رواية وجه اخر الفصل الرابع4بقلم سما
- إيه هشتغل معاه..
- انتي عايزه تخرجيني عن شعوري صح؟
- وانا مالي بيك..انا اصلا مكنتش هقولك بس انت اللي اصريت..
- يا بنتي انتي فاهمه انتي بتعملي ايه؟
- اه الحمد لله عندي عقل..
- طيب يا هيام اخر كلام عندي مش هتشتغلي مع الزفت ده..
- هشتغل يا نديم وانت ملكش كلمه عليا..
- ماشي يا هيام بس ده بالذات لا.
- ليه؟
- مانتي عارفه اللي فيها..
- لا مش عارفه عرفني..
- يا هيام بلاش استعباط..
- انا مش بستعبط بس خلاص واحد كان معجب بيا زمان وخلاص انا دلوقتي متجوزه وهعرف اوقفه عند حده..
- طب ليه اصلا؟
- كده شركه ناجحه وعايزه استفيد..
- يا هيام بلاش اسمعي مني الشخص ده مش سهل..
- وانا كمان عارفه انا بعمل ايه..
- والله انتي ما عارفه حاجه في الدنيا..عامله فيها ناصحه وخلاص..
- رديت بعصبيه:انا ناصحه غصب عنك يا نديم..
- طيب لو عايزه تشغلي تعالي وانا اشغلك معايا في الشركه..
- انسي..بقي انا عايزه ابعد واريح دماغي شويه منك اروح الزق فيك في الشركه..
- خلاص روحي اشتغلي مع سامح..هو اللي حلو..
- اه. هشتغل وهبقي مبسوطه..اطلع انت منها بس..
- انا هطلع بس بمزاجي..
- معلش..
- وتاني مره يا هيام لو خرجتي من غير ما اعرف والله هتزعلي مني.
- انت بتحلف علي مين؟
- عليكي
- ماشي احلف براحتك..وانا اعمل اللي انا عايزاه..
- نديم بعصبيه: هيام انا مبهزرش في الموضوع ده..
- ليه ما تهزر واضحك كده وفكك مني عشان هتتعب..وسيبته ودخلت..
- هيام انا لسه بتكلم..
- اتكلم هو انا مسكتك..
- تعالي هنا..
- لا..
- ودخلت جوه الاوضه: انا هجننك يا نديم استني بس..
>>>>>>>>>>>>>>>>>>>>>>>>>>>>>>
- كنت قاعده شميت ريحه شياط جريت علي المطبخ: بتعمل ايه؟
- نديم: بعمل بيض مقلي جعان..
- يحزني ده مقلي ؟!دانت شويته..
- منا نسيت اوطي النار..
- ومقلتليش ليه؟
- كنتي هتعمليلي؟
- لا كنت هخليك تنام جعان..
- منا عارف..
- طب يلا نضف اللي انت عملته ده..
- انضف ايه بقولك جعان..
- ما تاكل عيش وجبنه يابني واحمد ربنا..
- زهقت من العيش والجبنة..اعمليلي اي حاجه..
- مش قادره..
- تعبانه يعني؟
- لا مش قادره اعملك وتاكل وكده نفسي مش جيباني..
- اعتبريها لله..
- تصدق ماشي..
- هتعمليلي؟
- اه خلاص متعملش شبه اللي مشفش اكل كده..
- هيام انتي مطبختيش غير مره من ساعه ما اتجوزنا...
- يعني شفت اكل؟
- اه
- عايز ايه تاني بقي..
- يلا اعملي بقي..
- طيب..
- خدي البيض اهوه..
- ماشي..واقفلي ليه بقي؟
- بتفرج..
- يلا يا حبيبي بره.
- حبيبي؟
- يادي النيله..
- قولها تاني..
- يا بني ارحمني انا بقولها لاي حد..
- بس انا مش اي حد..
- ضحكت وقلتله: نص ثقتك بجد..
-شفتي الدنيا زي الفل ازاي واحنا بنضحك وحلوين..
- انا بقول برضو تنام من غير عشا..
- يستي خلاص اعملي..طلعت اهوه..
