رواية عيلة الجيار الفصل الرابع عشر14بقلم سلسبيل احمد


رواية عيلة الجيار الفصل الرابع عشر14بقلم سلسبيل احمد

أدهم فضل باصص عليهم بقلق ومصدوم هو وزين وخلال ثواني ادهم نط وراها لما لاقاها نزلت لتحت

يوسف: فريده !! هي كويسه؟؟؟ 

يونس: ايه اللي حصل

" ادهم جابها وهي مكانتش بتتحرك وكلهم اتخضوا "
" يزن كان مرعوب و ادهم شالها "

ادهم: امسك يا زين طلعها خدها مني

" زين خدها من ادهم وهي كان مغم عليها.. ادهم طلع بسرعه وكانوا بيحاولوا يفوقوها "

يونس بخوف: هو ايه اللي حصلها؟؟ اصحي جدو او خالو يلحقوها؟؟؟

زين: اصبر يا يونس اهدى

" ادهم كان ساندها عليه وبيضغط على قلبها بطريقه معينه و فريده فاقت علطول وفضلت تكح مياه"

" ادهم اتنهد بإرتياح وفضل يطبطب علي ضهرها 
وفريده كانت بتتنفس بسرعه اوي "

- اهدي اهدي براحه! انتي كويسه اهدي

" فريده فضلت تتنفس بهدوء انفاسها كانت بتهدى تدريجي وماسكه في دراع أدهم "

يونس: انتي كويسة؟

زين: تعالي اطلعي اوضتك تعالي 

اتكلمت بصوت مش واضح: هقـ.ـتلك يا يزن

يوسف: بتقولي ايه؟

" رفعت وشها وهي بتضحك بتعب "

- همـ.ـوت يزن بس لما افوق له

" راسها مالت بإرهاق فا ادهم سندها "

ادهم: انتي روح الانتقام في دمك حتي دلوقتي؟

يوسف ضحك: طالعه لي جدعه يا حببتي بس مش وقته

" يزن كان حاسس بالذنب وعمال يبصلها "

- فريده انا بجد اسف مكنش قصدي معرفش انك مش بتعرفي تعومي

فريده مسحت على شعرها ورفعت راسها: برضو هعجنك بس مش دلوقتي

يزن: ياستي موافق اعملي فيا اللي يعجبك بس المهم تبقى كويسه

فريده عطست: الحمدلله كويسه اهو

زين ضحك بقلة حيلة: هاتي ايدك يلا قومي اطلعي كفاية كده

فريده: لا خلينا نكمل

ادهم: تكملي ايه انتي شكلك خدتي دور برد محترم

زين: اطلعي غيري طب وبعدين نشوف وانتوا برضو غيروا عشان متبردوش

" طلعوا يغيروا كلهم و ادهم خلص ونزل الاول و هو زين فضلوا في الجنينه "

ادهم بحنية: انت هتوحشني اوي على فكره..

زين ابتسم: يا راجل..؟

- للأسف يعني ايوه

رد بضحك: انت مش هتوحشني خالص هرتاح منك

- على فكره انا صالحت مصطفى تقريبا..

زين بص له: كده كده عارف.. انتوا ملكوش غير بعض.. انت صاحبه الوحيد.. وهو اكتر صاحب انت بتحبه.

ادهم بهدوء: مش اكتر واحد بحبه... انت يا زين اكتر صاحب بحبه و اكتر اخ بحبه.. وعاوزك تعرف ده.. عاوزك تعرف اني الفترة اللي مش هتبقى موجود فيها هتكون تقيلة عليا من صغرنا واحنا سوا حتى لو بنتخانق لكن مش متعود انك تكون بعيد عني.. فاهمني

= فاهمك بس مش فاهم مالك حصل ايه عشان تقول كل ده.. واني هوحشك..

- محصلش

بص له بنص عين: كلنا عارفين ان معندكش
 مشاعر يا ادهم

خد نفس عميق: عارف بس ده مش صح.. انا بس مبقدرش اخرج الى جوايا.. بس ده مش معناه ان مفيش حاجه جوايا.. بس احنا محدش فينا اتربى ازاي يعبر عن حبه! او يعبر عن اي حاجه.. اتعلمنا نخبي مشاعرنا.. لحد ما بقينا مش قادرين نحدد امتى نتكلم وامتى نسكت..

