رواية عاصفة النسور(فريق النسور)
الفصل الثامن عشر18
بقلم جمال المصري
#عاصفة_النسور
#الحلقه_الثامنه_عشر
بسم الله ولا حول ولا قوه إلا بالله العلي العظيم واتوب إليه
اسامه .. طمنيني يا ليلي يا بنتي
ليلي .. احنا عملنا كل اللي ربنا قدرنا عليه وما فيش بايدنا حاجه نعملها غير اننا ندعي ربنا عز وجل
اسامه .. ونعم بالله
عايده .. بترجع لحد ما بتخبط في الحيط وبتنزل علي الارض
نجلاء .. تقترب منها وتمسك ايديها خالي املك في الله كبير يا طنط وان شاء الله محمود هيقوم وهيرجع احسن من الاول
عايده .. يارب يا بنتي انا قلبي خلاص مبقاش يتحمل يخسر حد تاني
.. الفريق كل واحد وقف في جنب وهما بيدعو ربنا عز وجل يقوم محمود بالسلامه وليلي طلعت جابت عصير وبتديه لنجلاء ..
نجلاء .. لا يا ليلي انا مش قادره اشرب حاجه
ليلي .. لازم تشربي احنا وخدين منك كيسين دم
نجلاء .. ما تقلقيش عليا انا بخير
عايده .. بتاخد العصير من ليلي خدي يا نجلاء يا بنتي اشربي عشان خاطري
نجلاء .. بتاخد العصير وتشربه
عايده .. مش عارفه اشكرك ازاي يا بنتي علي كل اللي بتعمليه عشانا الاول انا و دلوفت محمود
نجلاء .. انا ما عملتش غير واجبي يا طنط
عايده .. انتي جدعه وبنت حلال وربنا يسعدك ويكتب لك الخير كله
نجلاء .. الدعوتين دول عندي بالدنيا وما فيها يا طنط ربنا ما يحرمني منك
عايده .. ولا منك يا حبيبتي
.. العقيد اسامه بيجيله تليفون من اللواء محمد وبيبلغه بالمكان اللي طلعت منه المجموعه اللي نفذت الهجوم علي الكنيسه ..
اسامه .. يقترب من ضياء وبيهمس في اذنه اجمع الفريق وبره المستشفي هتلاقي عربيه مجهزه وفيها كل اللي هتحتاجه وانا هبعتلك الاحدثيات اللي الاستخبارات بعتتها لازم تجبولي الكلاب اللي خططه للتفجير ده مفهوم يا سيادة النقيب
ضياء .. تمام يا فندم بيبص للفريق وبيطلع بعيد عن عايده
الفريق .. بيطلع وراه
اسامه .. بيطلع وراهم ليلي
ليلي .. افندم
اسامه .. انتي هتفضلي هنا وهطمنيني علي محمود اول باول
ليلي .. تمام يا فندم
اسامه .. يلا يا ابطال انا هتابعكم من غرفة العمليات
الفريق .. تمام يا فندم وبيتحركه
نجلاء .. هما راحو فين يا ليلي
ليلي .. الشرطه طلبتهم عشان تاخد اقوالهم
عايده .. ما تدخلي وطمنيني يا ليلي يا بنتي
ليلي .. النقيب محمود قوي يا طنط وان شاء الله هيقوم منها
عايده .. ان شاء الله محمود ابني قلبه ابيض وعمره ما اذي حد وعشان كده ربنا هيكون معاه
نجلاء .. كلامك صح ده خاطر بحياته عشان ينقذ طفله انا ما كنتش اصدق ان ممكن حد يضحي بنفسه عشان ينقذ حد تاني كنت فاكره ان ده بيحصل في الافلام والمسلسلات بس لحد ما شوفته بعنيه
ليلي .. تليفونها بيرن السلام عليكم
نبيله .. وعليكم السلام ورحمة الله وبركاته انا برن عليكي من بدري مش بتردي ليه انتي عايزه تجبيلي جلطه
ليلي .. مالك يا ماما فيه ايه
نبيله .. شوفت في الاخبار ان في تفجير فى وسط البلد وانتي كنتي رايحه هناك وكمان في قتله مدنيين وفي نقيب جيش مصاب اصابه خطيره وقفلت التليفزيون ومقدرتش اكمل طمنيني
ليلي .. انا بخير يا ماما بس النقيب المصاب ده القائد بتاعي وانا في المستشفي معاه
نبيله .. لا حول ولا قوه إلا بالله ربنا يقومه بالسلامه زمان اهله دلوقت حالتهم تصعب علي الكافر انا هلبس وهاجي انا وبوكي
ليلي .. ماشي يا ماما
نادر .. والخوف ظاهر علي وشه فيه ايه يا نبيله
نبيله .. النقيب اللي مصاب هو قائد ليلي وهي معاه في المستشفي
نادر .. طاب يلا نروح نطمن عليه
نبيله .. يلا يا خويا
.. الفريق بيطلع من المستشفي وبيركب العربيه اللي بتكون فيها اسلحه وكل شئ هيحتاجه مصطفي بيسوق ويتحرك والعقيد اسامه بيبعت الاحداثيات وبيتحركه عليها مباشرتا والمكان اللي فيه العناصر الارهابيه بيكون عباره عن بيت وسط منطقه عشوائيه والفريق بيوصل وبينزله وبيحاصره البيت واحد من الارهابين بيكون طالع من البيت وبيشوف الفريق وبيدخل بسرعه وبيصرخ الشرطه هنا وفي لحظات كل اللي في البيت بيمسكه السلاح وكل واحد منهم بياخد جنب وبيبداءه اطلاق النار والفريق بيرد عليهم لكن الفريق كان جواه نار تحرق بلد كامله وكان هجومهم قوي لدرجة ان اي حد من الارهابين يفكر يطلع راسه من شباك او من السطح او الباب كان بيموت والعناصر الارهابيه فضله يوقعه واحد وراء واحد وضياء كان بيتقدم هو والفريق لحد ما دخله البيت وما كنش فاضل غير عزوز هو الوحيد اللي عايش ..
