رواية انجدني من الغرق الفصل الثامن8بقلم امل بكر
-انتي بتعملي اي هنا !!!!
كنت هنطق ولكن الباب خبط ودخل منه السكرتير ده ،
-انا مقولتلهاش تدخل ازاي دخلتي كده !!!
وجهلي اخر الكلام بضيق ولكني قولت بهدوء ،
-محصلش حاجه يعني انا عايزاك في كلمتين وهمشي
صالح قرب مننا و رفع ايده ليه ،
-خلاص ياشريف اخرج انت
خرج و قفل الباب وانا بصتله بتوتر بسبب ملامحه كانت متعصبه قال ،
-عايزة اي انا مليش في الشغل بتاعكم ده
-ممكن تسمعني انا مش عايزاك في شغل اصلاً
عقد حواجبه ولكن لسه مضايق ،
-امال جايه لي وعرفتي مكاني ازاي !!!
ابتمست بهدوء وقولت ،
-ماهو انا الي كلمتك من شويه وو
قاطعني ،
-لو كنت اعرف مكنتش رديت انا هعملك بلوك حالاً
قولت بنرفزه ،
-يوووه هو في اي انا عملتلك اي يعني الله !!
فضل باصصلي وانا بتكلم وبعدين قولت بسرعه،
-انا جايه اقولك حاجه لحمايتك بس كده مش اكتر
بسخريه ،
-حمايتي !!! ده من مين ان شاء الله
اخد نفس وقولت ،
-من بابًا .. منصور أشرف اكيد سمعت الاسم ده
-ولا اعرفه
-طيب ممكن اقعد هقول الكلمتين وهمشي
-لاء خليكي واقفه اخلصي اتكلمي وامشي
مسمعتش كلامه وقعد رجعلي وجعتني الله!!!
قعد علي الكرسي الي قدامي وهو بيتنفس بضيق …اتكلمت ،
-بص بلاش تدور علي حاجه ورا بابا لانه مراقبك واي حركه مش هتعجبه صدقني هتزعل فابلاش تدخل نفسك في حاجه زي كده وخصوصاً يعني انك شكلك محترم اتمني تسمع كلامي متسألش انتي لي جايه بتقوليلى كده ؟! بس انا قولت اني احذرك او حتي اخليك متفكرش تعمل اي حاجه تضايق بابا
"كان باصصلي ومحستش بالخوف ابداً في عنيه ولا شعره اتهزت فيه ولكنه رجع ضهره لورا وقال "
-تحذريك ملهوش لازمه لاني مش مهتم اصلاً لو كنت عايز اعمل حاجه كنت عملت من زمان
-بس يعني انا عرفت انك بتفكر تبلغ !!!
ضيق عيونه وقال ،
-مين قال كده ؟!!
-بابا قال كده
-لا طمني الوالد انا مش شاغل دماغي بيكم يمكن كنت في الاول بفكر بس انا عندي اهل تمام ؟..
-طيب كويس انك فكرت كده
قال بسخريه،
-مش محتاج رائيك
قومت وقفت وقربت من الباب وقفني وهو بيقول ،
-اتمني تبقي اخر مره تيجيلي مكان شغلي
لفيتله وقولت بنرفزه وصوتي علا ،
-هو انت لي محسسني اني جايه احبك فيك معلش !..
عض علي شفايفه وهو بيقرب خطوه وبيقول ،
-انتي عبيطه !!! بتعلي صوتك وفي مكان شغلي !!
-ماهو انت منرفز وكلامك غبي
شاورلي علي الباب وهو علي اخره،
-اطلعي بره بسرعه
طلعت ورزعت الباب ورايا ولقيت الراجل الي نظراته قربت تاكلني واقف قدامي بصتله بقرف وعديت ولكني اتخضيت وانا لسه هركب الاسانسير لما وقفني وقال ،
-تحبي اوصلك يا .. اسمك ايي !!!
"غمض عيني وانا بفكر ارد عليه ازاي اديله قلم ولا اتوف في وشه احسن !!! "
قولت بتخذير ،
-ابعد من طريقي احسنلك والا هفضحك
اتنفضت بخضه لما مسك ايدي وعايز يقربني منه ولكني بعد نفسي عنه بالعافيه وانا بزعق ،
-انت واحد مش محترم
معرفش كان شارب ولا اي اترعبت فلت منه بالعافيه ودخلت من تاني وقربت من مكتب السكرتير وقولت ،
-الراجل ده قليل الادب
رد عليا وهو بيرفع راسه ليا ولكني صوت لما مسك ايدي من ورايا جامد وبيقولي بعصبيه بصوت واطي ،
-انتي هتستهبلي هتلاقيكي انبسطي !!!
