رواية عيلة الجيار الفصل الثالث عشر13بقلم سلسبيل احمد


رواية عيلة الجيار الفصل الثالث عشر13بقلم سلسبيل احمد
- قفشتك! انتي والجاكيت بتاعي و في اوضتي!!

اتخضت وبعدين حدفته بمخده: انت هنا من امتى يأخي سرعتـ.ـني

بص لها بشك: دي اوضتي طبيعي اكون هنا انتي
 اللي بتعملي ايه هنا

فريده برخامه: مش بعمل حاجه

بص لها لنص عين وبص للجاكيت بتاعه اللي في ايدها: حرامية جواكت ها؟

بصت له بثقة: اه فيه مشكلة؟

- المشكلة إن سيادتك مختاره تسرقي اكتر جاكيت بحبه وبقاله معايا كتير يعني عِشرة..

= ما ده انتقام انا بسرقة عشان لما جيت هنا اول مره ومسكته انت اتهمتني بالسـ.ـرقه والنصـ.ـب سوا فا ده انتقام من حقي أعتقد يا استاذ ادهم.

فلاش باك # 

" بصيت يمين وشمال مكنش فيه حد فا دخلت الأوضة الوانها كانت ازرق غامق في اوف وايت وكانت حلوة اوي..! عيني راحت على كل التفاصيل لحد ما شوفت صور كتير على الحيطه واكتشفت انها اوضة أدهم.. صوره وهو بيغطس.. وهو راكب موتسكل.. و صور كتير عشوائية و مجـ.ـنونه.. ونص الصور مع بنات! أكيد يعني متوقع.. تعمقت اكتر ومسكت هدومه عجبني الجاكيت الى مسكته.. لاحظت انه لابسه في كذا صورة من بتوعه اكيد بيحبه.. " 

- حلو الجاكيت مش كده ؟ عجبك ؟ 

"بصيت ورايا بسرعه لمصدر الصوت لاقيته ادهم! "

" فضلت مبلمه ومتوتره فا قرب ناحيتي "

- مش معقول نصابة وحراميه كمان؟

بصتله بدهشه: ايه! بتقول ايه انت مجنـ.ـون!

ابتسم: انا الى مجنـ.ـون؟ بتعملي ايه في اوضتي؟

= ءء.. أنا

أدهم كان عاجبه توترها فا قرب منها اكتر و بص لعينيها و فريده فضلت بصاله بصمت وللحظه ادركت مدي قربهم فا حطت الجاكيت في ايده وبعدته عنها "

- انا خارجه.

باك #

بص لعينيها: طب هو انتي ايه اللي خلاكي تخديه وقتها؟

-  انا... انا.. مكنتش بخده.. هو بس عجبني.. 
فا كنت بشوفه.. عادي يعني

" شاورت على الصور "

- و لاحظت انك لابسه في اغلب صورك.

"كان مازال باصص لها بنظرات كانت كفاية توتر فريده."

- يعني هو عاجبك؟

فريده بتردد: امم يعني اه عادي مش اوي يعني عادي مجرد جاكيت

ابتسم بشموخ: ماشي.. اعتبريه بقا بتاعك

فريده بصت له: يعني هخده.؟ اروح بيه الامتحان؟

= اه.. و يلا عشان اوصلك.

" روحت اوضتي وانا ماسكه الجاكيت بحب.. و لما لابسته كان فيه ريحة البرفيوم بتاعت ادهم.. اكيد غريب اني اللبس جاكيت رجالي  و فيه برفيوم رجالي بس هو كان حلو اوي.. "

" نزلنا عشان يوصلني ولقينا زين في الجنينه "

زين: ايه الحلاوة دي.. وايه الجاكيت ده الجاكيت الايقوني بتاع أدهم بيه؟

ضحكت: مبقاش بتاعه خلاص

زين: صحيح الكلام ده

ادهم: سرقة بالاكراه

فريده وهي بتعدل شعرها بغرور: محصلش هو اتنازل عنه عشان ميقدرش يخده مني لأني قوية

زين ضحك: واضح جدا طبعا مفهوم

ادهم: طب يلا نتحرك سيادتك؟
معندناش اليوم كله للأسف

زين: اه ياريت ترجعوا علطول عشان تقعدوا 
معايا قبل السفر
ادهم: احنا عندنا شغل كتير وهنيجي متأخر اوي

زين: ايه؟؟؟ يعني مش هنقعد سوا؟

" فريده بصت لأدهم بعدم فهم وادهم غمز 
لها قبل ما زين ياخد باله "

فريده: ءءء اه ده فعلا اوف فيه شغل كتير جدا..

