رواية وجه اخر الفصل الخامس5بقلم سما
- صحيت انهارده وكان عندي نشاط وكنت متحمسه اوي..لاول يوم شغل..
- نديم دخل الاوضه وقال: ايوا بقي الناس اللي صاحيه من بدري دي..
- اه لازم اجهز..هي الشركه فين يا نديم صحيح؟
- الشركه؟
- ايوا..
- مالها؟
- فين ولا اسمها ايه؟
- الصراحه يا هيام انا هشغلك معيا في الشركه..
- انت بتهزر صح؟
- لا والله هي كويسه وفعلا هتقدر شغلك..
- يا نديم انا مش عايزه ابقي معاك..
- طب راعي مشاعري طيب..
- يعني انا كده هشوفك في الشركه وهنا..
- وماله؟
- انا مش هشتغل يا نديم..خلاص مش عايزه..
- هو انا هأكلك يعني ولا ايه؟
- قلتلك خلاص..
- يا بنتي افهمي انتي هتبقي في الدور اللي تحت يعني مش معايا..
- امم يعني مش هشوفك..
- لا منا هجيلك..
- ليه؟
- ابص عليكي وكده..
- يا حول الله يارب..
- هااه قلتي ايه؟
- طيب يا نديم..
- وافقتي؟
- امري لله..
- يلا بقي اجهزي عشان منتأخرش..
- نديم انتي هتوصلني بعريبتك؟
- اكيد..
- اوكيه
- يلا هستناكي بره..
- طيب..
- بعد شويه نديم دخل الاوضه وقال: ايه خلصتي؟
- استني هحط بس بلاشر وخلاص..
- لا متحطيش حاجه..
- ليه؟ خفيف كده عشان ابان قمر كده..
- انتي قمر من غير حاجه..
- ابتسمت وقلتله: انتي شايف كده؟
- مش شايف غير كده..
- طب خلاص مش هحط..
- نديم ابتسم وقال: يسلام لو تفضلي كده علطول..تسمعي الكلام كده ط..
- هعتبر نفسي مسمعتش اي حاجه..مش هزهق نفسي خالص..
- انا بقول كده برضو..
- يلا يا نديم..متخليناش ندب خناقه دلوقتي..
- لااا وعلي ايه؟ يلا..
- نزلنا عند العربيه ولقيته فتحلي الباب..
- نديم: اتفضلي..
- ابتسمت وقلتله: شكرا..
- نديم: لو احتجتي اي حاجه ابقي كلميني وانا هنزلك علطول...
- حاضر..وانت بقي يا نديم شغال ايه كنت بتقول اترقيت..
- اه بقيت رئيس القسم..
- بجد عقبالي كده..
- نديم بابتسامة: ان شاء الله..
- انت برضو تعبت علي ما وصلت لده..
- اكيد ورحت كذا شركه وفيه شركات مجهودي فيها اتسرق لحد ما جيت الشركه دي كويسه جدا...عشان كده انا مكنتش عايزك تمري بده في اي شركه تانيه..وجبتك في مكان مضمون..
- بس برضو كان ممكن اتعلم..
- صدقيني الموضوع مش سهل كده الموضوع بيبقي مؤذي وممكن يخليكي تكرهي الشغل..
- ايوا معاك حق..
- صدقيني الموضوع اني اجيبك هنا مش عند خالص بس اني حطيتك في المكان صح..
- ابتسمت وقلتله: شكرا يا نديم.
- العفو ده واجبي...
>>>>>>>>>>>>>>>>>>>>>>>>>>>
- دخلت الشركه انا وهو وركبنا الاسانسير..
- الدور الكام؟
- انت في التاني وانا في التالت..
- الفرق دور؟!
- اه يعني في ثانيه هتلقيني عندك نادي عليا من علي السلم بس..
- ضحكت وقلتله: عنيا حاضر..
- المهم عايزك ترفعي رأسي..
- متقلقش..انت معرفهم اني مراتك؟
- اه..
- ليه يا نديم؟
- مش عايزاني اعرفهم؟!
- مش حكايه كده بس يفكروا اني جايه بواسطه او كده..
- وانتي شغلتك ايه؟
- مش فاهمه..
- يعني انتي جيتي واشتغلتي وانا واثق اني هتثبتلهم العكس..
- ان شاء الله..
- يلا اطلعي وصلنا..
- انت جاي معايا؟
- ايوا عشان اشوف مكتبك وكده..