- ده كلام عميق اوي يا أدهم.. وانا لسه مصمم ان وراه حاجه.. فا اتكلم معايا و قولي فيه ايه دفعك تقول كل ده دلوقتي! انت مش عاوزني اسافر؟

ابتسم بسخرية: يعني لو قولتلك اقعد؟

زين بص له بتعجب: يعني ده بسبب سفري فعلا؟ انت مش عاوزني اسافر؟

- كل مره كنت بتصرف فيها بطيش و جنـ.ـان انت اللي كنت بترجعني لعقلي بكلامك حتي لو كنت ببين لك اني متعصب منك ومش طايق كلامك بس كنت بتخليني افوق وافتكر اني ولا صغير ولا عيل انا مسؤول و اي تصرف بعمله بيبقى بأسم العيلة.. بس دلوقتي انت لو مشيت حاسس من غيرك مش هبقى كويس.. لأن وجودك فارق معايا ده غير اني مش هبقى مطمن عليك هبقى قلقان.. و حاجات كتير.. انا مكنتش مخطط اقولك كل ده يا زين.. وبس عملت كل ده عشان نودعك وتسافر وانت مطمن.. بس دلوقتي اتصرفت بأنانيه وقولت لك شعوري الحقيقي.. واني مش عاوزك تبعد ولا تسافر..

" زين خده في حضنه و مخه مش مبطل تفكير وعايز يهد كل حاجه كان مرتب لها.. "

ادهم خرج من حضنه وبص له: انا مش عايز اكون بأثر عليك قراراك.. فاهمني

زين هز راسه: فاهمك.. بس انا اللي عايز اقولك حاجات كتير يا ادهم.. ملقتش وقت مناسب اقولها ليك قبل كده.. او يمكن خوفت اتكلم معاك بصراحه عشان علاقتنا مكانتش كويسه.. بس انا اللي طول عمري بطمن بوجودك و عارف انك قد اي حاجه.. و انك مسؤول اه بيجي عليك فترات بتتصرف بجـنـ.ـون بس ده عمره ما هينفى انك شاطر وعارف بتعمل ايه! بص على شغلك واللي بتعمله وازاي جدو و بابا بيعتمدوا عليك.. ادهم انت بالنسبالي مثل اعلى.. عشان انت مخالفتش توقعاتهم.. انت عديتها كمان.. انا مقدرتش اعمل زي ما هما عاوزين وادخل بيزنس وافهم شغلكم واعرف ازاي ممكن اكسب صفقة مستحيلة واساعد ان اسم العيلة يكبر.. انا معرفتش اعمل كل ده.. ومعرفتش اتنازل عن حلمي بس انت عرفت تتنازل عن حاجات كتير.. انا شايفك قوي جدا يا ادهم.. وهتقدر تعدي اي حاجه.. ومش عاوزك تقلق
ادهم: افهم من كلامك انك مسافر صح؟

زين رفع حواجبه: ده بس اللي فهمته

ادهم حاول يبتسم: عموما انا مبسوط اننا اتكلمنا.

" يوسف نزل و راح لهم "

- مالكو واقفين كده ليه هتعجنوا بعض ولا ايه؟

زين: او بنتفق نعجنك انت!؟

يوسف: لا ونبي كفاية

" يزن نزل هو كمان و بعده يونس "

يزن: فريده لسه منزلتش؟
يونس: خلوها ترتاح شوية عادي

يوسف: فاضل قد ايه و تتحرك يا زين

زين: ساعتين وشوية..

أدهم: يعني مش هترجع في كلامك

زين ضحك وبعدين بص له بجديه: لو انت بتتكلم جد وعاوزني افضل هنا نلغي كل حاجه

يوسف: اوبا ايه الحوار ده؟

يزن: انتوا بتقولوا ايه؟

يونس: بجد يا زين هتقعد؟

" في اللحظه دي كان زين باصص لأدهم.. و ادهم باصص له.. زين مستني رد.. وادهم بيحاول يفكر بعقلة."

رفع كتافه بسلاسه: و هتسيب مهنة الطب لمين يا دوك؟
[ دوك اختصار دكتور ]

يونس: يخسارة

يزن: طب نلحق نقعد شوية بقا الحبة دول.. 
حد ينادي فريده

يوسف غمز: مالك بالبت الوحيده الى حيلتنا

يزن: اسكت انا حاسس بالذنب..

