رواية الوصول للحب الحقيقي الفصل الاول1بقلم لولو وائل
=ممكن يابنتى تساعديني علشان مش قادره اشيل الحاجه ديه
=طبعا اكيد بس هو ممكن اسأل حضرتك سؤال هو ابن او بنت حضرتك فين علشان ينزلو معاكى السوق مش معقول يكونو بلأهمال ده
=ابنى موجود معايا بس بيشتري حاجه من هناك وجاى اهو
=طب انا همشى علشان ماما بتناديلى بعد اذن حضرتك
=ماشى يابنتى شكرا
=لاعادى ولا يهم حضرتك سلام ياطنط
=أسمى هند
=اتشرفت جدا بحضرتك وانا نور
وكانت سوف تذهب ولكن اوقفها سؤال هند
=ممكن سؤال يابنتى هو انتى عندك كام سنه وبتدرسى ولا خلصتى دراسه
=انا نور على عندى 20 سنه وبدرس فى كليه اللسن جامعة عين شمس ولسه فاضلى سنه واخلص
=ماشى يا بنتى ربنا يوفقك
= شكرا جدا انا رايحه يلا بعد اذن حضرتك
=اتفضلى يابنتى
ذهبت نور واتى ولدها الصغير محمد
=اتاخرت عليكى معلش عقبال ما خلصت ودفعت وكانت الدنيه زحمه انتى عارفه بقى موسم وكده
=ولا يهمك ياحبيبى يلا نمشى
=انا شوفت بنت كانت واقفه معاكى واول ماانا جيت مشيت مين دى وكانت بتعمل معاكى ايه
=كانت واقفه بتساعدنى علشان مكنتش قادره اشيل الحاجه ربنا يكرمها باين عليها بنت طيبه وبنت ناس ومحترمه وبصراحه عجبانى اوى البنت دي
=مش المفروض ان احنا نشكرها وبعدين عجباكى ازاى اوعى تكونى عايزه تخلصي منى بسرعه دي
=لا يابنى مش القصد بس البنت باين عليها بنت ناس ومحترمه وانت عارف بنات اليومين دول عاملين ازاى وانا مصدقت الاقى بنت تكون كويسه وبنت ناس ومحترمه وتليق بيك
=طب ممكن اشوفها الاول وبعد كدا احكم إذا هى البنت الى هكمل معاها حياتى ولا لا ومن بعد رايك يا امى طبعا
=ماشى بس خلينا دلوقتى نروح البيت وبعد كده نشوف الموضوع
اخذوا أغراضهم وتوجهوا إلى المنزل وتوجه محمد إلى غرفته وبقيت الام فى غرفت المعيشة لتلتقط انفاسها
=صباح الخير يا حج احنا جينا اهو
=حمدلله على السلامه اتأخرتى كده ليه
=الدنيا كانت زحمه مااحنا فى موسم مانت عارف
وخرج يوسف ولدها الأكبر من الغرفه وعندما رأته توجهت إليه والدته فورا وقالت
=يوسف انا عايزاك فى موضوع
=عايزه يوسف فى اي يا حجه
=هكلمه فى حاجه عادى يعنى مفيش حاجه
=طالما مفيش حاجه اومال عايزه تقوليلو لوحده ليه
=بص ياحج هقولك على كل حاجه بعدين بس سبنى اكلم الواد فى حاجه بعد ازنك
=ماشى على راحتك
=نعم يا ماما فى ايه كنتى عايزانى فى حاجه
=فى بنت شوفتها فى السوق عجبتني اوى و عايزاك تعرفلى عنوانها فين
=ليه ومين ديه وليه اخترتينى انا بذات فى حاجه زى ديه اوعى تكون البنت ديه عملتلك حاجه
=بقولك عجبانى وبعدين سبنى اتكلم وانا هقولك انت عارف انك من بعد ما انت اتجوزت وانا عايزه اجوز اخوك كمان بس كنت مستنيه بنت الحلال إلى تحبه بجد وهو يحبها وبصراحه البت ديه عجبتنى اوى فيها كل المواصفات إلى انا عايزاها لابنى بس عايزه اعرف عنوانها علشان محمد قالى عايز يشوفها وبعدين يقرر بعد قرارى انا طبعا بس عايزه اعرف عنوان بيتها
=هى قالتلك حاجه عنها
=هى قالتلى انها بتدرس فى كليه السن جامعة عين شمس فى سنه تالته
=عندى واحد صحبى فى كلية اللسن برضو ممكن يساعدني بس انتى قوليلى البنت كان اسمها ايه
=نور على
=استنى ثوانى هكلم خالد وهقولك
=ماشى
وذهب لمهاتفة صديقه
=الو ازيك يا خالد عامل اي
=الحمدلله وانت عامل اي
=انا تمام بس كنت عايزك فى موضوع مهم بخصوص بنت معاك فى الكليه
=بنت مين واسمها اي
يوسف:اسمها نور على وفى نفس دفعتك
=تقريبا سمعت الاسم ده قبل كده وانا عارف بنت بالاسم ده بس انت عارف الدفعه كبيره وكذا بنت اسمها نور هتأكد ازاى انها هى بالظبط طب قولى المواصفات يمكن اعرفها طب هى ملها البنت ديه
=كنت عايزه اشوفها بكره تعرف توصلني ليها عايزها فى موضوع مهم
=بكره عندنا حفله استقبال فى الكليه بص هحاول اخليك تشوفها تعالى بكره الساعه سابعه الصبح بس ابعتلى المواصفات الاول
