رواية العرجاء الجميلة الفصل التاسع9بقلم جمانه السعيدي
رزق....بقيت كاعده بمكاني ولازمه راسي
شني من مصيبه هاي خسرت كلشي
بلحظه ووكعت عقيل وياي بلمشاكل
ماسكتت سمر بعدها تحجي وتصيح صوت عالي
تريد تبعد الجريمه عنها
ااكو مثل مصري يكول خذوهم بلصوت لا يغلبوكم
جاي تصيح وتحجي حتى تبراء نفسها
مع ان اني متاكده هيه الي اخذتهن وحتى عقيل
متاكد من هذا الشي
بس ماعدنا دليل عليها ولا لكينا الفلوس
تعب عقيل وهو يدور على الفلوس
كعد وخله راسه بين ادي ما مصدك الفلوس راحت
هيج ومالها اي اثر
ااكثر شي متندم لان ماخلا الفلوس عنده
يحس نفسه هو الي ضيعهم وخاصه من عرف نويا سمر وسكت عنها
اخذت سمر ابنها الزغير ودخلت غرفتها لان كام يبجي من سمع امه تهوس
حتى جهالها علاوي وزهراء اجو على الصوت
وبقو يتفرجون على امهم
وهيه تحجي وتدعي علينا
ساعه تقريبا واجا ابوها هو وامه
دخلو شافو البيت مكلوب والغراض مطشره
سمر..تعالو تعالو كابلوني الرجال الي خدمته وصنته
وحافظت على بيته وعرضه
يتهمني يكول انتي حراميه
ابو سمر.....الله يستر شبي بيتكم ليش هيج
سمر...يدورون على فلوسهم يكولن انتي اخذتيهن
ابو سمر...عمي عقيل شكووو احجيلي
سمر...اني احجيلك
ابو سمر...اس مااريد اسمع صوتج خل افتهم شكوو
عقيل....عمي اني ما غلطان ومتاكد الفلوس عدها
ابو سمر...اي فلوس
عقيل...بعنا بيت اهلي وكلمن اخذ حصته خوش
ابو سمر.... خوش شنو المشكله
عقيل....سمر صار اسبوع تخبلت علينا
شلون رزق تاخذ حصتها وهيه كاعده تاكل وتشرب ويانا
حصتها احنا ناخذها
تقبل بهذا الكلام
ابو سمر...وبعدين شصار
عقيل...قررت اشتري قطعة ارض الرزق وابني ببها غرفه الاختي
لان اني ماضامن الوكت اني اعرف سمر لا تحب رزق ولا اطيقها
وراحت طلعتها من بيت اهلي وجابتها هنا حتى تضغط عليها
نبيع البيت
حتى تاكل حصة رزق
ابو سمر....وشصار بعدين
عقيل...صار اسبوع شايله خشمها وتتعارك وياي ليل
نهار اله تاخذ الفلوس من رزق
اليوم اتفقت ويا واحد واشتريت منا ٧٥ متر. اجينا الفلوس
مالكيناهن
محد داخل علينا ومحد صاعد فوك
ورزق كل وقتها بغرفتها وين راحن هيه سمر ماكو غيرها اخذتهن
سمر...هااا سمعت بويه سمعت زين
ام سمر.....انت شلون تتهم بنتي بايكه ترا بنتي طالعه من بيت عز وخير شنو محتاجه فلوسكم
ابو سمر... واذا طلعت مو هيه ماخذتهن
عقيل....اني متأكد هيه الي اخذتهن ماكو غيرها
سمر....اني اريد اطلك لمن اطلك يله اخلص من رزق
فوك مارحت جبتها من بيتها
وخادمتها مدللتها دلال تالي هاي المجازات
عقيل.... روحي الله وياج من باجر اطلكج
اني ماشايف هيج نفسيه شكد حاقده الخاطر الله
ابو سمر...اتعوذو من الشيطان ايجوز هسه تلكون الفلوس
ام سمر....يله جيبي جهالج وتعالي
ابو سمر ...وين تجي عدها ٣ اطفال انتي اطلعي من هاي السالفه مشكله زغيره لا تكبرنها
عقيل.....اني ماعندي مانع اطلك وجهالي يبقون عندي
راح اشتكي عليها بس يدكوها تعترف وين الفلوس
ابو سمر...عيب هذا الحجي تبقى مرتك وعرضك وأم جهالك
جمانه السعيدي
ام سمر.....انت شنو مان عليها موزين متحملتك
عقيل...واني مااريدها تتحملني أريدها ترجع فلوس رزق
رزق....شفت سمر ندست امها عود لاتكبرين الموضوع
ااكيد سمر ماتريد تطلك
لان عقيل كلش زين الها والجهاله
سكتت ام سمر
ابو سمر.....انشاء الله تلكون الفلوس بس دوروه على كيفكم
وانت بويه عقيل ليش عصبي طول بالك شويه
المشاكل ما تنحل بلعصبيه
البيوت يصير بيها كل المشاكل والطلايب
بس اهدء شويه كلشي ينحل انشاء الله
عقيل...شنو ذنب هاي اليتيمه محاربتها على كلشي وكالت رزق شتريدين منها بيش مأذيتج
ابو سمر...هنا شكد الفلوس اني اخسرهن
حتلو ابيع البيت بس بيتكم يبقى عامر
استهدو بلرحمن
عقيل....اذا ما طلعن الفلوس اشتري الرزق بيت من حصتي
عناد بسمر
مادام سوت هاي المشكله
رزق....كمت اني اعزل بلبيت وارجع الغراض المكانهن
