رواية عيلة الجيار الفصل الخامس عشر15بقلم سلسبيل احمد


رواية عيلة الجيار الفصل الخامس عشر15بقلم سلسبيل احمد

چنى فتحت عينيها بدهشه: احنا بنعمل حاجات غلط وبقينا وحشين عشان بنشرب؟؟

- انا مجبتش سيرتك انتي الى خلتيني اتكلم وبتضغطي عليا

= دي غلطتي دلوقتي عشان عاوزاك تصاحب ومتبقاش لوحدك ؟؟؟

- مش غلطتك

= اشمعنا انت قريب مني طالما شايفني غلط

- چنى بلاش نضحك على بعض.. انتي عارفه ان اللي بتعمليه غلط! وحرام

= انا مش مصدقه انك شايفني كده

- انا مش شايفك كده.. انا مش شايفك وحشه!

بصت له بقمه الغضب: امال ايه؟ ليه قربت مني اوي !!! و دلوقتي بتقولي الكلام ده احنا بقالنا سنين نعرف بعض وانت عارف عني كل حاجه وكنت قريب ليا اوي يا  زين وانا كنت بـ..

سكت وهي مضايقه ومش قادره تكمل: انا حقيقي مش عايزه اتكلم

" زين مسك ايدها قبل ما تتحرك "

- چنى! انا بحبك!! انا بحبك من بدري! ومش عارف اصارحك بـ ده ازاي وكل حاجه هتبقى ضدي ! ومش هيبقى نافع الوضع بينا صعب ! بس في نفس الوقت انا مش قادر اشوفك مع ناس زي دي ولا قادر اشوفك بتعملي حاجه غلط الأول انا كنت في مصر.. بشوف صور ليكي بشوف فيديوهات.. دلوقتي انا بشوف ده قدام عيني ومش قادر اتقبله مش قادر لأني حبيتك.. حاولت كتير اغير ده عشان عارف انك مش هتقبلى حاجات فيا.. ولا حياتنا سوا هتبقى سهله.. بس انا معرفتش

" بصت له وهي دموعها متجمده "

- ولا انا هقدر يا زين الأحسن تفضل بعيد

" سابته ومشيت و زين كان حاسس انه خسرها للأبد  وحتى مش هيفضلوا صحاب.. "

" رجع اوضته وافتكر انه مفروض يتكلم مع فريده والشباب.. لكن هو مكنش قادر.. "

>>>>>>>>>>>>>>>>>>>>>>>>>>>>>>>>>>
|| في القاهرة | اوضة ادهم ||

" كان بيغير التي شيرت بتاعه ولقى موبايله بيرن بص من بعيد ولما شاف انه زين مكملش لبسه ومسك الموبايل رد "

- كنا لسه هنكلمك... وحشتني اوي

زين اتنهد: وانتوا وحشتوني اوي يا أدهم..

= مال صوتك؟؟

- مفيش.. انا بس مرهق شوية ومش هقدر نتكلم دلوقتي معلش اعتذر لهم

= استنى هنا فهمني فيه ايه!

- اتخانقت انا وچنى

= انت وچنى..؟ انتوا بقيتوا سوا؟

" زين سكت فا ادهم اتكلم "

= كنت حاسس انك بتحبها على فكره

- بس هي لاء.. 

= ليه بتقول كده

- عشان قولت لها مشاعري.. ومش حاسس انها بتبادلني ده وحتي لو بتحبني.. كل حاجه صعبه.. انا هركز في اللي جيت عشانه وهحاول اتخطى..

= عليا انا برضو يا معلم!

- مش عارف

= خلاص.. ريح دلوقتي.. ونتكلم بعدين بس خليك عارف انت مين انت زين الجيار ها.. الدوك بتاع العيلة.. و احسن اخ في الدنيا.. و اجمل واحد اعرفه كمان ولو عاوزني اظبط لك عشره غيرها اعمل كده في دقيقة وهيبقوا ألمان كمان

زين ضحك: بس انت نسيت تقول اهم ميزه

ادهم بستغراب: ايه هي

= اني اخو ادهم الجيار بنفسه

" ادهم ضحك عشان زين بيقلده لما كان كل شوية يقوله انت متعرفش انت مين.. انت اخو ادهم الجيار."

- لو ليك نصيب.. هتبقى معاك.. و لو ملكش.. فا هتقابل غيرها واحلي.. وهتحبوا بعض.