زين اتنهد: طيب.. حاولوا تيجوا بدري بس.

>>>>>>>>>>>>>>>>>>>>>>>>>>>>>>>>>>>>
'اللهم صلِ وسلم وبارك على سيدنا محمد' 

" خرجنا نركب العربية فا بصيت له "

- ده كان ايه بقا؟

= عامل له مفاجأة.. ومرتب مع الاغلب لسه هبعت لـ يزن و يونس دلوقتي.

- اممم طب ايه هي؟

= ركزي في امتحانك انتي دلوقتي.. ونسيت اقولك الجارد هيبقى معاكي هنتقابل هناك

- برضو؟

= خلاص جدو اصدر اوامره على الكل

ربعت ايدي بعبوس وبصيت له: الا انت.

بصلها بجمب: هو انا محتاج جاردات؟

" بصت قدامها بقلة حيلة و ادهم دور العربية و طلع.. وبعد لما وصلها و الجارد قابله سابهم و طلع على الشركه بقملي سلسبيل احمد "

>>>>>>>>>>>>>>>>>>>>>>>>>>>>>>>>>>>>>

|| في الفيلا | اوضة يزن و يونس ||

- قالب وشك ليه

رد بزهق: ملكش دعوة يا يزن

= براحتك بس كدا كدا انا عارف

بص له بسرعه: عارف ايه

- مضايق عشانها صح.. متخفش مش هطلع سرك بره يعني يا يونس 

اتنهد بضيق: اتخطبت

= لأنك حمـ.ـار حد كان قالك تفضل ساكت

- مبحبش اتكلم معاك عشان كده ريح بقا.

|| في اخر دور ||

يوسف: زين عاوزك معايا في مشوار.

زين: يلا انا اصلا قاعد فاضي كله مشغول

هبه: رايحين فين انتوا الجوز؟

يوسف: رايحين نعاكس بنات

هبه: اه يا قليل الأدب

ضحك: هنشتري حاجات يا ماما هنعمل ايه يعني

هدى: متتأخروش عاوزين نقعد معاك يا زين

زين: حاضر يا ماما.

>>>>>>>>>>>>>>>>>>>>>>>>>>>>>>>>>>>>>
' لا إله إلا انت سبحانك اني كنت من الظالمين ' 

|| في الشركة | مكتب شريف ||

- طب انت جربت تتكلم معاه يا مصطفى بجد؟ يعني تقوله الى جواك ده

= بيتهرب مني ومش راضي يسمع وانا عارفه بيموت في العند زي عينه...

- ماشي بس خلينا متفقين ان حقه يزعل

= ما علينا هتعمل ما اتفقنا ولا لسه هتفكر بقا وتقرفني انت كمان

- معرفش تفتكر يعني لما اضحك عليه ويجي ع المكان ويلاقيك كده الدنيا هتتحل

= اديني بجرب

- طب ما تروح مكتبة دلوقتي وتقوله يصالحك يا اما تعملهم فضيحه في الشركة

مصطفى ضحك: انت مجنون عاوزة يقطع معايا خالص الا الشركة

= طب ما تفكر طالما اكتر حاجه بيخاف عليها شغله

" وبعد ثواني مصطفى كان في مكتب ادهم اللي دخله من غير ما يخبط و بسرعه.. "

ادهم بتعجب: فيه ايه ؟؟ حد يدخل كده

- انا ادخل زي ما انا عاوز

= انت شكلها هبت منك

- انت لسه شوفت حاجه

" ادهم ساب اللي في ايده وقام راح له "