"ضربته بالقلم ورجعت خطوة وانا بتنفس بصوت عالي ولكني ندمت لما حط ايده علي وشه بعصبيه السكرتير قام ووقف قدامه علشان شكله هيهجم عليا وفعلاً قرب خطوه مني بس السكرتير منعه "
-بس ياعم اي هتمد ايدك عليها !!!!
-بقولك اي ابعد من قدامي يعني اي تمد ايديها عليا.!! وربنا لاوريها واعرفها هي مدت ايديها علي مين
السكرتير زقه في كتفه علشان كان هيقرب من تاني ،
-انا شايفك مسكت ايديها وهي شكلها متعرفكش !! .. هو انت تعرفي؟..
نهي كلامه وهو بيلف براسه وبيسألني رديت بسرعه ،
-ولا اعرفه هو طلع ورايا وكان بيضايقني وقليل الادب كمان بيمسك دراعي بالعافيه هو شكله شارب اصلاً
"قولت كلامي بسرعه وهو اتعصب اكتر والسكرتير بيبعده عني ضربه حطيت ايدي علي بوقي بدهشه والناس الي قاعده بيتفرجو في الي ادخل وفي الي مشا وباب مكتب صالح اتفتح وخرج منه بسبب الصوت "
بصلي باستغراب وجري علي السكرتير الي واقع علي الارض وفي رجلين ماسكين الراجل السافل ده !!
-شريف !! اي الي بيحصل هنا
شريف قام وقف وهو بيحط ايده علي بوقه الي اتعور وهو بيقول كلام بعصبيه من الراجل ده ويعتبر قال الملخص لصالح
الناس طلعت الراجل بره وهدته وشريف قعد علي كرسي وصالح واقف جمبه وانا قريبه منهم بمسافه
صالح اتكلم بعدم استيعاب ،
-يعني هو برده ضربك لي ؟!!
شريف اتكلم ،
-علشان كان عايز يهجم عليها !!
رمي هو نظره ورجع يبص علي شريف ،
-وده بسبب اي !!!
-علشان ضربته بالقلم علشان طلع وراها وبيمسكها بالعافيه يعني وو
قاطعه وهو بينتهد،
-فهمت انت كويس ؟!
هزله راسه وهو حاطط ايده علي بوقه بتعب خفيف ،
-كويس مفيش حاجه
بهزار ،
-درسك متكسرش يعني ؟..
ضحك بخفه ،
-شكله بيتلخلع
قولت بجديه ،
-انا اعرف دكتور اسنان شاطر جداً
بصولي هما الاتنين رفعت كتافي وقولت ،
-ممكن اوديك ليه لو حابب ؟!
شريف مقدرش ميضحكش وقال ،
-انتي فهمتي اي !! احنا بنهزر
ابتمست بهدوء و باحراج صالح ضبطب علي كتفه وقال ،
-يلا ارجع شغلك انا داخل مكتبي
شريف هز راسه ،
-طيب
قربت من شريف وانا محرجه علي الي حصله ،
-انا اسفه ياشريف علي الي حصلك بسببي
-مفيش حاجه كان لازم اعمل كده
-شكراً جداً ليك
ابتسم بهدوء ،
-العفو مفيش شكر
"هزيت راسي بهدوء وبصيت علي صالح الي بيبص علي شريف وطلعت وركبت الاسانسير ومشيت لغيت العربيه الحارس فتحلي الباب ركبت وشويه ووصلنا قدام الشركه"
دخلت واول لما معتز شايفني قرب مني بابتسامه،
-اتأخرتي لي ؟..
-كان ورايا حاجه وجيت اهو
-امم انتي كويسه ؟!
-اه كويسه وانت
-بخير
-انا هروح ابدء شغل
-تمام في ملفين علي مكتبك اشتغلي عليهم وانا هرجعهم بعديكي
-تمام
قعد علي المكتب وبدأت اشتغل عادي ووقت البريك معتز قالي يلا ناكل روحت والبنت نفسها كانت بتاكل وقاعده علي التربيزه الي قدامنا مع صاحبتها
-بتبصي ورا لي ؟!
