رواية وجه اخر الفصل التاسع9بقلم سما
- - صحيت من النوم وخرجت من الأوضة، سمعت صوت في الصالة وطلعت أشوف...
- صباح الخير..
- صباح النور، بتعمل إيه؟
- بحط الأكل..
- أكل إيه؟
- فطار..
- جبته منين؟
- أنا اللي وضبته؟ إيه رأيك؟
- احلف..
- والله أنا..
- إيه النشاط ده..
- يوم الجمعة بقى..
- امم شاطر والله..
- نديم: اغسل وشك وتعالي بسرعة عشان ناكل...
- مش تستناني أصلي طيب..
- أيوه طيب صلي ومش هاكل غير لما تخلصي
- رديت بابتسامة: حاضر.. دخلت صليت وخلصت.. طلعت لقيته قاعد مستنيني.. ابتسمت ورحت عنده..
- إيه ده، إنت مكلتش بجد؟
- أكيد هاكل من غيرك يعني.. بعدين أنا عاملة عشان ناكل سوا..
- أكيد عشان أفتح نفسك..
- ودي محتاجة؟ أيوه طبعًا..
- يلا بسم الله.. قول بسم الله..
- نديم ضحك وقال: قلت والله..
- شطور..
- نديم: كنت هدخل أصحيكي تفطري معايا وبعدين لو عايزة تنامي تاني، بس إنتِ صحيتي..
- لا، منا قلت أصحى عشان ألحق أخلص ترويق قبل العزومة وكده..
- عزومة إيه؟
- إنت نسيت؟ مش خالتو عازمانا على الغدا وماما جاية وكده، هخلص وأنزل أساعدها..
- أيوه صحيح.. ماشي خلصي وأنا أساعدك..
- شكرًا..
- بتكلم جد والله..
- منا عارفة، بس مش بحب كده..
- ليه يعني؟
- يعني أنا كويسة وهقدر أعمل، ليه أتعبك؟
- نديم ابتسم وقال: إنتِ غريبة أوي بجد..
- بص، كل اللي عايزاك تعمله كوباية شاي كده زي اللي بتعملها عشان أظبط دماغي، تعملي؟
- عنيا..
- رديت بابتسامة: تسلم إيدك، وكمان على الفطار الحلو ده..
- تسلميلي يا حبيبتي..
- سكتت ثواني وقلبي دق.. وبعدين قلت: إنت قلت إيه؟
- أنا؟ إمتى؟
- دلوقتي..
- بقولك هقوم أعملك الشاي..
- نديم متستعبطش..
- الله وهستعبط ليه؟
- ماشي، يمكن سمعت غلط..
- نديم: لا صح..
- طب ليه؟
- طب ليه إيه؟
- بتقول ليه؟!
- الله مش دي الحقيقة..
- امشي يا نديم..
- ليه طيب؟
- يا حزني خش بقى..
- بتتكسفي؟!
- روح يا عم ربنا يسهلك..
- عايزة كام معلقة سكر طيب؟
- معلقتين..
- نديم وقف وفضل باصصلها..
- فيه إيه تاني؟
- المفروض تقوليلي كفاية إنت..
- كفاية إنت إيه؟ آه، قصدك كفاية إنت سكر وكده؟
- امم..
- معلش..
- يعني أنا مش سكر؟!
- إنتِ مالك كده على الصبح؟ هنخيب ولا إيه؟
- بتفصلي الواحد كده..
- معلش يا خويا..
- ماشي يا أختي..
- متردش عليا..
- نديم ضحك وقال: حاضر...
>>>>>>>>>>>>>>>>>>>>>>>>>>>>>
- نزلت تحت عند خالتو.. ودخلت عشان أساعدها..: الله على الريحة الحلوة، ده أنا حماتي بتحبني بقى..
- منال: طبعًااا..
- صفية: تعالي يا هيومة دوقي الملوخية كده..
- خدت منها المعلقة ودوقت: الله، طعمها حلو أوي..
- صفية: ده أنا تسلم إيدي بقى..
- هيام: أحلى ست بيت يا خواتي..
- صفية: حبيبتي..
- منال: أمال فين نديم؟
- راح يصلي الجمعة، زمانه جاي..
- منال: الباب خبط، زمانها عايدة..
- رحت فتحت الباب.. وطلعت ماما: أهلا يا دودو، عاملة إيه؟
- الحمد لله يا حبيبتي.. إنتِ عاملة إيه؟
- بخير يا حبيبتي الحمد لله..
- دايمًا يارب، أمال فين خالتك؟
- جوه في المطبخ.. ولسه بقفل الباب.. نديم فتحه..
- نديم: كده تقفلي في وشي؟
- يا عم مشوفتكش..
- إنت جيت بدري ليه؟
- كده الشيخ طلعنا فسحة..
- إنت بتهزر صح؟!
