس من اول يوم حسيت بخيانتو لي ونفسي انسدت من الاكل خليت الاكل في مكانو ورجعت رقدتا ودموعي ماليه المخده اقبل ع وين واحكي لمنو خيبه املي احكي لي علا عشان تشمت فيني اتمنيت راجل احبني زي عادل ما بحب علا بس دي قسمتي بعد معاناة وتعب حتي قدرت نومتا وماصحيت الا قريب العصر طلعت لقيتو اكل الاكل وشكلو بحب نفسو شديد ما كلف نفسو يشيل العده يغسلها صبحت عليهو حتي ركز معاي قال لي نوسه صباح الخير تسلم ايدك ع الاكل قلت ليهو ليه ما صحيتني للظهر والعصر جا ما ردا علي لمن حسيتو ما عاوز يرد مشيت منو اتوضيت وصليت الظهر وجيت قلت ليهو سند ممكن نصلي العصر مع بعض بكل بساطه قال لي انا م بصلي امشي صلي انتي انا هنا الدنيا انسدت في وشي راجل م بصلي دي كيف قلت ليهو كيف م بتصلي انت م مسلم حسيت تركيزو ما معاي او بطنش فيني مشيت ودموعي بقت سايله صليت العصر وبقيت ادعي ربنا يصبرني شكلي ح ادخل في دوامه ما يعلم بيها الا ربنا طلعتا لقيتو جايب اكل ما شفتو الا في اعلانات التلفزيون اندهشتا وما سمعتو طلع ولا سمعت الجرس ضرب قال لي تعالي اكلي جيت عاوزه اقعد في كرسي جنبو قال لي لا اقعدي هناك وبي نهره لمن قلبي انقطع وبقا يعتزر بس ما موجهه الاعتزار لي حسيت فكرو مشتت قلت ليهو نزلت جبتا الاكل قال لي اي قلت ليهو مستحيل انا كنت في الغرفه المقاصداك وما شفتك طلعتا قال لي انتي بس ما ركزتي بس مشيت جبتو وجيت قلت ليهو طيب المده دي والله ما بتطلب ليها اكل زي دا قال لي هو شنو هو تحقيق ولا شنو وكنت جيعانه شديد اكلت وعاوزه ارتب المكان قال لي لا خليهو واذان المغرب اذن مشيت صليت ودخلت الغرفه وهو دخل الغرفه التانيه عدينا بالحاله دي اسبوعين انا خايفه اطلب الطلاق الناس اقولو مالا انحكم علي بالاعدام قلت ليهو كفايه يلا نرجع قال لي خلينا نقعد قلت ليهو انت م عندك شغل كفايه اتهرب من كلامي ما ردا علي قلت ليهو ممكن سؤال قال لي اتفضلي قلت ليهو انت اتزوجتني ليه قال لي كيف يعني اتزوجتك ليه اتزوجتك عادي ولا انتي ما عاجبك انا ماقدرت ارد وهو الصراحه يعجب اي بت في جمالو انا ما شفت وبديت اسال في نفسي لي اختارني انا وانا متاكده انو بنات اهلو كلهن بكونن مكسرات فيهو وبنات دفعتو وليه ما اتزوج من زمان كل الاسئله دي ما لاقيه ليها اجابه طبعا انا من مشيت شهر العسل لا اتصلت لي اهلي لا ناس الشغل فتحت التلفون لقيت علا مرسله لي مليون رساله وناس بيتنا قلقانين علي شديد اتصلت عليهم امي قالت لي حالتك دي ما بتعرفيهو لو بتعرفيهو تعملي شنو دموعي جرت بس م حسستها قلت ليها يمه كيف وابوي كيف واخواني قالت لي ابوك شده ما غلبو مشا لي نسابتك يسال منك وقالو ليهو كويسين دا شنو العملتي دا قلت ليها معليش يمه انا كويسه وعاوزه اقول ليك نحنا احتمال نجي قالت لي سمح قبل تصلو نحنا بنصل نودي ليك حاجاتك وهديه لي نسيبتك والله يا بتي راجلك جاب لينا مال كتير بس مكان مشا ماعرفناهو ابوك لمن استلف من الشغل قلت ليها انسرق يعني قالت لي مع العرس والجوطه ما عرفنا شي المهم نحنا اتصرفنا عين بس وقعت في المال قلت ليها ربنا يعوضكم قالت لي ان شاءالله ما تشيلي هم نحنا دبرنا امرنا واخوانك رسلو ماقصرو وزميلاتك في الشغل ما قصرن جابن ليك كميه من الهدايا شي عده وملايات اشيلن كيف م عارفه المهم انك انتي كويسه كان نفسي اقول ليها يمه انا م كويسه بس اتزكرت خوفهم علي وانهم ما صدقو اني اتزوجتا قلت ليها الحمد لله بتكلم مع امي علا قدت اضاني بالاتصال قلت لي امي سلمي علي ابوي بعد نتحرك ح نكلمكم قالت لي سمح النقوم اجهز ليك الخبايز قلت ليها تمام
