رواية سلطانة الزين الجزء الثاني2 بقلم نوره عبد الرحمن
سلطانة بعدته بالعافيه وهي بتمسح بقها وقالت:
انت ازاي تعمل كده ...انت فاكر نفسك مين ..
زين ببرود :
جوزك
سلطانة :
انت عبيط احنا متطلقين يابابا افهم متطلقين
زين :
اي ده هو محدش قالك اني رديتك تؤتؤتؤ هي اسراء ماقالت لك حاجه زي دي
سلطانه اتوترت وقالت :
اتفضل اطلع برررا
زين :
لأ يا حبيبتي ده كان زمان يا هانم اتفضلي حضري حاجتك وخلينا نمشي من سكات
سلطانه :
لا بقى انت بدأت تخرف ... زين امشي من هنا انا مش عايزه اشوف وشك هنا تاني اتفضل ختمت كلامها بزعيق
خرجت ست في الخمسينات من عمرها:
في أي يابنتي صوتك طالع ليه سيف لسا تعبان
سلطانة:
مفيش ياخالتي انا كويسه بس الاستاذ غلطان بالعنوان
زين :
غلطان والله
سلطانة:
اتفضل يازين كفايه فضايح
زين:
اه عايزاني امشي
خالة سلطانه :
هو ده جوزك
سلطانه بصت لخالتها
الحاله قربت من زين:
واقف كده ليه يابني اقعد هعملك حاجه تشربها
سلطانه :
لا ياخالتو هو ماشي اصلا
الخاله:
بنت انتي بتكلمي جوزك كده ليه ...
سلطانة :
خالتو بقولك هو هيمشي
سلطانة :
اتفضل يا زين امشي يلاا
كانت بتزقه عايزه تخرجه لكن زين مكنش بيتحرك ولف ليها وقال:
هامشي بس اشوف ابنى الاول والا عادي جدا عندك تخبيه عني سنين
سلطانة بلعت ريقها بتوتر
وزين قال :
هو فين
سلطانه بانفعال:
لا يازين كله الا ابني انت سامع
زين:
برحتك بقى انا ابني اتحرمت منه سنين هاخده معايا وانتي لو حابه تجي معانا مش همنعك
سلطانة وقفت قدامه لما مشي ناحية الأوضه الوحيده الموجوده بالشقه وقالت :
ابني مش هيروح مكان يازين على جثتي
زين :
قلتلك مش همنعك تجي معانا انا قلبي طيب مش زي ناس دخل زين وشاف ابنه نايم ابتسم اول ماشافه كان نسخه مصغره عنه باس جبينه
سلطانه بهدوء وقلق:
زين سيف تعبان سيبه يرتاح .
زين بجديه :
يتعالج فحضن ابوه ياهانم يلاا هنمشي ولا عايزه تخلي الولد وهو مريض كده
سلطانه مكنتش عارفه تعمل ايه
حست بيد خالتها بتربت على كتفها وبتقول :
جوزك عنده حق يابنتي الولد محتاجكم انتو الاتنين
سلطانة
زين شال ابنه بحضنه وقال :
سلطانه هستناكي تحت في العربيه متتأخريش
نزل زين وسلطانه عيطت مكنتش عارفه تعمل ايه تتخانق معاه قدام ابنها المريض والا تعمل ايه
خالتها قالت :
جوزك قطع المسافه دي كلها عشانك يابنتي بلاش العناد معاه .. سمعاني
سلطانه:
وانتي اشعرفك ياخالتي مايرجع يشك بي تاني ويطلقني انا قلبي لسا موجوع محدش حاسس بيا ليه
الخاله :
انا حاسه بيكي والله حاسه بيكي بس انتي المفروض تبقى قويه عاقبيه بس من غير ما تيجي على حساب ابنك .. ابنك محتاجكم انتو الاتنين سمعاني مش بقولك سامحيه بس حاولي تهدي شويه لحد ماسيف يخف
سلطانة :
حاضر ياخالتي
الخاله :
انزلي روحي يابنتي وبيتي مفتوحلك في أي وقت
سلطانه مسحت دموعها وحضنها ومشيت
زين اول ما طلعت معاها العربيه ساق بهدوء وقال:
الولد ييشتكي من ايه
سلطانة :
مش عارفه
زين بانفعال طفيف :
ازاي مش عارفه
سلطانة :
انا عملت كل التحاليل والنتيجه هتظهر الصبح
زين :
ماشي
سلطانه :
انت رايح فين
زين :
هشوف مكان نبات فيه لحد الصبح عشان هنروح القاهره لأحسن مستشفى هناك الولد شكله تعبان اوي
سلطانة سكتت ومردتش عليه
زين كان كل شويه بيبص ليها وهي واخده ابنها في حجرها وبتبص من الشباك وقف عند اوتيل وحجز جناح ليهم دخلت سلطانة الجناح وزين كان حامل ابنه وحطه على السرير ..
سلطانة عينيها على ابنها وخايفه أن زين يحاول يقرب منها تاني
زين بص ناحيتها وهي خدت ابنها في حضنها واتغطت في الملايه وغمضت عينيها عشان تتهرب منه
زين بص ناحيتها وابتسم قرب ونام جنبها وخدها فحضنه
سلطانه بهمس :
انت بتعمل ايه
زين :
انتي شايفه ايه
سلطانه :
ابعد يازين ابعد عني واوعى ايدك
زين بعناد:
ولو ما بعدتش هيحصل ايه .