= بلاش تهريج في الشركه وبعدين مفيش بينا اصلا كلام لا جد ولا هزار

- مين ده اللي قال كده؟

= انا اللي قولت يا مصطفى ومش هرجع فكلامي
- تقول زي ما تقول انا مش موافق

= انت جايب البجاحه دي منين

- اصلي اعرف حد اسمه أدهم

أدهم برفعة حاجب: ما تفكك مني ؟

= انت عمرك فكيتك مني ؟

- زمان حاجه و دلوقتي حاجه

= هي هي يا أدهم.. و من الأخر عنادك مش هيمشي المره دي.. لأني طرف في صحوبيتنا ومش هقبل بقرارك ده

- صحوبيتنا انت رمتها ورا ضهرك ورمتني معاها

= محصلش معملتش كده ولا عمري هعمل لا عشان لمياء ولا غيرها ولا عشان اي حاجه ادهم انت اخويا وانا معنديش غيرك.. يمكن عمرك ما هتفهم شعوري عشان مش لوحدك.. بس انا معرفش غيرك انت و شريف.. فا عمري ما هعمل حاجه تخليني اخسركم

- اللي حصل ده اسمه ايه يا مصطفى

= اسمه اني غبي مفكرتش كويس.. لحظة غباء وسيطرت عليا مفكرتش في اي حاجه

اتنهد وبص له: الفكرة مش في الغلطه كلنا بنغلط.. الفكرة اني مش قادر اتقبل انك عملت ده عشان واحده و بس فكرت فيها ومختش بالك انك ضرتني.. انا كمان مش عايز اخسرك.. عشان انا لو خسرتك هبقى بخسر حاجات كتير.. و جزء كبير من ذكرياتي اللي شاركتني فيها.. عشان كده عاوزك تعرف اني مش هتقبل حاجه زي مرة تانيه.. لأن يا مصطفى مينفعش موقف زي ده يحصلي منك انت بالذات فاهم!؟

" مصطفى حضنه بدون تفكير وادهم رفع ايده وخده في حضنه وهو واحشه صاحبه اللي مكنش عايز يبعد عنه.. "

مصطفى بضيق: حقك عليا

شريف قاطعهم وهو بيسقف: هايل يا ولاد

مصطفى ضحك: يخربيت فصلانك

أدهم: واضح ان انتوا ناوين نفتحها مولد مش شركه.

شريف: تحت إدارة ادهم باشا و حضرة المتصابي صاحبه مصطفى

مصطفى بنص عين: شوف يخويا خرج نفسه منها ازاي

ادهم: اه شريف حبيبي عامل زي اللي بيقـ.ـتل القتـ.ـيل ويمشي في جنازتة

مصطفى: اه بظبط ويعيط عليه كمان

شريف بصلهم بإستنكار: ده انتوا اتلميتوا على بعض واستلمتوني بقا

ادهم: كان نفسي بس معنديش اي وقت لازم اخلص الحاجات دي و ارجع الفيلا بسرعه عشان زين مسافر انهارده الفجر.

شريف: ابقى كلمنا لما توصل المطار نيجي نمسي عليه

مصطفى: اه ياريت.

>>>>>>>>>>>>>>>>>>>>>>>>>>>>>>>>>>>>
' سبحان الله وبحمده سبحان الله العظيم '

|| بداخل مول تجاري ||

- مالك يا معلم؟

= بفكر في الفترة اللي هقعدها هناك لوحدي

- طب و ليه من اساسه يا زين

= عشان ده حلمي يا يوسف.. ولازم اضحي
- بس انا مش حاسس انك مبسوط

رد بخـ.ـنقه: انا مضايق اوي مش عايز امشي

"يوسف مكنش عارف يقوله ايه"

- فترة وهتعدي يا زين مالك ياعم!

= فترة كبيرة.. وانا ما صدقت علاقتي بأدهم بقت كويسه اوي و بيكم وقربنا من بعض.. انا مش عارف ليه فجاة مبقتش قادر اتأقلم على الوضع ده.. وحاسس ان كل حاجه غلط..

- اهدى بس اهدى متفكرش كده عشان هتتعب حاول تفكر في حلمك وانك قربت تحققه و هترجع وهتكـ.ـسر الدنيا بعدين احنا قاعدين هنروح فين؟ هنخلص كلنا السنه دي ونتجمع تاني يا معلم.

