رواية عاصفة النسور(فريق النسور)
الفصل الخامس عشر15
بقلم جمال المصري
محمد .. النقيب محمود هو اللي قال في حال اتكشفنا لازم نقطع الشبكه عشان نضمن ميكونش في اي اتصال ونقطع اي دعم ممكن يوصلهم
كريم .. تمام انا هاجي معاك
محمد .. لا انت هتفضل هنا وانا هوصل لاقرب نقطه وشغل الجهاز وهرجع علي طول
كريم .. تمام يا محمد ربنا معاك
محمد .. بيتحرك وبينزل النفق وعند الباب بيحط الجهاز وبيشغله وبيرجع مكانه
كريم .. كل حاجه تمام
محمد .. ايوه يا كريم
طارق .. اخبارك ايه يا مدام عايده
عايده .. الحمد لله يا سيادة العميد اخبار حضرتك ايه
طارق .. الحمد لله
عايده .. اسفه علي ازعاج حضرتك
طارق .. ما تقوليش كده يا مدام عايده حضرتك تتصلي في اي وقت
عايده .. محمود ليا كام يوم بحاول اوصله وعلي طول تليفونه مقفول وكنت عايزه اطمن عليه هو والشباب اللي معاه
طارق .. سكت للحظه محمود اتنقل من الكتيبه وبيخدم في الجنوب حالين
عايده .. الجنوب اللي هو فين
طارق .. في اسوان علي حدود السودان
عايده .. اسفه بجد مكنتش اعرف ومحمود مقاليش حاجه عن موضوع النقل
طارق .. ولا يهمك حضرتك عارفه اني بعتبر محمود ابني انا هكلم الكتيبه وطمنك
عايده .. ياريت يا فندم وانا هستنا تليفونك
..طارق بيقفل معاها وبيتصل بقائد كتيبة حراس الحدود اللي علي حدود السودان والقائد بيطمنه وبيقوله انهم في مهمه علي حدود السودان واول ما يرجعه هيخلي محمود يكلمه وقائد الكتيبه بعد ما بيقفل مع العميد طارق بيرن علي العقيد اسامه وبيبلغه والعقيد اسامه بيرن علي العميد طارق ...
طارق .. السلام عليكم
اسامه .. وعليكم السلام ورحمة الله وبركاته مع حضرتك العقيد اسامه القائد المسئول عن النقيب محمود قائد الكتيبه بلغنى ان حضرتك بتسال عليه لو في رساله حابب اوصلهاله ممكن تقولهالي
طارق .. اهلا بحضرتك يا سيادة العقيد دي حماته كانت قلقانه عليه وانت اكيد عارف محمود مر بظروف صعبه
اسامه .. تمام يا فندم انا بكره ان شاء الله هبلغه الرساله وهخليه يكلمها
طارق .. تمام
اسامه .. بيقفل الخط وبيكون واقف في غرفة العمليات رايح جاي وهو مستني اي اخبار من الفريق
.. العميد بيتصل بعايده وبيطمنها وبيقولها انه كلم القائد المباشر لمحمود وان شاء الله بكره هيبلغ محمود ان حضرتك عايزه تكلميه وعايده بتشكره ..
محمود بيبص لسامح و بينزله بالراحه عشان يحطه السلاح علي الارض وبيسيبه السلاح وبسرعه محمود بيضرب اللي قدامه وسامح كمان والسلاح بيوقع من العناصر ومحمود بيضرب الثالث وبياخد السلاح اللي معاه وبيضرب اتنين وسامح بيضرب الثالث وبيجره ناحيت الغرفه اللي في اخر الممر وسامح بيضرب الباب برجله والمشهد بيكون واحد ماسك مسدس وموجهه علي الدكتور واول ما محمود بيدخل بيضربه بالنار في دماغه وبيقرب بسرعه من الدكتور حكيم والدكتوره دعاء وبيفتحه الكلابشات اللي في ايديهم ..
حكيم .. انتو مين وعايزين ايه مننا
محمود .. الاول نطلع من هنا وهتعرفك كل حاجه المهم حضرتك بخير
حكيم .. لما سمع صوته وعرف انه مصري ارتاح الحمد لله يا ابني
محمود .. دكتورة دعاء حضرتك بخير
دعاء .. بتبتسم ابتسامه بتغلبها الدموع الحمد لله انا قولت خلاص وصلنا للنهايه
محمود .. في العالم ده مفيش حاجه بتنتهي غير لما احنا بنقول انتهت ضياء
ضياء .. افندم
محمود .. عملت ايه
ضياء .. عددهم كبير
محمود .. انسحب علي النفق هنتقابل هناك
ضياء .. وصلت للدكاتره
محمود .. ايوه وهتحرك علي النفق
ضياء .. يا شباب هننسحب علي النفق مهمتنا انتهت عبد الرحمن انسحب انت الاول وجهز الفخ
عبد الرحمن .. تمام يا فندم ويتحرك ويحط قنابل في الممر
.. وضياء ينسحب بالتدريج واول ما بيوصل عند باب النفق بيكون محمود هناك بيدي اوامره بالتفجبر وبينزله بسرعه وهم بيتبادله اطلاق الرصاص وعناصر الاستخبارات ال c i a وراهم و عبد الرحمن بيفجر الممر بيهم وبينزل النفق ..