أدهم: هطلع اشوفها
>>>>>>>>>>>>>>>>>>>>>>>>>>>>>>>>>>>>
'اللهم صلِ وسلم وبارك على سيدنا محمد'

|| اوضة فريده ||

" كنت قاعده على السرير وانا ببص لصورة ماما بهدوء وعماله الذكريات تخبطني.. واشوف لمحات من أوقاتنا سوا.. منهم اوقات البحر.. لما كنت بخاف وانا صغيره وهي بتمسكني.. قد ايه كنت بحس بأمان.. ولما فقدتها.. اختفى.. لما نزلت البحر لأول مره لوحدي مع صحابي واحنا بره.. اغم عليا.. وجالي ضيق نفس.. وقتها الدكتور النفسي قالي اني بقا عندي بانك.. بسبب اني مش حاسه بالأمان.. حاولت كتير اتأقلم.. و لكن الوضع كان صعب.. بقلمي سلسبيل احمد "

" بصيت للصورة وابتسمت لماما "

- بس انا هحاول تاني.. وانا وسط عيلتي يا ماما..بحبك.

" الباب خبط فا قومت افتح وانا سايبه 
الصورة في ايدي "

- ادهم.. انا كنت هنزل دلوقتي

بصلها: اصبري بس... انا عاوز اطمن عليكي الأول

= طيب اتفضل

" دخلت و رجعت الصورة مكانها وبعدين بصيت له "

- انا اهو زي الفل

= ليه اغم عليكي؟

- مش بعرف اعوم

= بس انا حاسس ان فيه سبب تاني

خرجت مني تنهيده هو لاحظها فا ابتسمت: يمكن!

- اقدر اعرفه بقا؟ ولا انا بس اللي بيتم استجوابي..

قربت لعنده وفتحت عيني بدهشه: انا استجوبتك؟

- انتي خلتيني اتكلم

= ايوه بس لما كنت مستعد

-  و انا عمري ما كنت مستعد

= قصدك اني ضغط عليك؟

ادهم بص لعيونها بعدم تركيز ومكنش بيفكر في اللي هيقوله: كنت حاسس اني عاوز اقولك انتي بالذات.. عشان واثق فيكي.. معرفش ليه بس حسيت بشعور غريب ناحيتك.. محستش بيه قبل كده.. فا الغريب انك مضغطيش عليا.. علطول كذا حد بيضغط عليا.. بس انتي.. حسيت اني انا اللي عاوز اقولك.. احكيلك ونتكلم.. فا عشان انا برضو مش هضغط عليكي.. ولو حسيتي انك عايزة تحكيلي.. هعتبر اننا كده بقينا قريبين لبعض...

" فريده كانت بتسمعه.. علطول بتتعامل عادي ولكن بتتوتر اغلب الاوقات من كلامه.. قلبها بيدق.. وبتحس بمشاعر كتير مش بتبقى قادره تترجمها.. مكانتش عارفة حتى ترد عليه.."

أدهم ابتسم على شكلها: طب يلا ننزل

فريده: احمم.. ءء اه اه يلا

>>>>>>>>>>>>>>>>>>>>>>>>>>>>>>>>>>>>
' سبحان الله وبحمده سبحان الله العظيم '

|| الساعه 2 بليل | في جراش الفيلا ||

" طبعا كله صحي يودع زين خلاص.. كان بيحط الشنط في العربية.. و عمتو ناديه و طنط هدى وعمتو هبه و عمي وليد و جدو كلهم واقفين.. والشباب كلها.. كانت لحظه رخمه جدا المره دي!!! "

هدى بعياط: حبيبي.. اي وقت حصل اي حاجه تكلمنا يا زين علطول موبايلك يبقى مفتوح وعلطول نتكلم وتطمنا

وليد: واحنا علطول معاك
يزن بصوت واطي ليوسف: مش هيرحموا الواد.

هبه: خلي بالك من نفسك يا ولا

ناديه: تاكل كويس يا زين و تلبس فانله عشان البرد

ضحك جامد: فانله ايه بس يا عمتو

عبدالعزيز: زين.. عاوزك تشرفنا انت اول دكتور في العيلة وكمان الوحيد 

ابتسم: عيوني يا جدو.. 

