رواية وجه اخر الفصل الثامن8بقلم سما
- وصلنا البيت وأنا نزلت من العربية من غير ما أتكلم.. نديم نزل وفتحلي الباب وقال: اتفضلي..
- شكرا
دخلنا الشقة وأنا حطيت شنطتي على الكنبة..
- نديم: حمد لله على السلامة..
- بصيتله وقلت: الله يسلمك..
- نديم ضحك وقال: شفتي البيت كان نور إزاي..
- على أساس ضلمة أوي..
- بتكلم جد والله، مكنش ليه جو كده..
- طيب..
- طيب..
- بصيتله شوية وبعدين قلت: أنا هدخل أغير هدومي وأرتاح شوية..
- نديم: أوكيه..
- ومشيت ناحية الأوضة..
- نديم: هيام..
- وقفت وبصيتله: نعم؟
- لسه زعلانة؟
- سكت شوية وقلت: معرفش..
- يعني إيه معرفش؟
- يعني مش عارفة لسه..
- أنا مش كل ما تحصل حاجة هصحى تاني يوم ألاقي نفسي نسيت، يعني اديني وقتي..
- يستي براحتك وأنا معاكي..
- تمام..
- بس كنت بسأل.. برضو؟
- ليه؟
- عشان أعرف أتعامل معاكي..
- اتعامل معايا عادي.. متحاولش تعمل حاجة مخصوص..
- طب لو عايز أصلح اللي عملته؟
- صلحه من غير ما تستنى مني رد فعل..
- نديم سكت شوية وبعدين قال: حاضر..
- ابتسمت ابتسامة صغيرة وقلت: أنا داخلة.. ودخلت الأوضة وقفلت الباب ورايا..
- نديم وقف مكانه وبعدين قال: لازم تتعب يا نديم، محدش بيوصل بالساهل برضو..
- كنت واقفة وسمعته من ورا الباب، فتحته وقلتله: شاطر.. بس مش شرط نوصل..
- لا إن شاء الله هنوصل..
>>>>>>>>>>>>>>>>>>>>>>>>>>>>>
- بالليل كنت قاعدة قدام التلفزيون ومشغلة حاجة بتفرج عليها..
- نديم خرج من الأوضة وهو بيلبس الجزمة..
- بصيتله وقلت: إنت نازل؟
- آه.. عندي مشوار كده..
- فين؟
- مشوار مع صاحبي..
- طب ماشي..
- نديم وقف قدامي وقال: محتاجة حاجة؟
- لا..
- متأكدة؟
- آه يا نديم..
- طب خلاص.. لو احتجتي حاجة كلميني..
- حاضر..
- خرج وقفل وراه..
- بصيت للتلفزيون تاني وكملت اللي بتفرج عليه، بس فضلت كل شوية أبص للساعة..
- مش عارفة ليه كنت مستنية يرجع.. وبعد وقت لقيت المفتاح بيتحط في الباب..
- نديم دخل وهو ماسك حاجة في إيده..: اتأخرت؟
- آه شوية..
- نديم ابتسم وقال: كنت بجيب حاجة..
- إيه دي؟
- استني..
- قرب وحط الورد والحاجات اللي جابها على الترابيزة قدامي..
- بصيت للورد وبعدين بصيتله..
- إيه ده؟
- ورد..
- شايفة إنه ورد.. بس ليه؟
- عادي..
- عادي إيه؟
- يعني شوفتهم وافتكرتك..
- سكت شوية وبصيت للورد..
- والتاني ده إيه؟
- حاجات حلوة..
- فتحت وشفت الحاجة اللي جواها وقلت: إنت لسه فاكر إني بحب دول..؟
- آه طبعًا فاكر..
- اممم..
- نديم قعد وقال: الورد مش عاجبك؟
- لا.. عاجبني.. ده حلو أوي..
- طب الحمد لله..
- بصيتله وقلت: بس متفتكرش إن وردتين وحاجات حلوة هيخلوني أنسى كل حاجة..
- منا عارف..
- أمال جبتهم ليه؟
- عشان مش كل حاجة بعملها لازم يكون وراها سبب..
- سكت.. وهزيت رأسي..
- نديم: وبعدين أنا حبيت أفرحك..
- بصيتله وقلت: شكرًا..
- العفو..
- نديم قام وقال: هسيبك بقى عشان ورايا شوية شغل أخلصه..
- هيام: طيب..
- هدخل أنا..
- بصيتله وهو داخل الأوضة، وبعدين رجعت بصيت للورد تاني..
- لقيت نفسي ببتسم من غير ما أحس.. قلت لنفسي: يمكن فعلًا بيحاول.. وخدت الورد وحطيته قدامي وفضلت باصة له وأنا ساكته
>>>>>>>>>>>>>>>>>>>>>>>>>>>>>
تاني يوم..
