رواية امانة الغائب الفصل الخامس عشر15بقلم جمانه السعيدي
امل.....التفكير كتلني بين ندمانه وبين اكول هذا القرار الصحيح وحده مثلي بدون سند وين اتروح بهاي الدنيا الصعبه ايجوز زواجي من فيصل انسب حل الوضعي
بليل قفلت الباب عليه ونمت وفيصل نام بلاستقبال
الصراحه بيت عمي عايفني على راحتي محد غصبني على شي
اليوم الي بعده اول مادخل فيصل لكاني منتظرته بلمطبخ
اني متعوده انتظره لمن يرجع من الدوام حتى احضرله الغده حتى من جان يداوم بلمعهد
حتى من ازوج وشتغل ويا عمي
كنت انتظره احضر الغده واغسل ملابسه قبل لا يصعد
الهبه فوك
طبعا اني بعدني بلاسود وحجاب ولا حافه ولا مسويه اي ارتيب بشكلي
دخل فيصل ....هلو امل
امل...هلووو اليوم اتاخرت
فيصل...ولد ويانا بلمستشفى طلب مني شغله وخلصتها اله
ليش انتظريني جان نمتي اني اعرف احضر الغده
امل..شلون انام وانت بعدك ماجاي
فيصل...مو انتي تكعدين من الصبح واني مااريد اتعبج وياي
امل...ماكو اي تعب
فيصل اريد اشوفج شي
امل.. اني واكفه على الطباخ احمي الاكل
جان يوكف بصفي يفتح تليفونه شوفي هذا القاط حلو اجيبه العلاوي
لازم التليفون بايده اليسرا وقرب وكف بصفي
خله ايده اليمنى على ضهري مااعرف اذا كان متقصد او لا بس اول مره يكون هلكد قريب مني
ماكدرت اركز على الصوره كتله اي حلوه لان ارتبكت من
وجوده قريب مني
فيصل....لو هذا الثاني حرك الصوره بلابهام
وايده الثانيه على ضهري حسيت بحراره بجسمي
امل...ااي ااي بكيفك
فيصل...شلون بكيفي انتي اختاري
امل....ثنيينهن حلوات
فيصل...اجيبهن ثنيينهن
امل...لا شدعوه ثنيين عنده ملابس وبعد كم يوم اريد اسجله بلمدرسه واجيبله ملابس مدرسه
تحركت من مكاني وهو نزل ايده
خليت الاكل
فيصل.. تعالي اكلي وياي
امل....اني اتغديت الف عافيه
راح اخدر جاي
فيصل....اخذج ونروح نشتري ملابس مدرسه العلاوي
امل..... وزهراء تفضحنا اذا اشترينا العلاوي وهيه لا
فيصل...اي وزهراء وأم زهراء
امل....لا اني عندي ملابس ما محتاحه
فيصل....بس اني اريد تعوفين الاسود
امل.....اعوف الاسود مااكدر
فيصل...شنو ما تكدرين قابل الاسود يرجع الراح
امل...بعدني ما مستعده
فيصل.....حتلو بلبيت البسي اللوان ومن تطلعين اسود
امل....مااعرف٠
كمل اكل واني اخذت ملابسه اغسلهن
فيصل...امل كعديني بلاربعه لو اخلي منبه ماريد اتعبج
امل...لا اني اكعدك
جمانه السعيدي
امل...ماكدرت انام بقيت احوس لمن صارت الساعه بلاربعه
كعدته
امل..فيصل تكعد
فيصل...اي كعدت
امل...راح اخدر جاي
خدرت جاي بين ماهو غير ملابسه
وطلع
طبعا عمي صار كم شهر طلع تقاعد اصلا هو بهاي الفتره الاخيره مايكدر يروح للحراسه
لان تعبان حيل
المهم رجع فيصل المغرب بس دخل صاح امل
خالتي...بغرفتها
اجا كبل للغرفه لكاني اصلي
