رواية ضره من عالم اخر الفصل الرابع4بقلم نوسه حمد
يوم سند قال لي نوسه ارح نطلع خوفتا منو خوف قلت اسوقني عالم الجن قلت ليهو لا لا ما طالعه فجاه سمعت صوت ضحكه زي ضحكتي لمن انا بقيت اتلفت وسند طلع ولاول مره في حياتي اشوف لي جن وظهرت لي بي صورتي وانا بقيت اتعوذ واتبسمل ومغمضه عيوني وخايفه منها قالت لي ما تخافي انا حاجه عاوزها سند استحاله اغلط في حقها فتحت عيوني وبقيت اعاين لي ملامحها ما تشبهني ساي وبس شككتني في نفسي قلت ليها انتي كيف تطلعي بتشبهيني قالت لي انا ما بشبهك وما عندي شكل ثابت وحسيت سند بقا يميل ليك ولو حباك وختاك في قلبو ح يبعد مني وانا مابخليهو ويومو الافكر يبعد مني ويجيك تاكدي تماما اني ح انتقم منك قلت ليها لا لا والله انا ما عاوزاهو عليكم الله خلوني النمشي لي اهلي انا نفسيا تعبتا انتو عاوزين تجننوني زي ما جننتو فاطمه قالت لي بانو فاطمه وصلت حاجه ما حقتا ولو عملتي زيها اقنعي من روحك واختفت انا بقيت اتكلم معاها واقول ليها انتي اقنعي سند يطلقني واتكلم وكنت منفعله سند جا داخل لقاني بحاله مايعلم بيها الا ربنا قالت لي نوسه مالك فشنو وبقا يكورك ويجوط لمن غاب عن الوعي وملامحو اتغيرت انا طلعت منو وفكيتا جريه وجاريه ميه ساعه ما وصلت للباب كل ما اقرب منو القا نفسي لسه ما وصلت الباب كانو خطواتي ماشه عكس عرفت انو انا جاريه بي عقلي بس جسدي ما اتحرك من الرعب العايشه فيهو سند جا ساقني ودخلني الغرفه قال لي ارتاحي ما تهلكي نفسك قلت ليهو اموت ليك طلقني انا والله ما دايره عرس ولا دايره راجل ولا دايره اي شي انا عاوزه ارتاح نفسياتي ادمرت حرام عليكم قال لي انا عاوزك معاي قلت ليهو عاوز تجنني زي فاطمه قال لي فاطمه جبتي الكلام دا من وين الوراك منو قلت ليهو مافي زول قال لي عرفت بالصدفه قال لي طيب انسي الكلام دا وتاني ماتفتحي معاي موضوع الطلاق انا نفسيا تعبت وعاوزه اهلي وماشه الشغل قال لي شغل لشنو عشان القروش فتح ليهو دولاب ملان قروش قال لي اصرفي زي ما عاوزه بس ما تفكري في شغل ولا تفكري في طلاق قلت ليهو اصرف وين ونحنا كل حاجاتنا جايه من وين ما عارفه قال لي افهمي انا مابخليك وطلع انا قلبي انهرد حسيت اني في امتحان صعب شديد وكرهت اليوم الاعجبت بي وسامه سند من غير م اعرف عنو حاجه ومن هنا عرفت انو الشكل ما مهم اكتر من انو اكون بخاف ربنا ويومي ابكي واشكي لا قادره اصل لي اهلي لا هم زاتهم جوني وام سند الكانت بتجي اظنها خافت من مرت ولدها مرت سند كشحت فيها الزيت ولا جات سالت من التلفون بقيت افكر اطلع كيف بس ما واثقه الجنيه دي ممكن تدخلني جو زي الانا عاوزاهو وناس زي الانا عاوزاهم وفي النهايه القا روحي بتكلم براي مافي حل لي غير ربنا وطريق ربنا وقلت تاني كلامي بكون مع سند محدود ما عندي ليهو حاجه
مرت الايام وانا عايشه بالعافيه مره اكل ومره اخاف وبقيت اليوم كلو اصلي وادعا وسند مره معاي ومره ما مفهوم يوم قال لي عاوز اصلي انا فرحت شديد وحسيت دعواتي استجابت قلت ليهو سند صدقني لو اتقربت من ربنا ما ح تعيش الحياه الانت فيها دي وقال لي علميني الصلاه قلت ليهو انت ما حصل صليت قال لي عمري ما حصل ركعتا بس شايفك انتي بتصلي ونفسي ابقا زيك قلت ليهو احلي خبر وفرحتا قلت ليهو لو عاوزني اعيش معاك صلي وقرب من ربنا قال لي جد يعني ما ح تفارقيني قلت ليهو والله تصلي وتواظب ع صلاتك انا ما اخليك اعيش معاك يا مسكتك الطريق عديل يا طشيت شبكه قال لي تمام قلت ليهو يلا نتوضا حسيتو تقيل شديد كانو انسان الي وبتحرك بي رموت قلت م مشكله اصلا دي هي