>>>>>>>>>>>>>>>>>>>>>>>>>>>>>>>>>>
' اللهم صلِ وسلم وبارك على سيدنا محمد '

|| الجنينة ||

" كانت فريده فاتحه اللاب والفيديو شغال و يوسف و يزن ويونس موجودين "

يوسف: الواد مدخلش ليه

فريده: اصبروا يمكن مشغول

يزن: وفين ادهوم

فريده: بيغير ونازل

يونس: اخبارك ايه مع البسين

فريده: اسكت خالص عندنا سفرية للغردقة يعني مياه من كل اتجاه..

يزن ضحك: فرصة كويسة تتحدي خوفك ومفيش احلي من الغردقة ايه رأيك؟

فريده: اخرص يا يزن !

أدهم نزل على كلمتها و قعد جمبها: مالك بيها ياض؟

يوسف: بتتقل علينا انت و اخوك ليه يا ادهم بيه

ادهم: زين مشغول شوية مش هيعرف يدخل معانا

" فريده بصت لأدهم "

- ازاي!؟ هو كلمك!

يونس: حصل ايه هو تمام يعني

ادهم: ايوه يجماعه مشغول عادي

يزن: ربنا معاه والله..

يوسف: انا مضايق اوي ان بقالنا كتير متقابلناش ولما نيجي نتقابل مش هيبقى معانا

يونس: ربنا يكرمه ويرجع لنا بالسلامه.

" خلصنا الكول وقفلت اللاب وانا 
ببص بنص عين لأدهم وبربع ايدي "

- بتبصيلي كده ليه؟

- خلاص ماشي زين مش مشغول

= اه.. كمل..

- متخانق مع چنى

= چنى!!؟؟ هما ارتبطوا؟

ادهم لاحظ لأنها بتفكر زيه وابتسم: لا.. بس قولتلك انه بيحبها وكنا متراهنين فاكره؟

- والله ايه الثقة دي how did you know that 

= عشان هو اللي قالي بلسانه يا قطه.

فريده بدهشه: ايه؟ كداب! لا احكيلي بقا! هو ازاي اصلا يخبي عليا والله لما اكلمه !

- بعدين دلوقتي لازم ننام عشان السفر بكره.. 

= طيب..

>>>>>>>>>>>>>>>>>>>>>>>>>>>>>>>>>>>
' سبحان الله وبحمده سبحان الله العظيم ' 

|| تاني يوم | في اوضة السفرة ||

عبدالعزيز: مش كان مفروض تتحركوا بليل أفضل؟

فريده: المفروض بس احنا كنا مرهقين جدا

هدى: حد فيكوا كلم زين؟ مش بيرد عليا

ادهم: كلمته امبارح هو مشغول شوية

هدى: المهم انه كويس

عبدالعزيز: البيت هيفضى علينا.. متتأخروش
 انتوا كمان وخالو بالكم من نفسكم

وليد: والحرس يبقوا معاكم علطول فاهمه يافريده

فريده: يوه بقا اشمعنا انا

عبدالعزيز ضحك: محدش بيكرهم غيرك

فريده بهدوء: يا جدو عشان احنا كويسين من غيرهم عادي والله..

عبدالعزيز: ولو انا كده هبقى مطمن اكتر؟ تسمعي الكلام ولا تقلقينا بقا؟

فريده: حاضر يا زيزو

ادهم رفع حاجبه: الاسم ده يخصني

فريده بتمثيل: لا ده بتاعي مش صح ياجدو؟

ادهم: سرقة عيني عينك؟

وليد: انتوا كده هتتأخروا..

" وبعد شوية سمعنا صوت مصطفى بره "

ادهم: طب يلا بينا بقا

" ادهم خرج و سلم على مصطفى كان معاه عربيته وهيتحركوا سوا ورا بعض "

فريده: مينفعش انا كمان اركب عربيتي

ادهم: يلا ياحببتي يلا..

>>>>>>>>>>>>>>>>>>>>>>>>>>>>>>>>>>
' لا إله إلا انت سبحانك اني كنت من الظالمين '

|| ألمانيا | الجامعة ||

" زين كان لوحده تاني يوم و چنى بتتجنبه من وقت كلامهم سوا وهي واخده جنب و زين احترم ده ومحاولش يقرب.. و حس انه فقد الأمل انهم يرجعوا صحاب حتى.. "

" لقى موبايله بيرن وكانت هدى وبعد لما رد عليها شاف رسايل فريده وفضل يضحك "

- بقى كده يا زين تحكي لأدهم قبلي والله اول فرصه اشوفك هضربك واغرقك في البسين لما تكون فاضي كلمني

" فا رن عليها وهي ردت علطول "

- زين !

