رواية عاصفة النسور(فريق النسور)
الفصل السادس عشر16
بقلم جمال المصري
.. الفريق بينزل من الطياره وبيوقف صف واحد امام اللواء محمد والعقيد اسامه وبيدو التحيه العسكريه ..
محمد .. حمدالله بالسلامه ابطال
الكل .. الله يسلمك يا فندم
محمد .. انتو وجهته رساله للعالم كله انا ما فيش مكان بعيد عن ايد مصر و وجهته ضربه قويه للاستخبارات الامريكيه هتفضل فاكرها طول عمرها انا عارف ان المهمه كانت صعبه او بي بمعنى اصح مستحيل لكن مش علي الجيش المصري انا فخور بيكم دلوقت انا هاخد الدكتور حكيم والدكتوره دعاء ولينا لقاء تاني يا ابطال دكتور حكيم دكتوره دعاء اتفضلوا معايا
دكتوره دعاء .. فعلا انا فخوره بيكم ربنا يحميكم يا فخر شباب مصر وبتقرب من ليلي انتي رفعتي قدر البنت المصريه ربنا يحميكي يا بنتي
ليلي .. شكرآ يا دكتوره
.. اللواء محمد بياخد الدكاتره وبعد ما بيعرف منهم سبب خطفهم من ال c i a بيبعت مع كل واحد منهم قوه توصله لبيته والفريق بيتحرك علي المبيت عشان هينزله اجازه ..
نجلاء .. بتوصلها رساله ان تليفون ليلي اتفتح وبترن علي طول
ليلي .. نوجا عامله ايه
نجلاء .. والله انا ليا اكتر من اسبوع مش عارفه اوصلك يا هانم
ليلي .. معلش يا قلبي بس الكتيبه ما فهاش شبكه
نجلاء .. انتي بتكلمي طلفه في كتيبه في الجيش ما فيهاش شبكه
ليلي .. اه فيه يا لمضه المهم طمنيني عامله ايه
نجلاء .. الحمد لله بخير المهم طمنيني عليكي انتي
ليلي .. انا زي الفل واديني في المبيت بغير لبسي عشان انزل اجازه
نجلاء .. طاب حلو عشان انتي وحشني وكنت عايزه ننزل وسط البلد نشتري شوية حاجات و بالمره نتغداء سواء
ليلي .. تمام ان شاء الله علي بكره العصر اعدي عليكي ونروح
نجلاء .. تمام يا لولو هستناكي يلا سلام
ليلي .. سلام يا نوجا
عبد الرحمن .. بيخبط علي مبيت الملازم اول ليلي
ليلي .. ادخل
عبد الرحمن .. بيدخل وبيادي التحيه العسكريه جاهزه يا فندم والكل مستني حضرتك
ليلي .. النقيب محمود طلع من عند العقيد اسامه
عبدالرحمن .. ايوه يا فندم لسا طالع
ليلي .. ماشي يا عبد الرحمن انا جايه وراك علي طول
عبد الرحمن .. بيدي التحيه تمام يا فندم
.. بيركبه كلهم في العربيه عشان توديهم المطار وضياء بينتهز الفرصه بكره العصر انا عازمكم كلكم علي الغداء حد عنده اعتراض والكل بيضحك اكيد لا ومصطفي هو فيه حد عاقل يقدر يقول لا ..
ليلي .. ابتسمت معلش يا فندم انا مش هقدر اجي
ضياء .. ليه يا ليلي في حاجه
ليلي .. لا بس متفقه مع نجلاء هنطلع بكره علي وسط البلد نشتري شوية حاجات ونتغداء سوا
ضياء .. تصدقي حلوه فكرة وسط البلد دي انا اعرف مطعم هناك يجنن بعد ما تخلصه هنستناكم تتغدو معانا والدكتوره نجلاء بقت مننا خلاص ولا ايه يا سيادة النقيب
محمود .. بيرتبك اه طبعآ طبعآ
ليلي .. خلاص هقولها
نبيله .. والله يا نادر انا بموت في اليوم مليون مره من خوفي علي ليلي
نادر .. مش لوحدك يا نبيله بس هنعمل ايه
نبيله .. ما كنش لازم نوافق انها تلتحق بالجيش
نادر .. بتقولي ايه يا نبيله الخدمه في الجيش ده شرف لينا ومصر ليها حق علينا ولو بدمنا هنفديها
نبيله .. معاك حق مصر فداها العزيز والغالي وربنا يحمي ليلي وكل الشباب اللي زيها
ليلي .. بتفتح الباب وتدخل السلام عليكم انا جيت
نبيله .. تقوم وتجري عليها و بتحضنها حمدالله بسلامه يا بنتي
ليلي .. الله يسلمك يا بلبل
نادر .. وعليكم السلام ورحمة الله وبركاته
ليلي .. تقترب من باباها وبتبوس ايده
نادر .. ربنا يحميكي ويحفظك يا بنتي ما قولتيش ليه انك جايا
ليلي .. حبيت اعملهالك مفاجئه
نادر .. احلا مفاجئه يا بنتي
نبيله .. انا هجهزلك الاكل بسرعه اكيد علي لحم بطنك
ليلي .. لا يا ست الحبايب انا جعانه نوم هاخد دش وادخل انام
نبيله .. نوم الهنا يا نور عيني
محمود .. بيوصل العماره وبيدخل الاسانسير ولسا الباب هيقفل بتوصل نجلاء
نجلاء .. حمدالله بالسلامه يا سيادة النقيب
محمود .. بيبتسم الله يسلمك يا دكتوره نجلاء
نجلاء .. بتركب والاسانسير بيتحرك وهي بتحاول تنظر بعيد
محمود .. ينظر للاعلي والاسفل كانه بيحاول يهرب منها
نجلاء .. بعصبيه بس انا عايز اعرف ازاي لما بتسافره ما حدش بيعرف يتواصل معاكم ايه رايحين جنوب افريقيا
محمود .. بيرفع حاجبه وعلامة التعجب بتظهر علي وشه حضرتك بتقولي ايه
نجلاء .. بتبص في الارض وبتقول في نفسها هو ايه اللي انا قولته ده وهي بتحاول تطلع من الموقف ده اصلي رنيت كتير علي ليلي وتليفونها كان مغلق فكنت مستغربه بس وكمان كلمت طنط عايده وقالت ان ده العادي بس كنت حاسه انها مش مقتنعه باللي بتقوله اصلا
محمود .. اصلا
نجلاء .. معلش اصل الكلمه دي علي لساني علي طول
محمود .. لا ولا يهمك
..الاسانسير بيوقف ومحمود بينزل ونجلاء كمان محمود بيستغرب ..