قفلت من امي ورجعت لي علا قالت لي نوسه من لقا احبابو نسا اصحابو يابت بالغتي معاي معقولة تنسيني بالسهوله دي والله يا نوسه من اتزوجتي قطعت علاقتي بي عادل عشان بجد نفسي انستر قلت ليها علا حبي ساي قالت لي اجي يا الحبي ساي معقولة العرس يغيرك بدل تشجعيني زي زمان من عرستي قلت لي حبي يابت العرس ماسمح ولا شنو قلت ليها لا م قصدي بس علاقتك انتي وعادل علاقه طاهره ما فيها تجاوز حدود وحبكم نقي قالت لي عشان كده ضاغطه عليهو نتزوج واقتنعت ما عاوزه اي شي لا عاوزه بيت لا شبكه لا غيرو هدي انتي كل شي جاك في صمه خشمك قلت ليها الماديات ما كل شي قالت لي مالي حاساك م مبسوطه م قدرت ارد عليها لانو سند جا داخل وهو اصلا م ركز اني بتكلم ولا ركز معاي قفلت منها واتزكرت الدهب بتاعي زكرتني ليهو علا مشيت فتحت الشنطه لقيتو ماف انخلعتا وبقيت افتش زي المجنونه قلت ليهو سند دهبي مالقيتو قال لي كيف مالقيتي انتي ختيتي وين قلت ليهو في الشنطه قال لي فتشي سمح وما ركز مع الموضوع شكيت فيهو قلت خلاص اداهو لي حبيبتو حتي الدهب ما لميت فيهو يوم كان صعب علي نومتا ودموعي ماليه المخده تاني يوم سند جاب عربيه حلوه قلت ليهو دي حقت منو قال لي حقتي حيرني شديد انسان غامض رجعنا بيتهم وكلمت اهلي لقيتهم هناك جابو لي حاجات الرحول وما قصرو مني امي لمن شافتني لمن بكت قالت لي مالك ضعيفه ومبهدله كده والناس كلها حسيتهم مخلوعه وانا من يوم مشيت شهر العسل ما عاينت لي وشي كلام اهلي هممني شيلت مرايه عاينت لي وشي ملامحي كبرت تلتين سنه حسيت اني م طبيعيه نسيبتي بحسها عاوزه تستفسر مني وسند كيف معاك ما يكون متلوم اسئلتها لي حسيت انها عارفه حاجه قلت ليها كويس الحمد لله وضبحو الكرامه والناس كلها تعاين لي ومحتارين م ركزت معاهم لانو الجواي نار وهابله فيني يوم عدا ع خير واهلي بدل يطمنو رجعو وقلبهم مقطوع علي سند قال لي يلا اوريك بيتك مشيت معاهو بيت عباره عن جنه تفاصيلو حلوه شديد بس للاسف بيت ح يكون بلا روح سند بالو مع غيري وغلبني اقول اي شي كل ما اسالو بتجاوزني مرت الايام. وانا اخدت اجازه بدون مرتب قلت لمن اشوف البحصل في دنيتي شنو اتفاجات بي زواج علا وكانت طايره من الفرحه وانا كانت نفسي مسدوده متزوجه اسم بس مشيت حضرت زواجها وعلا وعادل كانو احلي اتنين السعاده ظاهره في وشهم جاتني لحظه زعلت من نفسي اني كنت متحفظه ما كل حب حرام هسي حب علا وعادل ماكانت فيهو اي حاجه حرام وربنا بارك ليهم واتزوجو بس بعد ايه قررت اني اقرب من سند واخليهو يحبني بالذات لمن علا مشت شهر العسل وجات وكانت مبسوطه بالحياه الزوجيه الانا بقت علي اسم وطايره بي عادل وحصل ليها حمل من اول شهر وهنا انا بدا قلبي اتقطع وقلت يا نسييبه دا حلالك حاولي حببي فيك خلي يتعلق بيك اضعي لمسه ما تستسلمي انزعي الفي قلبو دي بالقوه واخفيها بي وجودك ولاحظت لي سند م بطلع قلت ليهو انت ماجز للزمن دا قال لي شغلي بالتلفون بقيت محتاره الشرطه فيها شغل بالتلفون غريبه يا دنيا
