رواية قلبه لي الفصل الاول1بقلم عهد عامر
_انت بتقول ايه يا جدو؟؟عايزنى اتجوز غزل؟؟انت مستوعب حضرتك بتقول ايه وبتعمل فينا ايه؟
الجد بحزم:ايوة واعى لكل كلمة بقولها وطالعة من بوقى ،فيه ايه يا يوسف؟هتعارضنى؟!
يوسف:العفو يا جدى مقدرش ،بس حضرتك بتطلب منى المستحيل
غزل دى انا مربيها على ايدى من وقت ما طنط عليا اتوفت وسابتها لماما ،يعنى هى فى مقام ريناد بالظبط ازاى عايزنى اشوفها زوجة ليا؟
الجد:وانا قولت اللى عايزه هتنفذ كلامى ولا لا؟
يوسف:طيب فهمنى يا جدى
الجد:افهمك ايه؟انا قولت اجيبك انت بعيد عن اى حد فى العيلة واكلمك عشان واثق فيك انا مسلمك شقى عمرى وسنينى بين ايديك عشان عارف انك أدها ،ايه اللى جرالك؟
يوسف :وانا أد كل ده يا جدى بس افهم ،اشمعنى غزل؟وليه عايزنى اتجوزها ؟حضرتك عارف انى بحب واحدة تانيه ومش شايف غيرها !
الجد: يعنى بعد كل ده لسه مفهمتش انك انت امان غزل؟مفهمتش ان وجودك فى حياتها اكبر حماية ليها
يابنى انا لو عشت انهاردة يا عالم بكرة هيطلع عليا ولا لا انا ايامى فى الدنيا مش أد اللى راحت ،عايز احافظ على غزل من غدر ابوها ومراته انت بنفسك شوفت اللى حصلها اخر مرة كانت فيها هنا ،شوفت اللى حصلها من 4 سنين واضطرت انها تسيبنا وتسافر خليت حتة من روحى تبعد عننا بسبب عمايلهم واللى قالوه عليها
يوسف بقوة:وانا مسكتش ،انا جبتلها حقها منهم وحميتها
الجد:حميتها؟بانك خليتها تسافر؟خليتها فى اكتر وقت محتاجة اننا نكون فيه معاها تبعد عننا !
يوسف:ده كان طلبها يا جدى ،خوفت تهرب زى ما كانت بتهددنا الانهيار اللى كانت فيه كان هيوصلها لابعد من كده على الأقل عرفنا مكانها فين وكنا جنبها حتى لو من بعيد وأمنالها مستقبلها وخليتها تدخل اكبر جامعة فى أمريكا وتدخل التخصص اللى نفسها فيه واهى اخر سنة عدت وخلصت امتحانات ونتيجتها ظهرت كمان ونجحت بتفوق وكنت معاها خطوة بخطوة ،ايه تانى يا جدى المفروض اعمله؟
الجد بحزم:اللى عندى قولته يا يوسف هتتجوز غزل وبكرة تطلبها منى قدام العيلة كلها ،انا كلمتها امبارح وحجزتلها وطيارتها قربت توصل اجهز عشان تروح تجيبها ،يا كده يا اما هعتبرك بتعصى اوامرى ووقتها هعرف انى خسرت سند عيلة النجار للأبد
خرج الجد وسابه فى حيرته وغضبه من كلام جده ومن كل اللى حواليه
طلع من المكتب على اوضته على طول وقفل الباب وراه ووقف فى نص الاوضة خلع هدومه ودخل تحت الدوش وهو مغمض عينه ومش عارف بتصرف ازاى ولا يعمل ايه ؟!
بتجوز بنته اللى مربيها على ايده؟طيب ازاى ؟هو عمره ما شافها غير اخته وبنته وصحبته عمره ما شافها ك زوجة ليه.
اتنهد باستسلام وخلص الشاور وخرج لبس هدومه وصلى ورش برفانه المميز ولبس نضارته ونزل ركب عربيته وساقها للمطار ووراه الحرس بتوعه
####################
وقفت الطيارة فى مطاربرج العرب الاسكندرية
نزلت غزل من الطيارة ودخلت ختمت الباسبور وخرجت تتلفت حواليها على اى حد يكون مستنيها
لمحت يوسف من بعيد ابتسمت بحب ودقات قلبها زادت وهى شايفاه جاى عليها مبتسم
يوسف:حمدلله على سلامة أجمل مهندسة فى العيلة
غزل بابتسامة :الله يسلمك يا أبيه
خلصت الاجراءات وخرجت برة المطار وهى بتبص لكل مكان حواليها بافتقاد
غزل:اسكندرية وحشتنى اوى يا ابيه يوسف ،انا مش هتنازل عن فسحة معاك زى زمان
يوسف بابتسامة:من عنيا
اخدوا الحرس الشنط من ايد يوسف وركبوا العربية وطلعوا على البيت .
