رواية الوصول للحب الحقيقي الفصل الثاني2بقلم لولو وائل
وذهب إليها فى المكان الذى أشار إليه صديقه
= السلام عليكم ورحمة الله وبركاته انتى نور
نظرت له بإبتسامه خبيثه= ايوه انا نور كنت عايز حاجه
نظر لها بشك لانه يعرف أن نور ترتدى نظارات مثل ما قالت والدته
= انتى نور ازاى نور لابسه نضاره انتى مين
شعرت ياسمين ( ابنت خالة نور ) بالقلق ولكن أتت فى بالها فكرة = ما هو انا مجتش انهارده بالنضاره انت عارف حفله وكده قولت أقلعها و اللبس لينسيز من باب التغير
= طب والحسنه
= حسنت اى انت شكلك ابتديت تخرف
شعر يوسف بالإحراج وقرر أن يتحدث فيما هو آت إليه افضل وقال=انا كنت جاى عايز اطلب منك طلب بس ياريت متزعليش منى
=اتفضل
=فاكره الست الى انتى شوفتيها فى السوق وساعدتيها
صمتت ياسمين قليلا وابتلعت غصة التوتر فى حلقها وقالت =ايوه فاكرها مالها
=انا اكون ابنها وجيت علشان اشكرك واطلب منك عنوانك علشان اخويا كان عايز يتقدملك
شعرت ياسمين بالسعادة بداخلها لأنها كانت تريد الانتقام من نور وهذه تكون افضل فرصة أمامها للانتقام ولا يوجد فرص آخره امامها فوافقت وأعطته عنوان بيتها
=ماشى ممكن تقولى رقم مامتك او رقم باباكى علشان نكلم حد فيهم ونفاتحه فى الموضوع وناخد منه معاد علشان نقابل عيلتك
صمتت ياسمين وشعرت بالقلق لأنها تعلم جيدا انها إذا أعطته رقم والدتها أو والدها وعلموا بالأمر وانها ادعت كذبا انها نور سوف يقتلوها حتما واذا أعطته رقم والدت نور سوف يعلم يوسف انها تكذب ولن تستطيع الانتقام فقررت أن تعطية رقم صديقتها التى تساعدها فى اى شئ تفعله صحيح او خطأ وتساعدها فى خطة انتقامها
=ده رقم امى ممكن تتصل بيها بس بليل علشان هى مش بترد على حد غير بليل بتبقى مشغولة الصبح
=ماشى شكرا
ذهب يوسف وبعدها بثوانى اتت نور ووجدت ياسمين على وجهها ابتسامه كبيره لا تعرف مصدرها وشعرت أن هناك شئ ما حدث وسألتها بشك
=مبسوطه كده ليه اى الى مفرحك كده
=مفيش الحفله عجبانى بس
=متاكده
=هو فى اى هو تحقيق
نظرت لها نور بشك وبعدها قالت فى نفسها =مش المفروض كان فى حد هيقابلنى هنا شكلو مشى لما ملقنيش موجوده خلاص مش مهم لما اروح هبقى اخد رقم خالد من جروب الدفعه واكلمه واسئله
انتهى الحفل وكانو ذاهبين وتوقفت ياسيمن فجأة
=وقفتى ليه
=روحى انتى انا عندى مشوار لازم اعمله
=رايحه فين دلوقتى
=مش لازم تعرفى كل حاجه انا رايحه مشوار وبعدين امى عارفه روحى انتى بقى
=ماشى على راحتك
وكانت تنظر لها نور بشك إلى أن اختفت من أمامها وقالت =من ساعت ماشوفتها مبسوطه وانا شاكه فيها لازم اعرف الاول امها تعرف هى رايحه فين ولا لا علشان لو متعرفش يبقى اكيد فى مصيبه جديده طبعا اكيد عريس وهى بتخطط ازاى تخربله حياته زى إلى فاتو وتشتغله
ذهبت نور إلى المنزل وهى تصعد الدرج وجدت خالتها بإنتظارها
