رواية امانة الغائب الفصل العاشر10بقلم جمانه السعيد
امل.....مرت علينا ايام صعبه قلق وتفكير وخوف
هلمره اتاخرت هبه مارجعت من بيت اهلها
عمي....بويه فيصل مرتك زعلانه
فيصل...لا مو زعلانه
عمي...ليش من تروح بيت اهلها تبقى هلكد بعد عليمن مزوج
فيصل...هسه اروح اجيبها
عمي...احكمها شويه كل يوم رايحه وتبقى هلكد
مشي كلمتك عليها
شو كاعده فوك لا شغل ولا عمل حتى الاكل يصعدلها
ليش تروح ويبقى بيتها فارغ
اني بعد ماريد منك شي ال٥٠ الي تاخذهن خليهن الك
وجيبلها مسواك وخليها تطبخ
علمها تكعد بيتها وتحافظ علي
خالتي....ولله ماتكعد مادام امها وراها يكول المثل الي ورا نباش ماعاش مادام امها وراها ماتكعد وتستقر
انت يمه فيصل علمها احجي وياها
تقبل هيه انت تدخل بحياة اهلها
ليش تدخل بحياتكم
فيصل....اني احجي وياها
امل...راح فيصل جاب هبه واجا
بليل نزل
فيصل.....امل انتي هم احجي وياها اني هسه حجيت وياها
كتلها بعد ماكو بيت اهلج بلشهر مره
وراح اجيبلج مسواك واطبخي
طبعا هيه تعاند وهذا الشي حيل مضوجني منها
امل...اني ماريد ادخل بينكم لان هيه ما تحبني
بس انت علمها شويه شويه منا لمن تتعود
ثاني يوم فيصل جاب ويا مسواك من يوميته
قبل هو يجيب حلويات وفواكه ويصعدهن الها
اليوم جايب ويا لحم وسمج
نزله خلا بلمجمده لان هما ماعدهم مجمده
بليل كالتله توني سبحت ماكدر احضر العشى
راح جاب لفات ثاني بوم من رجع من الشغل لكاها بعدها نايمه
فيصل....هبه ليش نايمه الدنيا ضهر الساعه ١٢ ونص
وين الغده
هبه....اي ااكل اي شي منا لمن اكعد
فيصل...شنو اي شي اني جوعان وطالع من الصبح
غير تحضريلي ااكل
هبه...انت تريد اسوي مشكله علمود الاكل
فيصل....انتي شنو شغلج ليش ما طبختي
هبه...نايمه تعبانه
فيصل...من شنو تعبانه
هبه...هيج تعبانه وبس
فيصل....اني راح اسبح واطلع الكه الغده حاضر
هبه....اوي ااكل اي شي بعدني ماشبعت نوم
جمانه السعيدي
امل...نزل فيصل ضايج اني عرفت هبه ماطابخه
بس طلع من الحمام حضرت صينيه اكل خليتها وكتله تعال اتغده
فيصل...الف رحمه على والديج
كعد ياكل مبين جوعان
غسلت ملابسه ملأت الشغل وشريتهن
دخل بلصاله وتمدد على الكاع ونام
للعصر علاوي ابني يلعب بلطوبه الطوبه هاي الخفيفه
ضربها طارت بلبلكونه
علي..ماما طوبتي فوك
امل...اصعد جيبها
طبعا هو بس يصعد هبه تطرده كم مره يصعد فوك تطرده
ماتقبل يصعد يمها حتى أول أيام العرس فرحان بيها
ويصعد يمها تنزله
علاوي عمره خمس سنوات
صعد على كيف خاف تشوفه وما تقبل ياخذ الطوبه
يمشي على كيف٠ فتحت الباب وشافته
راسا كومي علي وكتلي واضربي راشدي ايدها طبعة بخده
دفعته وكالته هاي شعندك جاي تجسس عليه
امك دزتك تجسس عليه
طفل حتى مايعرف شنو تجسس
ضربتها قويه عاط بصوت عالي اني توقعت وكع من البلكونه
ركضت برا مالكيته اسمعه يصرخ
رجعت لا كأني بلدرج لازم خده ويبجي
امل.. شبيك شبيك احجي
علي..هبه ضربتني
على صوت علي وصوتي واني احجي ويا وخايفه فز عمي وخالتي من النوم فز فيصل
عمي...شبي