= وحشتوني والله كلكوا معلش عشان معرفتش اتكلم امبارح

- ازاي بقا تكلم ادهم وانا لا

= حقك عليا ياستي هصالحك اهو

- عاوزاك تحكيلي اللي حصل بقا

" فتحت السبيكر "

- انا فتحت السبيكر وبسمعك انا وادهم ها

زين: يحكيلك هو بقا انا عندي محاضره كمان دقيقة

= والله بتهرب؟

- هكلمك تاني يافيرو والله

= اوكيه.. هستجوب اخوك

" قفلت معاه و وجهت نظري ناحية ادهم "

-  بقولك ايه خليني اركز في الطريق

" فضلت باصه له "

- طب مانا قولتلك متخانقين 
وبيحبها هحكي ايه تاني

فريده بتفكير: انا معايا رقمها..

= فريده لا مش هينفع

بصت له بسرعه: يبقى مخبي حاجه

اتنهد: مش الفكرة.. هو قالها اعترف لها بحبه الذكي

فريده بصدمه: و رفضت؟؟

- مش عارف بيقولي مش بتبادله المشاعر..
وكان باين انه مضايق

فريده بنرفزه: هي تطول اصلا ايه القـ.ـرف ده

= هما فعلا مش شبه بعض.. وهو كان مفروض يبقى عارف ده.. هي حياتها غيرنا عامله زي الاجانب

- مانا كنت كده يا ادهم الموضوع مش صعب

= لا مكنتيش زيها هي عايشة لوحدها منعرفش اصلا مين اهلها ولا ايه حكايتها انتي قعدتي مع اهلك واتربيتي زينا عادي متربتيش زي الأجانب

- انا مصدومه كان باين عليها لطيفة!

= يلا بقا مش مهم

" بقلمي سلسبيل احمد.. بعد فتره نزلوا استراحه فريده دخلت الحمام ومصطفى كان مع ادهم بيشتروا حاجات والجاردات متابعه الكل.. "

مصطفى: انتوا الحرس اللي معاكم دول فخامه.

ادهم: دول بلوه.. كل شوية مشكلة بسبب اننا ماشيين بحراسة ومش كل الاماكن بتوافق تدخلهم

- هي كل ده مشكتش في حاجه؟ ولا حد يعرف موضوع الشركات المنافسة؟

= محدش يعرف غيري بس اصلا جدو مقالش ده صريح هو بس قال انهم امان لينا فريده و زين فاكرين ده بسبب خناقة طارق وكريم وكده.. بس انا الوحيد اللي عارف ان جدو وبابا قلقانين عموما.. وده خلاني اركز حواليا اكتر

مصطفى: متقلقش.. محدش يقدر يعمل معانا حاجه

- انا بس قلقان على زين.. دي الفكرة هو الوحيد اللي بعيد عننا...

= طب وليه الجيار بيه مبعتش معاه حراسه

- زين رفض.. و جدو مش بيحب يجبرنا.. ده غير ان زين شايف انه في امان بره..

= هو منطقي برضو.. بعدين زين مش كتير يعرفوه زيك.. لأنك انت اللي في الوش.. فا متقلقش..

>>>>>>>>>>>>>>>>>>>>>>>>>>>>>>>>>>>
' الله اكبر الحمدلله لا إله الا الله استغفر الله '

|| في الحمام ||

" كانت فريده واقفة بتعدل شعرها و 
قربت منها بنت "

- بعد اذنك

" فريده لفت وشافتها وفضلت تشبه عليها كتير وبتحاول تفتكر شافتها فين قالت اكيد في الكلية مثلا "

= هو انا اعرفك؟

- لا معتقدش.. انا بس كنت عاوزة اقولك في منديل لازق في الشوز بتاعك..

" سابتها و خرجت وفريده بصت على رجلها وشالت المنديل بستغراب وهي بتبص على أثر البنت.. ومش فاكره شافتها فين.. "

" خرجت وبعدين اتحركوا.. "

>>>>>>>>>>>>>>>>>>>>>>>>>>>>>>>>>>>
' اللهم صلِ و سلم على سيدنا محمد '

|| دبي | في مدرسة يزن و يونس ||

- دي بتبص علينا..