=خير يا خالتو واقفه كده ليه
=كنت مستنياكو هى ياسمين مجتش معاكى ليه
=هى مقالتلكيش انها رايحه فى حتى
=لا مقالتش هى راحت فين
حاولت نور الا تشعرها بالقلق وقالت
=هى قالتلى انها رايحه عند صحبتها وجايه
= طب مقالتش هتقعد قد اى
= لا مقالتش بس اكيد مش هتطول
= ماشى يا حبيبتى يلا اطلعى احسن نسمه تقلق عليكى
= ماشى يا خالتو سلام
ذهبت خالة نور للداخل وظلت نور مكانها تفكر ماذا سوف تفعل كانت تعلم ان ياسمين تكذب وها قد تأكدت شكوكها وكانت تفكر ماذا سوف تفعل واتت فى بالها فكره = شكلى هرجع المع اوكر تانى مفيش حل غير انى اروح لبيت صحبتها بس لازم اقول لامى قبل اى حاجه الاول لتقلق
وهاتفت والدتها أخبرتها انها سوف تذهب مع ياسمين عند صديقتهم ولن تتأخر واجابتها والدتها بالموافقه
عاد يوسف إلى المنزل ووجد أخاه الصغير امامه
=ازيك يايوسف كنت فين كل ده
= امك بعتتنى مشوار هقولك بعدين بس قولى دلوقتى امك فين
= هتلاقيها فى الاوضه
=ماشى
وذهب إلى غرفت والدته ووجد والده نائم وأخذ والدته إلى غرفته حتى لا يوقظه
=خلينا هنا علشان ميصحاش وجبتلك حاجه تفرحك
=جبت ايه يفرحني اوعى تكون جبت عنوان البنت ورقم مامتها
=بظبط
=برافو عليك فين الرقم
=اهو تقريبا ممكن تتصلى بمامتها دلوقتى علشان هى قالتلى ان مامتها بترد على التليفون بليل بس
= اشمعنا بليل يعنى
= قالتلى علشان بتكون مشغوله الصبح
=طيب هات ام ارن واجرب يمكن ترد
ذهبت ياسمين إلى منزل صديقتها نادين وهى تكون صديقة ياسمين المقربه وصندوق أسرارها وتساعدها فى كل مخططاتها ذهبت ياسمين وجلست بجانب صديقتها وقالت لها أن سوف يأتيها اتصال فى اى وقت ولا تعرف متى سوف يحدث ويجب أن تجيب وتساعدها
واكملت
=عايزاكى تردى ومتقفليش علشان متخربيش الدنيا
وكانت سوف تجيب نادين عليها ولكن استمعت إلى صوت هاتفها
=فى رقم غريب بيرن اهو
=ردى بس حاولى تغيرى فى صوتك شويه
=مش لما اعرف الحكايه الاول
=ردى الاول
=طيب
=الو السلام عليكم ورحمة الله وبركاته
=وعليكم السلام ورحمة الله وبركاته مامت نور معايا
نظرت لها واشارت لها ان تجيب بنعم
نظرت لها نادين بتعجب وفعلت ما قالته لها =اه انا مين معايا
=انا مامت محمد اخو الى قابل بنتك النهارده وطلب عنوان بيتها والرقم وكنا عايزين ناخد معاد مع حضرتك علشان نيجى ونطلب ايد بنت حضرتك
نظرت نادين لياسمين بصدمة ووضعت يدها على سماعة الهاتف وقالت لها بغضب
=عريس تانى يا ياسمين بس المرادى العريس مش ليكى ده لبنت خالتك نور عايزه تخربى عليها فرحتها
=انتى عارفه انى مش بحبها وبعدين خلصى المكالمه وانا هفهمك
نظرت لها بضيق ثم اكلمت المكالمه
=الو انا اسفه الخط بس علق حضرتك لسه هفاتح باباها فى الموضوع وبعدين هديكى معاد
=ماشى خدى وقتك يالا انا هققل بقى سلام
=سلام
أغلقت هند المكامله وكانت تنظر إلى يوسف بفرحه
