رواية ضره من عالم اخر الفصل الخامس5بقلم نوسه حمد
قلت ليهو سند انت حقيقي ولا جن ماردا علي واول مره احس انو عيونو بتطلع شرار مسكت في السرير وعرفت انو دا ما سند دا جن قفلت علي الغرفه وبقيت ادعي ربنا تحصل معجزه ويصرفو مني و بقيت لا باكل لا بشرب وهو زاتو ما مركز معاي زي الحارسني عدم الاكل هلكني وصلت لدرجه اني اكل الورق لمن حسيت روحي حيلي مات وما وعيت بحاجه غير انا في شارع وناس بتتفرج فيني مافيني حيل احكي حاجه انا وين وديل منو ما عارفه فيهم واحد قال ليهم شكلو في زول جدعها هنا البت دي بتموت لو قعدنا نعاين ليها دخلوني المستشفى ومن مكان يحولوني لمكان وشكلي اكلت حاجه غير الورق دخلوني غسيل معده وبعديها ركبو لي دربات وحسيتهم ناس حقيقين وما فاتوني نهاي لغايه ما قلت ليهم انا وين قالو لي انتي منو ومالك فشنو قلت ليهم انتو انس ولا جن قعدو اتعوذو واتبسملو ومندهشين قالو لي انس يابت استهدي بالله اتاكدت انهم انس قلت ليهم انا وين ومالي قالو لي انتي ليله كامله مجدوعه في الشارع ونحنا اسعفناك قلت ليهم دا سند قالو لي سند منو واهلك وين قلت ليهم راجلي وطبعا الكلام تقيل اطلع مني بالعافيه قالو لي حتي لو راجلك كعب اهلك مفترض اقيفو جنبك واحموك منو مش اخلوك ليهو يدمرك بالشكل دا ماقدرت ادافع عن اهلي الما عارفين عني شي وماسكه ليهم انا وين المنطقه دي وين قالو لي انتي في الدلنج قلت ليهم الدلنج الجابني منو بقو غالبهم يردو وانا الدلنج دي ما سمعت بيها الا في الحغرافيا الدكتور قال ليهم خلوها ما تهلك نفسها بالكلام بعد تبقا كويسه ح تتكلم معاكم بس خلوها معاها واحد عشان لو احتجنا ليهو كل واحد اقول علي الطلاق اقعد معاها انا لمن الدكتور قال ليهم طيب مدام كده وحلفتو طلاق اقعدو كلكم بره وبعد توعا وتتكلم بخليكم تدخلو ليها
مرت الايام وانا شغالين معاي دربات وتغذيه وماقصرو مني لغايه ما وعيت وبقيت اتكلم بطلاقه وكلامي بقا مفهوم
الرجال الجابوني الدكتور قال ليهم بقت كويسه ادفعو الحساب وسوقوها والحصل ليها دا ابقا ليها درس مافي زول واعي بياكل ملابس ورق الدكتور ما عارف العلي طلعوني وكل واحد يحلف طلاق اسوقني معاهو في راجل كبير في السن حسيتو زي الشيخ قلت ليهو ماشه معاك انت يا ابوي قال لي طوالي ومشو وصلوني معاهو ومن بره بناتو ومرتو استقبلوني والحله كلها جات اتلمت فيني وضبحو لي وكل زول اجي بي اكلو كنت مطمنه شديد وانا معاهم بليل جا اتكلم معاي قال لي انتي ليك كم يوم م صليتي بناتي بدوك ملابس ادخلي استحمي وصلي وما تخافي انتي زي بتي وبسلمك اهلك بي يدي قلت ليهو ما توديني لي سند قال لي سند مالو هو قلت ليهو دي قصه طويله يابا بحكيها ليكم قال لي تمام م مشكله ارتاحي بناتو كويسات شديد حاولو يخففو علي بس انا شبه فقدت الثقه في البشر لانو الحصل لي حاجه ما ساهله