بص له وابتسم: كلام رجالة

يوسف رفع ايده: عيب عليك
زين صْرب كفه بكف يوسف: اتفقنا

" كملوا مشي وقتها يوسف بعت رسالة لأدهم "

>>>>>>>>>>>>>>>>>>>>>>>>>>>>>>>>>>>>>
' الله اكبر الحمدلله لا إله الا الله استغفر ' 

|| على الطريق | عربية أدهم ||

- ده يوسف بعتلي بيقولي اخلصوا شكلهم قربوا يوصلوا

فريده بحيره: طب ما تكلم يزن و يونس شوفهم جهزوا الحاجات ؟؟

- الاغبيه الاتنين الى معتمد عليهم محدش فيهم بيرد..

= متقلقش هنحلق.. عندي خطه بس مقلتش لك عليها

ادهم بص لها: قولي

- بص قدامك هنعمل حدثه

= عيب في حقي الجمله دي بس ما علينا

- انا قولت لطنط هدى

= نعم ؟

- وعمتو هبه وعمتو ناديه

= ايه !!!!

- احم.. و عمي وليد.. وجدو.. بس كده

= بس كده ؟؟؟ بس كده !!!!؟؟؟

- بص قدامك يخربيتك !!

= يخربيتي ؟ ما اتخرب خلاص! اتخرب

- ليه بس هما يعني هيعملوا ايه ما هنقعد كلنا نودعه ونبقى عيلة سعيدة
= بابا و جدو انا لسه قايل ليهم إني عندي حاجات مهمه هخلصها عشان اعرف اخلع من الشركة والحمد لله انتي فضحتيني و ماما وعمتو هبه و عمتو نادية هيفضلوا قاعدين يندبوا و يقولوا لزين ما تخليك ياحبيبي طب هتسافر ليه! ويقلبوا القاعده دراما.. وانا مكنتش مظبط الخروجه غير علينا

فريده بصت له بندم: انا مكنتش اعرف طيب انت مرضتش تفهمي انا قولت اساعد..

- خلاص بقا مش مهم ربنا يستر وتبقى خروجه لطيفه

فريده: متقلقش

= طيب.. كلمي بقا ماما ولا اي حد اعرفي المكان جاهز ولا لسه عشان اكلم يوسف

" كلمت هدهد و كان المكان خلاص جهز.. فا ادهم بعت ليوسف ياخد زين و يروح.. ادهم كان حاجز مكان رايق و شيك جدا في المعادي و عامل اوردر اكل و حاجات كتير.. لما وصلنا انبهرت بذوقة كالعادة و كانت مامته موجوده هي وعمتو هبه و عمتو ناديه و يزن و يونس فضلنا مستنين عمي وليد وجدو.. بس قالو هيتأخروا.. و بعد دقايق يوسف وصل هو و زين.. بيدج الفيس بوك بتاعتي سلسبيل احمد "

زين بدهشه للكل: انتوا هنا كلكوا !!!

"يزن و يونس راحوا حضنوه وهو حضنهم"

يوسف حضنه و ضحك: نفسيتك اتحسنت شوية

زين ضحك بفرحه وصدمه في نفس الوقت
-  ده كله فيلم ها؟

يوسف: كان لازم اجيبك اقرب موقع للمكان عشان لما يجهزوا نيجي خطه ادهم باشا

"زين بص لأدهم وادهم حضنه بحب"

- بس دخلت عليك اللعبة

زين بص له هو وفريده: صدقت انكم هتيجوا 
متأخر بجد

فريده: دي خطه ادهم الشريرة

زين حضنه مره تانيه: عجبتني عموما

هدى قربت وحضنته وهي بتعيط: والله هتوحشني اوي يا حبيبي و هيوحشني وجودك وسطنا

ادهم بص لفريده: جالك كلامي؟ دراما.

فريده ضحكت بندم وقالت بصوت واطي: سوري!!!

