رواية قلبه لي الفصل الرابع4بقلم عهد عامر
يوسف بص قدامه بصدمة ورجع بص على العيلة اللى كلهم بيبصوا لبعض ومبتسمين ،قرر انه يخبى كل ده ويظهر فرحته باللى قاله
راح ناحية غزل اللى كانت واقفة وفاتحة بقها بدهشة …
يوسف:انتى كويسة؟
غزل:كويسة اه …لا ..انت قولت ايه؟
هو فيه ايه؟
يوسف بحب نزل على ركبته وطلع علبة فيها خاتم رقيق ودبلة وريناد ونادر طلعو تليفوناتهم يصوروا اللحظة دى
يوسف بحب :فيه انى عايزك تكملى معايا عمرى اللى جاى ،عايزك شريكة حياتى اللى هتحافظ على اسمى وسمعتى وشرفى بين ايديها ،عايزك ام لأولادى وواثق انك هتكونى اجمل واحن ام فى الدنيا كلها زى مانا واثق انك انتى اللى هتكملى معايا ميراث عشق جدى وجدتى ،موافقة يبقى ليا مكان فى قلبك ولا ايه؟!
غزل عيونها لمعت ودموعها نزلت من كلام يوسف معقول اخيرا هتتجوز حب حياتها؟اخيرا هتلمس امنيتها بين ايديها ؟اخيرا دعوتها اتحققت!
غزل بصت لجدها وجدتها وهما الاتنين هزوا دماغهم بالموافقة ورجعت بصت لريناد ونادر اللى فرحتهم كانت معدية للكل وهما بيقولولها توافق بحماس
يوسف:يابنتى حرام عليكى انا ركبى مش قادر قولى موافقة ولا لا
غزل بكسوف:موافقه
الكل سقف بفرحة ويوسف لبس غزل الدبلة والخاتم وباس ايدها وسط فرحة الكل والشغالات اللى زغرتوا بفرحة كبيرة ليهم
اتجمع الكل حواليهم وباركولهم وغزل راحت ل جدها وجدتها وباست ايدهم
رقية بدموع :دلوقتى انا مطمنة على بنت قلبى لانها مع اللى هيصونها ويصون قلبها اللى زى الدهب ده
ربنا يحميكم يا حبيبتى ويبارك فى عمركم وتعيشوه فى هنا وسعادة وراحة يا رب
الجد:انا اكتر واحد فرحان فى الدنيا لانى اطمن على اغلى اتنين على قلبى مبروك يا حبايبى وهديتى ليكم انى هفتح الاوضتين اللى ف الدور التالت ليكم انتو الاتنين وهجهزلكم الجناح هدية منى ليكم .
ابتسمت غزل بحب وحضنت جدها وجدتها وكذلك يوسف .
اسماء وهى بتمسك غزل:واد يا يوسف انا بنتى يا حبيبى مش هتتخطب سكيتى كده دى يتعملها احلى واجمل حفلة حتى لو هتصرف اللى وراك واللى قدامك اه يا حبيبى انا بنتى مش قليلة
مؤمن : وبعدين ايه حتة الخاتم اللى ضاحك عليها بيه ده؟انا بنتى يلزمها احلى واغلى شبكة فى مصر كلها
يوسف بصدمة:جماعة انتو فاهمين غلط…انا اللى ابنكم
اسماء:مش مبرر انك متفرحش بنتى
ضحكت غزل بحب لعمها ومراته وحضنتهم
غزل:انا كفايه عليا الخاتم ده يا ماما ،دى اغلى واجمل هدية جاتلى والله
اسماء:بت انتى وش فقر؟احنا عايزين نفرح ده ايه العيلة دى
ضحكوا كلهم ويوسف قال
يوسف:خلاص ..يوم الخميس الجاى تجهزوا نفسكم بقى لاحلى وافخم حفلة متعملتش فى اى مكان قبل كده
ريناد صفرت:ايوه كده يا ابيه هو ده الكلام
الجد:جهزوا نفسكم بقى لخطوبة وكتب كتاب مع بعض …احنا معندناش بنات يا حبيبى تخرج مع خطيبها كده
يوسف :لا يا جماعة انا بدأت احس انكم لاقيينى على باب جامع وده مش فير
ضحك الكل عليه والبيت اتملى ضحك وانبساط والسعادة باينه على وش غزل اللى يشوفها يعرف انها اتحولت 180 درجة من فرحتها .
