رواية ضره من عالم اخر الفصل الثالث3بقلم نوسه حمد
مرت الايام سمعت الباب بضرب وسند كان في الحمام مشيت فتحت الباب لقيتو ولد في عمر سند قال لي سند وين قلت ليهو في الحمام قال لي خلاص اديهو الجواز دا وقولي ليهو التاشيره جاهزه احترتا في كلامو الراجل اداني الجواز ومشا فتحت الجواز وانا كنا متزكره تاريخ زواجنا كويس ونحنا قعدنا اسبوعين مع بعض بس لفتت انتباهي لي تاشيره بتاريخ تالت يوم من زواجنا فرنسا قلبي بقا ادق وحيلي مات كيف سافر وهو ما طلع وبعديها تاشيره لدوله مصر وبتاريخ قريب من التاريخ الاول بي عشره يوم بدت الشكوك في راسي سند كيف سافر دولتين وهو قاعد معاي ما اتحرك شبر من البيت سند طلع من الحمام لقاني واقفه محتاره قال لي دا منو قلت ليهو زميلك اندهش قال لي زميلي منو قلت ليهو ما عارفه منو واداني جوازك قال لي جوازي بي استغراب حسيتو مافاهم حاجه قلت ليهو اي دا جوازك وقال ليك التاشيره جاهزه انت مسافر ولا حاجه ماردا علي وشال مني الجواز قال ليها اها اتزكرتا قلت ليهو سند انت متين سافرت فرنسا ومصر وانت كنت معاي اضايق مني وبقا يزوغ في الموضوع وقال لي لو سمحتي يا نوسه تاني ما تقربي من حاجاتي قلت ليهو اساسا انا ما قاعده اهبش حاجاتك ودا زول طقا الباب ومحتاره انت كيف تسافر وقاعد معاي ما ردا علي دخل وقفل الغرفه عليهو شككني في روحي يا انا بقا بتهيا لي يا في حاجه غلط اصبر ولا اطلق انا غلبني خلاص واكتر شي موترني انو ما بصلي خايفه منو بقيت اليوم داك احترتا وطشيت شبكه وما عملت اي شي طقا لي باب الغرفه فتحتو قال لي جيعان م عملتي اكل قلت ليهو لا تعبانه محتاجه ارتاح قال لي تمام سلامتك الف سلامه ارتاحي انا بجهز الاكل قلت ليهو سند طلقني قال لي نوسه مالك فشنو طالبه الطلاق قلت ليهو انت ماشايف في شي انت منو انس ولا جان قال لي نوسه اشششششش وطي صوتك حسيتو خايف وقفل لي خشمي انا خلاص فقدت الامل في نفسي قلتا احلني منو الله دفرتو وقفلت الباب قلبي اضرب فجاه سمعتو بتكلم بصوت عالي وبقول ليها هي ما سالتك ما تازيها لو ازيتيها كانك ازيتيني انا حسيتو بتكلم بالتلفون وكان منفعل فتحت الباب عشان اقول ليهو سند خليك معاها وطلقني من غير ازيه ليك حرام عليك تدخل حياتي وتدمرها فتحت الباب ع اساس اشوف سند بتكلم بالتلفون اتفاجات انو مقبل ع الحيطه وبتكلم كانو شايف زول ومنفعل شديد قلت ليهو سند قول بسم الله طاخ اداني كف قال لي ادخلي جوه ما تطلعي انا كانو كفتني شيطان اصلا القوه الانضربت بيها دي ما قوه انسان وهنا خلاص انا ودعت نفسي الخوفه قطعت قلبي دخلت شيلت تلفوني اتصل لقيت مافيهو شبكه قفلتو وفتحتو ميه مره مافي شبكه وبقيت محبوسه في غرفه حسيت البيت مسكون النوم طار من عيوني وسند زاتو شاكه فيهو وبقيت حاسه انا في عالم اخر مافي الدنيا وسند ماقادره اتفاهم معاهو اتندمت اني اتزوجتو وبديت اتزكر في التفاصيل اختفاء الدهب الختيتو بي يدي والمال الاهلي ما لقوهو وجاتني حمه من السماء لمن بقيت اهضرب هو سمع صوتي وقال لي نوسه جسمك مسخن ح اوديك الدكتور حسيتو في صراع مع زول انا ما شايفاهو وبقول ليها دي مرتي وانا شرطي معاك اني اتزوج وخليها في حالا هي م تستاهل منك تدمريها انا قلبي دقاتو زادت وحسيت انو قوتي انتهت خلاص اخر حاجه كنت اتوقعها اعاشر لي ناس ملبوسين وما اي ناس