مرت الايام اكتشفت انو الراجل الاخترت اقعد معاهو شيخ وبرقي للناس بدون مقابل كنت بشوف الناس بتجيهو وبرقي ليهم حسيت انو دي اشاره من ربنا وقررت احكي ليهو قلت ليهو يابا انا عاوزه احكي ليك وماعايزه اتكلم قدام زول خوفت انو بناتو اخافن مني بس هو زول شيخ اكيد قلبو تقيل بالايمان قال لي ما عندك مشكله مشيت معاهو الديوان حكيت ليهو قصتي من الاول للاخر قال لي معقوله انتي بعد كل دا اهلك ماقدرتي تصلي ليهم قلت ليهو اي قال لي واهلك ما جوك قلت ليهو اهلي صدقو اننا سافرنا تركيا قال لي شوفي ع حسب معرفتي راجلك دا عاوز اطلع من الهو فيهو بس الجنيه المتزوجها مسيطره عليهو طالما حاول مره يصلي وما قدر معناتا هي متحكمه فيهو وانتي هسي ربنا طلعك منو قلت ليهو لكن هي ح تعرف مكاني لانها شيطان قال لي لا ما ح تعرف مكانك الا تكون لابساك انتتي كويس انك قدرتي طلعتي من عالمهم من غير ما ياثرو عليك
بس سؤال هل انتي عندك القدره تعيشي معاهو لمن اتعالج وتحاولي تقنعيهو يجي معاك هنا من غير ما تقولي ليهو رحله علاج عشان هي م تعرف عشان م ح تخليكم تصلو لي وانا مابقصر منو بعالجو ليك الما قدرو يعملو اهلو اعمليهو انتي واكسبي فيهو اجر ولا كمان انك تتطلقي وانا بمش معاك لي اهلك وافهمن اي شي واخليهم ما يرجعوك ليهو نهاي في النهايه الراي رايك وما تخافي اتوكلي ع ربنا قبل كل شي واتحصني وانا معاك احتمال ربنا جابك هنا عشان تلاقيني واكون سبب في علاج راجلك قلت ليهو يعني ممكن اتعالج قال لي طبعا بس محتاج وقت وعزيمه وح تتعبي وهو ح يتعب بس انا ما بخليكم وناس بيتي متعودين علي الحالات الزي دي يعني مافيها اي احراج قلت ليهو الحاله دي انا خوفتا احكي قدام بناتك عشان يخافو مني قال لي لا بناتي متحصنات وما بخافن قلت ليهو طيب تمام بس عاوزه منك طلب لي نفسي قال لي طوالي انا ابوك اخدمك ما بقصر منك قلت ليهو انا مرت علي لحظه ندمت فيها اني ما كنت حافظه سور كتيره وما عاوزه ارجع الا احفظ سور من القران ممكن تساعدني قال لي طوالي بساعدك والاهم شي تكوني محافظه ع ازكار الصباح والمساء وتحفظي الرقيه الشرعيه ح تساعدك شديد قلت ليهو طيب قال لي انتي زوله متعلمه انا بسير ليك السور وانتي احفظي ولمن تحسي نفسك حفظتي كتير بوديك بيتكم وزوجك اول ما تجي ح يجيك وتقنعيهو انو تجيبيهو لي وسيره علاج ما تجيبي في خشمك وخليك زي ما انتي ما تقربي منو عشان تضرو هو وتجننك انتي قلت ليهو طيب
مرت الايام وابوي الشيخ ما قصر مني حفظت سور كتيره وحسيت نفسي مرتاحه شديد وقررت ارجع البيت قال لي زي ما اتفقنا انا بوصلك وبلاقي ابوك بكلمو قلت ليهو بس خايفه ابوي وامي يخافو علي منو وما يخلوني ارجع ليهو قال لي طيب ح تحكي ليهم شنو وانتي يابتي ظاهر عليك انك كنتي مسجونه انتي كلميهم ووريهم انو دا نصيبك وقررتي تقيفي معاهو وانا والله ما بقصر منك نهاي وبطمنهم شديد قلت ليهو تمام
تاني يوم ودعت ناس بيتهم وماقصرو مني ما خلو حاجه ما شيلوني ليها ناس طيبين شديد اتمنيت اكون ساكنه قريب ليهم والرحله كانت طويله شديد احترت انا وصلت هناك ليهم كيف