فى الوقت ده دخلت نجلاء وبنتها وجوزها على صوت الضحك مشيوا لغايه الريسبشن الكل سكت اما شافهم
نجلاء وهى بتقعد:فيه ايه سكتوا ليه؟متضحكونا معاكم !
اسماء بكيد:فيه يا حبيبتى انى يوسف نور عين امه خطب غزل حبيبة قلب امها .
جملة اسماء وقعت على دماغهم زى المصيبة ده معناه ان يوسف طار من بين ايديهم!
ريناد بمكر:ومش بس كده يا طنط ،ده كتب كتابهم الخميس الجاى عقبال سارة ونادر كده
ضحك الكل فى صمت على جملة ريناد وعلى منظرهم كلهم .
انور:ايه الكلام الفارغ ده؟اتخطبت وانا اهر من يعلم؟هو انا مش ابوها ومن حقى انى اعرف
ضحكت غزل بسخرية على كلمه ابوها ولفت وشها الناحية التانيه
على بصرامة :يوسف طلب غزل منى وانا وافقت ،عندك اعتراض يا انور؟!
انور:العفو يا بابا بس من حقى اعرف ولا ايه هى سيابتها وصلت انها متعرفنيش كمان؟
رقية :الزم حدك يا انور ،يوسف طلبها قدامنا كلنا وقالها كلام لمسنا كلنا ويخلينى اديله بنتى وانا مطمنة من الحب اللى شايفاه فى عيون الاتنين لبعض .
اسماء:واى كلام يا نوجا بقا ،بت يا ريناد شغلى الفيديو على الشاشة خلى طنطك وعمك وبنت عمك يفرقعوا ..قصدى يفرحوا
ريناد:عنيا يا ماما
وشغلت ريناد الفيديو على الشاشة اتفرجوا بغيظ وسارة مستحملتش وقامت طلعت فوق على طول ووراها نجلاء وانور
اسماء بعلو صوتها عشان يوصلهم :الله يبارك فيكوا يا جماعة كنتو استنو وهعمل شربات
الكل خرج الضحكة اللى كان مخبيها من كلام اسماء وبقيوا مش قادرين .
يوسف:احم …جدى بعد اذنك هقعد انا وغزل فى الجنينة شوية
الجد:تمام ..خدوا راحتكم
وخرج يوسف وغزل للجنينة….
###################
فوق ..
سارة رايحة جايه فى الاوضة بغضب
سارة:يعنى ايه يا ماما؟يعند كل حاجة راحت
نجلاء:اهدى يا سارة دى لسه خطوبة
سارة:اهدى ايييه؟انتى مشوفتيش قالها ايه وهو بيتقدم؟
نجلاء:كلام يا سارة كلام ….اهدى بقا وخلينا نفكر انا قولتلك يوسف ليكى ومش لحد تانى
قعدت سارة على طرف السرير وهى بتهز فى رجلها وبتاكل ضوافرها
انور :يووووه ،متهدى يا سارة هو كان اول ولا اخر واحد؟انتى اللى معرفتيش توقعيه وجات هى خدته على الجاهز
سارة:يعنى غلطتى انا انى محترمة ومش بروحله فى نص الليل ؟
انور:نص ليل ايه؟انتى بتقولى ايه؟
نجلاء بصت لبنتها بخبث
نجلاء بخداع:بس يا سارة
سارة ببجاحة وكذب:بس ايه يا ماما؟انا شوفت غزل من وقت ما جات وهى كل يوسم بتروح ل يوسف اوضته ومش بتخرج منها غير وش الصبح قبل ما اللكل يصحى ومفهمانا انها الخضرا الشريفة
انور:انتى عارفة لو الكلام اللى بتقوليه ده صح انا هخربها عليهم
نجلاء:اهدى يا حبيبى خلينا نشوف اخرة تمثيلها ده ايه وبعدها نأدبها بطريقتنا
وخدت نجلاء انور على اوضتهم وغمزت لسارة بانتصار فى الخفا وسارة ابتسمت بانتصار ودخلت تقعد فى البلكونة لكن انتصارها اتحول لغليان بمجرد ما شافت غزل ويوسف قاعدين وحدهم فى الجنينة .
