رواية انجدني من الغرق الفصل التاسع9بقلم امل بكر
-انتي كويسه ؟!!
-كويسه
"فتحلي الباب ركبت وهو متابعني كنت هموت واعيط ولكن مينفعش لاني مش ضعيفه ايوه انا مش ضعيفه "
العربيه وقفت قدام الشركه نزلت واخد نفس طلعت في الاسانسير وقعد علي مكتبي وبدأت اشتغل ولكني اتخضيت من معتز الي وقف جمبي
-اخبارك
رديت بهدوء ،
-بخير
-مالك انتي كويسه
-اه كويسه
شد كرسي وقعد ونبرته كان في قلق ،
-تحبي تحكي ؟!!
"معرفتش ارد لاني كنت مكبوته ومش عايزة اتكلم كتير علشان دموعي متنزلش "
-شكل في حاجه طب تعالي اشربي حاجه
-لا انا خلاص قربت اخلص وهروح
-طب حد ضايقك من هنا ؟! دينا كلمتك !..
-لا محدش كلمني
-طب خلاص خلصي وانا هوصلك
-لا العربيه موجودة شكراً
-ياستي انا هقوله يمشي مفيش مشكله
-بابا مجاش ؟
-لا ويحيي كمان والمحامي سمعت ان فيه اجتماع برة
ضحكت بسخريه اكيد يعني عاملين اجتماع علي شغلهم التاني
-بتضحكي علي اي ؟!
-مفيش افتكرت حاجه
معتز وصلني واحنا في الطريق ،،،، كنت محتارة اقوله يساعدني في موضوع طارق انا معرفش انا لي قولت لطارق اني بحب واحد !! بس لو حصل حاجه هضر اقول اني اقصد معتز !!..
-مالك مش علي بعضك من الصبح
-مفيش
-متأكدة ؟..
-هو لو طلبت منك مساعدة هتساعدني
-طبعاً اساعدك ازاي ؟!
بتردد ،
-بصراحه انا مش عارفه اقولك ولا لاء
ركن العربيه علي جمب وبصلي ،
-قلقتيني انتي مش واثقه فيا طيب ؟!
-انا مش بثق في حد بسهوله
-طب انا بوعدك اني هكون قد ثقتك الي هتحكيلي بيها
-في واحد عايز يتقدملي هو في نفس الكمبود بتاعنا ومامته صاحبت ماما وهكذا بس انا مش عايزا وهو مصمم انه هيخطبني
-اقدر اساعدك ازاي
-بص انت ممكن تيجي مثلاً تتقدملي قبله وطبعاً مش هيبقي حقيقي يعني
اتعدل في قعدته وقال ،
-طب لي ميبقاش حقيقي ؟!!
قولت بتوتر انه ممكن يبقي عنده امل !.
-لا لا دي مساعده لو انت هتشوفها كده خلاص بلاش
-موافق هكلم منصور باشا
خلص كلامه بصوت انطفي منه الحماس وشغل العربيه وصلت وهو دخل ورايا علشان يكلم بابا سناء فتحتلي الباب ،
بصت لمعتز وهي بتضحك ببلاهه قرصتها في دراعها
وهي اتحمحمت
-فين بابا ياسناء ؟!!
-منصور بيه في الصالون مع مدام سلوي
شاورت بايدي ،
-اتفضل من هنا
"بابا رفع عينه ولما شاف معتز استغرب وقام وقف "
-ازيك يامنصور باشا متأسف جاي من غير معاد
-في مشكله في الشغل ؟!
-لا لا
ماما قامت وقفت وسلمت عليه قعدنا وانا كنت متوترة فاقومت اشرب ماية ..روحت المطبخ
سناء ،
-مالك انتي كويسه ؟!
-اهاا
ضحكت وهي بتقول ،
-اجيب الشربات ؟!
-نعم !!
-مش ده جاي يكلم منصور باشا
رفعت حاجبي ،
-وانتي عرفتي منين ؟…
-واضح جداً انه عريس
-لالا هو .. ايوة صح
ضحكت وقالت بشك ،
-انتي متأكدة انك كويسه !!