تعبت شديد في السفر وصلت بيتنا روح مافيني امي وابوي لمن شافوني بقو يبكو علي وعلي حالي ومافاهمين حاجه ودوني المستشفى الدكتور قال دمها ٣٠ لازم ترقد ونركب ليها دم ماقدرت اتفاهم مع اهلي وكانو بسالو من الراجل دا منو حكا ليهم انهم لقوني واقعه في الشارع وساعدوني اهلي طوالي عرفو انو في زواجي في حاجه غلط امي كانت بتلوم فيني وبتقول لي مافي بت بتستحمل الجوع والعذاب والاهانه وسند مدام ما قادر يصرف عليك كيف يتزوجك ويجدعك وهو يطلع تركيا يتفسح ابوي قال لي نسيبتك ونسيبك ما بخافو الله انا جيتهم عشان اسال منك ما حكو لي شي بس حسيت في نظراتهم في حاجه غلط وقلت ربنا يكضب الشينه بس ماقايل للدرجه وابوي كان منفعل قال ستين يمين يمشو يسمعهم فارغ وانا غالبني اوقفو بس ابوي الشيخ حنسو وقال ليهو خليها تبقا كويسه ح تحكي ليكم واي شي بتحلا بالهداوه مافي شي بتحلا بالمشاكل بتكم كانت معزوره الحصل ليها ما ساهل
رقدت اسبوع في الدكتور خرجوني بعد بقيت كويسه وابوي الشيخ قال ليهم انا بكره بسافر بنتظرها لمن تحكي ليكم
مشيت بيتنا ودخلت غرفتي دموعي ما وقفت اتزكرت الراحه الكنت فيها بوره كانت افضل لي من الف راجل بس قعدتا استغفر قلت دي قسمتي الحمد لله وربنا يهون ان شاءالله قفلت الغرفه علي بالترباس ونومتا اول مره احس اني مرتاحه غرقت في النوم فجاه سمعت صوت سند انا قلبي وقف واعصابي باظت قومتا فتحت النور لقيتو ياهو سند بي شحمو ولحمو قلت ليهو انت جيت متين ودخلت كيف والباب مقفول انت اكيد جان قال لي نوسه انا جيعان عاوز اكل قلت ليهو انت عاوز مني شنو خليني في حالي انا بكرهك انا ماصدقت انفكيت منك لحظه الرعب نستني اتفاقي مع ابوي الشيخ اهلي سمعو بي اتكلم طقو لي الباب وانا ماقادره اتحرك افتحو لمن كسروهو ابوي لقاني واقفه وببكي وبتكلم قال لي يابتي قولي بسم الله انتي بتتكلمي مع منو قلت ليهو كيف بتكلم مع منو ابوي دا سند انت ما شايفو امي وابوي بقو يبكو علي وانا احلف ليهم اني م مجنونه والله وفعلا سند واقف قدامي لحظات مرت علي كانها دهر وسند كان ضعيف ونحيل ومهموم الشيخ الجا معاي سمع الصرخي جا داخل قال ليهم فشنو قلت ليهو ابوي كويس انك جيت دا سند وريهم حقيقتو ابوي شغال لي جنيتي وفضحتيني وقعد اكفت فيني وانا نهاي م مقتنعه وامي قعدت في الارض تتكتح بالتراب الشيخ مسك ابوي قال ليهو حرام عليك اتقي الله فيها ما تبقا انت عليها والزمن قلت ليهو عليك الله طلع سند انا روحي طلعت قال لي وين مكانو هو قلت ليهو هدا وراك انت م شايفو طوالي اتلفت وراهو وقال ليهو امشي خليها ترتاح هي تعبانه وبعد تبقا كويسه تعال ليها وسوقا سند ما ردا عليهو بس طلع من الغرفه حتي انا ارتحتا ابوي الشيخ قال لي اها فات قلت ليهو اي ابوي جاط فيهو قال ليهو انت عملت لبتي شنو وكيف يعني الغرفه فاضيه وانتو شايفين فيها راجلها امي قعدت تتحسر علي قال ليهم يا جماعه بي هداوه بتكم محتاجه ليكم ممكن تسكتو وتدوني اتوضا طلع اتوضا وجا اشتغل اقرا لي هو