انتبهت ليه وقولت،
-لا مفيش
بص هو ورا وبعدين بصلي ،
-دينا ضيقتك!!
-معرفش اسمها بس لاء مفيش حاجه
قال بتأكيد ،
-ايوة هي دي دينا قالتلك حاجه زعلتك ؟!
-هي شكلها بتحبك وغيرانه عليك
-يبقي هي كلمتك
- هي امبارح قالتلي متفكريش انه هيحبك ومتحلميش كتير وتقريباً قصدها عليك لاني مبكلمش غيرك في الشركه كلها والباقي عادي
ابتسم بهدوء وهو بيصلي وقال بثبات ،
-لا احلمي لان ممكن جداً يبقي حقيقه
عملت نفسي مسمعتش من التوتر وقولت ،
-انا خلصت اكل هرجع لسه ملف واحد هشتغل عليه
قام معايا ،
-ماشي وانا كمان هطلع معاكي
طلعنا مع بعض في الاسانسير وكل واحد راح مكانه بعد وقت اتنفست وانا برجع ضهري عيني اجت علي مكتب معتز الشفاف لقيت بيبصلي ابتسم وفتح الباب واجه وقف قدامي
-خلصتي
-اهاا خلصت وهمشي وانت
-لسه حاجه بسيطه هرجعها وهمشي
قومت وقفت وانا باخد شنطتي ،
-اوكي انا همشي
-استني خليني اخلص ونروح مع بعض
بتردد،
-هو العربيه بره شكراً
-كلميه عرفيه وانا اروحك اي المشكله !!!
-شكراً مش عايزة ات..
قاطعني بابتسامه هاديه ،
-هنمشي مع بعض خليكي مكانك هخلص ونمشي
خلص كلامه وهو بيرجع مكتبه قعد بقله حيله واتخضيت طب والله اتخضيت من البنت نفسها دينا !!' بتبصلي نظرة حارقه انا خوفت مسكت موبايلي ولكنها قامت وقفت وقربت مني رفعت نظري ليها لما اتكلمت
-انتي ازاي خليته يكلمك من اول ايام شغلك هنا!!!
فهمت انها تقصد معتز …ابتمست بسخريه ،
-عايزة الطريقه يعني !!!
-عايزة اعرف ازاي ضحكتي عليه
-ضحكت عليه !!! مش مشكلتي ابداً انه مش بيحبك !
ملامحها اتغيرت للضيق ،
-انتي الي واحده خاطفه رجاله لانه كان هيبدء يحبني
قومت وقفت قصادها،
-وانا ياحبيبتي مش بحبه روحي امسكي من ايديه وحطي في الشنطه بتاعتك وروحي بيه !
-انتي بتتريقي عليا انا عارفه شغل البنات ده ."مش بحبه" وفي الاخر انتي عايزة توقعي الاول
عقد حواجبي بمنتهي الاستغراب ،
-اوقع مين حضرتك انتي شكلك متعرفيش انا مين
-مين !!!مامنصور باشا نفسه قال ان مفيش فرق بينك وبينا !!
اتعصبت ومقدرتش امسك نفسي ومسكتها من دراعها تكيت علي كلامي ،
-احترمي نفسك والا ه..
وقفت كلامي لما معتز ادخل وبعدنا عن بعض وهو بيبصلنا باستغراب ،
-اي الي حصل ؟!!!
كنت ما زالت ببصلها بعصبيه من كلامها ،
-اتفضلي قوليله كنتي بتقوليلي اي !..
قالت وهي بترجع خطوه،
-مقولتش حاجه انا ماشيه
اتكلمت وانا بعلي صوتي ،
-كلامنا موقفش علفكره وانا هوريكي انا مين بكره
لفيتلي ولحظت التوتر في عيونها تلاشتها واخد شنطتي ومشيت بخطوات واسعه متعصبه ومعتز ورايا بينده باسمي
دخلنا الاسانسير وهو دخل ورايا بسرعه ،
-اهدي لي بتجري!!!! اي الي حصل فهميني قوليلي ؟!