&&&&&&&&&&&&&&&&&&&&
تحت……
غزل كانت قاعدة جنب يوسف على كرسى وباصة للسما
يوسف:طاب ايه جمال السما شادك منى ولا ايه؟
غزل بكسوف:لا …معاك اهو
يوسف:غزل ..انتى وافقتى عليا برضاكى ولا اتحرجتى منهم ؟
غزل :ليه بتقول كده يا يوسف؟
يوسف:مش عارف بس حابب اسمع منك
غزل:هتصدقنى لو قولتلك ان كل اللى حصل جوة ده كان احلى حاجة حصلتلى فى الدنيا ؟
يوسف:ده ليه بقا؟
غزل:عشان كنت مستنياه يحصل
يوسف:يعنى انتى بتحبينى؟
ابتسمت غزل بخجل وهزت دماغها ب اه ليوسف وابتسم بفرحة وامل للى جاى
غزل :فى السنين اللى عشتها بره كانت الحاجة الوحيدة اللى مصبرانى هى سلسلتك وصورتك ،كنت كل ليلة وانا بصلى القيام بدعى ان ربنا يجعلك من نصيبى ،كان نفسى الامنية دى تتحقق ودايما كنت بدعيلك بالنجاح والتوفيق فى كل مرة كنت بشوف صورك على النت وان الصحافة أد ايه فخورة بوجود شخصية ناجحة زيك فى مصر كنت ببقى فخورة بيك أوى ،كان لازم اكتم حبى ليك جوايا ومخرجوش ليك عشان غلط ،انا لغايه دلوقتى يا يوسف مش مصدقة اننا اتخطبنا ممكن تشوفنى اوڤر …بس صدقنى انا ده اللى حاسة بيه ،لما كنت بشوف صورك كنت بطمن انت كنت بالنسبالى الامان والراحة مفيش حد بيقدر يدينى الامان زى جملتك لما تقولى انا معاكى لو احتاجتى اى حاجة متخافيش ،الامان كله اتلخص فيك يا يوسف أمانى هو انت .
ابتسم يوسف بسعادة من قلبه
يوسف:تعرفى انا لو من حد قالى انى هحبك واطلب ايدك كنت موته
غزل بضحك:ليه؟
يوسف:كنت شايفك اختى يا غزل ،اختى الصغيرة اللى بحبها وبفسحها واجيبلها كاندى كل شوية ..ترجمت اهتمامى بيكى على انه اهتمام اخوى وحب اخوى بس كنت غلطان ..طلع كل اللى فى قلبى ليكى حب ظهر اول ما تعبتى ووقعتى بين ايدى ودخلتى المستشفى وقتها حسيت نفسى ضاق وبقيت مش عايز حاجة غير انى اخدك فى حضنى وبس ،كنت عايز اطمن روحى انك كويسة وقتها عرفت انى بحبك ومش هستحمل تبعدى عنى
غزل:بتحبنى بجد يا يوسف؟
يوسف:كل الشعر ده وبتسألى طاب اهو
قام وقف ووسط الجنينة كلها قال بعلو صوته :بحبك يا غزززل
ضحكت غزل ودموعها نزلت وهى مبسوطة ان اخيرا قلبها ضحك واطمنت .
اما فوق ف كانت سارة شايطة ودموعها نازلة بغيظ ان غزل عايشة كل السعادة دى وهى لا واقسمت انها تنتقم منها
بعدها بشوية غزل طلعت اوضتها واتوضت وصلت ركعتين شكر لله ونامت ولاول مرة تكون مبسوطة
.
