رواية الوصول للحب الحقيقي الفصل الثالث3بقلم لولو وائل

ذهبت ياسمين وكانت تفتح الباب لكى تغادر ووجدت نور أمامها وصعقت مكانها.

نظرت ياسمين لنور بصدمه وقالت لها بقلق واضح

=نور انتى بتعملى اى هنا

نظرت لها فى شك=انتى إلى بتعملى اي يا ياسمين فى الوقت ده عند نادين

=بزور صحبتى عادى يعنى كانت وحشانى

اجابتها نور بسخريه =كانت وحشاكى متأكده انك مش بتعملى حاجه تاني

=لا مش بعمل حاجه هكون بعمل ايه يعنى وبعدين اى كل التحقيق ده

نظرت لها نور بشك وانها تعلم ان ياسمين تنوى على فعل شئ وأنها بتأكيد أخبرت نادين بما ستفعله ولكن إذا ذهبت و سألت نادين لن تخبرها نادين بشئ لأن نور تعلم ان ياسمين تهدد نادين وظلت تنظر نور لياسمين فى صمت

شعرت ياسمين بالقلق الشديد من نظرات  نور لها وكانت خائفه أن تكون نور استمعت لشئ مما قالته قبل قليل وأنهت هذا الصمت وقالت =اى إلى فى راسك يانور شاكه فيا ولا اى ولا سمعتى حاجه مثلا

اجابتها بالامبالاه = سمعت ايه انتى بتتكلمى على ايه هو فى حاجه ولا اى

شعرت ياسمين ببعض الطمأنينه من حديث نور وشعرت أن نور لم تستمع لشئ وحاولت أن تهدء نفسها حتى لا ينكشف أمرها وظلت شارده إلى أن تحدثت نور فجأه

= يلا نروح ولا هتباتى عندها

=لا لا يلا نروح

عادو إلى المنزل وودعت نور ياسمين وصعدت إلى منزلها وذهبت فورا إلى غرفتها وأغلقت الغرفه وظلت تفكر فيما استمعت له وكانت تفكر بصوت عالى وقالت=انا لازم اعرف الى بيحصل انا سمعت كلام عن جواز وتحديد معاد بس مسمعتش كانو بيكلمو عن مين بالظبط انا لازم اعرف كل حاجه بتفصيل ومش هسكت الا لما اعرف ياسمين ناويه على اى المرادى

دخلت ياسمين إلى المنزل ووجدت والدتها جالسه وبإنتظارها ويعتلى على ملامحها الغضب واقتربت من ياسمين وقالت =كنتى فين كل ده يا استاذه

=كنت عند واحده صحبتى و جيت مع نور مكنتش لوحدى

=تلاقيها لما شافتنى قلقانه راحتلك فيها الخير

=طب خلاص محصلش حاجه كبيره يعنى

=لما تروحى فى حته بعد كده يا هانم على الأقل اتصلى بيا عرفينى مش تخلينى افضل قاعده قلقانه عليكى كده

=حاضر انا دخله الاوضه

=ماشى انا هعديها المرادى بس المره الجايه انا مش هسكتلك

ذهبت ياسمين إلى غرفتها وأغلقت الباب وجلست على السرير وهى خائفه من ان تكون استمتعت نور لاى شئ لأنها تعلم ان نور تعلم بكل شئ تفعله وهذه المره ليس العريس لها بل لنور واذا علمت سوف تقول كل شئ لعائلتها وعائلتها سوف تقتلها حتما

فى اليوم التالى فى مكان أخرى عند محمد كان يجلس مع صديقه فى النادى يلتقط أنفاسه بعد التمرين وتناول قارورة الماء وأخذ يرتشف منها قطرات يسيرة واتى صديقه وجلس بجانبه

=اى اخبار التمرين

=اهو كلو تمام المهم بس اتحسن وارجع النادى تانى

=ان شاء الله الاصابه تخف وتبقى زى الفل وترجع تلعب احسن من الاول يمكن يتعدل الأداء شويه