دا راجلي الطلعت بيهو من الدنيا وداني المستشفى والدكتور اسعفني وفي ممرضه كده اظنها اعجبت بي سند وتشيل وتغمز ليهو شايفاني شينه وهو سمح قالت تشاغلو وهي م جايبه خبر انا بي شناتي دي انظلمتا فجاه سند بقا يرطن معاها وهي شكلها خبرتها ما شديده قالت ليهو انت دكتور قال ليها اي انا حضرت الدكتورا في انجلترا انا بقيت منططه عيوني الدكتور جا داخل طوالي السستر الشليقه قالت ليهو دا طبيب وقاري بره الدكتور بقا يرطن وسند يرطن انا والسستر فاتحين خشمنا الدكتور قال ليهو م شاء الله شكلو خبرتك قويه سند بتكلم كانو هو دكتور انا زاتي صدقتا وبقيت مخلوعه بعد طلعو مني قلت ليهو سند انت ضابط ولا دكتور ما ردا علي غير الموضوع ولغايه ما مشينا الحسابات بتاع الحسابات قال ليهو الحساب عشره الف سند طلع رزم قروش دولارات كتير المحاسب بقا مخلوع اداهو كم ورقه من ابو ١٠٠ دولار بتاع الحسابات قرب يغمي عليهو بقا شغال ليهو يا استاذ م عندنا فكه قال ليهو ببساطه خلي الباقي معاك انا هنا عرفتا سند مخاوي القروش والبتكلم ع اساس انو دكتور دا ماهو بقيت مرعوبه وقلبي مقطوع وما لاقيه حل وصلنا البيت وما لاقيه شبكه اتصل بيها ومافي زول بجي علينا سند حارسني لا شغله لا مشغله مره يتكلم معاي مره يتكلم مع المخاويها دي قلت ليهو ماشه اهلي قدر اقنعني انو اهلي فاتو السعوديه وما كده اتصل في رقم سعودي ردت امي قلت ليها لي ما كلمتوني قالت لي السفر جا فجاه كلام امي ما اقنعني نهاي حسيت انو في شي غلط وحتي صوت امي حسيتو ماحقيقي
بقيت اتبسمل وكل ما يسمعني اتبسمل يضايق مني ويقول لي اسكتي وقطعت الشك باليقين انو ملبوس يوم صحيت الصبح فتحت سوره البقره الشاشه طقت في وشي قلت في سري م ح استسلم ح اقاوم بتكلم كده سمعت صوت بت تتكلم معاي انا بقيت ارجف وبقيت اكورك بس صوتي ما طالع انا بكورك بكل قوتي بس صوتي ما طالع قالت لي ماف زول ح يسمعك غيري انا جيت اقول ليك سند دا حقي انا لو فكرتي تلمسي دا ح يبقا اخر يوم في عمرك قلت ليها والله ما المسو خلوني امشي بيتنا انا ما عايزاهو قالت لي لا هو عايزك وانا مابحب ارفض ليهو طلب لو عاوزه تعيشي في سلام م تشغلي قران ولا تتبسملي وابعدي من سند البت جننتني سند جا طالع بقا جايط فيها قال ليها خليها انتي عارفه انو عاوزها ما تلمسيها سند رغم انو متزوج الجنيه دي بس عاوزني انا بس عاوزني لشنو انا م عارفه فجاه جات امو داخله ومعاها مرت اخوهو واولادها قالت جو عشان يقيلو معاي وام سند تعاين لي ساي بعد دخلت الغرفه سمعتها تتناقش معاهو قالت ليهو اياك تخلي مرتك تعرف من هنا عرفت اهلو عارفين موضوع الجنيه دا وخايفين انا اعرف وانا شده مابقيت خايفه انتهيت من لحم الدنيا بقيت عباره عن هيكل عظمي مرت اخو سند قالت لي اساعدك في الاكل قلت ليها طيب دخلت معاي وحسيتا خايفه تتخلع ساي قلت ليها ماتخافي ما بتصلك قالت لي انتي عرفتي يعني قلت ليها حرام عليكم دمرتو حياتي انا ذنبي شنو اتزوج لي واحد متزوج جنيه ما تابعت الكلام سمح جاني كف لمن اضاني صنت انا حسيت بيهو بس مرت اخوهو ما حست بي اي شي قالت لي اعملي حسابك منها مرت سند الاولي جننتها وكانت خاته ليها زيت في النار الزيت انكشح فيها بقينا فيها هي وهي شغاله لي نسيبتي كشحت فيني الزيت ونسيبتي تشيل وتغمز ليها اظنها زاتا خايفه منها