يقرا وانا اقرا قال لي يابتي قولي بسم الله اول شي الشفتي دا ما سند دا جان وانتي كده في خطر اكتر مما كنتي مع سند قلت ليهو كيف قال لي كويس اني كنت قاعد وشوفتا المنظر دا يلا اسمعيني قبل تنومي صلي ركعتين واتوضي واقري ازكار النوم ونومي تاني م ح تشوفيهو قلت ليهو مافهمت دا منو قال لي اصلا ما كان في زول انتي براك الكنتي شايفاهو معناتا دا جان وقال ليك شنو قلت ليهو قال لي ارح البيت معاي قال لي يلا شوفي اوعك تستسلمي ليهو دا جان شكلو جايباهو ليك مرت سند الجنيه عشان تصرفك منو انتي بس خليك علي طهاره وخشمك من سيره ربنا ما يقيف ومهما قال ليك ما تستلمي ولا تمشي معاهو والاهم من دا كلو ما تخلي يلمسك لانو لو لمسك خلاص انا خوفتا اكتر مما كنت خايفه واتكرفستا في نص السرير وقلت لي امي ماتفوتي تخليني طبعا امي وابوي زي الصبت فيهم مطره شغالين اسمعو في كلام الشيخ الشيخ قال لي دا ما وقت خوف دا وقت انك انتي كيف تتجنبي الجن دا وتبعدي منو ابوي قال ليهو فهموني شي الشيخ ختا امي وابوي وقال ليهم بتكم محتاجه لوعيكم محتاجه ليكم الزوله دي اتزوجت راجل متزوج جنيه وشافت ايام سوداء لدرجه انها منعت من نفسها الاكل عشان عرفت موضوع الجنيه ونحنا لقيناها بالصدفه في سوق الدلنج بين الحياه والموت واسعفناها ووقفنا جنبها لغايه ما بقت كويسه وانا سوقتها معاي البيت ولحسن حظها انا بقرا رقيه للناس وزي حالتها دي شفت كتير وزوجها شكلو عاوز اتخلص من الجنيه بس هي ما دايره تنفك منو انا خيرتها بين تطلق وبين انها تقيف مع زوجها وانا باذن الله بشتغل معاهو رقيه اطير منو اجن دا والمصيبه هسي بتكم دايره البسها جن علي هيئه راجلها ودي حاجه ما كنت متوقعها عشان كده قبل ما تحصل ليها مصيبه اكبر نحنا نقيف معاها وانا برقي ليها صباح مساء وتسمع كلامي ما تستلم وانتو لمن تقول ليكم سند بدل تضربوها وتكوركو قعدوها في الواطه ووضوها وارقو ليها وحصنوها هو براهو بمش عشان ما لابسها بس لو قدر لبسها ح تبقا مشكله امي وابوي قعدو يبكو قدرتهم وقالو لي ابوي الشيخ عالج لينا بتنا وبنطلقا منو مستحيل تاني نرميها الرميه دي قال ليهم انتو ما بتقررو الكلام عندها هي دا زوجها ع سنه الله ورسوله ولمن اتزوج هو محتاج ليها الصاح انها تقيف معاهو وانا والله وعد اعالجو واخليهو زي الطلقه امي قالت ليهو نحنا مالنا ومالو اعالجو اهلو قال ليهم اهلو لو دايرين يعالجوهو كان عالجوهو مفتكرين لمن اعرسو ليهو ويلد الجنيه بتطفش منو بس كمان ماعارفين الجنيه ما ح تتنازل عنو بالساهل وبتكم قدرت اتخلصت من مواقف كتيره حصلت ليها بالصلاه والقران وانا ساعدتها حفظت كتير من السور وحفظتها الازكار والرقيه فما تخافو عليها وخلوها بي راحتها تختار يا تطلق يا تبقا معاهو وانا زي م وعدتها بقيف معاها ابوي قال لي يابتي ماتقولي لي دايره ترجعي ليهو بعد السمعناهو دا غلبني ارد اتبكمتا انتو رايكم شنو اطلق وابعد منو ولا اقيف جنبو لمن اتعالج واكسب فيهو اجر