اتنفست ،
-هي بتحبك وجايه بتتكلم معايا وتقولي كلام مش لطيف
قرب مني علشان يحط ايده علي دراعي ولكني بعد تلاقئ اتكلم هو لما حس اني خوفت او اضيفت
-انا بس كنت عايز اهديكي لانك منفعله
رجعت شعري لورا وانا بقول ،
-مش منفعله انا تمام
الاسانسير اتفتح وطلعنا الحقيقه انا مكنتش مضايقه غير من اخر جملتها واني زي زيهم وده بسبب كلام بابا الي خلاها تتجرء وتتكلم معايا كده وكأنها متاكده اني مش هقدر اعملها حاجه مثلاً!!!
-ليال يلا اركبي
-لا انا هتمشي شويه وبعدين اروح
قرب مني بقلق بعد لما قفل الباب الي كنت هركب فيه وقال ،
-ممكن تعرفيني قالتلك اي بالظبط ؟!
"قولتله الي قالته"
اتكلم ،
-طيب حقك عليا انا بكره هوقفها عند حدها
-كل الفكرة اني مبحبش حد يقولي الكلام ده !!
-عندك حق طبعاً ممكن متزعليش ؟!..
-مش مهم بقي خلاص
-لا طبعاً مهم عندي انك متبقيش زعلانه
"بصتله معقوله اكون مهمه بالنسباله!!!؟"
-لو عايزة اطلعلها واكلمها دلوقتي ؟
-مش للدرجه انا هعرف اتصرف
-هتعملي اي
-بكرة بقي انا دماغي وجعتني وعايزة اروح
-مش كنتي عايزة تتمشي؟!
-لا خلاص عايزة انام
-طيب يلا اركبي
ركبت وبعد مامشينا شويه قال ،
-متزعليش منها هي غيرانه منك
بصتله ،
-وتغير مني لي انت زميلي لي مكبره الموضوع !!
ملامحه ارتكبت وقال ،
-اكيد بس هي يعني علشان كانت بتحبني وانا رفضها بوضوح
-وده مش ذنبي وبعدين انا شايفه انك معلقها بيك وشايفه كمان ان هي عندها امل انك تعترفلها ..هي قالت كده !
نقل نظره ليا وابتسم ،
-حاسس اني شامم ريحه غيرة !
اتوترت مش علشان كلامه حقيقي بالعكس تماماً وهو فعلاً مجرد زميل.. مش هنكر اني حابه اهتمامه وكلامه ولكن لسه موصلتش باني اغير عليه !
-خالص محستش بكده
قال بنبرة هاديه ،
-ممكن يتغير بعدين
اتنفست وقولت بعد ما وصلنا ،
-شكراً تعبتك
-ولا اي حاجه اشوفك بكرة
قفلت الباب ودخلت خبط وفتحتلي سناء اتكلمت بضحكه وهي بتبص قدام البوابه ،
-امال مين ده ياهانم ؟!
بصيت علي معتز الي اتحرك بعربيته ،
-زميل في الشغل ياسناء وبطلي حشريه شويه
-الله يسامحك انا قصدي خير
"ضحكت عليها بقله حيله هي اه حشريه بس مفيش غيرها الي بيسليني ويعملي الاكل من صغري "
-انا هطلع اغير هدومي وهنام
-متنسيش انزلي علشان العشا
-لا مش قادرة قوللهم اني رجعت تعبانه
-حاضر
طلعت اوضي ودخلت اخد شاور
"""""""""""""""""""""""""""""""""""""""
-يعني هي ياصالح اجت لغيت عندك علشان تحذرك !!!
-ايوة
-يعني هي خايفه عليك ؟!
-خايفه عليا اي ياكارما !! اكيد مش كده
-انا عايزة اقولك حاجه
-اي ؟!
-انا عندي احساس قوي اقوله ؟!
-ماتخلصي ياكارما انتي هتعملي فيها الشيخه الروحانيه!!
-ماتهدي ياعم انا حاسه انها طيبه ومش زي ابوها واخوها دول !
-واحنا مالنا شبهم ولا لاء !!
-مش يمكن عايزة مساعده وتطلع من بيت ابوها وتبعد عنهم مثلاً!؟
حط ايده علي راسه ،
-كارما الله يسترك بلاش شغل الافلام الفسكو دي
-يعني انت مش شايف كده ؟!
-لاء
-يعني اي لاء!!