يونس بنرفزه: متبصش هو انت عبيـ.ـط

يزن: ليه؟  هبص لها بقـ.ـرف

- يخربيت مخك انت مجنـ.ـون ياض

= خلاص ياعم.. اللحق دي شكلها جايه

يونس بتعجب: احلف

= اجري

- نجري؟

= اه هي دي محتاجه تفكير

" يزن مشي و يونس ملحقش "

- يونس.

" بص لها و اول لما قربت مشافش الدبلة اللي كانت في ايدها "

= ءءء أ ايوه يا چودي؟

- مستر أمير سأل عليك الفترة اللي كنت غايب فيها وكان مضايق لأنك مش بتحضر.. عموما انا معايا الحاجات الى اخدناها وهو بلغنا لما ترجع تبقي راجعت اللي فاتك

" يونس كل ده مركز مع ايدها وسرحان معاها "

- يونس؟

= ايوه بتقولي حاجه؟

" ضحكت وهو سرح اكتر "

-  هه انت بجد بضحكني اوي ركز معايا

بص لها: انا مركز

= طيب.. بعد المدرسه خلينا نصور الورق في المكتبة اللي في اخر الشارع أوكيه 

- أوكيه 

" مشيت و يونس كان تايه وسرحان وفي عالم تاني و يزن واقف جمبه مستنيه يفوق "

- طب ايه؟؟ هتفوق لما تخلف وتجيلك بعيالها

يونس بص لها بعدم وعي وابتسم: مش لابسه الدبلة

= فشكلت؟؟

- مش عارف

= طب هي قالت لك ايه؟

- مش عارف

= اتكلمتوا في ايه كل ده ؟؟؟

- مش فاكر

= يخربيت الهبل انا هعرف بطريقتي انا عندي عيون فكل حته.. خليك انت في عالم ميه المخلل

>>>>>>>>>>>>>>>>>>>>>>>>>>>>>>>>>>
|| الغردقة | بعد مرور 10 ساعات ||

- اوضتك جمبي أهي طبعا داخله خارجه اي خطوه هتخديها تعرفيني اظن واضح يا فريده

= ارحم فريده انت قولت الكلام ده عشرين مره

- عشان لو عملتي غيره يبقى تتحملي اللي هيحصل

فريده بنكش: هيحصل ايه يعني هتخصملي من مصروفي

" نهت كلامها وهي بتضحك بشقاوة و ادهم بص لها وهو بيتنفس "

- ممكن توعديني انك هتسمعي الكلام؟

بصت له بجديه: حاضر.. بوعدك خلاص؟

= خلاص.

" بيدج الفيس بوك بتاعتي سلسبيل احمد.. وبعد ما يادوبك ارتحنا شوية بدأنا تنظيم المؤتمر و قعدنا طول اليوم حرفيا في شغل وضغط.. و دي كانت اوي مره ليا اشتغل بشكل فعلي و رسمي مع أدهم و يبقى ليا قرار و في اخر اليوم بعد ما خلصنا كل حاجه مصطفى خرج و احنا قعدنا كنا قاعدين على البحر و في الحقيقه ده كان طلبي.. كنت عاوزة اقعد على البحر.. وكنت عاوزة ده يحصل و ادهم معايا.. "

- البحر بليل شكله يخوف.. بس بحبه احنا هنعمل ايه بكره صح
= شوف بقا عدم التركيز ما احنا مفروض هنفذ فكرتك وهنعمل بكره برنامج الرحلات مع العملا.

- طب انا عاوزة نبدء برحله للجبل و نركب بيتش باجي وكده وبعدين نقعد في خيم دي هتبقي اجمد حاجه

= ايه الحماس ده كله

- اصلي عمري ما عملتها بره.. عشان بره مفيش صحرا وكنت عاوزة اول لما انزل مصر اطلع الرحلة دي

= يبقي نطلعها.. عشان بس انتي النهارده الحمدلله معملتيش حاجه تجيبي بيها اجلي.

ضحكت: انا بسمع الكلام.. عيب عليك.