علاوي.. هبه ضربتني
امل...هاي المسمومه ضربته
خالتي...ليش
علي..ىحت اجيب الطوبه وضربتني
عمي...راسا صاح عليها هبه بصوت عالي هبه ليش اضربي
(عمي كلشي ولا واحد من الجهال يبجي )
امل...اخذت ابني بحضني وكمت ابجي علي
فيصل صعد فوك
كام يصيح عليها ليش اضربي
هبه....صاعد يمشي على كيف امه دازته يجسس عليه
فيصل....صدك تحجين شنو هلطفل والتجسس ما تستحين
صدك اذا لم تستحي ففعل ماشئت
هبه...هاي عليه شنو يعني اذا ضربته
فيصل...وانتي بيش احسن منه وضربي
هبه....لا تعيط عليه خل اادبه محد بيكم مأدبه
امل...اني سمعتها تحجي علي وتكول اادبه محد بيكم مأدبه و ماكدرت اتمالك نفسي
صحت عليها ماغيرج الي مو مؤدبه وبلا اخلاق
فيصل من سمعها تحجي ضربها راشدي وهيه انكلبت علينا
كبل اتصلت على اهلها تعالولي كلهم انجمعو عليه وكتلوني
كلهم عمي وخالتي وأمل وفيصل كسروني تكسر
وهو مجرد راشدي ضربها فيصل
جمانه السعيدي
نزل فيصل عصبي دنك عليه تعال عموو
اخذ علاوي من حضني وطلع بلشارع
شويه واجا اخوها وامها اتصلو عليها نزلت بيدها جنطة ملابسها
جان امها بلباب اله اشتكي عليكم شلون اضربون
هبه
عمي...منو ضربها هيه وزوجها
هبه...لا كلهم هجمو عليه غلط وضرب
صعدت بلسياره وطلعت كبل المركز الشرطه
احنا ماتوقعنا تشتكي زوجها ضربها مجرد راشدي
شويه ورجع فيصل
عمي...زوجتك راحت بيت اهلها
فيصل..خليها تولي وحده بلا اخلاق
بس دخل فيصل اجت الشرطه بلاغ على عمي وفيصل
اخذوهم الشرطه وراحو
بقينا اني وخالتي متعجبين صدك عود تشتكي علينا
علمود راشدي
لليل وعمي وفيصل مراجعين
بعدين عمي طلع بكفاله وفيصل بقى بلسجن
من رجع عمي متخبل من هبه ومن أهلها الي طاوعوها
واخذوها تشتكي
عمي...هاي البنيه بعد ماتدخل بيتي
اذا يريدها فيصل ياخذها ويطلع بس هذا البيت ماتدخل بي ابد
ثاني يوم عمي اخذ محامي وراح ورا فيصل
يشوف شلون يكدر يطلعه
واحنا كاعدين ننتضرهم مانحس اله يحيى دخل علينا
خالتي من شافته كامت تبجي
خالتي.. يمه يحيى هله بيك
امل..اني والأول مره احضنه وابوسه لان صدك خفنا علي
كعد باب المطبخ وحضن علاوي وزهراء ويشم بيهم
ااكثر من ربع ساعه حاضنهم
خالتي...ادخل يمه انزع ملابسك ورتاح
يحيى...بس باجر لازم ارجع من الصبح
كون قبل ثمانيه اني طالع بلكوه اخذت يوم واحد
شكد توسلت بيهم كتلهم اشوف جهالي قبل لا اموت
خالتي...اسم الله عليك يمه
يحيى...وين ابوي وفيصل
كعدت خالتي تحجي المصيبه الي صارت علينا
خالتي...شوف هاي امل جبناها طفله من اول يوم نزلت تشتغل وياي ولايوم كتلها على شي وكالت لا
خادمتنا وشايله البيت شيل
لان بت أصول ومتربيه صح
وفيصل راح اختار وحده لا خلقه ولا اخلاق
وأهلها محزمين تحزم عليها بشرفك علمود راشدي ياخذوها تشتكي على ابوك وعلى فيصل
ولله كتله من البدايه يمه ما تفيدك
ماتفيدك ماقبل يسمع كلامي
يحيى....اني راح اروح وراهم للمركز
خالتي...ارتاح وبعدين روح وراهم
يحيى....لا هسه اروح وراهم شلون اكعد وفيصل بلسجن
امل...طلع يحيى بملابسه حتى ماشرب مي