- كنت واقفة عند مكتبي وبعدين لقيت سامح جاي ناحيتي..
- سامح: عايزك في كلمتين..
- هيام: خير؟
- سامح: أنا بس عايزك تفهمي إن الصورة اللي بعتها لك كانت عشان مصلحتك..
- هيام: مصلحتي؟
- أيوه.. عشان تعرفي إن نديم مش زي ما إنتِ فاكرة..
- طب وإنت مالك؟
- أنا عارف أكتر منك.. يا هيام..
- أيوه وعايز إيه يعني؟
- عايزك تبعدي عنه، هيدمرك..
- شكرًا، لما أحتاج حد يقرر في حياتي غيري هبقى أسألك...
- يا هيام، إنتِ مصدقاه؟
- قبل ما أرد عليه، لقيت نديم جاي ناحيتنا..
- نديم: إنت واقف مع مراتي ليه؟
- سامح: بنحكي شوية..
- نديم: بجد والله؟ وخلصت بقى؟
- سامح: لسه..
- نديم بصله وقال: طب يلا من هنا..
- سامح: مش ماشي غير لما أخلص كلامي مع هيام..
- نديم: يا بني مش كفاية اللي في وشك؟
- إنت فاكر إنك كده هتخوفني؟
- نديم: أنا مش بحاول أخوفك.. أنا بفهمك بس..اللي هيحصل.
- سامح بص لهيام وقال: يا هيام، عمره ما حبك ولا هيحبك، اسمعي مني..
- نديم: خلصت؟ الكلمتين اللي حافظهم..يلا بقي عشان مخلكش فرجه دلوقتي..
- سامح: مش كلمتين.. أنا بقول الحقيقة..
- نديم: الحقيقة إنك مش عارف تبطل تفوق وتفهم إنها مراتي وتخصني .. والشغل. اللي. بتعمله ده مش بالعافية بس خلاص سهلة، أخليك تعرف بقى بطريقتي..
- سامح: شايفة جوزك.. عامل فيها بلطجي..
- نديم: متدخلهاش في كلامك.. وبعدين أنا مش عامل، أنا ممكن أوريك عادي..
- سامح: منا عارف اخرك..
- نديم: شاطر، وفرت وقتي.. يلا بقى من هنا..
- سامح: خلاص ماشي.. بس افتكري كلامي يا هيام... سامح لف عشان يمشي، وقبل ما يبعد قال: ولسه عندي كلام كتير.. بس مش قدامه..
- نديم راح وراه بسرعة.. هيام مسكت دراعه وقالت: خلاص يا نديم.. سيبه..
- نديم: أوعى أما أخليه يعرف يتكلم إزاي..
- هيام: لأ، كفاية كده.. يا نديم..
- نديم: يعني عايزاني أفضل ساكتله؟
- هيام بصت لنديم وقالت: إنت متهور أوي.. يا نديم..
- نديم: وهو مستفز أوي.. وبجح..
- خلاص يا نديم.. روح شوف شغلك..
- تشربي قهوة؟
- مش عايزة..
- طب نسكافيه؟
- امم لا..
- طب كابتشينو؟
- موافقة..
- عنيا في ثانية يكون عندك..
- هزيت رأسي بابتسامة..
«««««««««««««««««««««»»»»»»»»»»»
- كنت قاعدة في أوضتي بتفرج على موبايلي، لقيت نديم دخل وقال:
- إيه رأيك نروح السينما؟
- بصيتله وقلت: مش قادرة.. تعبانة شوية..
- نديم: طب خلاص، إيه رأيك نعمل فشار ونتفرج هنا؟
- امم فكرة..
- نديم: طب نشوف إيه؟
- أكشن..
- تمام..
- بصيتله وقلت: طب قصاد جدعنتك دي هخليه كوميدي..
- نديم ضحك وقال: وماله.. دنا أبقى جدع على طول بقى..
- ياريت، أهو تريحني..
- عيوني ليكي..
- احمم..
- نديم: إيه؟
- إيه؟
- كلمة حلوة طيب..
- شكرًا..
- دي حلوة؟
- شكرًا وحشة؟
- لا طبعًا إزاي؟! يلا نعمل الفشار..
- يلا..
- تعرفي نفسي في إيه؟
- إيه؟
- وحشني آكل كيكة من إيدك..
- بصيتله وقلت: إنت لسه فاكر؟
- أنسى؟ دي أحسن كيكة أكلتها..
- ما هي كانت حلوة فعلًا..
- يعني هتعمليها؟
- ممكن..
- ممكن دي معناها آه؟
- آه هعملهالك..
- ابتسم وقال: أيوه بقى يا هيومة يا قمر..
- بصتله باستغراب وقلت: مالك؟
- متاخديش في بالك..