ضياء .. تسلم ايدك يا بطل
عبد الرحمن .. شكرآ يا فندم
محمود .. يلا يا شباب ما قدمناش وقت كتير
الكل .. تمام يا فندم وبيتحركه بسرعه
قائد الاستخبارت الامريكيه .. الكل بسرعه علي العربيات هنتحرك وراهم دول مش لازم يطلعو من هنا عايشين دي نقطه سوده في تاريخنا وبيمسك التليفون وهو بيحاول يرن لكن مفيش شبكه ويجري علي الخط الارضي لكن بيكونوا قطعه الاسلاك يلا بينا وبيطلع جري والعناصر وراه
محمود .. اول ما بيتحركه بالعربيه بيشوف عربتين وراه وبيكلم ناديم
ناديم .. تمام احنا عاملين حسابنا علي كده هبعتلك موقع اتحرك عليه
محمود .. تمام
القائد .. اضربه عليهم نار
محمود .. بيتفاده الرصاص ويسوق بسرعه جنونيه ويتحرك علي الموقع اللي نديم بعته وقدر يبعد عن عيون عناصر ال c i a
ناديم .. معاه علي التليفون في عربيه كبيره قدامك عربيه ثلاجه
محمود .. ايوه
ناديم .. اطلع بعربيتك فيها
محمود .. تمام وبيطلع بالعربيه ويدخل جوه صندوق العربيه وبسرعه الرجاله الي مستنينهم بيقفلوا باب العربيه واختفى أثرهم
القائد .. بيعدي باقصي سرعه وهو بيحاول يلحق العربيه
محمود .. بعد القائد ما عدى العربيه لفت وتحركت علي المطار بعد وفي الطريق وقفت العربيه ونزل الفريق لقي فيه عربيه تانيه مستنياهم ركبو وكملوا الطريق علي المطار وهما في طريقهم للمطار بتيجي الاوامر من مصر يرجعه علي المكان اللى كانوا قاعدين فيه عشان الاستخبارات الامريكيه ال c i a مراقبه المطارات وفعلآ بيرجعه علي الفيلا اللي كانوا فيها وناديم بيستقبلهم وبيقولهم هتفضله هنا لحد ما نشوف طريقه نطلعكم بيها من هنا ..
حكيم .. انا لحد دلوقت مش مصدق حاجه من كل اللي بيحصل ده كأني في فلم اجنبي اكشن
محمود .. بيبتسم لا صدق يا دكتور احنا عشان ظفر طفل صغير عندنا استعداد نقلب العالم كله ومش عايزك تقلق ان شاء الله هنرجعكم مصر بالسلامه
دعاء .. بعد كل اللي شفناه بعنينه مستحيل نقلق وبلادنا فيها ابطال بيضحه بحياتهم عشان بلادهم وشعبهم انا مكنتش اتخيل القياده السياسيه هتتحرك عشانا
ليلي .. حضرتك انتي ودكتور حكيم فخر لينا واحنا مستحيل نضحي بيكم اتفضله ارتاحه اكيد تعبته بعد اللي حصل وان شاء الله في اقرب وقت هتكونوا في مصر
دعاء .. مش عارفه اشكركم ازاي يا ابطال
ضياء .. مفيش داعي للشكر ده وجبنا واحنا في قمة السعاده اننا ما تاخرناش عليكم
حكيم .. ربنا يحفظكم ويحفظ بلدنا العظيمه مصر
اسامه .. بيرن علي اللواء محمد
محمد .. السلام عليكم
اسامه .. وعليكم السلام ورحمة الله وبركاته
محمد .. طمني يا اسامه ولادنا عمله ايه
اسامه .. العمليه تمت بنجاح يا فندم بس عندنا مشكله
محمد .. ايه هي
اسامه .. ال c i a مراقبه المطارات والموانئ عشان كده الفريق والدكاتره لسا هناك وكل دقيقه بتعدي عليهم هناك فيها خطر عليهم
محمد .. ولادي خلال ٢٤ ساعه لازم يكونوا قدامي يا اسامه اقفل وانا هتصرف
اسامه .. تمام يا فندم
.. محمد بيعمل اتصالاته وبعد ثلاث ساعات بيرن علي اسامه وبيبلغه انهم بتعاون مع المخابرات السعوديه هيطلعه الفريق والدكاتره من امريكا وفعلآ وصلت الاوامر للفريق وتم تجهيز جوازات سفر سعوديه والدكتور حكيم والدكتوره دعاء اتعمل لهم مكياج وتصوره والجواز طلع بصورهم الجديده وجات عربيه دبلوماسه تحمل العلم السعودي ونقلتهم من الفيلآ لمدينه تانيه غير اللي تمت فيها العمليه وهناك كانت مستنيهم طياره خاصه بدبلوماسين سعودين نقلتهم علي مطار الرياض ومن الرياض كانت مستنيهم طياره مصريه حربيه اتحركة بيهم علي الكتيبه مباشرآ وكان في استقبالهم اللواء محمد والعقيد اسامه وبيتفتح باب الطياره وبينزل الدكتور حكيم والدكتوره دعاء ووراهم الفريق في مشهد حماسي مليئ بالمشاعر والحب والوطنيه بعد ما قدر فريق النسور يدخل في قلب الاستخبارات الامريكيه وينقذ الدكاتره ويطلع من هناك وامريكا كلها مقلوبه وبدور عليهم في كل مكان لكن مفيش اي دليل عليهم هما عارفين ان الاستخبارات المصريه هي اللي قامت بالعمليه لكن مفيش اي دليل قدامهم وبعد العمليه باسبوع يوصل رئيس الاستخبارات الامريكيه لمصر ويقابل رئيس الاستخبارات المصريه بخصوص العمليه المصريه