بقيت اهتم بنفسي وحاولت جاهده اني اخلي سند يحبني وغلبني عديل وكنت منهاره ورجعت اكعب من اول قلت ليهو ماشه اهلي ايام قال لي تمام وداني ليهم وامي قالت لي مبهدله راجلك اقول شنو ختي ليك حنه قلت ليها ان شاءالله قالت لي اها مافي شي غلبني اقول ليها اي شي قلت ليها لسه قسمتي م جات قالت لي ان شاءالله ربنا يرزقك بي تؤام قلت ليها امين حسيت نفسي تعبانه اتصلت علي علا وكانت بتحكي لي انها اجزت والحمل تاعبها قلت ليها ح اجيك ان شاءالله شيلت لي هديه ومشيت ليها وكنت تعبانه قالت لي نوسه مالك احكي لي وهنا دموعي غلبتني قالت لي نوسه اتكلمي لو سكتي اكتر ح تموتي انا حالك ما مطمني عشان خاطري اتكلمي عندك مشكله ولا عيانه ولا في شنو ولا سند ما كويس معاك قلت ليها سند كويس واي حاجه بس سند بحب غيري وبقيت ابكي قالت لي نوسه استهدي بالله لو بحب غيرك ليه ما اتزوجا وعجبتيهو من اول نظره قلت ليها م عجبتو حسا بي ضعيفه واستغلا الحاجه دي قالت لي طيب عرفتي كيف انو بخونك قلت ليها سمعتو في شهر العسل لمن قاعد في غرفتو اتكلم معاها قالت لي غرفتو كيف وانتو عرسان قلت ليها علا نحنا عرسان ع الورق بس مافي حاجه بيتي وبينو نهاي قالت لي كيف يعني جنيتي انتي قلت ليها جنيت بس صابره وانا جاده معاك البيني وبين سعد ورق بس علا بقت مخلوعه قالت لي ح اخلي عادل يتكلم معاهو قلت ليها حرام عليك اقول علي شنو قالت لي ماهو واحد من التلاته يا عادل يدخل يا انتي وشطارتك تخلي يحبك يا تطلقي قلت ليها نفسي اطلق قالت لي نوسه تطلقي في حاله انو كعب معاك قلت ليها بالعكس انا مفترض اطلق يا علا بس اهلي متخوفين من الطلاق واني اتخزل وانا اخترت اني استحمل واخلي يبقا لي زوج وسند قالت لي طيب دا الحل الامثل لو ما اتوفقتي فيهو عادل يدخل بس اوعك تقولي ما يدخل وبقت تقول لي الراجل بحب كده وبحب المره الكده ادتني كورس مكثف رغم انها دخلت الحياه الزوجيه بعديني بس نورت بصيرتي رجعتا منها بطاقه عجيبه وخففت ع نفسي لمن حكيت وبقت تفتش معاي لحلول المساء قلت لسند تعال لي جا رجعني وطبعا نسيبتي كل يوم تسالني من الحمل اتمنيت تسالني قدام سند عشان اشوف رده فعلو شنو كانت بتقول لي البت الشاطره تمسك راجلها عليها وتصلحو لو كعب وتبقا ليهو سند بحس ورا كلامها كلام بس ما فاهماهو كلهم غامضين عندو مرت اخو بحسها طوالي دايره تحكي لي حاجه بس خايفه
مرت الايام سمعت الباب بضرب وسند كان في الحمام مشيت فتحت الباب لقيتو ولد في عمر سند قال لي سند وين قلت ليهو في الحمام قال لي خلاص اديهو الجواز دا وقولي ليهو التاشيره جاهزه احترتا في كلامو الراجل اداني الجواز ومشا فتحت الجواز وانا كنا متزكره تاريخ زواجنا كويس ونحنا قعدنا اسبوعين مع بعض بس لفتت انتباهي لي تاشيره بتاريخ تالت يوم من زواجنا فرنسا قلبي بقا ادق وحيلي مات كيف سافر وهو ما طلع وبعديها تاشيره لدوله مصر وبتاريخ قريب من التاريخ الاول بي عشره يوم بدت الشكوك في راسي سند كيف سافر دولتين وهو قاعد معاي ما اتحرك شبر من البيت