- أنا قلت كده برضو..
- قمت معاه ودخلنا المطبخ، وبدأنا نطلع المكونات..
- نديم: إنتِ هتعملي وأنا هساعدك..
- تساعد إزاي؟
- أي حاجة تطلبيها هعملها..
- طب هات الدقيق..
- حاضر يا ست الكل..
- ضحكت وقلتله: وصلت لست الكل؟
- ليه هو إنتِ مش ست الكل؟!
- إنت أدرى..
- ست الكل طبعًا..
- ضحكت وقلتله: حبيبي تسلم..
- وبدأنا نجهز سوا، وكل شوية كان يعمل حاجة غلط وأنا أضحك عليه..
- نديم: ما تضحكيش.. أنا بحاول..
- نديم، إنت مش عارف تطقش البيضة..
- إيه يعني، بتعلم أنا، غلطان؟!
- لا خلاص كمل..
- هنأكل كيكة بقى تحفة...
- وعرفت إزاي؟
- قلبي قالي..
- معلش..
- هتشوفي..
- ماشي يا شيف..
- وبعد ما خلصنا وحطيناها في الفرن، خرجنا وقعدنا نستنى..
- نديم بصلي وقال: على فكرة أنا كنت عايز آكلها أوي..
- وحشتك بقى..
- جدًا.. بالذات من إيدك، تحسي ليها طعم كده مختلف..
- حلو ولا وحش؟
- أكيد حلو بقى، الصوابع دي تعمل حاجة وحشة؟!
- بصيت في الأرض وسكت..
- ابتسم وقال: إيه؟ اتكسفتي؟
- لا.. بس إنت كلامك بقى كتير..
- طب ما إنتِ اللي مخلياني أتكلم..
- أنا؟
- أيوه.. أصل لما بتضحكي كده الواحد بيحب يتكلم أكتر..
- بصيتله وأنا بحاول أخبي ابتسامتي وقلت: روح شوف الكيكة بدل الكلام ده..
- نديم ضحك وقال: حاضر..
««««««««««««««««««««««««»»»»»»»»
- بصيتله شوية وبعدين قلت: طب تعالى ندوقها لخالتو..
- نديم: ماما؟
- أيوه.. مش هتنزل لها حتة من الكيكة دي؟
- نديم ابتسم وقال: ماشي، يلا..
- طلعت الكيكة من الفرن، وقطعنا منها حتة وحطيناها في طبق ونزلنا..
- نديم خبط على الباب، وبعد شوية منال فتحت..
- منال: إيه ده؟ حبايبي..
- نديم: جايبينلك حاجة..
- منال بصت للطبق وقالت: كيكة؟
- هيام: أيوه، وقلت لازم أدوقك..
- نديم: دوقي عمايل إيديا يا ماما..
- عمايل إيديك؟
- آه، مش حطيت البيض والدقيق..
- هيام: يبقى كده عمايل إيدك..
- آه، مش أنا حطيتهم بإيدي يبقى إيه؟
- ضحكت وقلتله: صح، إنت صح..
- منال ضحكت وقالت: طب ادخلوا بدل ما تفضلوا واقفين على الباب..
- دخلنا وقعدنا، وصفية كانت قاعدة في الصالة، وأول ما شافتنا قالت:
- صفية: أخيرًا جيتوا..
- نديم: مالك يا بنتي؟
- صفية: ولا حاجة..
- منال: سيبك منها، دي من الصبح وهي عايزة تقول حاجة..
- صفية: ماما!
- نديم: طب قولي..
- صفية بصتله وقالت: أنا عايزة أكتب كتابي.. أنا وحازم عايزين ناخد الخطوة..
- نديم سكت شوية وقال: لما تخلصي..
- صفية: أخلص إيه؟ أنا خلصت كل حاجة..
- نديم: دراستك..
- صفية: ما أنا هكمل بعد الجواز..
- نديم: وأنا قلت لا، هانت يا صفية، خلاص..
- بس إحنا جاهزين دلوقتي..
- قلتلك لما تخلصي السنة دي.. وأهو عشان متبقيش مضغوطة..
- صفية: وإيه اللي دخل ده بده؟
- نديم: كده أحسن يا صفية..
- صفية: يا نديم، أنا مش طفلة..
- عارف..
- أمال بتعاملني كأني طفلة ليه؟
- نديم: عشان أنا أخوكي، ومن حقي أخاف عليكي..
- صفية: طب ما تخاف عليا وإنت موافق، هو أنا هعمل حاجة غلط؟
- نديم: منا موافق، بس كل حاجة في وقتها..
- صفية: يعني إنت هتفضل تأجل؟
- نديم: مش بأجل، أنا بقول لما تخلصي..
- صفية: طب لو خلصت بكرة؟
- نديم: يبقى نعمله.. بكرة..