=يعنى هو لاعب واحد بس إلى هيعدل الأداء فى الفريق يا معتز انت كمان

=يمكن اى حاجه بجد انا مش عارف ليه المستوى بقى فى النازل كده

= يمكن عدم توفيق واهى فتره وهتعدى

=عدم توفيق للفريق كله

=بتحصل المهم كنت عايزك فى موضوع

=موضوع اى قلقتنى

=لا مفيش قلق ولا حاجه عايزك تقولى بس اى رايك فى الحب والجواز

=وهو مين فهمك أنى اتجوزت

=قصدك اى ده الكل عارف انك اتجوزت ومطلق

=انا اه قولت للكل كده بس فى الحقيقه محصلش

=اومال قولت كده ليه واى إلى حصل

= قولت كده علشان إلى حصل ميتقالش بس انت اخويا مش صحبى بس علشان كده هقولك

=قول

=انا فعلا كنت هتجوز بس بتخطيط من أمى جبتلى عروسه قالتلى عجبتها وسمعتها حلوه وبنت محترمه وبنت ناس وانا طبعا رفضت الفكره ومكنتش عايز بس امى الحت كتير لحد ما وافقت ومعداش كام يوم وراحت جابت رقم ام البنت وكلمتها وخدت منها معاد وكان بعدها بيومين وروحنا وانا لما روحت وشوفت البنت بينى وبينك مرتحتش معرفش ليه صح هى مكنتش جميله اوى بس ملامحها مقبوله مش شرط تكون فائقه الجمال يعنى المهم اخلاقها انا لما قعدت معاها لوحدنا محستش براحه خالص كنت حاسسها من البنات إلى بوشين كده ومرتحتش خالص اتكلمنا مع بعض شويه وهى بترد تقول ملاك وعروسه اى حد يتمناها بس أنا جوايا بيقولى اهرب مكملتش وفعلا استأذنت منها وخدت امى ومشيت من غير ما اتكلم نص كلمه

=انت كده هنت البنت واهلها

=منا مكنتش حاسس بنفسى ومكنتش مرتاح خالص واول مره يحصل معايا كده لانى اتقدمت قبل كده لبنتين وعمرى ما حسيت الأحساس ده بس رفضتهم لانى مكنتش عايز اخد بنت اظلمها معايا وانا كنت لسه على قد حالى لكن حاليا بقيت فى نادى كبير والوضع اختلف وطبعا أمى مسكتتش وفضلت تلح عليا أنى اوافق واديها فرصه يمكن اكون ظالمها وانا زهقت طبعا من الزن ووافقت وامى كلمت أهل البنت واعتذرت وقالت أننا موافقين ومستنين موافقة البنت والبنت وافقت بسرعه غريبه حتى مثلا ترفض بسبب الاهانه إلى اتعرضتلها لا ووافقت على طول وانا كنت مستغرب جدا وفعلا بعدها باسبوع روحنا وخطبتها بس مكنش فى حد قاعد من عيلة اهلها حتى أمى سألت امها مفيش أهل للعروسه قالت إن كلهم مسافرين حتى إلى ساكنه معاهم فى العماره برضوه مسافره بس هيجو على الفرح وحسيت انها بداية مبشره واستأذنت مامتها اقعد اتكلم معاها شوية فى البلكونه يمكن اغير رأيى واطلع فعلا ظالمها

=واى إلى حصل بقى

=لما دخلنا وقاعدنا البنت حرفيا أسلوبها اتغير ميه وتمانين درجه قولت يمكن زعلت وكانت عايزه تعاتبني ولا حاجه بس لا هى لقتها فجأه بتورينى صور ليا مع البنات إلى اتقدمتلهم قبلها وقالتلى

فلاش بالك

= تعرف لو الجوازه دى مكملتش هعمل فيك اى هروح النادى وافضحك انك اذيت البنات دى واستحمل بقى إلى هيجرالك سمعتك هتبوظ ومش هتلعب فى اى نادى تانى و هتبقى فى الشارع

= انا معملتش حاجه للبنات دى وانتى بتقولى الكلام ده على اساس اى

= على الأساس ده

وأخرجت تسجيلات بأصوات الفتيات وصدم معتز مما أسمتع له وقال

= ده اكيد مفبرك مستحيل يقولو كده

= لا مش مفبرك حقيقى بس هما كانوا تحت التهديد اصل مكنوش هيقولو غير بالطريقه دى وانت للاسف مش هتعرف تثبت ده وحياتك هتتدمر ها رأيك اى تكمل الجوازه ولا تعيش فى جنازه

= انا مش عارف اقولك اى بجد انتى شيطانه كنت حاسس انك مش كويسه من البدايه الجواز عمره مكان بالشكل ده

= ماانت مش عارف اى حاجه ومكنش ينفع يحصل غير كده

= انتى بجد مريضه انا ماشى احسن

=ماشى بس لو لغيت حاجه انت الى هتزعل

بالك

= طب وعملت اى خلصت منها ازاى

=من عند ربنا بعدها بأسبوعين فى بنت كلمتنى معرفش جابت الرقم منين وقالتلى انها هتساعدنى اخلص منها

=ومقالتش اسمها

=لا ولا اى حاجه ولا اعرف اسمها ولا حتى شوفتها هى كلمتنى وعدى يوم وتانى يوم كلمتنى وقالت

فلاش باك

=دلوقتى انت حر تقدر تفسخ وترجع الدهب كمان

=بجد طب عملتى كده ازاى وفى يوم واحد

=مش مهم تعرف ازاى المهم انك تبعد هنا وياريت عن المنطقه كلها علشان متعملكش حاجه تانى لأنها مش هتسكت لو شافتك

