رواية فارس الفصل الاول1بقلم جني عمرو
سلمي تلم شعرها اللي واصل لنص ضهرها ولونه اسود فيه لمعه وتلف طرحتها : يلا يبت يا هاجر عشان نلحق
**ملحوظه سلمي عندها 21 سنه وتبقا اخت هاجر**
هاجر بتعمل ديل حصان بشعرها الكيرلي الطويل العسلي والشمس تيجي ف عينيها العسلي وتحط أيدها عليها وترفع عيونها علي صورة امها اللي متوفيه من 15 سنه وتقول بكسره : ربنا يرحمك يا نور عيني
**ملحوظه هاجر عندها 19 سنه**
سلمي من الاوضه التانيه : خلصي يبتتت
هاجر : ماشي ماشي خلصت اهو بلم شعري بس
**تليفون سلمي يرن ومكتوب دودتي**
سلمي : الو يا ماما انتي وصلتي؟؟
داليا : ايوه وصلت اهو تحت البيت انتو خلصتو؟؟
سلمي : ايوه خلاص هاجر بتلبس الشوز ونازلين اهو
داليا : ماشي يحبيبتي يلا باي
**تقفل المكالمه وينزلوا البنات ويركبو العربيه**
************
هاجر : ها يا دودو هنروح فين
**داليا بتظبط الروچ وبتعدل شعرها وبيرسينج حواجبها بيلمع من الشمس, عندها 38 سنه وتبقا مرات ابو سلمي وهاجر**
داليا : بصي هنروح الاول ناخد دينا ومريم وفجر ونروح السينما ايه رأيكو؟؟؟
سلمي : ماشي أنا موافقه
هاجر : وانا جداً يلا بينا
**يتحركوا ب العربيه ويوصلوا عند دينا**
************
داليا : انزلو علي ما اركن واجي
هاجر : ماشي بس انجزي
داليا : ماشي
**تركن داليا وتطلع هي والبنات**
خبطت داليا خبطتين تقال
دينا : مين؟
داليا : افتحي يستي هو في حد بيجيلكو غيرنا
تفتح دينا، وتظهر بطرحتها السودا والدريس الأسود وبشرتها القمحية الفاتحه.
طويله ورفيعه وريحة البرفيوم بتاعها مغرقه الشقه.
لابسه خاتم دهب بيلمع من نور الشمس.
**ملحوظه دينا عندها 42 سنه وتبقا ام مريم وفجر وفارس وتبقا ل داليا سلفتها (مراة اخو جوزها)**
دينا : اتفضلوا يا هوانم فينكم كل ده
هاجر : والله يا مراة عمي الدنيا زحمه حبتين
دينا : مااااشي هعمل نفسي مصدقه يقلب مراة عمك
داليا : اومال فين مريم وفجر يلا عشان هنتأخر
دينا : هتلاقيهم بيحطو ميكب ولا حاجه
هاجر : هو فارس موجود يا دينا؟؟
دينا : والله يبنتي ف مشوار مش عارفه هيجي امتى استني هرنلك عليه
**صوت المفتاح دخل ف كالون الشقه والباب اتفتح**
ظهر راجل طويل وعريض عضلاته باينه من التيشرت النص كم ووشم الافعى السودا عند معصمه.
دقنه تقيله سودا وطالع منو ريحة برفان رجالي.
شعره الاسود الكيرلي بيلمع ف نور الشمس.
**ملحوظه فارس عنده 24 سنه ويبقا ابن عم هاجر**
فارس : اهلاً اهلاً عاملين ايه
داليا : الحمدلله يحبيبي انت كويس؟؟
فارس : اه يقلبي.. ازيك يا سلمي ازيك يا هاجر
هاجر : الحمدلله كويسه انت كويس؟
سلمي : كويسين والله
فارس : يارب دايماً تبقو كويسين، ايه خارجين ولا ايه؟
داليا : اه لقيت البنات زهقانين قولت اعدي اخدهم ونروح سينما ولا نتغدا بره اي حاجه و اهو يفكو جو شويه
فارس : ماشي يحبيبتي يارب تتبسطوا
داليا : ما تيجي معانا؟؟ الخروجه مش هتبقا حلوه من غيرك
فارس : شايفين كده يعني؟؟
داليا : اه طبعاً
فارس : ماشي خلاص هاجي😂
داليا : طب يلا.. يا فجر انتي ومريم انجزوووووو
فجر تطلع ب البيرسينج بتاع شفايفها ومسيبه شعرها مقصوص لونه بُني غامق.