- بالسلامه...
>>>>>>>>>>>>>>>>>>>>>>>>>>>>>>
طلعت وحطيت قدامه الاكل..
-نديم: تسلم ايدك..
- هزيت رأسي وقلت: انا هدخل انام..
- اقعدي كلي..
- لا مش عايزه..كل انت..
- مش عايزه ليه؟
- مش بحب اكل بليل..
- طيب براحتك..
- ابقي كل وحط الاطباق جوه مش تسيبها هنا..
- حاضر..
- دخلت اوضتي ولقيت موبايلي رن..ببص فيه كان سامح..رديت عليه..
- الو يا هيام..
- اهلا يا سامح..
- هنبدأ شغل بكره..
- اه ان شاء الله..
- انا ممكن لو مفيهاش ازعاج يعني اعدي اخدك بالعربيه في طريقي..
- لا منا معتش في طريقك...
- ازاي؟
- يعني انا اتجوزت..انت متعرفش..؟
- اتجوزتي؟ مين ده؟
- نديم ابن خالتي..
- امم طب ما كده فيه مشكله..
- ايه هي؟
- مش هقدر اشغلك..في الشركه.
- ليه؟
- مش بشغل ناس متجوزه..عايز اللي يشتغل يبقي مش وراه اي مسؤوليات..
- بس انا هعرف اوفق وان شاء الله هبقي كويسه جدا في شغلي..
- انا اسف بس دي قاعده عندي..
- لا دي مش قاعده يا سامح انا عارفه اني فيه ناس معاك متجوزه وعادي..
- اصل دول معيا بقالهم كتير..
- تمام يا سامح..
- تمام مع السلامه...وسلميلي علي نديم هو اكيد عارفني..
- اكيد ليه يعني؟
- شافني في الكليه معاكي قبل كده..
- اه ممكن..
- طيب ي هيام كان نفسي نشتغل مع بعض..الدنيا كانت هتبقي حلوه اوي..
- ازاي يعني؟
- يلا مش مهم..
- ماشي سلام..
- سلام..
- قفلت التليفون ورميته وكنت مضايقه اوي لاني كنت فاهمه قصده كويس..وفجأه حسيت اني عايزه اعيط بس خدت نفس ومردتش اعيط..قمت وقفت قدام المرايه: يوه بقي يا نديم مش بتحط الحاجه مكانها كده..ولسه بحط ازازه البرفيوم وقعت مني واتكسرت...بصيت للازازه وبدأت اعيط جامد كأني مستنيه فرصه..
- نديم سمع الصوت ودخل الاوضه بسرعه: ايه اللي وقع؟
- فضلت اعيط ومردتش عليه..
- نديم قرب منها وقال: فيه ايه بتعيطي ليه يا هيام؟
- قلتله بعياط: البرفيوم بتاعك اتكسر..
- يستي في داهيه انتي بتعيطي عشان كده؟
- لا
- امال فيه ايه؟
- مخنوقه..
- من ايه ياهيام؟
- من كل حاجه ومن اللي بيحصلي مفيش حاجه بتظبط يا نديم..ليه حياتي بقت عامله كده..
- خلاص اهدي كل حاجه هتتحل والله
- ايه اللي هيتحل يا نديم..اخره اللي احنا فيه ده ايه..انا تعبت..تعبت من اني اعمل مش فارق معايا واني جامده بس انا تعبانه اوي..
- مش مطلوب منك تبقي جامده يا هيام عيطي وزعقي واعملي كل اللي انتي عايزاه..
- انا عايزه امشي من هنا يا نديم..عايزه ابعد شويه..
- ليه يا هيام انا والله حتي لو بتعملي كل ده انا مقدر وعارف ان حقك تعملي اكتر من كده وصدقيني مهما عملتي انا مش هزعل منك يا هيام..
- نديم انت أذيتني وخايفه مقدرش ارجع هيام تاني خايفه الوجع ده يخليه جوايا..
- نديم مسك ايديها وقال: لا ان شاء الله كل ده هيعدي وانا هعمل كل حاجه عشان انسيكي واعوضك..
- شلت ايدي منه وقلت: تمام يا نديم..
