رواية حق مشروع الفصل الاول1بقلم فاتن جمال
كانت بتجري بسرعه علشان تلحق الحراـمي اللي سرق شنطتها
بصوت عالي قالت : حرامـ ي أمسكوا
واحد غريب : في أي يا انسه
سلمى بانفعال: انت ليس هتسال حرامي سرق شنطتي حد يمسكه
الراجل جري وراء الحرامـ ي لكن كان هرب
سلمي : يا رب تمـ وت ياللي سرقت شنطتي ، طب اعمل اي دلوقتي ..مفيش حل غير اني اعمل محضر
-----------
في القسم
سلمى : لو سمحت عايزه اقدم بلاغ
الشرطي : عن اي
سلمي : في حرامـ ي سرق شنطتي
الشرطي : اسمك وعنوانك ورقم تليفونك ؟ وقولي انسرق منك اي ؟
سلمى : اسمي سلمى سالم ال....
شنطتي اتسرقت مني في شارع ... وفيها اوراق عمل مهما جدا
الشرطي : تمام هنعمل اللازم
سلمي بانفعال: اللي هو اي ؟ هتعمل اي وانت واقف تاكل،لا وكمان مكسل تكتب كلمة من اللي قولتها ،انت اللي زيك لازم يترفد
الشرطي بعصبية: انتي عارفه انتي بتقولي اي ؟ دانا هدخلك مكان عمرك ما دخلتيه
من بعيد
عدي : في أي ؟
امير : متشغلش بالك يا عدي بيه ، دا العادي
عدي: المهم خلينا في موضوعنا ،مين المساعد بتاعي الجديد
امير بارتباك : بصراحه هو مش مساعد ،هي مساعده
عدي بصدمه وعصبيه : نعم ! انت بتقول اي ؟ فين الملف
امير مد أيده بالملف لـ عدي اللي اخده بعصبية
عدي بصوت هادئ بدأ يقرأ كل كلمه لحد ما شاف الاسم
في نفس الوقت
الشرطي بصوت عالي : دانا هدخلك مكان عمرك ما دخلتيه
سلمي بانفعال: انا اللي هعمل كدا
الشرطي : فين بطاقتك
سلمي بهدوء : عرفت انك متنفعش شرطي ،لاني قولت ليك أن شنطتي اتسرقت مني، بس علي العموم اقولك اللي مكتوب فيها
الاسم سلمي سالم
المهنه ملازم اول
عدي بص بصدمه عليها لما قالت نفس الاسم الموجود
امير بصدمه قال في سره : ملحقناش نمهد الموضوع
ـــــــــــــــــ
عدي شافها واقفه بتتكلم بكل جرأة و مش فارق معاها حد ،وطبعا دا اكتر اسلوب الرائد عدي بيكره
امير : عدي انا مليش ذنب ، سيادة اللواء هو اللي قرار يخليها معاك
عدي : هو فين
امير : في المديريه
عدي خد الملف ومشي
ـــــــــ
الشرطي بارتباك : انا اسف يا فندم
سلمي : اسمك بالكامل يكون قدامي عند رئيس المباحث بعد عشر دقايق
سلمي لابسة نضارتها وكملت وأمين الشرطه بيدلها علي أوضة رئيس المباحث
محمد : اهلا وسهلا يا كابتن
سلمي : شنطتي كان فيها ورق مهم ، وللاسف معرفتش اتصرف لاني زي مانت شايف دراعي مكسور
محمد : خير يا فندم انا هتصرف والف سلامه
سلمي : الله يسلمك، عمتنا انا لازم امشي دلوقتي لاني لازم اكون في المديريه ، وهستني شنطتي
محمد : أن شاء الله هبعت حد لسيادتك مخصوص النهارده بالشنطه
الباب خبط
الشرطي اللي اتخانق مع سلمي
قال :
اتفضلي سيادتك دا اسمي ، بس والنبي انا عندي عيال
سلمي قامت وقفت قدامه : لو عندك عيال وخايف عليهم وخايف علي رزقك ، كان المفروض تراعي مصالح الناس ، مش تقعد تحت التكييف وهو برى بيتسرق منهم كل حاجه ولما يجي منهم شخص يقولك عايز حقي ويلقيك قاعد مش موجود اصلا ، يبقي ملكش لازمه
كملت كلامها وهي بتبص لرئيس المباحث : اتصرف معاه
ــــــــــــــ
عدي دخلت المديريه وهو مش شايف قصاده
عدي : سيادة اللواء موجود
امين الشرطة : ايو يا فندم في انتظارك
اللواء عادل : اتفضل يا عدي
عدي : بعد اذنك يا فندم انا مش عايزها معايا
عادل : هي مين دي ؟
عدي : الملازم أول سلمي سالم
عادل : لي يا عدي ؟ قولي سبب واحد يخليك ترفض أن يكون معاك عنصر نسائي
عدي : يا فندم انا مقدرش اطلع ماموريه وانا شايل روح بنت ، وبعدين انت شفت الملف بتاعها ؟ دي جايه من الارياف ... يعني شغلها كله مجرد لعب عيال
عادل : علشان كدا انا طلبتها معاك ، هي مش زي مانت واحد صوره عنها ، هي مختلفه في شغلها وانا شايف انكم هتنفعه مع بعض
عدي باستغراب : تقصد اي يا فندم ؟!