-ايوة كفايه اسأله وترتيني ياسناء والله
-خلاص اسفه بس انا عايزة اقولك حاجه
-اييي
-معندناش شربات
-سنااء
-نعم !!
-متتكلميش تاني
طلعت ولكني شوفت معتز الي بيسلم علي بابا وهيمشي!! طلعت وراه قدام الباب
-معتز استني عملت اي ؟!
بصلي ،
-قالي ان في واحد لسه مكلمه انهارده واظنه يقصد طارق ده
بلعت ريقي ،
-وانت قولتله اي مصممتش علي كلامك؟..
-قولت وولكن شكله مقتنع بطارق
اتنفست بخنقه ،
-يعني مفيش امل ؟!!
اتنفس بصوت عالي ،
-مش عارف الصراحه منصور باشا لما بيقول كلمه مينفعش يتناقش فيها
صوت سناء قاطعنا ،
-ليال هانم منصور بيه عايزك
-طيب جايه … شكراً يامعتز
-علي اي كان نفسي اقدر اعمل حاجه بس طالما انتي مش عايزا اتكلمي ياليال
هزيت راسي ،
-اكيد تصبح علي خير
-وانت من اهله
قفلت الباب وانا بقول بسخريه " لو مش عايزا اتكلمي !"
روحت قعد ،
-نعم يابابا عايزني
-انتي متعرفيش ان طارق كلمني الصبح !!..
بلاعبكه،
-اه ما انا كنت واقفه قدامه
-امال معتز اجه لي ؟..
-معرفش
ماما بضيق،
-لا والله متعرفيش اقولك انا انتي قولتيله يجي ويقول الكلمتين دول علشان انتي حضرتك مش عايزا طارق الي اي واحده بتتمني بس يبصلها
بابا ،
-بس ياسلوي دلوقتي كده كده ليال هتعمل الي انا شايفه مناسب مش كدة؟!
بحزن هزيت راسي ..كمل كلامه ،
-قولت لطارق يجي هو واهله اخر الاسبوع بجهزي نفسك
ماما قالت ،
-هننزل بكرة نعمل شوبينج
-لا انا مش عايزة انزلي انتي
-مفيش الكلام ده احنا الاتنين هننزل
كنت هنطق ولكن بابا بصلي بحزم وهو بيقول لماما ،
-امال يحيي فين يا سلوي ؟!
-هيسهر انهاردة برة يامنصور اقول لسناء تحط العشا ؟!
-اه ياريت هدخل اعمل اتصال تكون السفرة جهزت
-ماشي
"قعد معاهم علي العشا وبعدين طلعت اوضي غيرت هدومي وقعد علي السرير ضميت رجلي ليا وانا بحاول اهدي الخنقه الي جوايا ..لي محدش بيسألني ويقولي انتي مرتاحه ولا لاء!!! لي محدش بيسألني عن رائي !! ولي انا مش بعرف انطق !! "
نمت زي كل يوم مش متقبله ابداً الي بيحصل ولكن مبقدرش اتكلم
"""""""""""""""""""""""""""""""""""""""
نزلت انا وماما ودخلنا مول كبير
-اي رائيك في الفستان ده تلبسي لما طارق واهله يجو ؟..
بصيت علي باصه قربت منه ومسكته ،
-لا مش حاسه
-ده تاسع واحد تقولي كدة اوعك تفكري انك بكده هترفضي
بصلتها وضحكت بسخريه
-بتضحكي علي اي !!!
-علشان انتي عارفه كويس انا مهما اعمل بردة الي انتو عايزينه هيحصل
-طب كويس انك عارفه كده
-وانتي شايفه ان دي حاجه حلوة!..
-ليال مش وقت كلامك ده ابداً
-ده علي اساس بتسمعيني ياماما كلامي ديماً تقيل علي قلبك لي معرفش !! يمكن مثلاً مش بتحبيني ؟
بصتلي ،
-مش بحبك!! امال بعمل كل ده لي مش علشان مصلحتك !..