=بجد انا مش عارف اشكرك ازاي

=ولا يهمك ده كان لازم يحصل من الاول يلا انا لازم اقفل سلام

باك

=وفعلا فسخت معاها وخدت الدهب وقررت أعزل مع أهلى

=وامك سابتك عادى

=طبعا بعد إلى عرفته قبل ما نمشى كانت لازم توافق

=عرفت اى

=يوم ما خدت الدهب وكنا ماشيين لقيت شابين من نفس المنطقه كانو معزلين برضو ولأن أمى بطبعها بتحب تتكلم مع الناس عرفت من الست انها معزله بسبب ابنها وقالت إنه كان خاطب بنت بس طلعت مش كويسه وخد الدهب وقرر انه يسيب المنطقه والمفاجأه بقى أن ام الولد التانى قالت نفس الكلام ونفس إلى حصل معايا حصل معاهم وامى اقتنعت أن البنت دى مش كويسه فعلا ومشينا وجينا قريب من هنا بقى وطبعا كلهم هنا شافوا الدبله فضلت بيها فتره وقولت أنى كنت عامل فرح عائلى على الضيف ومعزمناش ناس كتير وقعدت كام شهر بيها وبعدها قولتلهم أن محصلش نصيب وطلقت اكيد  مش هقولهم حاجه زى دى

=اى البنت دى بجد دى مريضه فعلا يترا عملت كده فى كام شاب

=حاليا مش عارف بس فى وقتها كنا تلاته

=الفكره أن أمى برضو جايبه عروسه من اختيارها وقالت إنها هجباها وكلمت أهلها كمان

=هو انت ممشتش من المنطقه

=لا

=بص انا مش هخوفك يمكن تطلع بنت تانيه بس خايف يحصل معاك إلى حصلى

=طب والعمل

=خلينا نروح ناخد دش ونغير وبعدها نشوف مكان هادى ونقعد ونفكر

=ماشى يلا

كانت نور جالسه على السرير وتفكر فيما استمعت له ليلة أمس وقررت أن تتحدث مع نادين لتعرف منها كل شئ وأخذت هاتفها وهاتفت نادين

=الو يا نادين عامله اى

=الحمدلله و انتى عامله ايه

=الحمدلله

=دايما ياروحى كنتى عايزه حاجه

=كنت بس عايزه اعرف ياسمين كانت بتعمل ايه عندك امبارح بس بدون كذب وانا مش هقولها حاجه

أجابت بتردد= مش بتعمل حاجه كانت بتسأل عليا

=عليا انا برضو الكلام ده بس هى اكيد هددتك بأى حاجه علشان كده مش عايزه تتكلمى

=بصى انا مش هقدر اقول حاجه بس ممكن المحلك

=عريس صح

=حاجه زى كده بس مش ليها هى ومش هقدر أوضح اكتر من كده

علمت نور بأن هناك حيله جديده وتأكدت شكوكها الان ولكن إذا لم يكن العريس لياسمين لمن سيكون وشردت نور فى أفكارها وقطع شرودها صوت نادين

=الو انتى روحتى فين

=مروحتش فى حته انا معاكى ماشى شكرا يا نادين متقوليش لياسمين انى سألتك على حاجه

=ده اكيد متخافيش يلا انا هقفل بقى علشان ورايا شغل سلام

=سلام

أغلقت نور الخط وكانت تفكر فيما قالته نادين لمن يكون العريس إذا لم يكن لياسمين وكانت تفكر بصوت عالى وقالت

= العريس ده هيكون لمين لازم اعرف مين العريس واحاول اتواصل معاه علشان مخليش ياسمين تعمله حاجه وهقوله الحقيقه واعرف منه اسم البنت الى هو عايز يتقدملها علشان اجمعهم مع بعض

بعدما أغلقت نادين الخط كانت تشعر بالضيق الشديد لعدم اخبار نور بالحقيقه كامله ولكن قالت فى نفسها انها سوف تحاول مساعدة نور فى معرفة كل شئ ولكن فى الخفاء دون معرفت ياسمين لأن نور ساعدت نادين كثيرا وهى تريد أن تساعدها مثلما كانت تفعل معاها

كانت تدرس نور طول اليوم إلى أن ذهبت فى نوم عميق واستيقظ ووجدت وجه ياسمين أمام وجهها تمام ونهضت من مكانها مذعوره

=اعوذ بالله من الشيطان الرجيم اى ده

=صباح الخير يا احلى بنت خاله فى الدنيا

=احلى اى يا حبيبتى و بعدين فى حد يخض حد كده

اجابتها بالامبالاه= انا مستنياكى تحت خلصى وتعالى

نظرت لها إلى أن ذهبت =لاحول ولا قوة الا بالله اى العته إلى على الصبح ده اكيد هببت حاجه خلينى اجهز واعرف هببت اى

تجهزت وذهبت الى الاسفل ووجدت الجميع مجتمع وعلى ملامحهم سعاده كبير ولكن لم يراها احد وقالت ياسمين

= اهى نور جت

وفجأه استمعت إلى هتافات وزغاريد عاليه ...........

                   الفصل الرابع من هنا