= ماشى هسأل امى على مواصفاتها وابعتلك و شكرا جدا يا صحبى على المساعده
خالد:ولايهمك ياصحبى
وأغلق يوسف مع خالد وتوجه لوالدته لمعرفت مواصفات الفتاه منها
= بصى هو مبدأيا يعرف بنت بالاسم ده بس مش متأكد هى ولا لا وكمان الدفعه فيها كذا بنت اسمها نور قوليلى مواصفات البنت دى يمكن يعرفها
= انا إلى فكراه هى كانت قصيرة مش طويله ولابسه نضاره وعينها عسلى ولابسه حجاب طويل مش خمار حجاب طويل وبشرتها بيضا وعندها حسنه فى أيدها
= ماشاء الله انتى خدتى بالك من الحسنه إلى فى أيدها اومال بتقوليلى نظرى ضعف يابنى ليه
= انت بتحسدى يمكن نظرى رجع بتحصل
= بتحصل اه لما نطلب حاجه النظر صفر لكن فى جوازنا النظر سته على سته ربنا يهديكى يا امى
= ايه شايفنى مجنونه يلا ياواد اخلص عايزين نجوز اخوك
= حاضر هبعتله اهو
وأرسل لصديقة المواصفات التي قالتها والدته وعندما رأها خالد تعرف عليها فورا وتكون نفس الفتاه التى يعرفها وأرسل لصديقه بأنه يعرفها
= طلع يعرفها اهو الحمدلله
= طب الحمدلله وهتشوفها امتى بقى
يوسف:بكره ان شاء الله خالد قالى بكره فى حفله استقبال عنده فى الكليه هروح بكره اشوفها واجبلك المعلومات الى انتى عايزاها
= اى حفلة الاستقبال دى
= دى علشان السنه الجديده بيعملوا حفله ترحيب بالطلاب الجداد ويمكن فى طلاب من الدفعات القديمه بيروحو معاهم يتسلو
=ماشى ياحبيبى اهم حاجه تعمل إلى انا عايزاه
= حاضر
فى منزل نور كانت نور فى غرفتها تجهز اغراضها للحفل وأتت والدتها لتراها
= نور بتعملى اي
=مفيش ياماما كنت بجهز هدومى علشان حفله بكره حفلة استقبال الطلاب الجداد واحنا قولنا نروح نتسلى معاهم هو انا مقولتلكيش
=لا مقولتيش حاجه
=معلش نسيت اقولك متزعليش منى
=خلاص ماشى بقولك ايه متاخدى بنت خالتك الكبيره معاكى اهى تشوفلها عريس بس متقوليش على موضوع العريس ده ماشى
ابتسمت واومأت رأسها بإيجاب لولدتها وقالت بصوت منخفض =ماهو ده الى ناقص
=بتقولى ايه
= ولا حاجه بقول حاضر هخدها معايا حاضر
ذهبت والدتها وجلست نور على السرير بتأفف وقالت
=ده إلى ناقصنى أنى أخدها معايا وبعدين مفيش مرافق أخدها ازاى دى اهربها يعنى وبعدين عريس اى دى كل عريس يجلها تعمل مشاكل انا خايفه أخدها معايا تعملى مشكله ده لو عرفت ادخلها اصلا
توقفت نور عن التفكير وارسلت رسالة لابنت خالتها وذهبت للنوم وفى اليوم التالى استيقظت نور وبدأت بتجهيز نفسها وأدت فرضها وبعدها ذهبت لتتناول وجبة الإفطار مع والدتها
=صباح الخير ياماما
=صباح النور قولتى لبنت خالتك تروح معاكى
=اه قولتلها انا خلصت هعدى عليها علشان نروح ماشى
= ماشى ياحبيبتى سلام
=سلام
ذهبت نور إلى منزل خالتها وطرقت على الباب وانتظرت قليلا الى أن فتحت لها ابنت خالتها وتفاجأت بأنها ترتدى نفس ملابسها نظرت لها بالامبالاه واشارت لها بالتحرك للذهاب
وبعدها وصولو للجامعه استطاعت أن تدخل ابنت خالتها وكانت تسير نور وهى تشعر بالاختناق إلى أن أوقفها حديث احد
=انتى نور على صح
=حضرتك تعرفنى
= طبعا دانتى مشهوره فى الدفعه بشاطرتك بصراحه عايز اطلب منك طلب
=اتفضل
=كان فى واحد صاحبى عايز يشوفك هنا فى الحفله ويسألك على حاجه هو زمانه جاى لو ميزعلكيش يعنى
= هو عايزنى فى حاجه مهمه
= اه حاجه مهمه جدا
= طب هو هيتأخر
=لا اهو بيتصل عليا ثوانى وراجع خليكى اقفى هناك وانا هبعتهولك ماشى
=ماشى
ملت نور من الانتظار وشعرت بالعطش
= طب بصى انا هروح اجيب حاجه اشربها عقبال مايجو
=ماشى
وصل يوسف وانتظر خالد إلى أن أتى ورحب به خالد
=البنت جت
=اه انا قولتلها تستنى فى مكان هنا علشان تقابلك
=طب وهى فين ولابسه اى
= شايف البنت الى لابسه رمادى إلى واقفه هناك دى هى واقفه جنب بنت تانيه أهى
= اه شوفتها خلاص
وذهب إليها فى المكان الذى أشار إليه صديقه
= السلام عليكم ورحمة الله وبركاته انتى نور
نظرت له بإبتسامه خبيثه= ايوه انا نور ........