-خالص لان مصلحتي لما اكون انا موافقه ولا راضيه حتي
اتنفست بفارغ صبر ،
-خلينا نخلص بس وبعدين نتكلم
مشيت قدامها وقولت ،
-مش مستحمله تتكلمي معايا عشر دقايق !.
-سمعاكي علفكرة
بعد ساعتين خلصنا واحنا في طريقنا بصيت لماما وقولت ،
-ماما
-اي
-لو قولتلك علشان خاطري هتعملي الي عايزا ؟
-علي حسب
بصيت قدامي بيأس ،
-يبقي خلاص ملهوش لازمه الكلام
-براحتك
<<اجي اخر الاسبوع وخلصت لبس وانا ببص علي نفسي في المرايا بسرحان الباب خبط
-ادخل
-ماشاء الله عليكي ياليال هانم
-شكراً ياسناء
قربت وقفلت الباب وراها ،
-مالك انتي مش فرحانه!..
-مش هتفرق
-ازاي بس ده انتي هتتجوزي !!
مردش عليها اتكلمت من تاني
-انا طلعت علشان طارق واهله وصلو وسلوي هانم قالتلي اقولك تنزلي
-ماشي انزلي انتي دلوقتي
-ماشي
"طلعت وقفلت الباب وراها وانا شرحت شعري ونزلت "
طنط نڤين قامت واخدتني بالحضن ،
-اي الحلاوي دي كلها ياليلو بس
ابتسمت ،
-شكراً
"عمو ابو طارق مد ايده سلمت عليه وبعدين قعد جمب ماما وطارق من الجمب التاني ميل عليا وقال ،
-قلبي هيطلع من مكانه والله من الفرحه
"اتحمحت واخد كوبايه المايه وشربت وطنط نڤين بتبصلنا بفرحه مش فاهمه اي الانبساط ده كله !!! "
بعد ماخلصه الكلام حدودو معاد الخطوبه مكنتش قادرة اسمع اكتر من كده لاني مش موافقه علي الي بيحصل وقومت طلعت الجنينه
ضربت الارض برجلي بعصبيه من اني مش قادرة اتصرف ولا اعمل حاجه
-ليال
لفيت بضهري ،
-طارق لو سمحت سيبني لوحدي شويه
قرب مني ،
-تعالي نتعشا بره ونتكلم
-لا مش عايزة… انا مش هعرف اتصرف معاك علي انك خطيبي
اتنفس بزهق ،
-هتعرفي وهتشوفي
كلهم طلعو ماما اتكلمت ،
-المرة الجايه نشوفكم في الخطوبه
طنط نڤين بضحكه،
-هنشوف بعض اكتر بعد كده
"خلصو كلامهم بضحكه مشو وانا طلعت اوضي غيرت هدومي ونمت تاني يوم صحيت علي رنه موبايل فتحت وانا مغمضه عيني "
-صباح الخير انا معتز
قومت قعد بنوم،
-ايوه في حاجه ؟..
-شكلك لسه نايمه
-ايوه لسه بدري
-اه مانا عارف كنت عايز اتكلم معاكي قبل الشغل ممكن نتقابل في كافيه هبعتلك العنوان
-طب مانتكلم في الشغل !!
-علي نبقي علي رواق
-طيب ماشي هغير وهنزل
-ماشي
"لبست ونزلت ومكنش لسه الفطار جهز فاطلعت بسرعه قبل لما حد يشوفني وصلت عند الكافيه الي قريب من الشغل دخلت ولقيت معتز قاعد مستني "
-اتأخرت
-لا
قعد وهو قال ،
-انا عايز اتكلم معاكي بمناسبه الكلام بتاع خطوبتك من الي اسمه طارق
-لا خلاص يعني معتش فيه حل
-اي بتقولي كده انا فكرت ان ممكن اتكلم معاه انا واقوله ان انتي مش بتحبي اظنه مش هيقبل بكده !!
ضحكت وانا بمسك المايه وبشرب ،
-في اي !..
-لان كل الحلول منفعتش بص معتش ينفع لان طارق اتقدم امبارح
-ايي بجد ؟
-اهاا
-طب اقدر اعمل اي ؟!..