ساعه تقريبا ورجعو كلهم للبيت
عمي وفيصل ويحيى
خالتي...هااا
عمي...طلع فيصل بكفاله يومين ويقدمونه للمحكمه
شكد توسل بيها المحامي تتنازل
بس امها ماقبلت
خالتي...كل المصايب من امها لو عايفتها بحالها
جان كعدت بيتها وسكتت تنبش وراها لمن خبلتها
بس ولله تتندم ماتلكه واحد مثل فيصل لو تموت
عمي....هاي البنيه بعد ماتدخل ببتنا
اذا تريدها اطلع انت وياها المره الي ادخل زوجها
المركز الشرطه هاي ماتصلح ام بيت
راح تبقى طول عمرها على ابسط مشكله وركضت تشتكي
النوب اخوانها كل واحد شطوله
وجايين وياها تشتكي ولله شنو فيصل ضربها راشدي
المصببه لو باقيه على الراشدي سهله
لا مشتكيه علي تكول يعنفني ومايصرف عليه
وبجبرني اخدم اهله
واحنا شرطنا علي من البدايه ماتخدم اهله ومالها شغل بيهم
خالتي...يااا يمتى خدمتنا شو اطبخ واصعد الصياني بايدي فوك
فيصل...اني غلطان من البدايه امي حذرتني منها
بس كلت لا تحبني وتدلع عليه راح تتعود شويه شويه
شكد جنت مخدوع بيها مع الاسف
ثاني يوم يحيى خلصه كله نايم يكول ابد مانايم هناك
إطلاق نار علينا مستمر
والاوضاع تخوف
بليل كعدنا نسولف اني يحيى هلمره اني مشتاقتله
ابد ما تعاركت ويااا
صح هو موزين وياي بس يبقى الرجل سند
وعلمود جهالي ابوهم يحبونه
بليل قبل لا انام
يحيى.....امل اريدج تسامحيني
امل...ليش قررت اتوب ههههه
يحيى...احجي صدك اكولها الأول مره انت ماكو منج
شريفه وصبوره وحنونه
واني اذيتج هواي بس لان متأكد انتي مستحيل تعوفيني
جنت مطمن وكمت اخيط واخربط بكيفي
امل.... غير انت ابوجهالي ليش تكول هيج وتخوفني عليك
جمانه السعيدي
يحيى....حقج لو شايفه الخوف الي عايشين بي
حياتنا متوقفه على لحظه
حقيقتا خفت اموت وانتي ماراضيه عليه
اعرف اذيتج هواي
امل.....عمي اني قابله ااذيني ميخالف بس ارجع الجهالك سالم اني والجهال ما نسوه شي بدونك
يحيى...كلشي بيد رب العالمين
اوعدج اذا خلصنا من هاي الشده ارجع واغير حياتنا كلها
واذا متت
اوصيج بلجهال كلش ديري بالج عليهم
اعرف هاي مسؤليه جبيره عليج وانتي بعدج زغيره
بس انشاء الله ابوي وفيصل ما يقصرون وياج
امل.....الله عليك كافي مو ابقى افكر بهذا الكلام واخاف عليك اكثر
يحيى....انتي ما تتخيلين الموت الي انشوفه بكل الحظه
امل...انشاء الله ترجع سالم ونكمل حياتنا سوه
منا لمن نشيب اذا متت ويامن اتعارك
يحيى...ههههه سوالفج حلوه مثلج
من شفت امي اليوم شلون تمدح بيج عرفت ابوي
اختياره صحيح لمن اختارج اليه
امل... خاف اني مو من مستواك
يحيى...كلمه وحجيتها جنت اريدج اضوجين
امل....الله يحفظك ويرجعك بلسلامه
ثاني يوم يحيى من طلع شكد وصا عمي وفيصل على الجهال
طلع وأخذ كلبي ويا هلمره اني خايفه مااعرف ليش
كلام يحيى خوفني حيل
قبل يوم المحكمه بين فيصل وهبه
اخوها اتصل على فيصل
فيصل.....تفضل
محمود.....اني محمود اخو هبه
فيصل.. اي عرفتك
محمود.....اذا تريد نسحب القضيه وترجعلك هبه بس بشرط
تطلعها بيت وحدها بعيد عن اهلك
