رواية لست رهينته الفصل الخامس5بقلم روان
فوقت علي صوته وهو بيندهلي،
روز..
روز الشروق بدأ
_ايه دا انا نمت امتي
بتتلككي عشان تنامي علي كتفي عارف
_بصتله بضيق وقومت
مسك ايدي وضحك، بهزر والله
_حطيت شعري ورا ودني وقعدت،
يااه دا انا كنت نسيت الشمس شكلها عامل ازاي
هو انتي شوفتي الشمس قبل كدا
_اه مدوره
بجد ،وحلوه بقا؟ «قالها وهو بيحط ايده علي خده وبيبصلي»
_اه انت ماشوفتهاش
نفسي
_طب بص قدامك وانت تشوفها
كنت مستمتعه بالشروق بقالي فتره طويله ملقتش حد مهتم بنفس اهتماماتي كدا
كل حاجه بيرفكت، الخيول والسجاده الحمرا والزهور والشروق والفساتين
دي كانت امنياتي وانا صغيره
عدي حبه وقت
_طب يلا بقا روحني
ليه
_هو ايه اللي ليه
اقصد يعني ما نقعد شويه بكره يوم طويل
_عايزه استريح لليوم الطويل دا
بصلي شويه واتنهد، طب اسمحيلي نركب الخيل سوا عشان اوصلك
_ربعت ايدي، كل واحد معاه فرسته ليه هنركب سوا
اعتبريها هديه
_ضحكت، هديه! لا شكرا مبحبش المفاجأت وركبت وهو فضل واقف
_ هتركب ولا امشي انا عارفه الطريق علي فكره
ركب وهو بيقول باستنكار ، طباعك اتغيرت كتير
_____
وصلنا الاوضه
طيب ي روز الي هنا انتهت رحلتنا اشوفك غدا
_قلت بسرعه، انت رايح فين
قرب خطوه، هروح اجهز لحفله بكره وانتي كمان هسيبك ترتاحي وبما ان هنكون ثنائي فانا بحب اللون الاسود «وشاور علي البدله»
_شاورت علي الفستان، وانا بحب الأبيض
عادي، اللبن من غير شاي ملوش طعم وغمزلي
_مين قالك انا بحب اشربه ساده وقفلت الباب
ضحك ومشي وانا اترميت علي السرير وبدأت افكر في كل اللي حصل
______________
عدي اليوم
كنت بحاول اربط كل الاحداث ببعض وتوصلت لحل بس كنت متردده جدا فيه
الشباب وصلهم ماسدجات علي الشاشات اللي عندهم وهي فيديوهات تدريب علي الرقصه
واللي قررو يأجلو الاوضه اللي اكتشفوها لبعد الحفله عشان يبقو في الضمان
انما البنات وصلهم فيديوهات لكيفيه وضع الميكاب
وصباحا كل واحد صحي لقي علي سريره لبس خاص بيه بلون معين
معاد الحفله جه ..