- تمام متعيطيش بقي..
- حاضر..
- استني هجيب حاجه واجي الم الازاز ده..
- حاجه ايه؟
- نديم ضحك وقال: الجاروف..
- شاطر..
- عيب عليكي..
- معلش علي البرفيوم بقي..
- يستي فداكي..
- هزيت رأسي بابتسامة...
>>>>>>>>>>>>>>>>>>>>>>>>>>>>>>
- تاني يوم كنت نايمه لقيت نديم بيصحيني..فتحت عيني: نعم؟
- انت مش راحه الشغل؟
- لا مش هروح..
- ليه كده؟
- مش هشتغل..
- لا فيه حاجه ؟!يخساره مش هتنجحي في حياتك كده وتبني كارير..
- خلصت شماته؟!
- لا مش قصدي علفكره انا بهزر معاكي..
- ماشي..
- مالك يا هيام؟
- مفيش..
- انت لسه مخنوقه؟
- يعني اه..
- طب ما تنزلي تقعدي مع صافيه وتخرجوا تتمشوا شويه..
- لا مش عايزه..
- هيام انت كده هتتعبي..
- لا متخفش..
- طب انا هخلي صافيه تطلع تقعد معاكي وفكي كده في داهيه الشغل ده لو انتي عايزه تشتغلي اشوفلك شركه كويسه..
- ابتسمت وقلتله: بجد؟
- ايوا بجد..
- ياريت يا نديم..
- حاضر يستي انا هشوفك مكان كويس..
- متنساش..
- يستي متقلقيش قومي بقي وسيبك من الزعل ده..
- حاضر..
- يلا سلام..
- مع السلامه..
>>>>>>>>>>>>>>>>>>>>>>>>>>>>>>
- كنت قاعده بتفرج علي الشاشه..جه في بالي فجأه ان ليه معملوش مكرونه بشاميل..
- قمت ودخلت المطبخ وانا متحمسه عشان يعني هو محبش يشوفني زعلانه بس ده ميمنعش ان من جوايا مش عارفه انسي اللي عمله..
- بعد شويه سمعت الباب بيفتح وكان رجع..
- طلعت من المطبخ وقلتله: انت جيت..
- ايوا..
- تعرف اني عملتلك مكرونه..
- مش عايز..
- مش عايز ازاي يعني؟!
- يعني مش عايز يا هيام..
- انت حر..بس علي الاقل قدر اني تعبت فيها..
- هيام انتي ليه مقلتيش ان سامح كلمك..
- وانت عرفت ازاي؟
- هو اللي قالي..
- وانتي قابلته فين؟
- هيام انا قلتلك سامح ده كان عايزك عشان يقرب منك ومصدقتنيش..
- خلاص يا نديم كنت عايزه اتأكد بنفسي..شوفته فين؟
- اتقابلنا انهارده في ميتينج..وقالي..
- ايوا وخلاص انا قلتله اني متجوزه وقال عايز وحده تكون فاضيه وخلاص..
- انتي كنتي مضايقه عشان كده..؟!
- يعني
- نديم ضحك بسخريه وقال: تزعلي عشان شغل مع سامح يشيخه ازعلي علي حاجه تستاهل..
- مش فاهمه انت بتتريق ليه؟ خساره فيك المكرونه والله..
- اه صحيح اخيرا هاكل مكرونه..
- مش هتاكل..
- ليه طيب؟
- مش قلت مش عايز؟!
- اصلي كنت قافش..
- خليك قد كلمتك بقي..
- بس متقلقيش عرفت اخلي يسامح يولع كده..
- ازاي؟
- قلتله يا بني مراتي دي انا اشغلها في احسن شركه هي بس اللي نزلت بمستواها..
- ياريت كان بجد..
- ومين قال انه مش بجد؟
- لقيتلي شغل؟
- اه ولا تقوليلي بقي شركه سامح ده شركه بقي حاجه كده من الاخر..
- ضحكت بفرحه وقلتله: احلف..
- والله..
- والله انت تستاهل المكرونه دنا اخش اجيبلك بقي..
- يلا بسرعه..