فيصل.....لا اني بعد مااريد هبه واريد ننفصل
محمود...لا مو هيج الحجي ترا المشاكل تصير عادي بين المزوجين
فيصل...المره الي تدخل مركز الشرطه وتشتكي على زوجها وعلى اهله بتهمه باطله
مااريدها ولا تكون زوجه اليه
محمود...احنا راح نطلب من المحامي يأجل القضيه
حتى تفكر زين ليش تخسر زوجتك
فيصل...مو اني خسرتها هيه الي خسرتني
اسئلها شكد صبرت عليها وتحملتها من ازوجنا لليوم
وامي تطبخ وتصعد الاكل الها
ومن احجي وياها ترجع الكلمه عليه بعشره
ما تسمع الكلام ولا تقبل تمشي عدل
من يوم ازوجتها لليوم وهيه محسستني بلمنيه وكانما هيه هواي عليه
ترا اني خريج حالي حالها وابن ناس
شكد حاولت وياها بس ردتها اجر عدل ماكووو
خليها تشوف حياتها بعيد عني واني هم اشوف حياتي
خل نكمل إجراءات الطلاك وكلمن يشوف نفسه
محمود...هذا اخر كلام عندك
فيصل...اي
امل...بعد هاي المكالمه فيصل ضاج حيل وانقهر
سويتله جاي وكعدت كباله
امل..تحبها
فيصل.....كمت اشك اني احبها
امل...شلون يعني
فيصل...كنت منبهر بيها بجمالها باسلوبها بطريقتها
كلت اي هيه هاي تذكرين كتلج هيه الي كالت اني معجبه بيك
يعني هيه اختارتني مثل مااني اختاريتها
بس بعد الزواج اكتشفت حقيقتها وحده انانيه
ماديه عنيده تحب بس نفسها متكبره مغروره
اني شلون ماشفت كل هاي الصفات قبل الزواج
امل...ليش ما تنطيها فرصه مادام اخوها اتصل عليك يجوز اتندمت
فيصل...بعديش اشتكت على ابوي وعليه
لو باقيه على العشره مجان دخلت للمركز يعني شنو واذا ضربتها
غلطت وضربتها لو واحد غيري يكسرها تكسر
انتي ماتعرفين اني شكد صبرت عليها وتحملتها
امل...ااجل موضوع الطلاك شويه وفكر قبل لا اطلك
خاف تتندم
فيصل....اذا بقيت وياها اتندم الضاهر هيه تريد تمشيني على مزاجها بكيفها وكيف امها
امل...رجعها واشرط عليها امها ما تدخل بحياتكم
فيصل...مستحيل امها ماتدخل بحياتنا مستحيل
امها هاي سوسة البلا
امل...الله يهديكم اني ماريد تكول بسبب امل وعلاوي طلكت زوجتي
فيصل....انتي وعلاوي مالكم علاقه هيه انسانه حقيره
وانانيه ولله شنو طفل صعد ينزل الطوبه
ليش تضربه يخاف منها ويمشي على كيف
سوته جاسوس
امل..تريد الصدك كلش ضجت من سمعتها تكولوجاسوس
شنو انتي عالمة ذره وهو جاسوس
شلون عقليه سخيفه
ااجل محامي هبه المحكمه اكثر من مره
ودزو ناس على عمي وفيصل ترجع هبه بس تسكن وحدها
ااكو بيت يم بيت اهلها ابوها يريد يأجره
وتسكن بي هيه وفيصل
عمي...اذا تريد زوجتك رجعها
فيصل....مااريدها ومااريد اي احد يكول رجعها
هاي الاتسانه طلعت من حياتي
شهر ودزتلنا خبر اني حامل
عمي من سمع بيها حامل كعد ويا فيصل
عمي.....روح رجع زوجتك هذا الطفل شنو ذنبه
فيصل...مااريدها ولا اريد ابنها
عمي...لا رجعها واشرط عليها تسكن هنا بيتنا
اهلها مابوقدصوتدن للبيت امها مالها شغل بيها
تاكل وتشرب وحدها احنا بعد ما نصعد الها اكل
حتلو تخلي درج خارجي
فيصل.....راح ادزلها الشروط هاي اذا قبلت بيهن
ارجعها بس لان حامل
واذا ما قبلت اطلك واخلص منها