بشرتها بيضا وعيونها زرقه شويه.
عندها 18 سنه وتبقا اخت فارس الصغيره.
تجري علي هاجر : جوجوووو وحشتينييييي
هاجر وهي بتحضنها : وانتي اكتر يعيوني
دينا : انتو مش كنتو بتتكلمو امبارح لحقتو توحشوا بعض😂!
داليا : متخلفين… اومال الست مريم فين؟؟؟
مريم : ايوه جايه اهووو
داليا : راميه ودنك معانا ليه😂
تطلع مريم من الاوضه ب كحكة شعرها الطويل الأسود.
بشرتها بيضا.
نفس طول امها.
عندها 21 سنه وتبقا اخت فارس.
تلبس النضاره وترفع عيونها السوود وتبص لداليا.
مريم : انتي اللي صوتك عالي يستي😂
داليا : ماشي يختي يلا بقا ولا ايه
دينا : يلا
************
**يطلعوا من البيت وينزلوا عند العربيه**
داليا : مين هيركب معايا؟؟؟
مريم وسلمي وفجر ودينا : انا
داليا : وانتي يست هاجر هتركبي مع فارس؟
هاجر : ايوه
داليا : طب يلا… خلي بالك منها يا فاااارس
فارس : عيب عليكي يا دودوووو
**يركبو العربيات ويتحركوا**
هاجر باصه من شباك العربيه ومدايقه
فارس : مالك قالبه بوزك ليه
هاجر : انت ليه مقولتليش انك رايح مشوار؟!!!
فارس : مكنتش عايز أقلقك والله وبعدين أنا عارف انكو هتيجو النهارده ف كده كده كنت هشوفك واقولك
هاجر : أنا ببقا عايزه اعرف انت فين ليه تسيبني بالي مشغول وافضل ابعتلك ومتردش عليا مش فاهمه؟!!
فارس مسك إيديها وباسها : حقك عليا أنا آسف مش هتتكرر تاني
هاجر شدت إيديها وبصت للشباك تاني
**بعد شويه يقابلهم كمين، عربية داليا قدام عربية فارس**
الظابط شاور ل داليا تعدي ووقف فارس
الظابط : البطايق
فارس طلع بطاقته واداهاله
الظابط بص علي البطاقه شويه وبص لفارس وقاله : انزل
فارس بص لهاجر ونزل ووقف مع الظابط بعيد
الظابط : انت مطلوب القبض عليك
فارس : ايه؟!!!! ده ليه يا باشا؟
الظابط : من غير كلام كتير اطلع معانا ع البوكس من غير شوشره، عسكري خدو ع البوكس
فارس : ثواني يا باشا طيب نتفاهم
العسكري يشدو ع البوكس ويمشوا
هاجر : ينهار اسود، فارسسس يا فاااارسس
الظابط يقرب عليها وهي تنزل من العربيه
هاجر : حضرتك خدتوه ورايحين فين فارس معملش حاجه
الظابط احسنلك امشي من هنا بدل ما يحصل مشاكل
هاجر تمسك التليفون وترن علي داليا
داليا : فينكو يبنتي
هاجر بعياط : الحقي يا ماما خدو فارسسس
داليا : ايه؟؟؟؟؟ ازاي ومين اللي خدو…. اهدي يبنتي مش فاهمه حاجه براحه انتو فين طيب
دينا : خدو مين يا داليا في ايه
داليا : استني يا دينا، هااا انتو فين يا هاجر
هاجر : أنا عند الكمين اللي عديتي عليه من شويه
داليا : طب خليكي زي ما انتي أنا جايه متخافيش
تقفل داليا وتتحرك وتروحلها
هاجر تجري علي امها وتحضنها
هاجر ب انهيار : خدو فارس يا ماما
داليا : اهدي يا حبيبتي كل حاجه كويسه متخافيش…
لو سمحت
الظابط : اتفضلي
دينا تنزل من العربيه وتروح للظابط
دينا : ابني فين يا حضرت الظابط
الظابط : ابنك عليه حكم يا أستاذه
دينا : ايه؟!! حكم ايه ده
الظابط : ابنك……..