-يعني مش عايز اشوف حاجه وقومي ساعدي امك بدل ماانتي قاعدة كده ملكيش لازمه
-ماهو طنط مني بتساعدها وبطل انت بواخه
سكت وهي بصتله وقالت ببرائه
-صاليحو هو انا ممكن اقولك حاجه ؟!
-لا ياكارما مش هتكلميها
رفعت حاجبها بدهشه ،
-وانت عرفت ازاي اني كنت هقول كده !!
-حافظك ده انا الي مربيكي
-طب لي يعني مااهي شكلها طيبه خليني اكلمها وارجع اقابلها واكلمها ووو
-كارماااا
كمل عليا صوت ماما وهي بتقرب مننا ،
-كارماااا تعالي اعملي العصير
قومت وقولت بعد لما ماما مشت خطوتين،
-طيب جايه كارما كارما زهقت !
-هقول لامك !!
-بس انت يا شر مش عارفه انطق يعني !!
-لا مينفعش ياماما بنتك بتقولك ا…
حطيت ايدي علي بوقه ،
-هحطلك انت كوبايه عصير كبيرة
هز راسه برضا شيلت ايدي وهو ابتسم ،
-انا بحب التفاهم البسكوت الي جبتهولك امبارح الي هو كسته حمرا
-ماله !!!
بسماجه ،
-عايزة اكله مع العصير
-بس انت جيبهولي!!
-عيني كانت عليه الصراحه
-طيب ماشي
-انا بحب التفاهم
-انت بتحب بطنك
-ابداً انا بحب ا..
-خلاااص ياصالح فهمت
روحت اعمل العصير بصيت باستغراب علي العصير الجاهز اصلاً!!!
-ماالعصير جاهز اهو ياماما !!!!
شدتني من ايدي وهي بتقعدني ،
-مانا عارفه .. اخوكي ماله ؟!
-مالهوش ياماما اشمعنا لي بتسالي ؟
-علشان طولتو وانتو بتتكلمو
-طب ما احنا علطول بنتكلم
نفت براسها ،
-لاء بس المره دي حاسه مش علي بعضه يلا قولي الي انا عايزه اسمعه
ضحكت بخبث بعد لما فهمت دماغها ،
-تحبي اوريكي صورتها؟!
ضحكت بانشكاح ،
-وريني يلا
-بس اوعك تقولي لصالح ده بيفضفض معايا
-طيب مش هقولو عرفها ازاي احكيلي ومقاليش لي ؟!
كنت بحاول ابقي صامدة ومضحكش،
-عرفها صدفه ياماما من شغله
-اه يعني هي محاميه زيه ؟
-خلاص ياماما كفايه ده سر
-طب وريني صورتها يلا
فتحت موبايلي ورفعت عيني ليها وقولت ،
-حلوة اوي ياماما
-طبعاً مش اختيار صالح
-لاء واي لبسها يجنن
-ايوة شبهي كدة؟
-انتي هتبقي حامة من اولها ؟
-لا طيعاً بس بسأل يعني زي ؟
هي ماما فعلاً تري شيك في لبسها ومحتشم كمان
دوست علي صورة وقولت قبل لما اميل الموبايل نحيتها ،
-قولي ماشاء الله ياماما وامسكي قلبك
-للدرجه ؟؟
-طبعاً …يلا هوريكي
-اخلصي وترتيني
ميلت الموبايل نحيتها وانا ميته ضحك وانا شايفه ريأكشنها بصتلي بعصبيه وقامت تجري ورايا
وانا ميته ضحك لان الصورة كانت صورتي !!
وقفت ورا بابا الي مش فاهم حاجه بصوت مليان ضحك ،
-الحقني يابابا ماما بتتحول
بابا ،
-لا اله الا الله لي يابنتي بتعملي في الست كده؟!!
ماما بغيظ وهي بتبص لبابا ،
-انت هتهزر مع بنتك يا محمد !!
-ابداً انا خايف علي اعصابك ياحبيبتي
-طب ابعد بس كده من قدامي عايزة اقولها كلمتين
بضحكه عاليه ،
-خلاص ياماما خلي قلبك ابيض يارب تخشي الجنه
-يارب بس برده مش هرتاح غير مااخد حقي
بنهجان من الضحك ،
-انتي الكبيرة اخر مرة خلاص
بابا ،
-يابنتي بقي ابعدي من ورايا عطشان عايز اشرب
-خلي ماما تمشي الاول
-خلاص سيبيها يانسرين
-لا مش قبل لما اخد حقي
بابا حط ايدة علي دماغه ،
-ياربي بكلم اطفال !!!
