فقت والإضاءة ضاربه فعيني وريحة كحول خنقاني لحد مستوعبت انا فين ، طنط ويوسف وكريم كانوا واقفين قلقانين
_حمدلله على السلامتك حبيبتي
: الله يسلمك ياطنط انا تمام كويسه مفيش حاجه
كنت لسه هكمل كلامي لحد ماخطر في بالي هو مين الي جابني هنا اوعى يكون الي فبالي
بصتلها واتكلمت بسرعه
: هو مين الي جابني هنا
كان هو واقف فهم قصدي وابتسم نفس الابتسامه بتاعت العشا
_ انا لما لقيتك اغمى عليكي اتصلت بالاسعاف هم اخدوكي متقلقيش انا حاولت اساعد وشيلتك
اتنهد براحه وكملت
_ هو انا اصلا اغمى عليا ليه
في اللحظه دي دخل الدكتور وقالي
_انتي كانت بطنك وجعاكي شويع فلما اخدي المسكن طلع انه مش مناسب ليكي فعمل تسمم وعملنالك غسيل معده
هزيت راسي وبعدين وجهت كلامي لطنط مريم
: فين حاجتي ياطنط
-اهي ياحبيبتي وفي حد كام بيرن عليكي كتير
مدت الحاجه ليا وبعدها كملت
_انا هروح اخلص اجراءات بتاعت الخروج
وبعدها كمل الدكتور
_دي ورقه من الادويه الي مينفعش تخديها
هزيت راسي له ، وخرجوا هما الاتنين معادا يوسف وكريم ، فتحت تليفوني لقيت مكالمات كتير من يونس
_الو في ايه ياليل مش بتردي كل ده ليه
: طب على مهلك في ايه
_مش بتردي خالص وانا عارف ان امك وابوكي سافروا فقلقت
: طب ينفع لما اروح احكيلك بعدين مش دلوقتي
_لما تروحي من فين ياليل انتي عارفه الساعه كام عندكم دلوقتي في ايه ياليل ما تتكلمي
: حاضر هحكيلك
حكيت ليه كل الي حصل
: وبس ياسيدي ارتحت كده
_وانتي كويسه دلوقتي
: ايوه والله كويسه مفيش حاجه خلاص
_طب لما تروحي ابقي طمنيني وهاتي يوسف عايز اشكره
اتوترت
: مش لازم دلوقتي يعني خليها بكره
_لا لازم اشكره
: طب خلاص متزقش
بصيت ليوسف لقيته باصص قدامه ومتعصب خوفت بصراحه اكلمه بس في الاخر اتكلمت
: احم ، في حد عايزه يكلمك
بصلي باستغراب
_مين
: يونس
بصلي بصدمه
_هو الي بيكلمك يونس اخوكي
: ايوه
اخد مني التليفون في ثانيه أصله هو ويونس صحاب من زمان
_الو يبني فينك كل ده هترجع امتى
: حيلك حيلك انا لسه مشكرتكش على الي عملته انت وطنط
_عملنا ايه دي ليل زي اختي يعني وكمان احنا عشرة عمر مفيش حاجه
مكنتش سامعه اي حاجه بعد الجمله دي يعني العصبيه دي كلها عشان انا زي اخته ، فقت على صوته
_ليل انتي كويسه
: نعم في حاجه
_بتكلم من بدري مش بتردي عموما يعني اتفضلي تليفونك
: شكرا لوسمحت عايزه امشي عشان اتخنقت
_ماشي خلاص انا وماما خلصنا اجراءات الخروج
روحت البيت واخيرا اترميت على سريري وطمنت يونس وانا مستنيه اليوم الي بعده
||اليوم التالي||
_الو ياليل عامله ايه
: انا تمام يا ماما انتو راجعين امتى
_لا مهو احنا هنكمل الاسبوع هناك عشان جدتك ام ابوكي تعبت فقعدين شويه
قولت بصدمه
: طب هقعد كل ده لوحدي
_بصي انا كلمت ام يوسف وقولت لها أن احنا قاعدين هناك اسبوع قامت قالت ليا خلي ليل تيجي تتغدى عندنا حاولت معاها بس هى رحبت بكده