موسيقي هاديه
الكل واقف تحت والاشخاص المهمين وصلو
الشباب نزلو والبنات نزلو بعدهم
اتفاجئو ان الوان الهدوم بينهم عاملين ماتشينج
واللي كانت
عمر وملك
مروان ولين
ياسين وملك
محمد ومي
ناقص روز! محمد قالها وهو بيعدهم
كنت قاعده في الاوضه بهدي اعصابي اللي اتوترت فجأه وكنت لابسه فستان اسود
لان هو كان شكله احلي واحد فيهم مش لاي سبب تاني خالص «او دا اللي اقنعت بيه نفسي»
رافعه شعري لفوق بميسي بان وجيت احط ميكاب
روز، روز فوقي انتي مخطوفه دا مش فرح،
متنسيش
النهارده هيكون اخر يوم
وكملت بهدوء اخر يوم وهيرتاحو
واخدت نفس وقومت
كان الباب خبط
فتحت لقيته واقف قدامي لابس بدله سودا كالعاده وماسك في ايده بليذر ابيض
ابتسم وقالي تحفهه
كل حاجه حلوه عليكي
ورمي الجاكت علي السرير في الاوضه ومدلي ايده
_بصيت للجاكت وكنت همشي واسيبه بس افتكرت خطتي بعد كام ثانيه مسكت ايده
بص لايدي باستغراب، انا مبهور
مردتش عليه ووصلنا فعلا للحفله
ميل علي ودني، هسيبك مع اصحابك اكيد وحشوكي وهرجعلك تاني
راح وقف مع اشخاص شكلهم غريب لابسين نضارات وفي ايدهم حاجه بيشربوها وايه دا بيبصولي
تجاهلتهم وبصيت لاصحابي اللي جريو عليا
روز، روز انتي كويسه
عمل فيكي ايه الندل دا
طمنينا عليكي احنا كنا هنموت من القلق عليكي
انا كويسه انتو عاملين ايه طمنوني
احنا تعبنا اوي بجد انا عايزه اروح وعيطت
وانا كمان، انا خايفه اوي
حضنتهم اوي وانا بعيط وافتكرت كل اللي حصل واني في وقت ما كنت بضحك هما كانو بيعيطو
ازاي عملتي كدا يروز ازاي
ازاي قدرتي
مسحت دموعي، انا اسفه، اسفه بجد علي كل اللي مريتو بيه بس متقلقوش دا كله هينتهي قريب اوي، اوي
هينتهي ازاي!، كان صوت مروان وهو جاي مع الشباب
مروان!
مستغربه ليه كنتي فكراني اياد
ايه اللي انت بتقوله دا
قرب كذا خطوه، بقول ايه يروز، لو كلامي مش صح عرفيني
قولت بزعيق، اسكت اسكت يمروان
زعق هو كمان، مش ساكت يروز ولا انتي نسيتي نفسك انتي مخطوفه واللي خاطفك مين اياد، اياد اللي انتي جايه ماسكه ايده ولا كأنه حبيبك من سنين
مقدرتش امسك نفسي وضربته بالقلم
مش عارفه ضربته ليه، مع انه
مع انه قال الحقيقه
اللي انا عارفاها بس بنكرها
مش عايزه اسمعها من حد، بس بس ليه محدش فاهمني
انا مش عايزه دا كله يحصل بس غصب عني
اللي بيحصل غلط
بس انا هصلح كل حاجه
كان واقف مصدوم وكل اصحابي مصدومين ولين اللي عينها مدمعه
اتدخل ياسين وخده ومشي وقالي معلش يروز هو اعصابه بس تالفه شويه من اللي احنا فيه
واصحابي هدوني علي صوت اياد وهو جاي، ايه اللي حصل في ايه
قولت وانا باصه ف الارض، مفيش ومشيت
جري ورايا ومسك ايدي، روز في ايه
سحبت ايدي وقولت بصوت عالي، مفيش حاجه ي اياد خليك بعيد عنيييي ودموعي نزلت ومشيت
روحت اغسل وشي
______
عدت الفقره الترحيبيه وجه وقت الرقصه
وقف اياد ودور بعينه عليا لحد ما شافني ابتسم واتكلم
مساء الخير عليكم جميعا
دلوقتي جت فقرتنا المهمه واللي كلنا منتظرنها واللي بتعكس مهارتنا القياديه
او بالاخص مهاره الشباب لانهم هما اللي هيقودو الحركات
كل ثنائي هيتفضلو معانا واعتقد ان كل واحد لقي الثنائي بتاعه خلاص وضحك
وانا هبدأ وبص لروز اللي كانت واقفه وسرحانه ومش مركزه مع اي حاجه
وقرب عليها ومد ايده وهو بينحني، روز يلا
مسكت ايده ومشيت معاه
وبدأ الخطوات اللي دربها عليها
كان اياد كل شويه يبص علي الراجل اللي مستضيفه ويضغط علي ايدي جامد
لحد ما مره ضغط وفضل ضاغط
اياد بتوجعني
انتبه ورفع ايده، اسف وقرب علي راسي وفك شعري ، كدا احلي
سمعت صوت تسقيف وبصيت عليهم وعلي اصحابي ومروان اللي كان بيبصلي بغضب كبير
سبته ومشيت وهو واقف في النص
وبعدها بدأ ثنائي ثنائي يطلع ومروان اعتذر من لين وانسحب من الراوند
ولين كانت واقفه زعلانه لحد ما قرب واحد منها وابتسم ومد ايده، تسمحيلي!