- أكيد يا هيام.. الصلاة خلصت..
- دعيتلي؟!
- دعيتلنا..
- بإيه؟
- بيني وبين ربنا بقى..
- قولي لمحة..
- مانتي عارفة..
- امم فهمتك..
- أيوه بقى..
- ادخل ادخل، بطل دلع..
- ماله دلع؟
- استغفر ربنا، إنت لسه جاي من الصلاة..
- هو أنا قلت إيه يعني؟! بس إيه الأسدال الحلو ده؟!
- عجبك؟
- تحفة..
- رديت بابتسامة: شكرًا..
- صفية: طب راعوا مشاعري طيب..
- نديم: عايزة إيه يا بت؟
- اكتب الكتاب..
- نديم: يا دي النيلة عليا..
- ضحكت عليهم.. وقلت: يلا بقى عشان نكمل..
- نديم: طبختلي إيه؟
- هعمل سلطة..
- بس؟
- دي اللي لحقتها..
- وماله..
- يلا هدخل أعمل السلطة..
- ماشي يا هيومة..
- ضحكت عليه ودخلت المطبخ..
- حطينا الأكل على السفرة..
- نديم: يا خرابي، أول مرة أشوف سلطة حلوة كده..
- هيام: فيها إيه زيادة يعني؟!
- كفاية إن إنتِ اللي عملها..
- مالك؟
- مالي إيه؟ بعاكسك..
- طيب..
- طيب أكمل ولا إيه؟
- تكمل إيه؟
- معاكسه..
- اقعد كل يا نديم، ربنا يهديك..
- طيب تعالي اقعدي جنبي..
- ليه؟ هأكلك في بوقك؟!
- لا، بس الست مكانها جنب جوزها ولا إيه يا خالتو؟
- عايدة: ما تقعدي جنب جوزك يا بت.. واكليه بالمعلقة كمان..
- حاضر يا ماما..
- نديم: أهوه أكليني..
- خبطته في رجله من تحت الترابيزة وقلت: اتلم..
- نديم بوجع: آآه.. هو أنا اللي قلت؟
- هيام: اسكت بقى، عاوزة آكل..
- نديم: طب إيه؟ معلقة واحدة طيب..
- كل يا بني، ما إنت زي القرد أهوه..
- قرد؟!
- يعني إيدك شغالة..
- آه معاكي حق.. هاكل..
- أيوه اعتمد على نفسك..
- انا بقول كده برضو..
>>>>>>>>>>>>>>>>>>>>>>>>>>>>
- بعد الغدا طلعنا أنا ونديم فوق شقتنا..
- هيام: نديم..
- نعم..
- أنا خارجة أنا وصفية عشان عايزة أشتري شوية حاجات..
- طيب خدي..
- إيه ده؟
- فلوس..
- لا أنا معايا..
- معاكي إيه يا هيام؟ أنا جوزك وأنا اللي أصرف عليكي..
- عارفة يا نديم، بس شكرًا معايا فلوس..
- نديم مسك إيديها وحط فيها الفلوس وقال: مش عايز اعتراض، وأي حاجة أنا ملزوم بيها..
- بس أنا معايا فلوس والله..
- فلوسك لنفسك يا هيام..
- هزيت رأسي وقلتله: تمام يا نديم..
- متتأخريش بره..
- عايز حاجة أجيبهالك؟
- لا يا حبيبتي، شكرًا..
- الله..
- فيه إيه؟
- كل شوية حبيبتي حبيبتي..
- إيه ده؟ ماخدتش بالي..
- لا، ابقى أركز..
- هحاول..
- آه منك إنت..
- مالي؟
- مش سهل..
- ده أنا غلبان..
- أوي..
- وإنتِ غلبانة برضو، ها؟ غلبانة وقلبك طيب..
- ضحكت وقلتله: لا يا حبيبي، مفيش منه الكلام ده..
- أهوه شفتي؟ بتقولي حبيبي..
- هي بتتقال كده على بعضها..
- وأنا موافق يا ستي..
- يووه، أنا داخلة ألبس..
- طيب..
- رحت أنا وصفية المول، وإحنا بنلف وقفت قدام محل: تعالي نخش نشوف حاجة..
- هتجيبي إيه لنديم؟!
- تعالي بس..
- بعد حوالي ساعتين، نديم كان قاعد، بعدين سمع الباب بيخبط، قام عشان يفتح..
- نديم: أهلا..
- دخلت وقعدت على الكنبة: آآه، رجلي وجعتني من اللف..
- جبتي اللي إنتِ عايزاه؟!
- نديم: آه جبت..
- طب كويس..
- استني، جبتلك حاجة..
- حاجة إيه؟
- خد، يارب تعجبك..
- نديم فتحها: إيه ده؟ برفيوم؟!
- آه، بدل اللي اتكسرت..
- إنتِ لسه فاكرة؟
- أيوه، يعني افتكرت هناك..