عادل : اقصد انكم هتكونوا فريق عمل ممتاز ، وبعدين لازم تعمل حسابك انك الفترة الجايه محتاج بنت معاك و بعيدا عن أنظار المجرمـ ين سلمي مختلفه ، بس خد بالك هي مش وجه جديد عليهم
عدي بعدم فهمه : يعني اي ؟
عادل: بعدين هتفهم بنفسك ، المهم اتفضل علي مكتبك لأنها علي وصول
عدي خرج وهو مش مقتنع بكلام اللواء ، لكن قرار أنه يخليها هي اللي تطلب أنها تمشي من فريقه ..دخل مكتبه و رمى الملف علي مكتبه وقعد وهو بيفكر في طريقه تخليها تمشي من نفسها
الباب خبط ودخل امير
امير : اتفضل سيادتك دا ملف شحنة الادويه ، وكمان هتلاقي حاجه غريبه ... امبارح المنصوري عمل بلاغ بسرقة بضاعه من مخزنه بـ ١٠ مليون جنيه نفس سعر الادويه الفاـ سده اللي في الملف
عدي مسك الملف وهو بيرجع لوراء: مش غريبه ، هو دا باسم المنصوري ، عمل محضر بسرقه البضاعة لكن مذكرش مواصفاتها ايه ، علشان لو الشحنه اتمسكت يبقي هو برى ، الشحنه الفاـ سده تساوي ١٠ مليون ، يبقي الحرامي باع البضاعه المسرـوقه علشان يدخل بيها الشحنه الفاـ سده ، وكدا يبقي المنصوري في امان
امير : واي اللي هيستفاده ، ما اللي سرق بضاعه ب ١٠ مليون ممكن يبعها وياخد الفلوس بدل ما يدخل أدوية فاـ سده ؟
عدي : اضرب ١٠ في ٢ يساوي ٢٠مليون جنيه، الشاحنه ب١٠ مليون و هتتباع ب ٢٠مليون
امير : ازاي
عدي : المنصوري بيكسب في الحاجه نفس سعرها يعني الجاحه ب جنيه هيبيعها ب ٢ يرجع المدفوع فيها و المكسب قداها
ــــــــــــ
سلمي دخلت المديريه
سلمي : اللواء عادل موجود
امين الشرطة: أقوله مين
سلمي : هو عارف
امين الشرطة دخل وبعدها سمح ليها بالدخول
بعد ما امين الشرطه خرج قام عادل و سلم عليها
سلمي بابتسامه : وحشتني يا جدو
عادل بفرحه : وانتي كمان يا حبيبتي، عامله اي
سلمي : الحمدالله
عادل : انا رتبت كل حاجه مع عدي ،بس مش عارف ليه رافضه اني أقوله هو انتي تبقي مين
سلمي بتنهيده : تقريبا اتكلمنا في نفس الموضوع قبل ما اجي القاهره
ـــــ فلاش
عادل : بطلي يا بنتي شغلك دا ، مش كفايه لحد كدا ، وبعدين عدي ماسك القضيه
سلمي : انا عايزه اكون في فريق الرائد عدي
عادل: مش فاهم
سلمي : يعني عايزه أظهر ، عايزه احارـبهم في النور
عادل: طب باسم المنصوري و عائلتك ، انتي ناسيه أنهم لو بس حاسه أو دوره وراكي هيعرفوا انتي مين
انتي ناسيه انك بالنسبه ليهم كنز
سلمي بانفعال : انا مليش دعوه بيهم يا جدي ، وكفايه اوي اللي حصل لامي زمان والا انت عايز تعيد الماضي و تشوفني وانا المره دي بـ موـت قدامك بايدي
عادل : يا بنتي انا بتكلم عنك انتي ، لازم تعرفي أن الرجوع للقاهره تاني غلط ، انا وافقت انك تحربيهم بنفس سلاـ حهم،علشان تنقذي الناس ، إنما ترمي نفسك وسطهم ، مستحيل
سلمي : وافضل عايشه وانا خايفه الناس تعرف انا من عائلة مين و مين هم اهلي ؟ افضل خايفه اتعاقب علي حاجه مليش دخل فيها ، انا ذنبي اي ، امي غلطت زمان لما حبت شاكر المنصوري ، وغلطت اكتر يوم ما فكرت أنها تخلف منه
عادل : متلوميش فيها يا بنتي ، ادعي ليها بالرحمه