= يارب الموضوع يتم يايوسف واطمن على محمد كمان
= ان شاء الله بس انتى متأكده أن نور دى كويسه
= ليه بتقول كده
= اصلى حستها مريبه طريقة كلامها وحركاتها وكانت كل شويه لما اقولها حاجه تسكت شويه وبعدين ترد حستها مريبه ومش طبيعيه ومخبيه حاجه وبعدين الوصف إلى قولتيه حسيت انها بنت جميله و إلى شوفتها مش كده خالص هى حلوه بس مش بنفس وصفك
= ازاى بقى انا نظرى ضعيف اه بس مش عاميه البت حلوه فعلا انا مش بكدب
= انا مش بكدبك بس إلى انا شوفتها حاجه تانيه فى حاجه مش طبيعيه
= قصدك اى قصدك انها بنت مش كويسه
= اكيد مش ده قصدى انا قصدى أننا نسأل عليها الاول ونطمن انتى يعتبر شوفتيها مره واحده واكيد الشخص مش بيتعرف من مره
= بس أنا حساها بنت كويسه وبنت ناس
= مش بالإحساس ياامى فى حاجات مش بتبان وقتها وانا مقلق منها من ساعت ما شوفتها انهارده
= انت هتخوفنى ليه يابنى يعنى اكلم امها واعتذر
= اكيد مش قصدى كده كل إلى طالبه أننا نسأل عليها ونعرف معلومات عنها اكتر علشان نبقى مرتاحين بدل ما نعمل خطوبه ويحصل جواز وتطلع بنت مش كويسه ده لو عجبت محمد ووافق عليها اصلا
= خلينا نسأل عنها زى ما بتقول اهو نبقى متأكدين برضو ومندخلش المشاكل بينا والى فى الخير يقدمه ربنا
= ان شاء الله
وبعد أن أغلقت نادين المكالمه كانت تنظر إلى ياسمين بغضب وقالت=قوليلى بقى فى ايه واى حكايه عريس نور واخو العريس الى شافك النهارده ده
اجابتها ياسمين بإبتسامه خبيثه= كنت انهارده فى حفله مع نور ومكنش عندى نيه لاى حاجه وجتلى هديه لحد عندى واحد جه وقالى أن نور ساعدت مامته وعجبتها وعايزاها لابنها اسيب الفرصه دى من ايدى يعنى دى فرصتى أنى أدمر نور
=يابنتى ارحمى نفسك البت معملتلكيش حاجه علشان تعملى معاها كده والناس دى ذنبها اى تلعبى عليهم دول شكلهم ناس محترمين
= ده على اساس إلى فاتو مكنوش محترمين ولا فجأه عايزه تتوبى وتطلعينى انا بس إلى وحشه
= نور لو عرفت هتبقى مشكله كبيره ارجعى عن كل ده يا ياسمين وكفايا لحد كده
= بالنسبه لنور مش هتعرف ولو عرفت هيبقى منك انتى لأن محدش يعرف حاجه غيرى انا وانتى ولو جربتى تقولى حاجه هتزعلى وهكشف القديم كله
= ياسمين انتى مريضه بجد
= ده مش مرض انا باخد حقى بإيدى
= حق اى إلى بتتكلمى عنه انتى بتدمرى حيات شخصين وتقولى حقى
= نادين لو كلمة طلعت بره ونور عرفت هتزعلى اوى منى وهفضحك
صمتت نادين وكانت تشتغل من الداخل وقررت انها لن تخبر أحدا ونظرت للأرض بدون حيله
= مش عايزه كلام فى الموضوع ده تانى نادين انتى عارفه انى بحبك وانتى اكتر من اخت ليا وانا مش عايزه اعملك حاجه
= اه طبعا ما هو واضح الحب
= انا همشى بقى علشان اتاخرت ولما اروح هكلمك
=ماشى واقفلى الباب وراكى
= ماشى
ذهبت ياسمين وكانت تفتح الباب لكى تغادر ووجدت نور أمامها وصعقت مكانها..........