محمود .. شقتك فوق يا دكتوره
نجلاء .. بتقرب من باب الشقه اللي قصاده وبتفتح الباب وبتبتسم لا ما خلاص سبتها وبقينا جيران بعد اذنك وبتدخل وبتقفل الباب وبتبص علي محمود من العين السحريه
محمود .. وقف وهو مش مستوعب اللي حصل ويقول هي فوق مجنناني كمان هنبقى جيران وابتسم ان لله وإنا إليه راجعون وبيفتح الباب وبيدخل وبياخد دش وبينام
نجلاء .. بترن علي عايده
عايده .. السلام عليكم
نجلاء .. وعليكم السلام ورحمة الله وبركاته اخبارك يا طنط.
عايده .. الحمد لله.يا بنتي طمنيني انتي عامله ايه
نجلاء .. الحمد لله بخير انا كلمت ليلي ولسا شايفه النقيب محمود دلوقت قولت اطمنك
عايده .. تسلميلي يا حبيبتي انا كنت نايمه ولقيته رن عليا لسا هرجعله لقيتك بترني
نجلاء .. تمام يا طنط هسيبك عشان ترني عليه
عايده .. ماشي يا حبيبتي ربنا ما يحرمني منك
نجلاء .. ولا منك يا طنط
ليلي .. بتصحي من النوم وتمسك التليفون وبتلاقي نجلاء رنه عليها اكتر من مره بتتعدل وبترن عليها
نجلاء .. ايه يا هانم اجيب واسطه عشان تردي عليا
ليلي .. اتهدي يا بت حصل ايه لده كله
نجلاء .. العصر قرب ياذن وانتي ما جتيش
ليلي .. انا قولت بكره العصر مش النهارده
نجلاء .. بتضحك ما احنا بكره يا قلبي ايه شاربه ايه
ليلي .. تنظر للتليفون وتتصدم معقول انا نمت ده كله
نجلاء .. صحي النوم يا قمر
ليلي .. بطلي تريقه هاخد دش واجيلك علي طول
نجلاء .. مستنياكي
محمود .. بياخد دش وبينزل عشان يروح المطعم وهو نازل بيقابل ليلي
ليلي .. مساء الخير يا فندم
محمود .. مساء النور طالعه لصاحبتك
ليلي .. ايوه هاخدها ونروح نشتري شوية حاجات وبعد كده هنيجي علي المطعم
محمود .. خلاص مستنيكي كده كده طريقنا واحد
ليلي .. تمام يا فندم هطلع اجيبها واجي علي طول
محمود .. بس علي فكره هي سابت الشقه الي فوقي وخدة الشقه اللي قصادي
ليلي .. اه عارفه عشان الشقه اللي فوق كانت وحشه وكانت هتسيها لكن السمسار قالها ان الشقه اللي قصادك نظيفه وكل حاجه فيها جديده
محمود .. اه عشان كده هي فعلآ شقه حلوه يلا انا مستنيكي
ليلي .. بتطلع ولسا هتخبط علي الباب
نجلاء .. فتحت الباب
ليلي .. ايه يا بنتي انتي نايمه علي الباب
نجلاء .. شوفتك وانتي داخله العماره
ليلي .. طاب يلا النقيب محمود مستنينا
نجلاء .. وده هيستنانا ليه
ليلي .. النقيب ضياء عازم الكل في مطعم في وسط البلد وانتي معانا
نجلاء .. انتو زملاء ايه دخلي انا في الحكايه دي بقا وانا مش بحب حد يعزمني اصلآ
ليلي .. يعني هتصغريني
نجلاء .. بتاخد نفس عميق وبطلعه لا مش هصغرك بس ياريت ده ما يتكررش انا مش طايقه اللي اسمه محمود ده اصلآ
ليلي .. لا ما هو واضح
نجلاء .. قصدك ايه
ليلي .. اه قصدي معاكي حق بس يلا وكفايه رغي
.. وبينزله وبيركبه العربيه مع محمود وبيتحرك والدنيا بتكون زحمه ومحمود بيركن العربيه وبينزله ..
محمود .. هستناكم في المطعم ما تتاخروش
ليلي .. لا يا فندم ربع ساعه بالكتير ونبقا نكمل بعد الغداء
محمود .. تمام وبيتحرك
.. ليلي ونجلاء بيتحركه وبيكونه ماشين جنب كنيسه ومره وحده الكل بيسمع صوت انفجار قوي بيهز المكان ليلي ونجلاء بيوقعه علي الارض ومحمود بيلف وبيبص بيلاقي دخانه طالعه من الكنيسه وفيه عربيه تلاجه قصاد الكنيسه بينزل منها عدد من المسلحين بيجري ناحيت ليلي ونجلاء وهو بيسحب المسدس ..