وسمر شالت ابنها ودخلت غرفتها
وابوها وامها رجعو البيتهم
عقيل مادخل غرفته راح بلصاله كعد
رحت ورا
رزق....لا اضوج الله يخليك الفلوس وصاحبتهن فدوه الك
انت سندي من بعد ابوي
ومااقبل اضوج ابد لا يصعد ضغطك ويصير بيك شي
مابقالي بهاي الدنيا غيرك خليهن الفلوس فدوه اللك
مادام انت سالم حتى البيت مااحتاجه
انت بيتي واهلي وفلوسي
لاتحرك اعصابك
عقيل....شلون انتي وصيت ابوي اني متاكد
سمر اخذتهن ماكو غيرها
رزق...خليها تاخذهن ما مقسوماتلي
ايجوز لو ماهيه تاخذهن يضيعن ايجوز ابو الكاع يطلع نصاب ويأخذهن
هاي هيه عوفهن اني مااريدهن فدوه الك
جمانه السعيدي
رجعت ارتب البيت وارجع كلشي المكانه
وهيه بقت بغرفتها ما طلعت عود زعلانه
خافت تروح ويا اهلها وعقيل يطلكها من صدك
لو ينفذ تهديده ويشتكي عليها
رزق......صعدت رتبت غرفتي نزلت حضرت العشى
كعدنا اني وعقيل والجهال اكلنا
عقيل ابد مادخل غرفته دز علاوي جابله تراك
بدل ونام بلصاله
فات اسبوع كامل وعقيل ما يحجي وياها
وهيه معتكفه بغرفتها وكلشي ما تسوي
اني انظف واطبخ واغسل للجهال
تطلع تشوفني شنو طابخه تاكل وترجع الغرفتها
لكت خوش خدامه بلاش
من بعدها راحت تصالح عقيل بس هو قافل عليها
مايقبل يحجي وياها
بقت كل يوم تحاول تصالحه وقسمتله كل الايمان
هيه ما ماخذه الفلوس
بعد شهر تقريبا رجعت العلاقه بينهم
بس مو مثل قبل رجعو يحجون على الشغلات المهمه
بلبيت
وعقيل ما يقبل يرجع للغرفه بس هيه تروح تنام وياا بلصاله
تريد تصالحه بكل طريقه
اني شلت شغل البيت كله على راسي
وسمر تخلص شغلات بسيطه
صرت خدامه بهذا البيت لازم اقبل واسكت ماعندي غير خيار
وين اروح ومنو يتحملني
الصراحه اخواني وليد ومسلم ما يسئلون عني
دائما بلشهر مره واني الي اتصل عليهم
وخاصه من عرفو فلوسي راحن
يخافون اروح اسكن وياهم ويشيلون مسؤليتي
صرت ثكيله ومحد يريدني
مرت هاي السنه ورزق صار عمرها ٣٠ سنه
وهيه على نفس وضعها كلشي ما تغير
غير صارت خدامه السمر تشتغل مقابل الاكل والسكن
جمانه السعيدي
حتى عقيل انشغل عني الصبح دوام والعصر
يشتغل على مشروعه الجديد
يرجع بليل تعبان يريد بس ينام
حتى ما نحجي اني وياا مثل قبل لان اشوفه تعبان
حيل
اذا اطلب منه شي يجيبه اليه مايقصر
بس ماعنده وقت مثل قبل نكعد ونحجي اني ويااا
وسمر استغلت انشغاله عني وخلت كل شغل البيت عليه
طول النهار لو نايمه لو طالعه
الحد ماكالت سمر بس كافي
اني اخذت من رزق كلشي ليش اتحملها بيتي
ليش عقيل شايل مسؤليتها
خاف صدك يشتغل وتصير عنده فلوس ويشتريلها بيت
خل ادورلها على واحد يزوجها واخلص منها
واعيش براحتي
اي واحد عامل نظافه عامل بناء وواحد شامرته الدنيا
المهم اخلص منها
بعد كبرت ونكسرت وكلشي ما تملك
حتى فلوسها اخذتهن منها
بدت تمشي وتكول منو يريد يزوج رزق
طبعا بدون علمي وبدون علم عقيل
وصت النسوان كلهن منو يريد رزق
مراح اخلي عقيل يطلب منه مهر
المهم يخلصني منها
اي وحده تصادفها تكوللها ماكو واحد موصيج على عروس
بس النسوان من يسمعن عمري ٣٠ وعرجه
مايفكرن بلموضوع اصلا
بنيه عمرها ٣٠ سنه وفوكها عرجه
سمر....تريد ااي واحد ااي واحد حتلو جبير بلعمر
حتلو مزوج حتلو مطلك
بس يجي ياخذني ويخلصها مني
مااعتب عليها اعتب على هذا الزمن الاغبر
الي خلا مصيري بيد سمر
قبل عطلت قسمتي وخلتني لا دراسه ولا زواج
ومن رادت تاخذ مني الورث خططت ونجحت خطتها
جابتني يمها وباعت البيت
وأخذت الفلوس وبقت بيتها معززه مكرمه
وفوكاها سوتني خدامه عدها
وهسه من قررت تخلص مني جاي ادور عريس
على مزجها تكعدني وعلى مزاجها ازوجني
وعلى مزاجها تاخذ فلوسي
شلون زمن اغبر مخليني لعبه بيد سمر
حتى سعد السايق سايق اهلها السايق الي يوصلها
وين ماتريد
ووصته على عريس
كالتله ااي شي حتلو شايب عمره سبعين سنه
بس كون اخلص منها
وبعد مااشوف وجها كبالي