" كلهم حضنوه.. وبعدين جه دورنا قررنا انا و يوسف و يزن و يونس نروح معاه المطار هو وادهم.. "

" اتقسمنا على عربيتين و الجاردات اتحركوا معانا و وصلنا المطار "

زين بص لهم: خلاص اخيرا هخلص منكوا ولا تطلعوا معايا الطياره  ؟

يزن: ينفع؟

يونس: هتوحشنا اوي

يوسف: اه والله يسطا

ادهم مكنش عاوز يضعف هو كمان: مش كفايه الدراما اللي اهلنا عملوها خلاص بقا

يزن: احمم معاك حق

فريده: هنتكلم كل ساعه فيديو كول اوكيه!
زين: هقرفكم كل لما ابقى فاضي

ادهم مسك رقبته: وحتى لو مش فاضي ياض فاهم

" زين ضحك وادهم حضنه لمره اخيره عشان يعتبر زين اتأخر ومفروض يمشي "

ادهم بخوف: انا اول واحد تكلمني لو حصل حاجه فاهم؟ اي حاجه يا زين

زين هز راسه: حاضر

" و كانت دي اخر حاجه بينا.. مشي عشان يطلع الطياره خلاص.. و احنا رجعنا الفيلا.. "

 

" قعدنا اسبوع كامل مش مستوعبين ان واحد مننا نقص.. وانا مش قادره اتخيل اني بقوم كل يوم ملاقيش زين!! اول حد يرحب بيا.. و اول حد يكون جمبي.. وبعدها كمان يزن و يونس سافروا دبي و يوسف رجع الجيزة و بقا رسميا كلنا هنتقابل تاني بعد شهور لما كل واحد يخلص السنه الدراسية بتاعته.. "

>>>>>>>>>>>>>>>>>>>>>>>>>>>>>>>>>>>>
" لا إله إلا انت سبحانك اني كنت من الظالمين " 

|| شركة الجيار | مكتب مصطفى ||

- ادهم باشا بنفسه

= مشغول ولا ؟

- لا اقعد
= عايز اتكلم معاك في موضوع مهم

- ايه فيه ايه؟

= في سفرية هنطلعها الغردقة انا وفريده عشان المؤتمر والمفروض انك هتيجي معانا احنا التلاته مطلوب مننا نخلص شغل هناك هياخد اسبوع بحاله

- تمام فين المشكلة..

= المشكلة جاية لك أهي.. انا سمعت ان فيه واحد صاحب شركه منافسة عينه علينا

- مين ده ؟

= المهم مش هو مين المهم احنا نعرف 
مين بيشتغل عنده.. 
- انا مش فاهم حاجه..

= صاحب الشركه يبقى زياد..

- ومين ده اللي شغال معاه واحنا نعرفه

" ادهم سكت و بص لمصطفى فا مصطفى بص له وهو بيفتح بوقه بدهشه "

= مستحيل متقولش

- هي.

= لولا؟؟ لمياء !!!

- و مستحيل تكون دي صدفة..

= ايه يعني هتنتقم! مهي متعرفش حاجه عن شغلنا !

- الله اعلم

= لا رسيني وفهمني دماغك فيها ايه بظبط

- نلعب عليها.. زي ما عملت معانا.. العين بـ العين.

= انا كدا كدا معاك.. هنعرف شريف؟

" شريف دخل المكتب وبص لمصطفى "

- قالك على خطـ.ـته الهبله العبيـ.ـطه !!!

مصطفى: اه و عجبتني جدا

شريف ضحك بقمة السخرية: يبقى لسه معرفش الجزء اللي هتترفد فيه من الشركه..

مصطفى بصدمه: ايه

ادهم: منك لله يا شريف

شريف قعد: البيه.. عاوزنا نعمل لعبه و رسم الخطه وجهز كل حاجه و مفروض في السفرية انكم تتخانقوا وقال ايه كأنك مرفود.. عشان يعرف هو يرجع لـ لمياء و يقولها انه اتأكد انك غدار وان هي كانت صح وياخدها في صفه ويقولها معاكي حق ياحبيبتي.. 

مصطفى بص لأدهم: الكلام ده صح

ادهم: مكنتش هقولها يا حبيبتي

مصطفى: ادهم !
ادهم بجديه: ده الحل الوحيد لازم يبقى لينا عين عندهم! انا قلقان منهم

مصطفى: ايه مخليك قلقان

شريف: لأننا لسه عارفين ان معظم الحملات القدْره الى اتعملت على الشركة و اسم عيلتهم كان وراه الواد ده

مصطفى بتعجب: اسمه زياد ها ؟

شريف: زياد نصراوي.

مصطفى: على البركه يا رجالة.

ادهم: اهم حاجه محدش يعرف حرف عن خطتنا دي.

شريف: حتى فريده مش هتقولوا لها؟
ادهم: بالذات فريده.. انا مش عاوزهم يبقوا قلقانين من حاجه يمكن اطلع غلط فالأخر مع اني مش حاسس بكده وعارف انه هيجي وقت الواد ده يعمل حاجه اكبر من كل اللي فات.. فا عشان كده الحوار هيفضل بينا

مصطفى: آمين.
بيدج الفيس بوك بتاعتي سلسبيل احمد.