عزوز .. اول ما شاف الفريق بيدخل البيت ساب البندقيه ومسك قنبله يدويه ومسك الفتيل
ضياء .. بيدخل سيب القنبله وسلم نفسك
عزوز .. جسمه بيتنفض والعرق نازل من وشه انا همشي من هنا وكلنا هنطلع عايشين وإلا هنموت كلنا سوا
محمد .. ما فيش مكان تهرب منه سيب القنبله وإلا مش هتطلع عايش من هنا
عزوز .. يسحب الفتيل بالراحه
مصطفي .. بيقرب من الارهابي يحرق ابو اللي جاب ابوك اسحب الفتيل كلنا عايزين نموت
الفريق .. بيبص لمصطفي والارهابي
مصطفي .. بيضربه بالقلم
عزوز .. بيوقع علي الارض وهو ماسك القنبله
مصطفي .. بينزل ضرب فيه انتو ايه مش بشر ازي تقدره تبيعو نفسكم للشيطان وتخونه البلد اللي اكلته من خيرها يا كلاب النقيب محمود نايم بين الحياه والموت بسبب شوية كلاب زيكم باعو وطنهم وشرفهم اللي زيكم ما يستهلوش الرحمه وبيسحب المسدس وبيحطه في دماغه
ضياء .. بعصبيه مصطفي فوق لنفسك انت جندي مش قاتل وبيشاور لكريم وخالد عشان ياخده الارهابي
مصطفي .. بيدوس علي اسنانه وهو بيحاول يسيطر علي الغضب اللي جواه وبيحط المسدس مكانه
كريم وخالد .. بيقبضه علي عزوز
ضياء .. بيكلم العقيد اسامه تمام يا فندم العمليه تمت بنجاح وقبضنا علي واحد من العناصر الارهابيه وحالين بنفتش البيت
اسامه .. تمام يا ضياء هيجي فريق من الاستخبارت تسلموه الارهابي واي حاجه تلاقوها في البيت وارجعه علي المستشفي
ضياء .. تمام يا فندم
.. وبيوصل فريق من الاستخبارات وبيستلم عزوز وكل الاجهزه والاسلاحه اللي الفريق لقيهم في البيت وبعد كده الفريق بيرجع علي المستشفي ..
عزمي .. الو يا زعيم
الزعيم .. طمني يا عزمي
عزمي .. للاسف يا زعيم طلع النقيب الاسمر وبوظ كل حاجه ومش بس كده ده كمان هاجمه البيت و قبضة علي عزوز
الزعيم .. انا من بعد مراته وبنته ما ماتوا وانا قولت فهم الدرس وعقل لكن واضح اني كان لازم اقتله هو كمان
عزمي .. هنعمل ايه يا زعيم
الزعيم .. النقيب فين دلوقت
عزمي .. في المستشفي وحالته خطيره
الزعيم .. لا يا عزمي ده مات فاهم
عزمي .. تمام يا زعيم مات قبل ما تطلع الشمس هنكون بنقراء الفاتحه علي روحه
الزعيم .. مش عايز غلط مفهوم
عزمي .. تمام يا زعيم كل حاجه هتم زي ما انت عايز وبيقفل السكه وبيطلع تليفون تاني من جيبه وبيرن علي واحد من رجالته اسمه عباس
عباس .. الو
عزمي .. هتطلع علي مستشفي السلام في نقيب هناك في غرفة العنايه المركزه هتخلص عليه مفهوم
عباس .. حاضر يا معلم
عزمي .. هبعتلك صورته وكل بياناته ومش عايز غلط عايز كل حاجه علي الهادي مفهوم
عباس .. مفهوم
.. الفريق بيفضل قاعد ونجلاء وعايده وليلي هما كمان والكل قلقان وبيدعي ربنا وبياذن الفجر والفريق بيطلع يصلي في المسجد اللي قدام المستشفي ونجلاء وعايده وليلي بيصلو في مصلي السيدات اللي في المستشفي وعباس يدخل المستشفي ويدخل غرفة الدكاتره وبيلبس البلطو الابيض والكمامه وبيطلع ناحيت غرفة العنايه المركزه ..