رواية لست رهينته الفصل الرابع4بقلم روان

روز انتي كويسه 

_قولت بعصبيه، لا لا مش كويسه انا عايزه ارْجَع الاوضه

هو انت كدا واخدني رهينه 

ولا واخدني تفسحني 

روز اهدي 

_مش ههدي انا عايزه ارجع دلوقتي وكنت ماشيه لقيته شدني ،

 مش هتروحي في حته يروز 

 ‏احنا خلاص وصلنا. 

 ‏

بصيت علي المكان اللي شاور عليه 

الانوار اشتغلت 

 سجاده حمراء في الارض 

 ‏وزهور محاوطه المكان واخده شكل دائري كبير 

 ‏وروز فرستي ! 

_ايه دا روز قربت منها وحطيت ايدي علي راسها 

انا مش فاهمه حاجه ايه المكان دا 

احم احم طيب دلوقتي هفهمك وراح وقف علي السجاده وشاورلي ادخل 

بس انا فضلت واقفه مكاني 

يلا يروز دا تدريب 

_تدريب! 

اه لانك هترقصي معايا في الحفله فلازم تكوني متدربه باعلي كفائه 

_ايه الهبل دا مستحيل طبعا 

كان ماسك جهاز صغير في ايده، ضغط عليه اشتغلت الموسيقي

قدم خطوه ومسك ايدي، يلا يروز 

لو مجتيش هاجي اشيلك 

_خلاص.... انا جايه 

بس لعلمك انا فاشله جدا بالذات في رقص الحفلات دا يعني بص نصيحتي ليك عشان شكلك قدام الناس المهمه اللي قولت عليهم تشوف حد غيري 

عندي فكره، هات واحده متدربه جاهزه وسريعه ايه رأيك 

_انا عندي فكره احسن، ادربك وتبقي جاهزه وسريعه في اي وقت 

_لا ما هو... 

شششش وحط ايد علي كتفه والايد التانيه بيحركني بيها 

وبدأ يعلمني الخطوات 

فضلنا لاكتر من ساعتين بتعلم وكل ما اغلط كان بيبتسم ويقولي عادي ونعيد من الاول 

_اه واخيرا انا اُنهكت «قولتها وانا بنام علي الرمل» 

نام جنبي، بقالي كتير مدربتش حد 

.... 

.... 

_بصتله، اياد 

قال بصوت هادي وهو بيبصلي، نعم

_انت ليه بتعمل كدا 

بعمل ايه يروز

_كدا، انت خاطفنا وبتعذبنا ليه ليه بتعمل كدا، 

انا مش عارفه انت مريت بايه في حياتك خلاك بقيت كدا بس دا مش مبرر ابدا ابدا يا اياد 

..... 

_طب مش حابب تقول حاجه، ممكن اقدر اساعدك 

اممم، عارفه هتساعديني ازاي 

_قولت بحماس وانا بقوم، ازاي 

قام وقف، لما نعمل سباق خيول 

.... 

جبتلك روز فرستك المفضله، تعرفي ان محدش قدر يروضها غيري لحد ما جيتي انتِ 

علشان كدا انتِ مميزه عندي 

وانا معايا فرستي 

ومشي حبه ورجع بفرسه لونها بني، اعرفك علي بحر 

_بحر!  اسمه حلو 

بصلي يلا عشان نلحق الشروق 

_شروق! 

انتي ليه بتتصدمي من كل كلمه بقولها 

_عشان افعالك غير متوقعه خالص 

ضحك وقرب عشان يساعدني اركب الخيل 

_لا انفع نفسك، انا خبره في المجال دا 

وركبتها فعلا وبصتله بانتصار 

ضحك وركب خيله هو كمان 

_______________

في اوضه الشباب 

عمر، جماعه احنا لازم نخرج من هنا 

ياسين انتبه، ايوه بس ازاي بقا 

لازم ندور علي مخرج اكيد في حل مينفعش نفضل محبوسين هنا كدا وهو بيلعب بينا كلنا 

مروان، وروز! احنا مش عارفين بيعمل فيها ايه دلوقتي 

ودلوقتي خد واحده رهينه، بعد كدا هيعمل ايه! 

دا مريض نفسي 

ياسين قام وقرب للحيطه وبدأ يحسب ابعادها 

بتعمل ايه

_ابعاد الاوضه مش مظبوطه حاولو تدورو كدا علي اي حاجه

بدأو كلهم يدورو في كل مكان علي اي وسيله، اي غلطه، اي حاجه ممكن تساعدهم 

محمد، اقولكو بصراحه لو كنا احنا لوحدنا كنت حبيت اني افضل 

عمر بص لمروان، شكله مش اياد لوحده اللي مريض نفسي 

يجماعه المنظر حلو اوي 

ياسين، خمسه عقل بقا، رزمن 

وحط ايده علي مربع في الحيطه وضغط عليه لقي باب كبير بيفتح 

مروان، ايه دااااا ايه دا كلع فعلا في سر في الاوضه دي 

هشششش شاورلهم ياسين بعد ما سمع صوت حد جاي من برا وقفل الباب بسرعه وقعدو مكانهم 

جه واحد من الرجاله وبصلهم باستغراب باين عليهم التوتر 

في حاجه؟ 

محمد، لا في ايه ولا اي حاجه، انت كويس

مردش عليه وحط الاكل وخرج 

عمر، انت عبيط يبني هو ايه اللي انت كويس من اكتي واحنا بنسأله وليه هنسأل واحد خاطفنا عن صحته 