سلطانة بتحذير : زين
زين شدها بحضنه اكتر وقال:
اممممممم
سلطانه :
بقولك ابعد ..
بعدت عنه وسابت ابنها وخرجت لصاله الجناح وهو حصلها
زين :
في ايه مالك
سلطانه بانفعال :
مالك بتسألني مالك انت اللي في ايه ومالك يازين بتتعامل عادي ولا كأن حصل حاجه
زين :
مهو عادي اي اللي حصل
سلطانه :
انت طلقتني يازين سامع طلقتني
زين : ورديتك
سلطانة : اي البرود اللي بتتكلم فيه ده
زين :
احنا كان في مابينا سوء فهم وخلاص خلص بتكبري الحكايه ليه
سلطانة :
بكبر الحكايه انت طلقتني. وصدقت اني خائنه انا هثق فيك تاني ازاي
زين اتعصب وقال :
وانتي عملتي ايه هربتي وانتي حامل وسبتيني بدور عليكي خمس سنين بحالهم اي الجبروت اللي انتي فيه ده انا اتحرمت من ابني واصلا معرفش أن عندي ابن مين اللي جي عالتاني هااا اتكلمي قولي
. ابني مفشتوش الادلوقتي مين ليه الحق يزعل
سلطانة :
ان اللي شكيت فيا وقلت عني خاينه
زين بانفعال :
عايزاني اعمل ايه هاااا قولي عايزاني اعمل ايه وانا شايفك كل شويه معاه غير كده مداريه عن الناس وبتتوشوشو زي اللي عامل عامله هااا قولي .. مسح وشه وكمل انا اتنازلت كتتير عشانك بس انتي كل مره عنادك يوصلنا لطريق مسدود دي نتيجه عمايلك مش شكي فاهمه نتيجه عمايلك
سلطانه بتهرب:
ايوا حط الحق عليا دلوقتي برضوا
زين :
انا خارج عشان اتخنقت .. سابها ونزل. وهو حاسس انه مخنوق اي راجل مكانه كان هيعمل اللي عمله بس سلطانه هي اللي بتكابر على نفسها كان زين بيفكر كده
أما سلطانه دخلت الأوضه عند ابنها وخدته بحضنها هي عارفه انها غلطت كتتير لكن كانت عايزاه يعتذر عايزاه يحسسها أنه ندم عايزه تسمع كلمة اسف حقك عليا لكن زين معلش كده بالعكس ده اتغير مبقاش زين بتاع زمان اللي هيا عرفاه.. اتغير اووي..
الصبح
عند كنان وهناء
كنان صباح الفل
هناء بنعاس صباح الخير صاحي بدري النهارده
كنان بأس رقبتها وقال في حد يبقى القمر نايم جنبه كده وينام
ابتسمت هناء وضربته على كتفه بطل بقى
كنان اوووبا
هناء بخضه في ايه
كنان تصدقي انا امبارح في حاجه مهمه نسيت اعملها دلوقتي افتكرتها .
هناء باستغراب حاجه ايه..
كنان قرب منها وهو بيقول هقولك دلوقتي وووووو
***********
زين رجع بالليل وكانت سلطانه نائمه جمب ابنها وهو راح نام في صالة الجناح ومحاولش يقرب منها ابدا
الصبح سمع صوت ابنه بيتكلم مع سلطانه
سيف:
ماما انا بقيت كويس والله
سلطانه:
قولنا ايه نطمن الاول
سيف :
طب مش هروح الحضانه النهارده
سلطانة :
مفيش لا حصانة ولا غيره انت تخف الأول وبعدين نشوف حكاية الحضانه دي
زين دخل بتردد مش عارف يتعامل مع ابنه ولا يقوله ايه
سيف اول ما شاف زين فضل باصص ليه شوية
زين :
ازيك يا بطل مش عايز تجي تسلم عليا
سيف بص سلطانه وقال بهدوء :
مش ده بابا اللي وريتهولي في الصور
سلطانه هزت راسها باه
زين قرب منه براحه عشان الولد عرفه وقال :
مش هتديني حضن
الولد بانزعاج :
لا انا زعلان منك اوووي قوليله يمشي من هنا ياماما انا مش عايزه جنبي
زين اتجنن وعنيه بقت حمرا وبص لسلطانه ..
*********
صباح الخير
اسراء:
اهلا ياحامد عامل ايه
حامد :
كويس سليم نزل المدرسه وانتي لسا فاضلك على دوامك ساعه مش كده
اسراء بابتسامه :
اه في حاجه
حامد بحرج:
بصي انا حبيت مره وحده بحياتي يااسراء وكانت اختيار خطأ وبعترف بده انا حبيتها واديتها كل اللي تحلم بيه وهي دمرت حياة زين ومراته كل ده عشان كان ليها ماضي مع والد سلطانه
اسراء:
بص ياحامد الماضي خلاص راح وانت انسان كويس وصدقني هتلاقي الانسانه اللي تستاهل قلبك الطيب ده وحنيتك
حامد بحرج :
انا بصراحه جايلك عشان كده
اسراء : مش فاهمه
حامد : انا جاي اطلب ايدك للجواز لو مكنش في مانع ..
اسراء: لا طبعا مش موافقه
حامد بص ليها بصدمه ووو