سلمي بدموع : طب وانا يا جدو ، مين يدعيلي، هي حبت و اتجوزته و في الاخر خاـ نها و بعد كل دا مقدرتش تستحمل علشاني، سبتني وسطهم و ماتـ ت ، وهو علشان حس بغلطته ماـ ت وراها ، بس بعد ما كتب كل حاجه باسمي ، علشان اكون الشخص اللي الكل بيدور عليه علشان يقـ تله بس علشان الميراث ، انت ناسي يا جدو يوم ما جيت لقتني واقفه علي طرف البلكونه ، مرات عمي بتحاول تخليني اقع علشان تبقي قضاء وقدر وقتها
عادل : والحمدلله قدرت اخدك منهم وبعدها طلعت ليكي شهادة وفاة و كتبتك علي اسم ابني
سلمي : عمو سالم ، اللي كل ما يشوفني يقولي اني شبه حبيبته .. حبيبته اللي سابته يوم فرحهم علشان خاطر شاكر المنصوري
عادل : عارفه يا سلمي لما كانوا الناس بيشوفوا سالم و هناء كانوا بيقولوا انهم توام مش ولاد عم
سلمي : الحمدالله أنهم مش توام وأنهم ولاد عم ، علشان يكون عمو سالم هو ابويا
سالم بابتسامه : يبقي تسمعي كلام ابوكي وتفضلي هنا
سلمي : انت عارف اني مقدرش ارفض ليك طلب ، بس كل الجرام بتتعمل باسمي
سكتت وبعدين قالت باسم
راندا شاكر المنصوري
عادل : يعني يا بنتي مفيش فايده
سلمي بدموع : لو عايزني طول عمري افضل شايفه نفسي مذنبه،يبقي خليني مكاني ، و عايزني اثبت فعلا اني برئيه من كل دا قدام نفسي خليني اكون ضم فريق عدي
سالم : بس يا بنتي ، انتي فعلا برئه
سلمي : بس قدام الكل شركات راندا للادويه هي المذنبه الوحيده ، يا بابا انا نفسي اقف قدام الكل وأقول إن انا راندا مش المذنبه، لا انا راندا اللي بدمر كل خطط المنصوري
عادل : حاضر يا بنتي هكلم عدي بس لما تقدري تفكي الجبس ، وهمهد ليه انتي تبقي مين
سلمي بسرعه : لا يا جدوي
عادل : لي ؟ عدي شاب متفاهم
سلمي بغصة في قلبها : يمكن نظرته تتغير من قبل ما يعرفني
عادل : خلاص يا بنتي هكلمه علي انك من الارياف و هحاول اغير في ملفك علي انك مجرد ظابط شرطة خدم في الأرياف ، ملكيش في شغل الفرق ، بس لما تفكي الجبس
سلمي : اعتبره اتفك
سماح زوجة عادل : مفيش سفر يا سلمي غير بعد ما تردي صحتك
سلمي : يا تيته انا كويسه متخافيش
سالم بابتسامه: الكبيره أمرت
مني مرات سالم : اسمعي الكلام يا سلمي ، مفيش سفر دا بعد اذنك يا عمي
عادل بابتسامه
سلمي : حتي انتي يا ماما
مني : مليش غيرك يا حبيبتي انتي و سارة
سالم بس علي حب مني ل سلمي برغم معرفتها ب أن سلمي بنت حبيبته واللي مقدرش ينساها حتي بعد ما خلف سارة و فضل يفتكر لو هنا هي اللي معا دلوقتي مش مني
ـــــــــباك
عدي : الغريبه اني مستغرب عدو المنصوري اللي دائماً سابقنا بخطوه وبيبوظ عليه خططه
امير : الأغرب ، هو اسم الشركات اللي رافض يتغير
عدي : راندا المنصوري للادويه ، ياترى اسم مين دا ؟
امير : الغريبه أن ولا شخص في عائلة المنصوري اسمه راندا
عدي : رن علي حمزه خليه يجي فوراً
امير بصدمه : ازاي ، انت ناسي أن فرحه كان امبارح
عدي : يجي ساعه ويمشي عايزه ضروري
ــــــــــ
سلمي : بعد اذنك يا سيادة اللواء، انا لازم اروح اشوف الرائد عدي
عادل ،: تمام يا بنتي
سلمي : اسمي الملازم أول
عادل : تمام يا سيادة الملازم أول
---------
أمير كان واقف برى مكتب عدي بيكلم حمزه
سلمي : سيادة الرائد عدي موجود
امين الشرطة: أقوله مين يا فندم
سلمي : الملازم أول سلمي سالم
امين الشرطه دخل لـ عدي
عدي : في أي
امين الشرطة: الملازم أول سلمي سالم عايزه تشوف حضرتك
عدي بهدوء : خليها تدخل