- طيب..
- اول ما دخلنا لقيتهم كلهم بدأوا يسلموا علي نديم وباين انه محبوب..
- هنا: مراتك عسوله اوي يا مستر نديم.
- ابتسمت بخجل وقلتلها: شكرا..
- نديم : خلي بالك منها بقي يا هنا..
- دي في عنيا..
- ابتسمت وقلت: حبيبتي تسلميلي..
- نديم: يلا يا هيام ادخلي وانا هبقي اجي اعدي عليكي ولو حد ضايقك قوليلي..
- خلاص يا نديم حفظت والله..
- نديم حط ايده علي دراعي وقال: تمام انا هطلع انا بقي..
- بعدت شويه وقلتله: تمام..
- نديم شال ايده وقال: سلام ومشي..
- الصراحه انا كنت مبسوطه اني اشتغلت و انه مخلي باله مني بس اول ما بيقرب مني او يلمسني بحس اني مش حابه كده..او لسه برضو اللي جوايا متغيرش..
>>>>>>>>>>>>>>>>>>>>>>>>>>>
- بعد شويه كنت قاعده بتشغل ولقيت هنا جايه..
- هنا: ازيك انا هنا..
- اهلا بيكي انا اسمي هيام..
- اتشرفت بيكي..
- انا اكتر يا حبيبتي..
- اتفضلي ده..
- ايه ده؟
- ده فطار مستر نديم بعتهولك..
- خدته منها وقلتلها شكرا..
- هنا بابتسامة: العفو..
- مسكت موبايلي ورنيت عليه...
- نديم: الو..
- شكرا علي الفطار..
- العفو ريحي شويه وافطري..
- حاضر..وانت بتعمل ايه كده؟
- مفيش عندي ميتينج دلوقتي بحضر له..
- تمام..
- تمام..مع السلامه..
- سلام..قفلت معاه من هنا وببص لقيت سامح جاي..دريت نفسي كده عشان ميشوفنيش مش عايزه اتكلم معاه..ورنيت علي نديم تاني..
- الو يا هيام..
- مروان هو ايه اللي جاب سامح هنا؟
- شغال في مشروع مع شركتنا..ملكيش دعوه بيه ولو ضايقك قوليلي... ببص لقيته جاي عليا..
- طيب يا نديم..
- متسيبهوش يتجاوز حدوده يا هيام..
- لسه بقول حاضر كان سامح جه واتكلم: ازيك يا هيام ده الشركه نورت..
- تمام يا نديم هكلمك بعدين..وقفلت بسرعه..
- نديم: شكلك مش هتجيبها البر يا زفت..
- هيام: خير يا سامح..
- يعني جاي اسلم عليكي..
- هو فيه بينا سلام..؟!
- ايوا دحنا صحاب حتي..
- لا مش صحاب واللي بينا كان شغل وخلاص خلص..
- ايه ده انتي زعلتي؟.
- ببص لقيت نديم جاي علينا..
- نديم: تعالي يا هيام عايزك..
- سامح: الله مش شايفنا بنتكلم..
- نديم: ايه ده سامح معلش مختش بالي..
- ده اللي هو ازاي يعني؟
- ايه يعني انا مثلا هشوفك ومش هسلم عليك ده برضو كلام؟
- سامح : المهم يا هيام هنبقي نكمل كلامنا بعدين..
- هيام: قلتلك يا سامح مفيش بينا كلام..
- سامح: ماشي يا هيام..
- نديم: مع السلامه يا سامح..
- سامح بضيق: سلام..
- نديم بص لهيام وقال: شوفي بيقولها من غير نفس ازاي مش هيسلك ابدا..
- انت ايه اللي نزلك يا نديم؟
- عادي قلت اطمن عليكي..
- يعني مش عشان سمعت صوت سامح..
- لا محصلش..
- ضحكت وقلتله: حاضر هعمل نفسي مصدقاك..
- وماله..
- يلا روح كمل شغلك..
- الشغل هنا عجبك؟
- اه كويس اوي..
- اي حد زعلك هنا؟ شاوري بس عليه..
- ضحكت وقلتله: لا كلهم كويسين..
- كده تمام..هروح انا عشان الاجتماع..
- ماشي..
- ماشي..سلاااام ومشي..
>>>>>>>>>>>>>>>>>>>>>>>>>
- خلصت شغل وقلت اطلع اشوفه وطلعت لقيته واقف مع واحده كده بصيت عليه اوي عشان اشوفه كده بيتعامل ازاي: ظلمتك طلعت مؤدب..