>>>>>>>>>>>>>>>>>>>>>>>>>>>>>>>>>>>>
' الله اكبر الحمدلله لا إله الا الله استغفر الله '

||في القاهرة | شركة COD | مكتب زياد نصرواي||
- حلو اوي يعني هما دلوقتي هيطلعوا الغردقة لوحدهم في الغردقه؟

= بظبط بس هما معاهم طقم تبع الشركه بس عشان تنظيم المؤتمر طبعا لكن هو وهي المسؤلين ويعتبروا حاليا اهم فردين عند الجيار

- طيب اسمع بقا انا عاوز حد تبعنا هناك يركز لي اوي على البت دي 

= تمام.. بس اشمعنا البنت؟

بص وابتسم بخبث: البنات سهل يضحك عليها.. بعدين دي هتبقي صْربة حلوة اوي ليهم.. دي البنت الوحيده في عيلة الجيار!

- طيب

= ومتنساش.. لمياء تطلع معاكم الغردقه.

- أكيد مفهوم.

>>>>>>>>>>>>>>>>>>>>>>>>>>>>>>>>>>>>
|| فيلا الجيار | مكتب عبدالعزيز ||

- و بكده يا حبيبتي انا وضحت لك كل حاجه تخص وصية سهير جدتك

بصيت له بدموع: هي ازاي سابتلي كل ده وعمرها ما قالت لي! انا حتى معرفش اعمل ايه بالفلوس دي ولا اعرف انها باعت كل حاجه بره

عبدالعزيز: حببتي هي كانت عارفة انكم مش هترجعوا.. وبعدين انا فهمتك.. كل ده لو كانت اتكلمت معاكي فيه كنتي هتقلقي هي بس خافت عليكي.

= طب وحضرتك ليه سكت كل ده

- عشان حتي بعد الفترة دي لما الموضوع اتفتح بتعيطي.. كنت حابب تهدي شوية ويلا بقا عشان فيه كام حاجه هنعملها قومي معايا.

" استغربت فيه ايه ولكن نزلنا وروحنا البنك و أكتشفت ان جدو فاتح لي حساب وحاطط فيه كل فلوسي و مكنش معرفني كل حاجه في وصية تيته ولما سألته تاني بستغراب ليه معرفنيش حتي بفتح الحساب وقت الوصية قالي انه خاف اتسرع و اخد الفلوس دي ارجع اعيش بيها بعيد عنهم.. مكنتش عارفه اقول ايه غير اني حضنته! وقتها "

- انا بحبك اوي يا جدو 
 
=  انا قولت اصالحك برضو وجبتلك حاجه

- انا اساسا مش مضايقه بس حاجه ايه! 

" خرجنا بره و لقيت عربية قدامي لونها ازرق غامق بتلمع حرفيا! " 

= دي هديتك.

- جدو لا متهزرش!

= لا مش بهزر

- بتاعتي !!!! العربية دي بتاعتي ؟؟؟؟

" هز راسه وانا جريت عليها اشوفها بأنبهار !! رجعت حضنته  تاني بقوة  وانا بصوت بحماس "

- انا بحبك اوي يا جدو اوي اوي اوي 

= بتعرفي تسوقي؟ 

- بسوق مش اوي بس هتعلم !

ضحك: ماشي يا فريده اهم حاجه تخلي بالك على نفسك 

" هزيت راسي بفرحه.. روحت وبعدها هو رجع الشركه وبعد ما اليوم الجميل ده خلص كنت قاعده لوحدي في الجنينة والعربية مركونه بعيد عني بشوية وانا عماله ابصلها بفرحه.. زي الأطفال لحد ما لقيت ادهم داخل من البوابة و جاي ناحيتي "

- مبروك يا لمضه

بصيت على العربية: انت كنت عارف صح؟

رد بثقة: انا اللي مختارها معاه

ضحكت: ذوقك وحش

- ماهو باين على السعاده اللي انتي فيها..

= طب ها.. خلصت كل حاجه مفروض انزل معاك الشغل تاني من بكره صح ولا ايه؟

- عندنا سفرية شغل للغردقه

= طب حلو!