: بس انا مش عايزه
_انا عايزه وبعدين انا مش هكون مطمنه وانتي كل ده لوحدك فأسمعي الكلام
: حاضر ياماما يلا سلام عشان اروح الشغل
//في الشركه //
دخلت الشركه وطلعت على مكتبي وقبل ما ادخل قابلت عاصم واحد شغال هنا بس من اول يوم ليا وانا مش برتاح ليه
_اهلا يا بشمهندسه
: اهلا يا استاذ عاصم في حاجه
_مش لازم التكليفات قولي عاصم عادي
نشفت وشي وكلمته بجمود
: لا معلش مش هنشيل التكليفات دي ولو سمحت قول عايز ايه عشان ورايا شغل
رد بضيق
_كان فيه شويه تصاميم المدير بلغني اديها ليكي عشان تنفذيها
وبعدين تابع
_اهي هى دي
اخدت منه الورق وشكرته
وبعدها طلعت مكتبي
=بعد ٣ ساعات =
لقيت حد بيخبط على المكتب
: اتفضل
دخلت ريم زميلتي في المكان
_المدير عايزك في مكتبه
: متعرفيش ليه
_لاء بس يعني وشه بيقول ان في خير
: طب تمام شكرا يا ريم
_العفو على ايه
ابتسمت ليها وبعدين روحت للمدير
: قالوا ليا ان حضرتك عايزني يا استاذ محمد
_ايوه تعالي اتفضلي اقعدي
: شكرا ، حضرتك عايزني في ايه
_بصي انتي بقالك هنا اسبوع او اسبوعين وانا شفت آخر تصميم ليكي عجبني جدا ف احنا دلوقتي هنفتح فرع جديد في إسكندرية بعد شهرين ومحتاجين مهندسه ديكور للشركه الجديده وطبعا انا اختارتك انتي انا عارف انه وقت قصير ولاكن عايز اشوف كفائتك
اتكلمت بسعاده كبيره
: شكرا جدا لحضرتك ، بس ينفع اخد معايا حد عشان مش هقدر اسافر لوحدي
_مفيش مشكله
: شكرا لحضرتك مره كمان
عدى اليوم اخيرا، كنت فرحانه جدا ،وانا طالعه اتصلت بيا طنط مريم
: الو يا طنط
_عامله ايه دلوقتي
: الحمد الله
_طب انتي فين دلوقتي عشان بجهز الغدا
: انا خلاص تحت البيت
_طب يلا اطلعي
: حاضر سلام
طلعت وهي الي فتحتلي
_اتفضلي حبيبتي تعالي تسلميلي يا طنط
دخلت قعد ولاحظت يوسف بس مدتلوش اهتمام
_اخبارك ايه دلوقتي
رديت ببرود
: كويسة
بصلي نظره مفهمتهاش فبصيت قدامي ، شويه والاكل اتحط
_شيفاكي مبسوطه النهارده ياليل
: مبسوطه اوي اوي
كان هو متابعني وانا بتكلم كملت طنط
_ليه خير في ايه
:اصل النهارده عرضوا عليا اسافر معاهم لمكان افتتاح الفرع الجديد في اسكندريه
_طب تمام اوي دي فرصه كويسه هتروحي لوحدك
:انا هروح مع يونس هو جي بعد شهر والافتتاح بعد شهرين وكمان دي فرصه كويسه جدا ده في هناك ناس مهمه هتحضر وهتشوف شغلي
_طب تمام ده حلو اوي ربنا يقدملك الي فيه الخير
قمت خلصت اكلي ولميت الاطباق ودخلت شقتي
_ايوه يعني كان بيبصلك ازاي
: مركزتش يا حبيبه المهم اني زعلانه اوي
_اه وده كلو عشان زي اختي
:مش فارقه بس انا هحاول انسى
ضحكت هى
_تنسي اه طب العبيها على حد تاني
سمعت الباب بيخبط
:طب اقفلي دلوقتي يا حبيبه اشوف مين بيخبط
_تمام
قمت لبست الإسدال وفتحت
قولت بصدمه
: عاصم !!!