- نديم رفع رأسه واول ما شافها ابتسم وراح عندها..
- خلصت؟
- انتي خلصتي؟
- اه وطلعت اشوفك لسه قدامك كتير؟
- لا خلصت..هجيب حاجتي من جوه واجي..
- تمام..
- خلصنا ونزلنا انا وهو وركبنا العربيه..
- نديم: الشغل عامل ايه؟
- حلو اوي اشتغلت وراجعت ملفات..حبيت الشغل الصراحه..
- نديم بابتسامة: كويس اوي..
- سكت شويه وانا متردده اكلمه ولا لا..
- نديم: ساكته ليه؟
- نديم عايزه اسأللك علي حاجه..
- قولي..
- بخصوص ساره..
- ايه اللي جاب الموضوع في دماغك..
- يعني افتكرت انها كانت شغاله معاك هنا وكده..
- ايوا وعايزه تسألي ايه؟
- يعني انتوا كنتوا بتحبوا بعض ايه اللي خلاك تبقي مش قادر تسامحها كده..
- نديم سكت شوية وقال: عشان..ببساطه عملت حاجه مفيش واحد يقدر يسامح عليها...
- اظن الحاجه دي هي الخيانه..
- نديم سكت وهز رأسه...
- بتهزر خانتك؟!
- ايوا يا هيام خلاص..
- ضحكت وقلتله: سبحان الله..
- فيه ايه؟
- في الوقت اللي كان فيه واحده بتحبك وشايفاك احسن واحد في الدنيا واحده تانيه عملت كده..
- نديم: وانا خايف اخسر الحب ده اوي يا هيام..
- هيبقي غصب عني يا نديم..
- نديم وقف العربيه وبصلها وقال: يمكن اللي هقوله مش هتصدقيه بس يا هيام انا بقيت بخاف عليكي اوي ومش عايزك تزعلي ولا تشيلي هم عايز اشوفك مرتاحه بس..وحابب حياتي بيكي..
- فضلت بصاله وهو كمان باصصلها ثواني ونزلت عيني وبصيت من الشباك...
- نديم: مش عايزه تقولي حاجه يا هيام..
- سيب الايام اللي تثبت يا نديم..
- نديم هز رأسه وقال: معاكي حق..
- بصيت من الشباك وانا مش قادره احدد انا حاسه بإيه بس اللي متأكدة منه انه فعلا بقي بيفكر فيا وبيدور علي راحتي..
>>>>>>>>>>>>>>>>>>>>>>>>>
- كنت قاعده في اوضتي وبظبطها..لقيت نديم جه..
- هيام
- نعم يا نديم؟
- بقولك ايه هو انتي مش بتهزقي من البيت وكده..
- يعني بس هعمل ايه؟
- ما تيجي ننزل نتمشي شويه ونغير جو..
- بس انت مش بتحب كده..
- لا منا بقيت بحب كده..
- فجأه؟
- لا بس وحشني ايام ما كنا بنتمشي انا وانتي واحكيلك اللي مضايقني..
- ابتسمت وقلتله: كانت ايام حلوه اوي..بس اهو اللي حصل بقي..
- هتيجي ولا ايه؟
- قلتله بابتسامة: يلا بينا..
- نديم: طيب هخش البس..
- تمام..
- بعد شويه كنا جهزنا ونزلت انا وهو..ببص عليه لقيته بيضحك..
- بتضحك علي ايه؟
- فاكره لما جبتلك بلونه كبيره وفرحتي بيها اوي وفضلت اصورك..
- ايوه ولا فاكر يوم عيد ميلادي لما رحنا عند عربيه القهوه..
- اه وانا جبت كيكه صغيره وخليتهم كلهم يغنولك...
- ابتسمت وقلتله: كانت ايام حلوه اوي..كنت ببقي فرحانه من قلبي..
- هيام..
- نعم
- افرحي من قلبك تاني واعملي اللي انتي عايزاه..انا موجود وانتي موجوده هنزعل علي ايه بقي نقدر نعمل ذكريات قد ايه مليون مره..سيبي احساسك هو اللي يحركك يا هيام..ولو علي قلبك صدقيني مش بيعرف يكره حد...
- بصتله وسكت ثواني وقلتله: هحاول يا نديم..
- وانا مش هزهق يا هيام..