-انا طفله يامحمد!!
بابا لفلي وبصلي بغيظ ،
-اهو كله منك انتي
رجع يبصلها وقال ،
-لا يانسرين مش انتي ممكن بقي تهمدو وفين الاكل كل ده تأخير
-هروح اقول لمني تجهزة
بابا وهو بيحاول يتقمص الدور ،
-يلا بسرعه
-عسل يابابا والله
ماما راحت المطبخ وانا اتنهد بارتياح ولما افتكرت فضلت اضحك من تاني
-اي الي حصل خليتي الست عايزة تموتك
حكتله الي حصل وبابا فضل يضحك معايا وماما قربت مننا وسكتنا بسرعه قبل لما تتعصب،
بسخريه ،
-سكتو لي هنخطف منكو الضحكه !!
-اي ده ياماما بتقولي كلام حلو
-بس ابت انتي متكلمنيش
بابا ،
-يبقي احسن بردة مش هصدع كل يوم
صالح اجي من الجنينه
-انا جوعت لسه الاكل ماجهزش ؟!!
ماما بكل مافي الحنان الي في الدنيا ،
-جهز طبعاً ياحبيبي يلا تعالا
صالح حط ايده علي كتفها من فرق الطول ومشو لغيت السفرة
بابا باستنكار وهو بيبصلي ،
-هو مفيش تعالو لينا ولا اي ؟!
-البيت بيتنا يابابا
-جدعه ياكرومي
بدائنا ناكل وماما نظراتها عليا الي مليانه غيظ شكلها يعيني كان نفسها يبقي الموضوع حقيقي !.
بابا وصالح خلصو اكل وقعدو في اوضه الليفينج يلعبو بلاستيشن
قومت ،
-الحمدلله خلصت
ولسه بلف ضهري علشان اروح الحمام صوت من ماما الي هجمت عليه هجمه مردده وبتعضني في ايدي
-ااااه
بعدت عني وهي بتبصلي بانتصار ،
-احسن تستهلي
بصيت علي ايدي بغيظ ،
-اي ده ياماما عضت كلب!!!
بصتلي بعصبيه ولسه بتقرب جريت ،
-بهزررررر والله
بهمس وانا في الحمام وبحط مرهم علي العضه ،
-ده انتي طفله ياماما والله مش كده !!
""""""""""""""""""""""""""""""""""""""
قعد علي السرير وانا بفكر بتردد انا فعلاً غيرت علي معتز! مش عارفه احدد شعوري بآن معقول !!
قومت بضيق وانا بنزل وراحه المطبخ ولكن ماما وقفني صوتها من الصالون
-ليال
-نعم !
-تعالي عايزاكي
روحت لعندها وقعد قدامها ،
-في اي ؟!..
-طارق هيكلم ابوكي علشان يخطبك
-لو سمحت سيبيني علي راحتي
-انا ادري بمصلحتك
-بس انا كبيرة وعارفه اي الي هيريحني
-طارق كويس
-يبقي مش ليا
-ليال خلاص الموضوع اتقفل هو مستني اتصال مني بكرة علشان أكد علية
قومت بخنقه وانا طالعه اوضي ،
-حتي دة انتو الي هتختارو !!!
فضلت راحه جايه في الاوضه بعصبيه وتفكير هعمل اي ؟!!
اكلم طارق وافهمو اني مش بحبه حطيت ايدي علي دماغي باحباط بس انا قولتو وهو مقتنع اني هحبه بعدين!!
انا عرفت اعمل اي مفيش غير كده ايوة ..فضلت باصه بسرحان للحيطه وانا بفكر لاخر مرة في الي هعملو
"""""""""""""""""""""""""""""""""""""""
تاني يوم صحيت وانا مترددة من الي هعمله ده! مش حاسه اني مرتاحه بس ده قرار يخص مستقبلي وانا مش هقدر أتأقلم علي حاجه انا مش حابها.
نزلت علشان افطر معاهم ولحقت ماما وهي قاعدة علي السفرة لوحدها قعد واتكلمت،
-ماما لو سمحت عايزة اتكلم مع طارق الاول وو
بكل هدوء،
-كلمته امبارح علشان يكلم باباكي
-اييي!!