- عندي تعليمات

= وانت عارف اني مش بسمع الكلام ابدا

- وانتي عارفه اني ممكن اسيبك هنا

= طب ايه قول

- متفكريش تتحركي خطوة من غيري طبعا مش هتكلم عن الجاردات عشان كده كده دول امر واقع اظن مفهوم

= فات كتير اوي ومحصلش حاجه و الجاردات معانا مجرد منظر ! ما تكلم جدو وخلينا نعيش حياة طبيعيه

- الحياة الحْطر بالنسبالك طبيعيه!؟

= مش حْطر يا ادهم..

- فريده.. انتي بالذات اي حاجه تخصك مش هتهاون فيها

= اشمعنا انا يعني

رد بنفاذ صبر: لأني بخاف عليكي.

بصت له بهدوء: ماشي يا ادهم.. اوكيه 
هسمع الكلام خلاص؟

- روحي نامي هنمشي بكره بدري..

= هنام بس لما نكلم زين! قدامه ربع ساعه ويتصل وكلنا هندخل فيديو كول

ادهم: طيب هغير علطول وانزل.

>>>>>>>>>>>>>>>>>>>>>>>>>>>>>>>>>>>

|| ألمانيا | داخل جامعه ||

- ايه كل ده يا چنى؟

= مانا قولتلك يا زين تعالي اقعد معانا شوية

- مش حابب صحابك

ضحكت: انت لحقت تعرفهم مش حاببهم ليه

= كده.. مليش في الجو بتاعهم

- انت لحد دلوقتي متعرفتش على اي حد

= مش مهم كفاية انتي

ابتسمت: طب كنت بتكتب ايه وريني

" شدت منه النوت بتاعته بشقاوه "

- چنى بطلي تجـ.ـسس هاتيها

ضحكت: بتكتب يوميات زين الجيار؟ ممكن اقراها

وقف مكانه ورفع كتافه: اقريها هترتاحي يعني اقري

" چنى فتحتها.. و زين كان كاتب حاجات عاديه.. بس اتكلم عن مشاعره.. و كان كاتب انه اهله وحشوه.. وانه حاسس انه لوحده.. بس وجود چنى صديقته بيهون عليه شوية "

قفلتها وبصت له: انا كمان مبسوطه انك معايا على فكره.. و كان نفسي من بدري تيجي.. من ساعه لما اتكلمنا اونلاين وبقينا صحاب.. ولما قولت انك عايز تحول سنه دراسية هنا مكنتش مصدقه اني اخيرا هشوفك في الحقيقة كده

ابتسم لها بحب: عموما اني اتعرف عليكي في الحقيقه كده.. دي من اجمل الحاجات الى حصلت لي مؤخرًا.. مع اني عارف ان فيه اختلاف بينا كبير.. بس مازال تمام

= تقصد اختلاف في ايه

- ان انتي طول الوقت هنا متعوده على حاجات معينه.. بس حاجات انا عمري ما هقبلها زي صحابك..

= انا عارفة ان في مصر الوضع مختلف يا زين.. بس انت هنا دلوقتي فا عادي تتقبل ثقافة جديده

- انا مش متربي اغير ثقافتي حسب البلد يا چنى وبعدين انا لوحدي مليش دعوة بيهم

= واللي اقصده انك مش هتفضل منعزل بدون صحاب

زين رد بسرعه: امال اصاحب ناس اشكلها غريبة وبتشرب وبتعمل حاجات غلط؟

چنى فتحت عينيها بدهشه: احنا بنعمل حاجات غلط وبقينا وحشين عشان بنشرب؟؟

- انا مجبتش سيرتك انتي الى خلتيني اتكلم وبتضغطي عليا

= دي غلطتي دلوقتي عشان عاوزاك تصاحب ومتبقاش لوحدك ؟؟؟

- مش غلطتك

= اشمعنا انت قريب مني طالما شايفني غلط

- چنى بلاش نضحك على بعض.. انتي عارفه ان اللي بتعمليه غلط! وحرام

= انا مش مصدقه انك شايفني كده

- انا مش شايفك كده.. انا مش شايفك وحشه!

بصت له بقمه الغضب: امال ايه؟ ليه قربت مني اوي !!! و دلوقتي بتقولي الكلام ده احنا بقالنا سنين نعرف بعض وانت عارف عني كل حاجه وكنت قريب ليا اوي يا  زين وانا كنت بـ..

سكت وهي مضايقه ومش قادره تكمل: انا حقيقي مش عايزه اتكلم

" زين مسك ايدها قبل ما تتحرك "

- چنى! انا بحبك!! 

تعليقات



<>