ناديه: تعالى يا واد هات حضن

هبه: وانا كمان يختي سبيه شوية

" ضحكنا على الفقرات الى بتحصل وقعدنا كلنا على ترابيزة قصاد بعض وفضلنا نتكلم والضحك مالي المكان اللي الحمدلله كان ادهم حاجزه لينا برايفت.. وبعد ساعه عمي وليد وصل هو و جدو.. "

" كان تجمع مليان دفا!! قادر يشفي جروح اي حد فينا.. مبطلناش كلام ولا بطلنا ضحك.. وطبعا و زي ما قال ادهم الامهات قلبتها دراما شوية بس يوسف كان بينقذ الموقف من حين للآخر.. واهم حاجه كانت ان ادهم و زين سوا.. بيتكلموا.. و بيودعوا بعض.. بقلمي سلسبيل احمد "

" مشينا من المكان الساعه 11 بليل و رجعنا الفيلا تعبانين لدرجه ان كلنا اترمينا في الجنينه اصلا.. "

يوسف: احنا محتاجين نفوق عشان نقدر نكمل السهره

ادهم: اه لوحدنا الحمدلله كلهم دخلوا ينامو تقريبا

يزن: اه ماما بتنام بدري اصلا

فريده: نغسل وشنا ونفوق وننزل تاني

زين: طب يلا بينا

ادهم: المهم شنطك جاهزه

زين: كله جاهز

" كل واحد راح اوضته يفوق وبعدين نزلوا الجنينه تاني بس يونس قفل على نفسه ومرضيش يفتح حتى لـ يزن فا نزل لهم الجنينه "

يوسف: يلا هموت ونلعب لعبة

يزن: لا اصبر يعم الواد يونس معاه حوار

أدهم برفعه حاجب: حد عمله حاجه؟

زين: انا ملاحظ من بدري انه مضايق

يزن: محدش ضايقه بس واحنا في دبي كان بيحب واحده وعرف من شوية انها اتخطبت وفاضله شوية و يروح يحجز تذكره برج القاهرة ويرمي نفسه المضحك

يوسف: ابن خالتي اتحْزوق وانا عايش !؟

يزن: هو مكنش قايلها اصلا يونس بيكتم مشاعره بجد بيعرف يكتمها اوي لدرجه تفتكر انه معندوش مشاعر ولا بيحس ومش بيبان عليه اي حاجه

زين: طب من غير تفكير تعالو ندخل اوضته نشوفه

يزن: قافل على نفسه الباب

ادهم بسخريه: ومين جاب سيره الباب بس

يزن: يعني ايه

ادهم: شايف الشجره دي؟

يوسف ضحك: انا بالنسبالي هجيب السلم آمن..
انا مش هعمل زي فيلم الى بالي بالك معلش..

" وفعلا ادهم طلع على الشجره ومنها لبلاكونه اوضتة يونس و زين و يوسف حطوا السلم وطلعوا منه
على البلاكونه ورا ادهم.. وكانت البلاكونه اصلا مفتوحه"

" فريده و يزن بيتفرجوا من تحت "

فريده ضحكت: وطوا صوتكم البيت كله هيصحي

يزن: ربنا يستر يونس ممكن يجعر دلوقتي

" ادهم و زين و يوسف دخلوا فجأة عليه"

" يونس اتفاجئ بدخولهم واتخض "
- ايه ده !!! انتوا جاين لي منين!!

ادهم: ثبتوا الواد ده على الكرسي

يونس بعصبيه: بقولكم ايه محدش يهـ

" وقبل ما يكمل كلمته شالوه وحطوه على الكرسي "

يوسف عمل بأيده شكل مـ. ـسدس : اثبت بدل ما اعجنك وافر تك مخك

" يونس زعق بعصبيه "

- انت مجنون انت وهو !!!!

يوسف: بطل جعير هتفضحنا الله يخربيتك

" زين فتح الباب و يزن وفريده دخلوا وقفلوه تاني"

يونس سكت وبصلهم بنفاذ صبر: طب وبعدين يعني ؟؟ انتوا اجننتوا !! ربطني على الكرسي كده ليه؟

فريده بتمثيل: انتوا عاملين فيه كده ليه!

يوسف: سمعنا انه مضايق

يونس بص لـ يزن بعيون بطق شرار: هو ده الى مش هطلع سرك بره !!