@@@@@@@@@@@@@@
عدا كام يوم والكل مشغول فى تجهيزات الحفلة وغزل كانت كل يوم بتروح المول تشترى اللى محتاجاه ويومها مش بيخلى من اهتمام يوسف بيها وبأكلها حتى وهو فى الشركة وكانت عايشة أحلى واجمل قصة حب فى الدنيا
جه يوم كتب الكتاب وغزل لبست فستان ابيض رقيق ولفت حجابها بشكل لايق عليها وعملت ميكب خفيف جدا بناء على طلب يوسف
جه المأذون والكل فى انتظار طلة العروسة اللى طلع مؤمن ينزلها
نزلت غزل وهى ماسكة ايد مؤمن ولفتت نظر كل اللى فى الحفلة وجدتها واسماء فضلوا يقولوا ماشاء الله ويكبروا
يوسف كان مستنيها على اخر السلم وريناد وراها بترمى ورد عليهم
مسك يوسف ايد غزل وباسها بحب
يوسف:ايه القمر ده؟
ابتسمت غزل بكسوف وخدها وقعدها جنبه على ترابيزة المأذون وانور قعد قصاد يوسف بعد اقناع من على انه لازم يبقى موجود حتى لو صورى عشان الناس
بعد مده من كتب الكتاب قال المأذون جملته الشهيرة..
"بارك الله لكما وبارك عليكما وجمع بينكما فى خير ".
الكل زغرت وابتسم بفرحة وحضنوا يوسف وغزل وباركولهم فى اللحظة نفسها اللى اشتغلت اغنيه رومانسية وطلبوا من يوسف وغزل انهم يرقصوا سلو عليها وكانت الاغنيه بتوصف احساسهم اوى وسرحوا فى عيون بعض وهما بيغنوها لبعض
اغنية اسمي ادهم سليمان
اسمي يفرق في ايه وياكي انا حد عاشق ولقاكي انا انسان
عمري لو الف عام في عنيكي بلاقيني طفل وبلاقيكي دفى وامان
انا عندي لعنيكي كلام محدش غيري في الدنيا
يقوله في يوم من الايام ليكي او لناس تانية
ولو كل الكلام اتقال عنيكي في غربتي موال
هخلق منه معنى جديد معنى فاق كل الخيال
انا زادي في هواكي الشوق وزوادي وانا المعشوق
وانت الشمس مهما تغيب تاني تنوري الدنيا
وهمشيلك بلاد الله وهحكي لكل خلق الله
عن سيرة هوى عاشق عن تايب الى مولاه
انت انت موجة عالية جدا
وبرغم اني في السباحة مش غشيم بس بأرادتي غرقت فيها
انت انت زي الارض تمام وانا منك
شايلاني وانا عايش حضناني لما بموت منك وليكي بعود
انا عندي لعنيكي كلام محدش غيري في الدنيا
يقوله في يوم من الايام ليكي او لناس تانية
ولو كل الكلام اتقال عنيكي في غربتي موال
هخلق منه معنى جديد معنى فاق كل الخيال
انا زادي في هواكي الشوق وزوادي وانا المعشوق
وانت الشمس مهما تغيب تاني تنوري الدنيا
وهمشيلك بلاد الله وهحكي لكل خلق الله
عن سيرة هوا عاشق عن تايب الى مولاه
خلصت الاغنيه والكل سقف بحب ليهم ويوسف اخدها وقعدوا مكانهم على الاستيدج
غزل:يوسف انا فيه حاجة عايزه اديهالك
يوسف:ايه يا حبيبتى؟
بصت غزل لريناد اللى قربت منها وادتلها بوكس صغير ومشيت
يوسف بعدم فهم :ايه ده؟
غزل:مهو مينفعش عريس يمشى من غير دبلة برضو
وخرجت دبلة لونها اسود من العلبة مكتوب جواها "بحبك..غزل"
ابتسم يوسف وغزل لبستهاله فى ايده اليمين
يوسف:متلبسيها ف الشمال انتى مراتى
غزل:تؤ تؤ خليها كده عشان نبدلها يوم الفرح واحنا بنرقص
يوسف :مااشى اما اشوف اخرتها معاكى
غزل بغمزة :اخرتها فل يا چو
يوسف بصدمة:غزل؟!اين الحياء انا لا اراه
ضحكوا سوا والصحافة كانت بتصورهم
سارة:شايفة يا ماما ؟مش قولتى هتتصرفى
نجلاء :انا اتصرفت اتفرجى على اللى هيحصل
وفى اثناء الحفلة دخلت شذى وهى شايلة مراد وبعلو صوتها وقفت على الستيدج وقالت
شذى:مبروك يا يوسف بيه بس مش واجب كنت تجيب ابنك يباركلك ؟