كانت بتبص من الشباك بلمعة عين واشتياق للمكان اللى بتعتبره حته منها سرحت فى اللى حصل من 4 سنين بحزن بان على وشها واللى انتبه ليه يوسف
يوسف:متخليش حاجة تزعلك ولا تخلى نظرة الحزن اللى فى عيونك دى تظهر خليكى قوية دايما عارف ان اللى حصلك مش سهل لكن انتى قوية انا وجدو وتيتا رقية ربناكى على القوة مش الضعف
غزل : ده مش ضعف يا ابيه يوسف انا زعلانة انه مصدقنيش خد صفها من غير اى كلام ومكتفاش بكده ده مد ايده عليا قدام الكل هانى وقلل منى ومن كرامتى ومعرفتش افتح بقى بكلمه عشان للاسف ابويا
يوسف: ده الصح انتى معملتيش حاجة غلط تخجلى منها خليكى دايما رافعة راسك وانا فى ضهرك افتكرى دايما انك غزل النجار الللى عمرها مهتتكسر واللى انا مش هسمح بكده انه يحصل
ابتسمت غزل ورجعت بصت للطريق تانى وهمست لنفسها: هتفضل مصدر قوتى دايما مهما حصل
###############################
وصلت غزل ونزلت من العربية جري لمجرد انها لمحت جدها وجدتها واقفين مستنيينها بلهفة على الباب الداخلى للقصر ابتسم يوسف عليها ومن جواه بيدعى ان جده يغير رأيه
فتحت رقية حضنها لحفيدتها وبنت قلبها زى ما دايما بتناديها
رقية: غزل حبيبتى وبنت قلبى عاملة ايه يا حبيبتى وحشتينى اوووى كده يا غزل ؟ اهون عليكى الفتره دى كلها مشوفكيش
لمعت عيون غزل بتأثر : حقك عليا يا روكا كان غصب عنى
الجد:سيبينى احضن البنت شوية يا رقية بقا
جريت غزل على جدها ودخلت حضنه وغمضت عنيها بأمان وهمست :وحشنى حضنك اوى يا جدو
الجد: حضنى مفتوحلك دايما يا حبيبتى مش هتبعدى عنه تانى ابدا
رفعت راسها لجدها: يعنى ايه؟
رقية:مش وقته يا على تعالى يا حبيبتى الكل مستنيكى جوة
دخلت غزل القصر بحماس واول واحده جريت عليها كانت ريناد اللى حضنتها جامد
ريناد: زووزووووو وحشتنيى اووووووى
غزل : وانتى كمان يا قلبى
وشددت من حضها اوووى
اسماء: البيت مكنش ليه حس من غيرك يا حبيبتى
حضنتها غزل: وحشتينى اوى يا ماما
مؤمن: وانا موحشتكيش ولا ايه؟
غزل وهى بتضحك وبتدخل فى حضنه : مينقال كده بس يا مينو وحشتنى اووى
مؤمن: محدش غيرك يقدر يقولها يا قردة
غزل بصدمة مصطنعة: ليه؟؟ مااما مش بتدلعك؟
بصت على اسماء وكملت: عيبة فى حقك يا سمكة دى
ضحك الكل عليها ودخلوا قعدوا ف الريسبشن
غزل وهى بتتلفت حواليها: اومال نادر وسارة فين؟
ريناد: نادر نايم فوق وسارة خرجت
فى الوقت ده دخل انور ومراته من بره واول ما لمحوا غزل وقفوا مكانهم
انور بعصبية: ايه اللى رجع البنت دى تانى هنا؟؟
على بغضب: انور ، هى دى حمدلله على السلامة اللى بتقولها لبنتك؟؟
انور: انت اللى رجعتها يا بابا؟ مش كفاية الفضيحة اللى عملتها قبل ما تسافر؟
رقية: بنتك اشرف من الشرف بس انت اللى معمى بكلام اللى معاك دى خليك وراها انا جبت اخرى منك بس اللى ميرجعش يعيط بعد كدة
نجلاء بدموع: انا مش عارفة ليه حضرتك كارهانى اوى كده جايين مع اللى غلطانة وماسكينى انا ، انا لازم امشى من البيت ده
على: براحتك ، الباب يفوت جمل ،لكن لسانك ميتفتحش على حفيدتى
وبص لغزل وقال : يلا يا حبيبتى اطلعى اوضتك غيرى هدومك وارتاحى لغاية ما الغدا يجهز ، زمان الدادة فضت الشنط
هزت غزل راسها ووقفت قدام والدها وقالت بدموع نزلت غصب عنها: الله يسلمك يا بابا
وبصت على نجلاءباحتقار وسابتهم ومشيت طلعت اوضتها وقفلت الباب وراها وخلعت الحجاب وقعدت على السرير تعيط
غزل بدموع : والله ما كنت عايزة اكتر من حضن يا بابا....والله
&&&&&&&&&&&&&&&&&&&&&&&&&&&&&
فى الريسبشن
نجلاء: شوفت بنتك بتبصلى ازاى؟ والله مانا قااعدة فيها لغاية ما تغور من هنا
وطلعت على اوضتها وانور وراها بيحايل فيها
رقية:اتفقو على دى علاقة معفنه ، انا عارفة طايقها ازاى؟
بص على على يوسف بنظرة معناها "شوفت اللى حصل من اول ساعة؟"
بعد يوسف نظره عن جده ومن جواه بيحسبها كذا مرة
دخلت سارة من برة لقيت الكل متجمع
قعدت معاهم
سارة: ايه ده متجمعين ليه كده؟
ريناد: غزل رجعت
سارة بتفاجؤ: رجعت؟ازازى؟
رقية:يعنى ايه ازاى؟ده بدل ما تقولى هى فين اسلم عليها؟|
سارة بتوتر: مش قصدى يا ناناه انا ....بس
رقية:مالك يا بنتى انا اقمت عليكى الحد للى بتعمليه ده؟
سارة: لا ،انا بس اتفاجأت ....تعالى يا ريناد نروحلها
ريناد:...............
قاطع كلامهم صريخ غزل من فوق اللى خلى الكل يجرى عليها واولهم يوسف....