- نديم بابتسامة: شكرًا، ريحتها حلوة أوي..
- ذوقي عجبك؟
- ذوقك تحفة عمومًا..
- شكرًا..
- نديم بابتسامة: تعرفي إني فرحت أوي..
- بجد؟!
- أيوه، يعني حسيت إنك بتفكري فيا..
- لا عادي، لما شفتها افتكرتك..
- ده أحلى ما في الموضوع أصلًا..
- حاولت أغير الموضوع وقلتله: إيه رأيك في لون الطرحة دي عليا؟
- لايق عليكي أوي..
- احلف..
- آه والله..
- كنت خايفة يطلعني وحشة..
- مين دي اللي تطلع وحشة؟
- أنا يعني..
- ده مستحيل..
- لا، إنت كده هترفع معنوياتي، مش هعرف أنزلها تاني..
- وتنزليها ليه أصلًا؟!
- ابتسمت وقلتله: يعني شكرًا، كلك ذوق والله..
- نديم ضحك وقال: ردك بيفصلني..
- ده المطلوب يا باشا..
- ليه طيب؟
- هبقى أقولك أما تكبر..
- مينفعش دلوقتي؟
- لا، آسفة..
- ماشي، أديني مستني..
- ربنا معاك...
>>>>>>>>>>>>>>>>>>>>>>>>>>>>>
- صحيت الصبح جهزت نفسي ولبست ودخلت عشان أصحي نديم.. خبطت على الباب ومردش.. خبطت تاني: يااا ندييييم.. بعدين فتحت الباب ودخلت ملقتوش.. إيه ده؟ راح فين؟
- نديم: إيه؟ بتدوري عليا؟
- يحزني، خضتني..
- إيه ده؟ دانتي خفيفة أوي..
- وبالنسبة إنك جاي تتسحب كده عادي؟
- لا، دي مشيتي.. أوعى تفهميني صح..
- ثانية.. إنت لابس كده وجاي منين؟
- من جوه..
- جاي لابس من المطبخ؟!
- نديم ضحك وقال: أكيد لا يعني.. كنت بشرب..
- امم، وإيه يأكدلي إنك مش بتكدب؟
- هكون جاي منين يعني؟ من الشباك؟
- لا، فتحت باب الشقة واتسحبت..
- آه وكنت بايت عند مراتي التانية..
- شفت بقى؟ يعني أنا صح..
- يلا يا بنتي ربنا يهديكي، هنتأخر على الشغل..
- شغل إيه؟ ما خلاص..
- خلاص إيه؟
- مش هروح معاك يا نديم..
- أقسم بالله كنت بشرب، حتى شوفي الإزازة..
- امم، وشربت كام سنتي؟
- نعم؟؟
- عشان أقيس..
- هيام، إنتِ سخنة؟
- آه والله، عندي برد..
- ألف سلامة..
- الله يسلمك..
- إيه؟ هنروح الشغل ولا إيه؟!
- يلا، هسامحك بس المرة الجاية تعالي بدري من عندها..
- حاضر، مش هتأخر..
- برافو عليك..
>>>>>>>>>>>>>>>>>>>>>>>>>>>>>
- كنت قاعدة في الشركة... لقيت نديم جاي عليا..
- نديم: عامل إيه يا قمر؟
- هيام: الحمد لله.. إنت عامل إيه؟
- زي الفل..
- باين..
- بقولك إيه؟ خلصتي شغل؟
- يعني لسه..
- طب تعالي ناخد بريك ونقعد عند الروف شوية..
- بره يعني؟
- أيوه عند البلكونة..
- أوكيه...
- دخلت أنا وهو البلكونة..
- خدي..
- قهوة؟! جبتها إمتى؟
- لسه من شوية طلبتها..
- شكرًا..
- الجو حلو أوي..
- هيام: أيوه، بحب الجو ده أوي والورد ده..
- امم، إنتِ بتحبي الورد أوي..
- أيوه، كان نفسي أملى البلكونة بتاعتنا كلها ورد.. وزرع..
- تصدقي فكرة..
- مفيش أحلى من الورد..
- نديم بصلها وابتسم وقال: حصلل..
- لفيت وشي وابتسمت..
- طب ما تبتسمي في وشي..
- وابتسم في وشك ليه؟
- صدقة حتى..
- ضحكت عليه وسكتت..
- هيام؟
- امم..
- حاسس إن فيه أمل..
- في إيه؟
- علاقتنا..
- سكتت وقلتله: مش عارفه يا نديم
- اديني فرصة يا هيام.. صدقيني، إنتِ بقيتي كل حاجة في حياتي.. مش هقدر أتخيل إنك تسيبيني..
- صدقني بحاول، بس الموضوع في إيدك..
- وأنا عمري ما هضيعك من إيدي تاني..
- بصيتله وقلت: أتمنى يا نديم..