= اديني دقيقة بقا هعمل موبايل وأكد على حاجه

"قام يتكلم في الموبايل وانا قعدت وفضلت باصه على البحر وانا سرحانه.. بعدين قربت.. كنت بسمع زمان ان البحر بيتكلم.. وبيقول ذكريات! مفهمتش معني ده غير لما شوفت قدامي كل ذكرياتي مع ماما فجأة افتكرت وانا صغيره وبمشي على الشط عشان خايفه و تيجي فجأة موجه توقعني.. فا تجري عليا بسرعه وهي على وشها ابتسامه دافيه.. وبعدها تفضل تلعب معايا وتخدني بالعوامه الصغيرة معاها..! دي من اجمل ذكرياتي معاها.... حسيت اني بتسحب للذكريات دي بقوة.. زي ما الموجه بتسحب اي حد لعمق البحر وبيدخل عالم تاني.. "

- فريده؟
" لفيت ومسحت دمعه نزلت مني وبصتله "

- مالك حصل ايه!

ابتسمت: مفيش حاجه بس افتكرت حاجه حلوة

قرب وبصلي: حاجه حلوة خلتك تعيطي؟

دموعي نزلت بغزارة مره واحده: عشان هي مبقتش موجوده خلاص

= مامتك؟

" هزيت راسي ونزلتها لتحت وانا مازلت بعيط "

" ادهم قعدني و خلاني ابص له بهدوء "

- بلاش عياط طيب..

"هزيت راسي وانا بمسح عيوني فا طبطب على راسي بأيده زي ما يكون بيلمس طفله "

- انتي عيوطه اوي يا فريده..
= لا انا مش عيوطه..
- ماهو باين اهو
= متبصش عليا طيب
" قرب ومسح عيونها بحنية "
- انا مكنتش خايف اشاركك اللي جوايا.. فا متخافيش اني اشوف اللي جواكي.. او اشوف دموعك مع اني مش عاوزك تعيطي ولا تبقى مضايقه..
" رفعت دماغي وبصيت ناحيته البحر و رجعت ابص له "
- اللي حصل في البول واحنا في الفيلا كان بسبب اني عمري ما نزلت البحر او البول من غير ماما من وقت اللي حصل ده وانا.. مش قادره حاسه بعدم أمان واني لوحدي و في اي لحظه ممكن يحصلي اي حاجه وحشه
ادهم.. انا كمان عندي حاجات كتير جوايا.. عمري ما قدرت اعديها ولا اتقبلها عندي خوف دايم مكنش بيقل 
ادهم طبطب عليها: فريده اهدي.. انا عمري ما هسمح لأي حاجه وحشه تحصلك فاهمه ؟
حاولت ابتسم: متقلقش انا عارفه ده.. انت ناقص تحطني جوه علبة بلاستك
ادهم بص لها بحب: لو ينفع كنت هعملها.
ضحكت: الحمد لله انه مينفعش.. انا اوردي زهقانه
نكش شعرها بأيده: لمضه... تعالي يلا خلينا نروح الاوض ننام
- أوكيه
" روحنا عند الاوض وطبعا هو مستنيني ادخل الأول "
- تفتكر هتحْطف على باب الأوضة
= كل شيء وارد.. يلا ادخلي تصبحي على خير
- وانت من اهله.
>>>>>>>>>>>>>>>>>>>>>>>>>>>>>>>>>>>>
|| ألمانيا | في الجاردن بتاعت السكن ||
" زين كان قاعد بيتغدي بعد لما خلص محاضراته.. و چنى وصلت بعد فتره مع الشلة بتاعتها.. كان بيحاول ميركزش معاهم لحد ما واحد منهم ناول چنى سجـ ـاير ملفوفه.. وقتها زين كان مصدوم وبيحاول يتحكم في اعصابة و عينه جت في عين چنى.. و لكن هي خدتها.. 
وقتها زين انسحب وهو محْنوق اوي.. "

" حوار مترجم " 
-  مبقتيش تتكلمي انتي و صديقك المصري
= لا عادي
- هو لسه مش بيحبنا
= مين قالك انه مش بيحبكم يا روبيرتو؟
- ليه مش بيقعد معانا ونتعرف
= عادي.. هو انطوائي براحته
- بس انتي كنتي بتسبينا كتير وتروحي معاه
چنى بنفي: لا عادي انتوا صحابي من زمان اكيد مش هسيبكم عشان حد جديد مش مهم.
>>>>>>>>>>>>>>>>>>>>>>>>>>>>>>>>>>>>
|| الغردقة | تاني يوم ||
" نزلنا نفطر و الأكل كان جميل ولما خلصنا و بدأنا بقا رحلتنا اتجمعنا و طلعنا في باص وصلنا للمكان الى هنركب منه بيتش باجي بعدين نتحرك بيه في الصحرا..! و طبعا ها قد أتت خناقة جديده.. "

- يابنتي هنركب سوا احسن !