بتكون عاوزه تعطلو سند راغب الصلاه بس ركعه ما قدر صلاها تعب تعب انا قلت اموت ظهرت لي هي قالت لي انتي ما عندي فيك شغله بس سند دا لو خليتي اصلي ح اخلي اموت وروحو في يدي سرحتا كده وكلي يقين انها ممكن تعمل اي شئ الا انها تقبض روحو ما رديت عليها ودخلت بقيت ادعي ربنا انو اقدر اخلصها منو رغم انو شكلو اهلو حاولو وهو حاول بس م قادر وبقا مافي لي حل غير اني اقيف معاهو لانو كده كده انا ما قادره امارس حياتي الطبيعيه قلت اكسب فيهو اجر وفي النهايه اطلق منو ما بضمنها انها تخليهو في حالو احتمال تاني تجي راجعه قلت ليهو سند عاوزه تلفزيون قال لي حاضر جاب لي شاشه كبيره بس الشاشه مافيها شي غير اغاني وكلام فاضي اي قناه دينيه ممسوحه منها عرفت انو جابتها هي قلت ليهو ارح ناس امك وعليك الله وديني ناس امك عديل ما توديني مكان تاني قال لي مالي الدرجه دي وطيب ح اسوقك بس ما الليله قلت ليهو تمام حاسه انو لو فعلا وداني اهلو بقدر اصل لنتيجه واشطرتا عليهو انو يوديني ويجي راجع البيت عشان الجنيه ما تقعد معاهو
بعد يومين سند وداني اهلو ورجع م قعد شكلو هو زاتو ما قاعد احب يمشي بيتهم كتير وفهمت من مرت اخوهو أنو ابوهو طاردو قلت ليها انا جيت مخصوص عشانك مافي زول بحكي لي الحقيقه غيرك وليه سند عرسني مدام متزوج جنيه قالت لي امو ضغطت عليهو وهو بحب امو شديد ابوهو ما فارق معاهو وسند دا كان وجيهه وعاجباهو نفسو شديد اتخرج من الجامعه وما اشتغل فجاه اتغير علي اهلو وودوهو لي شيخ والشيخ اكتشف انو سند اتزوج جنيه حاول انور يطلعا منو ما قدر وحكت لي انو اهلو بخافو منو ولمن اجيهم بكونو ما مرتاحين امو نفسها ارجع طبيعي بس ما خلت حاجه ما عملتها ومافي امل قلت ليها ويظلموني انا قالت لي راجلي لمن قال داير اتزوج ولا بارك ليهو وشاكل امو وامو قالت ليهو انت عدو اخوك ما دايرو يبقا كويس وللان مقطعاهو قلت ليها انا ما قادره اعمل اي شي نفسي امشي اهلي قالت لي طبعا ما وريتك بالمناسبه دي ابوك جا هنا ومبسوط والفرحه دايره تقتلو ويا حليلو ما جايب خبر قلت ليها ناس ابوي قاعدين قالت لي اي قلت ليها طيب سند قال لي ناس ابوك فاتو السعودية قالت لي سند شكلو خايف يفقدك قلت ليها ابوي جا لشنو قالت لي ابوك في زول من حلتكم اتصل عليهو قال ليهو انو مشا تركيا رحله علاج امو عيانه وهناك مشا يفتش لي بيت ايجار والناس دلوهو علي سند لمن وصلو قال ليهو انا من المنطقه الفلانيه طوالي ولد اهلك قال ليهو في ولد متزوج نسيبه بتنا قال ليهو دا انا وقال كانو معاهو اربعه بودي قارد ولابس بدله وافخم لبس ولمن عرف انو الزول دا قريبك ما اجر ليهو اداهو شقه ساي وقريبك اتصل عشان يشكر سند لي ابوك وابوك اندهش لانو ما عرف سند سافر تركيا وقال غشاكم في البييت لقاهو مقفل قلت ليها سند متين مشا تركيا قالت لي خليك من متين مشا سند متين مسؤول كبير لدرجه انو يأجر الشقق في تركيا قلت ليها طيب المعاي دا منو سند ولا خيالو وانا قلبي بقا ادق اكتر مما داقي ومرت اخوهو قالت لي والله ما عارفه ما تابعت كلامها سند جا عشان يسوقني قال لي كنتو تقولو فشنو قلت ليهو سند انت متين مشيت تركيا 🇹🇷 ما ردا علي قال لي نوسه ماتسالي كتير مشينا البيت وخلاص روحي ح تطلع انا عايشه مع سند الحقيقي ولا سند واحد جان 😭😭😭😭😭فجاه اتزكرتا الراجل الجاهو وقال ليهو التاشيره جاهزه خليتو دخل الحمام ومشيت فتشت الجواز وفتحتو لقيت فعلا فيهو تاشيره تركيا دخول ومافي خروج انا قلبي طاررر وحسيت جاني ضغط وسكري جا لقاني واقفه وماسكه الجواز قلت ليهو انت ما سند الحقيقي صاح …