-ولا اي حاجه انت لي حاسس بالذنب يعني انت حاولت وبشكرك
-علي اي بس انا مقدرتش اعمل حاجه
-لا خالص والله شكراً
-تشربي اي ؟!
-لا مش عايزة ممكن نروح الشركه هنتأخر
-ماشي يلا
"وقت الشغل عدي عليا بخنقه رهيبه وكملت لما طارق اسمه نور موبايلي
-ايوة ياطارق
-حبيبتي فينك ؟!
رجعت شعري لورا بنفاذ صبر ،
-في الشغل خير ؟
-نص ساعه وهاجي اخدك
-لا لا بقولك في الشغل !..
-ماهي شركه ابوكي يلا هخلص واجي
-لا استني طارق الو
"بصيت في الموبايل ده قفل "
فات نص ساعه وطلعت لقيت طارق مستني ركبت ..
في نص الطريق وبعد كلام كتير هو قاله وانا سرحانه في الطريق
-ليال بكلمك!!
-مختش بالي
-بقولك حددنا الخطوبه اخر الاسبوع
-اي السرعه دي وفين رائي
-قولت اخليها مفاجإةً
-فين المفاجأة في كده!!
-خلاص سيبك من كل ده تعالي ننزل بليل تجيبي الفستان وانا اجيب البدله
-لا انا تعبانه وبعدين هلبس اي حاجه عندي.. عندي فساتين كتير جديدة
-ازاي يعني دي خطوبتنا
-طارق لو سمحت سيبني علي راحتي لمره واحده
-تعالي بس وبعدين هوديكي مكان هيريحك
-لا مش عايزه انا مرتاحه كده
-بلاش عند بقي اهو وصلنا انزلي ريحي واشوفك بليل
نزلت وقابلت ماما وهي مبتسمه ،
-طارق قالك خطوبتكم اخر الاسبوع هنعملها في الجنينه بره اي رائيك
-لو قولت مش موافقه هتعملي اي ؟!
-يوووه بقي انتي مصره علي طريقه كلامك دي
-انا طالعه اوضي
-احسن
<<اجي اخر الاسبوع والي هو يوم خطوبتي بصيت علي نفسي اخر باصه وانا بفرد شعري دخلت ماما بعد لما خبطت
-طالعه حلوه جداً
-شكراً
-يلا طارق طالع علشان تنزلو الناس كلها وصلت
-هنزل لوحدي
-طبعاً لا هو طالع …اهو اجي ادخل ياطارق
دخل بص عليا وهو مبتسم ،
-شكلك تحفه
اتنفست وقولت ،
-يلا ننزل
"نزلنا وعيون الكل اتوجهت علينا والهمسات عيلت كنت عايزة اعيط لي بيحصلي كل ده ..لي مفيش اي حاجه بتحصل بإرادي لي !! .. بصيت علي بابا الي واقف مع ناس وبيضحك وماما الي واقفه جمب صحابها وبتتكلم ويحيي الي مش مبالي لاي حاجه وواقف مع بابا ..حتي مفيش صاحبه واحده واثقه جمبي انا ازاي بقيت لوحدي كده ولا انا لوحدي ديماً ومش واحدة بالي ! "
لبسنا الدبل وبعد وقت معرفش قد اي الناس بدأت تمشي وانا قومت بتعب
-انا هطلع اوضي تعبت اوي
-ازاي بس انا حاجز في مطعم علشان نتعشا
اتنفست بعصبيه وقربت منه وقولت ،
-طارق انت بتمثل وبتتعب نفسك
-ليال استني
سيبته وطلعت اوضي قفلت الباب بالمفتاح وقلعت الفستان ولبست بيچامه مقدرتش امسك نفسي اكتر من كده وعيط بخنقه بصيت علي الخاتم قلعته ورميته علي الارض
الباب فضل يتخبط عليه جامد وطالع من ورا صوت ماما ،
-ليال افتحي الباب ده انتي ازاي تكلمي طارق كده
-افتحي ليال بقولك افتحي
"""""""""""""""""""""""""""""""""""""""
ليال هتعمل اي هتقدر تكمل مع طارق ولا .. ط