سند فجاه بقا جايط وقال ليها موش انتي وعدتيني ما تازي من اهلي زول وامو مخلوعه وتعاين لي وتمسك فيهو وتغمز ليهو وتقول سند ولدي بقا اهضرب اظنها تاني جاتو الحمه قلت ليها لا سند ما عندو حمه وانتي مفتكره لو دسيتو مني م ح اعرف وحسبي الله ونعم الوكيل ما خوفتي فيني الله كان تصارحوني مش بين يوم وليله تعقدو علي وتعرسوني لواحد مكتفي بي العالم الاخر وحضرت سيادتك كل مره تسالي فيني م حامل انتي مفتكراني زوجتو انا زوجتو ع الورق وكنت منهاره سند طرد امو ومرت اخوهو ودخل الغرفه وطبلها عليهو وسامعه صوتو اتناقش معاها فجاه هدا وسكت انا قعدت في الارض وبكيت قدرتي وقومتا اتوضيت وصليت وادعيت ربنا انو ابعد مني سند واصل لي اهلي وما قادره اصدق حته انهم في السعوديه والمكالمه الاداني ليها بعد شفت الاكل بعيني اشكال وانواع وشفت التاشيرات دخول وخروج ما بثق في اي شي وتلفوني لسه شبكه ما فيهو بس لقيت مرت اخوهو نست التلفون والشبكه كانت فاتحه فرحت شديد وقفلت ع الغرفه شديد وبديت اتصل لي اهلي التلفون مغلق وفي لحظه مسكتي للتلفون جات رساله من بت اسمها فاطمه ما كنت عاوزه افتح الدردشه بس لفتت انتباهي رساله مكتوب فيها ما حكيتي لي اها مرت سند عرفت الحاصل والحصل معاها شنو فتحت الدردشه بديت اقرا فيها شكلها دي مرتو القديمه وشكلها زوله طيبه بس حصل ليها نفس الحصل لي ومن خلال رسايلها شكلها خايفه علي اجن زي ما جنت هي وكانت بتقول ليها عليك الله كلميها انتي خليها تهرب دا لو قدرت انا قلبي ارجف كان قدرتا كيف سند جا داخل علي ودسيت التلفون بس شكلها دخلت قبل ادخل هو بالباب والتلفون مالقيتو نهاي واتندمتا اني م شيلت الرقم سند قال لي نوسه انتي كويسه قلت ليهو م كويسه سند طلقني انت عاوز بي شنو كفايه ما تظلمني عشان ربنا يعاقبك اكتر انا بقيت حاسه انك ما انسان ما ردا علي وكنت منفعله بحسها طوالي بتكون واقفه وراي سند طلع وبقيت اتلفت خايفه ياربي قاعده في الغرفه ولا طلعت معاهو بقيت اتكلم معاها قلت ليها لو قاعده ردي علي انا ما ازيتك خليني امشي اهلي ودموعي كانت نازله ومافي اجابه شكلها بتطلع بي مزاجها
يوم صحيت لقيت المصلايه والمصحف مافي عرفتها شالتهم هي مشيت زعلانه لسند قلت ليهو خليها ترجع لي حاجاتي انا عاوزه اتحصن انا بقيت خايفه حرام عليك وكاني كنت بتكلم مع حيطه حسيت انو سند بعيد كل البعد من ربنا وشكل المصحف كيف مابعرفو واحتمال دي اكتر حاجه خلت الجنيه تسيطر عليهو بقيت عايشه لا تلفون فيهى شبكه لا اهل بسالو جاني احساس انو سند ما انسان بس كيف من انسان وعادل سلم عليهو سلام معرفه عيشت رعب ما يعلم بيهو الا ربنا وكنت حافظه جزء من القران اتمنيت اكون حافظه كتير من السور ندمت ع اي لحظه او يوم ضيعتو من غير حفظ سوره وبقيت اصلي في الارض وادعي ربنا يكشف لي حقيقتهم ودموعي نهاي م بتقيف وكنت بسمع صوت سند يتونس ويضحك معاها ومرات بسمع صوت اطفال ودا كلو كوم وسند كل دقيقه اقول لي لا ماتقعدي هنا وزحي من هنا عرفت مرت اخوهو بتتخلع ليه وبقيت ما بحوم كتير خايفه اعفص لي واحد فيهم وانتقمو فيني وكنت ما باكل لاني عرفت مصدر الاكل من وين ما باكل الا اجوع شديد
يوم سند قال لي نوسه ارح نطلع خوفتا منو خوف قلت اسوقني عالم الجن قلت ليهو لا ما طالعه سمعت صوت ضحكها سند طلع زعلان وفجاه ظهرت لي هي بي صورتي