حاولت ابين بس اننا تمام 

يارب منتكشفش 

قام ياسين وضغط علي المربع بهدوء والباب فتح اتسحب براحه هو ومروان 

وعمر ومحمد فصلو برا يراقبو المكان 

كان ماشي في ممر

مروان،انا سامع صوت لين 

مش وقتك دلوقتي يمروان 

مش بهزر والله

كان لسه هيرد لحد ما انتهي الممر ولقو نفسهم في اوضه كبيره 

فيها شاشات كتير 

بس.. 

بس ياسين الحق 

دي كاميرات كاميرات في كل حته، اوضه البنات بص كلهم موجودين واوضتنا والممرات والساحه والخيول وكل مكان حتي الساحات وحتي الاوضه اللي احنا فيها دي 

كانو واقفين مصدومين وسمعو صوت الباب بيقفل 

ياسين، يلا يلا يمروان لازم نخرج 

كان واقف باصص علي لين في الشاشه 

مروااااان يلاا وشده وخرج والباب اتقفل 

ايه يشباب لقيتو ايه

اوضه مراقبه 

اوضه مراقبه! 

مروان، اه وخبط بايده جامد علي الحيطه، احنا لازم نخرج لازم 

اهدي يمروان، الموضوع شكله اكبر مما تخيلنا في نظام للباب دا وبخبرتي كـ Cyber Security

الباب دا مش الوحيد اللي بيوصل للاوضه ولكن في باب تاني في الاوضه نفسها 

الاتنين متوصلين ببعض، بيفتحو بالتزامن يعني لو باب فتح التاني يقفل تلقائي 

دا معناه ان في حد كان داخل الاوضه عشان كدا الباب كان بيقفل 

بالظبط، واحتمال كبير انهم يعرفو ان حد دخل الاوضه 

محمد، طب هو ليه حاطط باب عندنا بيوصل علي اوصه مهمه زي دي 

دا اللي انا مش فاهمه، بس اللي متأكد منه اننا وصلنا لحاجه مهمه 

عمر، طب هنعمل ايه دلوقتي 

هنستني لحد بكره، لحد ما نتأكد هما عرفو ولا لاء 

_______________

كنا ماشيين بالخيول 

ساكتين والنجوم كالعاده عامله لوحه فنيه في السماء 

ساكته ليه 

_بفكر 

بتفكري في ايه 

_ازاي ممكن نهرب من هنا 

ضحك، تحبي اساعدك 

_بصتله بغيظ، متشكره 

طيب براحتك 

... 

مستعده! 

_علي ايه 

السباق يلا 1،2،3

_استنـ.... 

كان بدأ جري فشديت اللجام وجريت انا كمان 

كنت شويه بلحقه «عارفه ان هو اللي سايبني» 

وشويه يسبقني 

بس الحقيقه اني كنت مبسوطه كنت بضحك من قلبي وهو كمان 

بس من جوايا حاسه بالذنب تجاه صحابي اللي مش عارفه حالهم عامل ازاي دلوقتي 

مشاعر متلخبطه، يتري اخره اللي انا فيه دا ايه

بدأ يهدي خيله لحد ما وقف ونزل ومد ايده ينزلني 

_بعرف انزل لوحدي ونطيت 

بصلي وابتسم وقعد علي صخره كبيره الي حد ما بس ناعمه وشاورلي اقعد جمبه 

_احنا جايين هنا ليه 

عشان نتفرج علي الشروق 

_انت بتهزر صح 

اقعدي وانتي تعرفي بنفسك اذا كانت بهزر او لاء 

_بس دا لسه ناقص كذا ساعه

هنستناه

_اتنهدت وقعدت جمبه 

....... 

....... 

تعرفي ليه سميته بحر«وشاور علي الخيل» 

_ليه 

علشان دا المكان اللي لقيته فيه، في يوم كنت متضايق اوي خرجت وانا مش شايف قدامي مشيت مكان ما رجلي خدتني 

لحد ما وصلت لبحر وقفت قدامه وسمعت صوت انين 

تتبعت الصوت لقيت حصان مرمي في الارض حالته وحشه جدا ورجله مكسوره 

كان بيطلع في الروح 

اخدته وعالجته وكان ونسي في اكتر وقت ضايع فيه فسميته بحر ومن ساعتها وهو اغلي عندي من نفسي 

...... 

روز! انتي نمتي! 

لقاها بتميل عليه فلحقها وعدل راسها علي كتفه 

حط ايده علي راسها 

وقال بصوت هادي، مصيرك تعرفي كل حاجه في الوقت المناسب 

              الفصل الخامس من هنا