= لا انا عايزه اركب لوحدي !

- يا فريده بطلي عناد انتي اصلا مش بتعرفي

= لا هعرف !

- طب خلينا نركب سوا دلوقتي وبعد شوية نشوف

= اه ده زي العربية كده الى مش بتخليني اسوقها لوحدي برضو!

- فريده احنا هنعجن بعض قدام الاجانب؟

" ضحكت على طريقته الجدية الى مش لايقه على الموقف الهايف ده "

- ماشي بس عارف بقا واحنا راجعين هرجع لوحدي.

= طيب يلا

" طلعنا و ركبت وراه عشان هو راجل مفتري.. وبيحب يمشي كلامه وبدأت رحلتنا.. "

|| في القاهره | فيلا زياد النصراوي ||

" كان واقف بعصبيه بيتكلم في الموبايل "

- انتوا حمـ.ـير !! انا باعت شوية عيال هفأ ولا ايه مش فاهم ؟؟؟

= يا باشا نعمل اي ؟ هو مش بيخليها تتحرك من غيره!
ومعاهم حرس كتير 

- لدرجة ان حتى لمياء مش عارفه تتكلم معاها؟ امال انا باعتكم ليه؟؟ مش عشان تشغلوا الزفت ده بعيد عنها

= طب نعمل ايه سيادتك

- تتصرفوا !!! ابعدوه عنها بأي شكل ! فاهمين؟ دي فرصتنا وهما هناك لو رجعوا القاهره مش هنعرف نعمل حاجه !

= اوامرك يا فندم

قفل الخط ورمي الموبايل: حبة اغبيه !

|| في فيلا عبدالعزيز ||

وليد: ايه ادهم طمنك يا بابا

عبدالعزيز: اه الحمدلله

هدي: هيرجعوا امتى بقا

عبدالعزيز: لسه يا هكى.. المفروض يقضوا اسبوع

هدي: طيب ربنا معاهم و يوفقهم.

" شالت الأطباق وقامت مع الداده و وليد بص لعبدالعزيز "
وليد: حاسس ان حضرتك قلقان مع ان الحرس معاهم
عبدالعزيز: والله مانا عارف يا وليد..
بعد كده تطلع معاهم احسن وانا اتابع الشغل هنا
وليد: اللي تشوفه.

|| في الغردقه | وقت الغروب ||

مصطفى: الجو عالمي.. 

ادهم ميل عليه: بس انا مش مرتاح الشمس بتغيب والدنيا هتبقى كحل هنا

مصطفى: طب ايه؟ نرجع؟

ادهم: اه..

راح عند فريده: انا هقولهم دلوقتي نتحرك

فريده: هنمشي بسرعه كده ليه

بصلها برفعه حاجب: فوقي يا ماما الساعه 5 المغرب واحنا خارجين 10 الصبح بسرعه ايه وبعدين لازم نتحرك قبل ما الشمس تغيب ولا عايزه الديابة تاكلنا

- احنا مفروض نقعد لحد بليل ونخيم

= مش هينفع يافريده

بصتله وضحكت: انت بتخاف ولا ايه

بجديه: لا انا خايف عليكي انتي لو عرسه عدت من جمبك احتمال يغم عليكي

- بعدين معانا أجانب لو واحد اتخدش خطتك هتبوظ ولا ايه 

= لا كله الا خطتي خلاص يلا بينا

" جهزنا عشان نركب وانا بصتله بنص عين وانا قاعده على البيتش باجي لوحدي "

- يا فريده بقا !

= لاااا Nooo هرجع لوحدي خليك قد كلمتك

مصطفى: فيه ايه مالكم

ادهم بزهق: طيب سوقي براحتك وهركب وراكي

= لا يا ادهم لا لا لا

- خليكي فكراها

ضحكت: حاضر يلا

" طلعنا بيهم و كنا ماشين ورا بعض وهو كل شوية يبص عليا محسسني اني طفلة.. و في نص الطريق تقريبا السرعه بتاعت البيتش باجي فضلت تقل لحد ما بقيت في الآخر ومكنتش شايفه ادهم..! وقفت خالص مني! وهما كانوا بيبعدوا واتفاجئت بحد واحد بيقرب وسايق ناحيتي.. "

" ادهم بص وراه مكنش شايفها واتفاجئ راحت فين خلال الثواني دي وكان مخضوض ! "

تعليقات



<>