- صفية: ماشي يا نديم..
- نديم: فكري فيها هتلاقي كده أحسن..
- صفية بصتله وقالت: خلاص..
- صفية بصت لهيام وقالت: شايفة جوزك؟
- ضحكت وقلت: هو معاه حق شوية..
- صفية: إنتِ كمان عليا..
- هيام: قلت شوية.. وأهو عشان تفرحي كده براحتك ومش شايلة هم..
- صفية: خلاص إنتوا كلكوا ضدي.. كده؟
- هيام: أنا أقدر يا صفصف يا قمر.. أنا معاكي وتعالي نعمله بكرة..
- نديم: بجد؟
- هيام: فيه إيه يا نديم؟ بهزر..
- نديم: طيب يا هيام..
««««««««««««««««««««««««»»»»»»»»
- طلعت أنا ونديم الشقة، وأول ما دخلنا حطيت الطبق على الترابيزة..
- نديم: يلا الفيلم..
- ماشي..
- نديم شغل الفيلم وقعدنا..
- وبعد شوية لقيته بيبصلي..
- قلت: في إيه؟
- ولا حاجة..
- أمال بتبص ليه؟
- عادي..
- نديم: كان مالك من شوية؟
- مالي؟
- وإنتِ بتتكلمي مع صفية..
- كنت بتكلم عادي..
- طب كويس..
- سكت شوية، وبعدين قلتله: هي كانت عايزة تكتب كتابها.. إنت ليه مصعب الموضوع عليها؟ أنا شايفة إنها حياتهم وعادي، ودي خطوة كويسة..
- نديم: وأنا أخوها..
- ما أنا عارفة إنك أخوها..
- أمال بتناقشيني ليه؟
- بصيتله باستغراب وقلت: أنا مش بناقشك، أنا بس بقول رأيي..
- نديم: ما أنا مش محتاج حد يقولي أعمل إيه مع أختي..
- سكت شوية... وبصيتله وقلت: تمام..
- نديم: أنا مش قصدي عليكي..
- خلاص..
- هيام..
- مفيش حاجة..
- رجعت بصيت للتلفزيون، بس المرة دي الفيلم مبقاش فارق معايا.. وكنت مضايقة... بعد شوية قمت من مكاني..
- نديم: رايحة فين؟
- أنام..
- ليه؟
- عشان تعبانة..
- طب والفيلم؟
- اتفرج إنت..
- بصلي وقال: هيام، استني..
- دخلت الأوضة وقفلت الباب ورايا..
- بعد شوية خبط على الباب..
- قلت: نعم؟
- نديم: افتحي..
- لأ، هنام..
- طب افتحي بس..
- مش عايزة..
- هيام، أنا آسف..
- على إيه؟
- على طريقة كلامي..
- عادي..
- لا مش عادي..
- سكت شوية وبعدين قال:
- أنا مكنش قصدي كده على فكرة، إنتِ حقك تقولي رأيك..
- ماشي..
- يعني اتصالحنا؟
- لا..
- طب أعمل إيه؟
- معرفش..
- طب أجيبلك عصير؟
- لا..
- كيكة؟
- لا..
- فشار؟
- لأ..
- طب الفيلم؟
- مش هتفرج..
- نديم سكت شوية وقال: طب أعمل إيه عشان تفتحي الباب؟
- مفيش..
- سكت شوية وقال:
- خلاص بقى، وبعدين عشان تبقي عارفة.. أنا مبحبش أشوفك زعلانة مني، خصوصًا بعد ما بدأت أخيرًا أشوف الضحكة دي على وشك.. وبقينا كويسين..
- فضلت ساكتة، بس ابتسمت غصب عني..
- نديم: سمعتي؟
- أيوه..
- يعني هتفتحي؟
-قلت لاااا
- طب إيه؟ الفيلم هتسبيني أتفرج لوحدي، مش هيجيلي نفس أضحك..
- ضحكت من ورا الباب وقلت: امشي يا نديم..
- نديم ضحك وقال: يلا اطلعي بس..
- مش عايزة أقعد معاك..
- خلاص هقعد أنا عند السفرة..
- إذا كان كده ماشي.. وفتحت الباب وطلعت..
- أول ما شافني ابتسم وقال: أهو كده..
- قلتله: عند السفرة..
- يستي عارف..
- ومفيش حاجة اسمها سامحتك..
- ليه طيب؟
- كده، ومتبقاش مستفز..
- حاضر يا هيومة..
- بصيتله بغيظ وهو ضحك..
- ورجعت قعدت على الكنبة.. وأنا بحاول أخبي ابتسامتي..
- نديم بص للتلفزيون وقال: حلوة اللقطة دي..
- مكانك..
- طب اللقطة دي طيب..
- عند السفرة يلا..
- حاضر..