بصت علي مروان وبصتله وراحت معاه
________
~العرض خرافي وعجبني جدا ومبسوط اني وصلت معاك لاتفاق ي اياد بيه وطبطب علي كتفه، طلعت قدها
وسكت شويه وكمل وهو بيطلع دخان من بوقه، البنت اللي انت رقصت معاها دي روز مش كدا
اياد حكم قبضته وقال بجديه، اه ليه
~ضحك، ودا سؤال وكان ماشي
عصام باشا، احنا في بينا اتفاق
~متقلقش امانتك عندي وهتكلمك بنفسها من بيتها النهارده ولبس النضاره ومشي
اياد خبط بايده جامد علي التربيزه وزعق ، هقتلك هقتلك _______
طلع ليها الاوضه وخبط، روز
روز افتحي عايز اتكلم معاكي ضروري
روز
فتح الباب ملقهاش، دور عليها ف الاوضه كلها ملقهاش
طلع اوضه البنات مش لاقيها
واوضه الشباب فتح الباب جامد وهو بيبص في اركان الاوضه وخرج
رجع لمكان الحفله وهو بيدور عليها زي المجنون مش لاقيها في اي حته
فكر ي اياد فكر
واخد السلاح وعلقه وكان لسه رايح لعصام
وبعدين افتكر الخيل روز انها ممكن تكون راحتلها
فجري علي هناك وهو بينهج ووقف ياخد انفاسه لما لقاها
قاعده علي صخره صغيره جمبها وسانده راسها علي روز
روز
قرب عليها، ونزل قعد علي ركبه ، روز
...
ايه اللي حصل
انا قلقت عليكي، افتكرت حصلك حاجه ليه مقولتليش انك جايه هنا كنت جيت معاكي
.....
روز
ممكن متفضليش ساكته ارجوكي قوليلي ايه اللي حصل
..........
..........
طول عمري كان امنيه حياتي اني الاقي شخص يحبني من كل قلبه ويعوضني عن حنان الام وامان الاب
ماما بالنسبالي هي موطني
اتربيت لوحدي معنديش اخوات
وكانت قايمه بالدورين بس طبيعه الحياه خلتها قاسيه شويه
وابتسمت وانا برجع شعري لورا، وللاسف دا بيخليني بتعلق بالناس بسرعه
بتعلق بكل كلمه حلوه مش مقصوده بشكل مباشر ليا
ابسط حقوقي بفتكرها اهتمام
والحجات العاديه بالنسبالي حب
بس الجميل في الموضوع ان اصحابي كانو دايما معايا عوضوني عن كل حاجه وحشه عيشتها
وعن كل مره كنت بقول اني لوحدي والاقيهم علي باب اوضتي
انا بحبهم اوي ومستعده اضحي بحياتي عشانهم
روز انا...
_قومت وقفت، اياد
وقف وقال بحنيه، نعم
_انا عندي ليك اقتراح
....
_تسيب اصحابي كلهم يمشو ويوصلو بيوتهم لانهم ملهمش ذنب في اي حاجه
وبما انك قولت ان انا الشخصيه الرئيسيه فانت تقدر تستغني عن الاشخاص الثانويه وانا هفضل معاك وهعمل اي حاجه انت عايزها واقتلني لو انت عايز معنديش مشكله
فضل باصصلي حبه، اي حاجه
_اه اي حاجه، بس تسيبهم يمشو
قربب خطوه، ولو موافقتش
_بصيت علي المسدس اللي كان في جيبه
، يبقي هننهي الروايه دي
، وشديته منه جامد ووجهته ناحيته، هقتلك
وبعدها وجهته علي راسي، او هقتل نفسي