يزن: مهو مطلعش بره الفيلا اهو.. ههه احمم

يونس بزعيق: هههه ايه !!! ده انا لما اقوملك بس !
تفو على منظرك ومعرفتك

زين: حلو اوى يعني الإشاعات الى سمعناها صح انت مضايق

يونس: طب فكوني وبطلوا هزار !! أدهم خليهم يفكوني

ادهم: حاضر.. بس هتتكلم معانا

" يونس سكت وادهم فكه وهو قام من على الكرسي نط على يزن يعجنه وفضلنا نسلك بينهم وانا بنقع من الضحك على منظرهم "

أدهم: اترزع بقا فرهدتوني !!! ايه اليوم الى كله مشاكل وحْرا على دماغكم ده !

يوسف: قولنا مالك بقا ممكن؟؟؟
يونس: انا مش هتكلم !

يزن: البنت الى بيحبها اتخطبت

يونس: متخلنيش اقوملك تاني انا مكنتش بحب حد !

يزن: كداب

يونس كان هيقوم ادهم مسكه: معرفتهاش ليه ؟

"يونس مردش وقلب وشه فا ادهم كرر جملته"

- ما كنت تقولها مقلتش ليه؟

يونس بزهق: انا لسه صغير لسه يعتبر عيل مخلصتش حتي تالتة ثانوي

يزن: مش ده السبب الوحيد

يونس: هو انت مبتسكتش؟

"فريده فهمت الموضوع"

- خلاص يا يونس متزعلش.. هي الخسرانة 

يزن: هو الى معرفهاش اصلا عشان فيه واحد تاني كان معانا هناك بيحبها فا يونس قرر يسكت بدل ما يعرفها

يونس بعصبيه: انا قولت مش فارق معايا !! الموضوع انتهي خلاص وانا مش مضايق هي مش اخر واحده في الدنيا يعني كمان انا مش هرجع اصل دبي تاني

يوسف: صح انا من رأيي تنسي كل ده يا يونس! وتستقروا في مصر! حتي لو خالتي عايزه تسافر اقعدوا انتوا و زي ما قولت انت لسه صغير يا يونس لسه قدامك الحياة الجامعية كلها بنات

زين: عنده حق وانا ادعم كلامه

" نزلنا تحت الجنينه نكمل كلام و فضلنا نتكلم لحد ما يونس ضحك وفك اخيرا  "

يوسف: يعني خلاص كده على العهد يا رجالة؟ اتفقنا نفضل سوا وحوالين بعض؟

يزن: اتفقنا ولو ماما رجعت دبي 
هنفضل هنا سوا مع جدو

" يوسف غمز لـ ادهم وقام وقف عند البسين "

يوسف:  ادهم تعالي كده انت و يونس بسرعه

" ادهم قام و يونس وراه و يوسف بيشاور على اتجاه بأيده و بأيده التانيه راح زق يونس في البسين "

فريده: يلهوي !

يزن: اوبس جامد ده

زين ضحك جامد: بليتوا الواد

" راحوا كلهم قدام البسين "

يونس فضل يطرطش المياه بعصبيه 
و ادهم بص ليوسف: طباخ السم بيدوقه

" ادهم زق يوسف وكده بقا يوسف و يونس في البسين "

زين: خد حقك منه بقا عاوزين نشوف دم

" يزن كان واقف جمب فريده فا زقها هو كمان بهزار بس فريده مسكت فيه فا الاتنين وقعوا سوا "

زين: احيه! 

" أدهم فضل باصص عليهم بقلق ومصدوم هو وزين وخلال ثواني ادهم نط وراها لما لاقاها نزلت تحت "

يوسف: فريده !! هي كويسه؟؟؟ 

يونس: ايه اللي حصل

" ادهم جبها وهي مكانتش بتتحرك وكلهم اتخضوا "
" يزن كان مرعوب و ادهم شالها "

- امسك يا زين طلعها خدها مني

" زين خدها من ادهم وهي كان مغم عليها ادهم طلع بسرعه وكانوا بيحاولوا يفوقوها "


تعليقات



<>