اتعدلت في قعدتي بكل عصبيه ،
-انا مكنتش اعرف انك هتكلميه بالسرعه دي طب بصي خلاص مش مشكله انا هفهمه واقوله ميقولش لبابا دلوقتي وان م…
بصت في الساعه الي في ايديها وقالت ،
-ليال… اظن ان كمان ساعه وهيكلمه
"اتنفست بخنقه ومش عارفه اعمل اي !! "
"يحيي اجي قعد علي السفرة وبدء ياكل وشويه وبابا نزل من اوضه بكل شياكه وقعد علي راس السفرة"
"مكنتش قادرة اكل لاني بكل بساطه لو طارق اجي اتقدم وعجب بابا خلاص الموضوع منتهي ومقدرش اقول لاء ولا اعترض حتي !.."
-انا شبعت هروح الشغل
محدش رد عليا اخد شنطتي وطلعت وقفت قدام البوابه وانا محتارة ومش عارفه اتصرف ازاي الحارس فتحلي الباب ركبت وهو قعد مكانه وبدء يسوق
-علي فين ياانسه ليال ؟!
رفعت نظري ليه ،
-امشي دلوقتي
هز راسه وانا فتحت الموبايل واتصلت بطارق ،
-صباح النور ياحبيبتي
-صباح النور ياطارق محتاجه اتكلم معاك
-اجيلك فين !.
-لا انا هجيلك انت فين ؟
-في الفيلا
-ماشي هستناك بره
-ماشي ثواني وهكون عندك
-باي
قفلت واتنفست بتوتر ،
-ايوة اقف هنا
-تؤمري
نزلت وهو طلع وقرب مني ،
-تعالي ندخل
-لا لا انا مستعجله عايزة اتكلم معاك
-قولي
اخد نفس ،
-طارق انا مش عايزة اننا نتخطب
-احنا بنحب بعض !!
-انا قولتلك اني مش بحبك..
-حبيبتي انتي مش سيبالي الفرصه الي اقرب منك
-علشان انا مش عايزة ياطارق بس متقلقش هنبقي صحاب عادي يعني ووك…
-بس انا حابب اننا ناخد خطوة اسف مش موافق علي الي بتقولي
-متصعبهاش عليا ياطارق
-انتي الي مقفله
-في ميلون بنت غيري صدقني مش هتكون مبسوط معايا لان ….
-انا ممكن بسهر مع بنات بس انا عايزك انتي واختارتك
خلص وقرب وهو عايز يمسك دراعي ولكني بعد وقولت ،
-وانا مش متقبله ده وكمان طريقتك وقربك الحركات دي انا مش بقبلها نهائي
-انتي عايزة اي دلوقتي ؟!!
-مش عايزاك تكلم بابا لو سمحت ياطارق طب بص علي الاقل سيبنا نتعرف كده بلاش ناخد الخطوة دي
-مش فاهمك منين مش عايزة الخطوبه ومنين عايزة نتعرف الاول !!!
اتوترت وقولت ،
-مش المعني انا بس مش عايزة يعني نتسرع
-بالعكس ده انا اتأخرت
قولت بسرعه ،
-طارق انا بحب واحد تاني
ملامحه اتغيرت وقال بعدم فهم ،
-نعم ازاي يعني !!!!
بلعت ريقي ،
-زي الناس ياطارق انا عماله احاول اقولك مش عايزاك وانت مصمم خلاص يبقي لازم اعرفك
-ومين ده ؟!!
-وانت عايز تعرف لي حاجه متخصكش
اضايق وقرب مني ولكني بعد بخوف،
-انتي تخصيني ومش هتبقي لحد انتي فاهمه وحتي شوفي
طلع موبايله من جيبه قولت ،
-هتكلم مين ؟!!
-ابوكي
"اخد نفسي بصعوبه وحاولت اخليه يقفل ولكن بابا رد وطارق قاله انه عايز معاد "
"ضغط علي ايدي وانا شايفه حياتي بتمشي علي مزاج كل واحد شويه "
حاولت اكتم دموعي وقولتله بعد لما قفل مع بابا وبصلي بانتصار ،
-مش هسامحك علي الي بتعمله ده
الحارس قرب مني لما لاقني منفعله ،
-انتي كويسه ؟!!
-كويسه