رواية لست رهينته الفصل الثالث3بقلم روان

وفي نفس اللحظة، اندفع الحصان بكل قوته.

قربت من خط النهايه وسحبت الرمح وصوبته علي المربع والكل باصص ومنتظر 

وسط الحيره والقلق والخوف 

الرمح عدي من جمب المربع 

الحصان هدي وانا هديت وحسيت ان خلاص المعركه خلصت وانا خسرت 

دا معناه انه هياخد رهينه!! 

ازاااااي 

نزلت من علي الحصان وقربت راسي ليها 

« انتي عملتي اللي عليكي وزياده ي روزي بس هو النصيب » 

وقربت من اياد والكل اتجمع حواليا وكانو بيواسوني واني مليش ذنب وكفايه اني حاولت 

بس انا شاغلني حاجه واحده مين الرهينه! 

اتكلم اياد ، مبارك للشباب علي وصولكو للنهايه وتحقيق التارجت بس مع الاسف الشروط كانت واضحه من البدايه ان لازم خمسه يحققو وانتو اربعه 

فـ هنفذ العقاب... 

هاخد منكم رهينه هتفضل معايا لمده يومين لحد معاد الراوند الجديده 

~عمر، هتفضل معاك! 

اه

~هتفضل معاك ليه وعايزها في ايه اصلا 

دي القواعد ودا الفير انا متفق معاكو من البدايه،

بالنسبه لـ هتعمل ايه بقا فدا موضوع تاني 

في حفله هتقيم كمان يومين الحفله دي هيحضر فيها ناس مهمين جدا 

والحفله دي هتقدمو فيها عرض ولازم يكون منظم ومرتب 

كل اتنين هيكونو مع بعض انتو عددكو تسعه هيتبقي واحده هتكون الرهينه 

لين، حفله! وايه علاقه الرهينه بيها 

زي ما قولت الحفله دي مهمه جدا وهي راوند تو لان المره دي الشروط مختلفه بس هنتكلم فيها بعدين 

اما بالنسبه للرهينه فهي الشخصيه الرئيسيه في الحفله 

روز، انت اصلا مين اداك الحق انك تعاقبنا احنا مش لعب بتحركها زي ما انت عايز ووقت ما تحب 

احنا بشر وكل واحد عنده امكانيات مش من حقك ابدا انك تحطنا في موقف يفوق امكانيتنا عشان نخسر فتعاقبنا 

انت كدا مش فير انت كدا مخادع وكداب

قرب منها كذا خطوه وهي تراجعت للخلف 

مش فير ومخادع وكداب..... 

ورفع راسه، انا خلاص اخترت الرهينه 

وهي روز 

وابتسم بانتصار 

بصيت لصحابي وبصتله 

في وسط اعتراضات كتيره والكل مش موافق طلع مسدسه وضرب في السماء فالكل سكت 

مش عايز اسمع صوت كل واحد علي اوضته 

وانتِ تعالي معايا 

مسكني من ايدي وشدني حاولت اشيل ايدي منه بس معرفتش 

فضلنا ماشيين شويه اخدني معاه لاوضه كبيره اوي فيها سرير وكل حاجه تقريبا ممكن تتخيلها 

_انت بتعمل كدا ليه وعايز مننا ايه 

قولتلك بتسلي 

_بتتسلي بينا،

 مش بتحس بتأنيب ضمير طيب وانت شايفنا بنعيط كل يوم 

كل يوم! وقرب خطوه،  روز

_قولت بارتباك، نعم

انتي لسه جايه امبارح وضحك ورفع راسه 

_امبارح دي مده كبيره علي فكره اليوم دا عدي عليا كأنه سنه

بتعرفي تعملي ايه يروز 

........ 

بصالي كدا ليه بسأل بجد بتعرفي تعملي ايه 

........ 

اصل بفكر ممكن استفاد منك في ايه اليومين دول ومش عايز اطلب منك حاجه تقوليلي انت مش فير 

_فضلت ساكته وانا بصاله وجوايا مش قادره احدد شخصيته هو مين 

 الفضول بجد هيقتلني هو مين وازاي بيتصرف بكل البرود دا

بتفكري في ايه 

_انك مجنون

وقف ضحك وقرب خطوتين، اه 

ما انا قولتلك قبل كدا.. 

بيكي 

عايزه تسمعيها تاني 

ورجع لورا

افتحي الدولاب هتلاقي عندك هدوم كتير اختاري اللي يعجبك وتكوني جاهزه بليل الساعه 8 

واه فكري كويس في اجابه السؤال وسابني وخرج 

_حسيت ان لساني عجز انه يتكلم انا اكيد مش في روايه ودا في الاخر يطلع رئيس العصابه اللي وقع في حب بنت خاطفها من اول نظره

_اتنهدت وفتحت الدولاب كان فيه فساتين كتير بكل الالوان 

اخترت فستان ابيض وظبط شعري اللي بالمناسبه اسود واستريت طويل 

وجت الساعه 8 بالظبط سمعت خبط علي الباب فتحت لقيته واقف «لابس بدله سوداء وقميص اسود» 

فضل باصصلي شويه 

_ايه!

 مش حلو! 

مكنتش عارفه البس ايه فاخترت اللي جه قدامي

يالعكس حلو اوي، 

ومد ايده عشان امسكها بس انا تجاهلتها ومشيت 

_احنا رايحين فين 

تعرفي لو حد عمل معايا الحركه دي غيرك كنت قتلته 

_ومقتلتنيش ليه 

سكت شويه وبعدها قالي، علشان مقرر اني مقتلش حد المره دي بس لو جبتك مره تانيه هقتلك 

وقدم كذا خطوه عني وانا مشيت وراه 

لحد ما وصلنا للبحر كنت ماشيه جمبه علي الشط 

_هو انا ممكن اسألك سؤال

ممكن 

_هو انت رئيس عصابه 

ضحك جامد وبصلي ، انتي شايفه ايه 

_مش عارفه بصراحه مش قادره احدد 

ولو رئيس عصابه هتعملي ايه 

_بصتله ،اول ما تتيح ليا فرصه اني اقتلك هقتلك 

مش هتقدري 

_مين قالك

وقرب علي ودني،لاني هكون قتلتك قبلها 

..........

............

_هو انت معندكش اهل تخاف عليهم ويخافو عليك 

.......

_يعني انا عندي ام ، بابا متوفي من وانا صغيره وانا وحيده معنديش اخوات 

وبحب ماما اوي بس قبل ما اجي حصلت مابينا خناقه بسبب بسبب 

وبصتله بدموع، ان في حد اتقدملها 

انا عارفه ان دا حقها وهي لسه صغيره اوي علشان تقضي باقي عمرها لوحدها 

بس انا خايفه،

خايفه تسبني وابقي لوحدي،

 انا مقدرش اعيش من غيرها... اكيد جوزها مش هيكون عايزني معاهم وانا كبيره كفايه اني اتحمل مسؤليه نفسي.. 

وعيط اوي، هي قالتلي انها هترفض عشاني وانها مش عايزه واني اهم حد في حياتها

 بس انا اتخانقت معاها اوي وزعقت وزعلتها مني

 ‏حاسه اني متلخبطه اوي اوي 

 ‏مش عارفه اعمل ايه واقول ايه وقولت هخرج السفاريه دي جايز اعرف ارتب افكاري بس بس 

وانهارت من العياط

 ‏

حضني وطبطب عليا ومشي ايده علي شعري، عيطي براحتك، متخافيش انا معاكي 

اخدت بالي فاتخضيت وبعدت بسرعه 

طلع منديل وادهولي 

_انا... انا 

متقوليش حاجه، اللي عايزك تعرفيه اني فاهم خوفك ولغبطتك 

بس انتي ليه حكمتي علي الشخص اللي اتقدملها انه مش عايزك ما يمكن عايزك عادي لانه عارف انك بنتها الوحيده واكيد مامتك مش هتفرط فيكي 

ومامتك ملهاش ذنب في اللي حصل ولا انتي كمان 

اللي انتي فيه دا طبيعي

انتي محتاجه يروز تتكلمي معاها لانك هتطمني بيها 

_كنت بسمع كلامه واحنا بنتمشي، اول مره من فتره كبيره اتكلم مع حد في حاجه مضيقاني ويسمعني وميحكمش عليا حسيت اني متطمنه 

بس دا اياد، اياد اللي خاطفنا وبيتسلي بينا

_ بصتله واتكلمت بهدوء، هو انت جايبنا هنا ليه! 

جميل 

_هو ايه 

البحر، جميل اوي 

_____

عدي حبه وقت والجو برد لقيته قلع الجاكت وحطه عليا 

_انت بتعمل معايا كدا ليه 

لو اي حد مكانك هعمل معاه كدا متحطيش الموضوع علي نفسك 

_شيلت الجاكت وادتهوله ، شكرا انا مش عايزه منك حاجه انا اصلا مش فاهمه احنا بنعمل ايه هنا 

خدي الجاكت يروز عشان الجو ساقعه 

_لا انا تمام اتفضل لوسمحت لو مش عايزه ارميه 

اخده ورماه في البحر 

_فضلت متنحه ومصدومه من تصرفه 

بتحبي الجري! 

_انا لسه فاتحه بوقي ومصدومه 

مسك ايدي وعد 1،2،3 يلااااا 

جري وانا بجري معاه وهو ماسك ايدي

الرمل تحت رجلينا 

وصوت البحر 

والنجوم في السماء كأنها لوحه فنيه 

جه يبصلي اتكعبل وانا اتكعبلت معاه علي الرمل 

عدي كام ثانيه وبعدين ضحكنا جامد 

استوعبت اللي بيحصل علي نظراته ليا وقومت بسرعه 

روز انتي كويسه 

_قولت بعصبيه، لا لا مش كويسه انا عايزه ارْجَع الاوضه

هو انت كدا واخدني رهينه 

ولا واخدني تفسحني 

روز اهدي 

_مش ههدي انا عايزه ارجع دلوقتي وكنت ماشيه لقيته شدني ،

 مش هتروحي في حته يروز 

 ‏احنا خلاص وصلنا. 

                   الفصل الرابع من هنا