كعد على الجربايه ينتظرني
من خلصت التفت علي هلو فيصل
فيصل...تعاي شوفي شنو جبت للجهال
كمت كعدت بصفه على الجربايه
فتح العلاكه وحده ملابس العلي بس يخبلن
امل...الله حلوات
اجا علي بس سمع اسمه ذني اليه حلوات
كرصه فيصل من خده اي الك يابطل
زهراء واني
فيصل...جبتلج بدله
امل...فتح العلاكه بدله ورديه منفوشه تخبل
امل....الله يخبلن ذوقك حلو
بعدين طلع علاكه سوده بيها ورده حمره جبيره
فيصل...وهاي اللج
امل ..اليه اني هز راسه
.استحيت افتح العلاكه وهو كاعد
امل...ليش كلفت نفسك
فيصل.....ماكو اي تكلفه الجهال ما فرحو من زمان
امل...الله يحفظك النا
طلع فيصل نزعت ثوب الصلا وفتحت العلاقه
شلحه ماروني نص ردن صدرها تول ابيض تخبل وعطر نسائي
مااعرف ليش فرحت بهاي الهديه من زمان محد جابلي هديه ولا اهتم بيه
حتى يحيى من جان موجود أقصى شي ينطيني فلوس
لمن اللح علي ويكول روحي اشتري
بس هو يجيبلي شي لا ابد ما مسويها
ضميت ملابس الجهال وطلعت اجهز العشى ويا خالتي
كملنا ونظفت المطبخ
رن تليفون فيصل هبه اتصلت
اول مارفع السماعه
فيصل.... هلو هله شلونج
امل...ماعرف ليش اريد اسمع كل كلمه بينهم فضول
مدري غيره مدري شجاني
بعد ماحجا وياها بنص الكلام كال ااي حبيبي
ضجت ليش ضجت
هيه زوجته وزواجهم عن حب
اني ليش اضوج
بعدين سئلها يمتى ترجعين
رجعت ضجت من جديد
اتخيلت هبه ترجع وفيصل ما يبقى يمنا طول النهار
فيصل.....بعد يومين لو اكثر
زين تمام هاي هيه ديري بالج على نفسج
امل.....ضجت من كلامه ياربي ليش اضوج زوجته
اي زوجته قبلي اروح اسبح احسلي بلكي ابرد شويه
دخلت للحمام طلعت لكيت الجهال ماكووو
فيصل ماخذهم وطالع
جمانه السعيدي
ااي فرصه خل اشوف هديه فيصل حلوه عليه
قفلت الباب ولبستها تخبل
شلون عرف قياسي جاي عليه فيت
بس اني من زمان ماحافه وجهي يراد اروح اغير شويه من شكلي
سمعت صوت فيصل رجع والجهال اجو يدكون بلباب
كبل نزعتها ولبست ثوبي الاسود
دخلو الجهال وهو دخل وراهم شعري بعده مبلل ومفتوح
فيصل...هاج هاي اللج هما اشترو وهاي اللج
امل...شكرا
من زمان وهو يجيبلي ويا حلويات ويعرف اني شنو احب
بس اليوم طعمها غير
كعدنا اني والجهال اكلنا بعدين غسلتلهم وتمددت
مجرد افكر هبه راح ترجع اضوج
بلكت تبقى بعد شلون اذا عرفت احنا ازوجنا
شراح تسوي
ليش شاغله عقلي بهاي الافكار خلاص اني صرت زوجته
ولي يصير خلي يصير
ثاني يوم كعدت متأخره لكيته طالع للدوام من غير ريوك
اتصلت علي
من اول رنه رد عليه
فيصل...هلو صباح الخير
امل...صباح الخير ليش ما كعدتني ليش تطلع بدون ريوك
فيصل.... هنا تريكنا اني وجماعتي ماريد اتعبج حبيبتي
امل...كلمة حبيبتي بقت ترن سكتت
فيصل...اللو امل وين رحتي
امل...وياك وياك هاي اخر مره تطلع بدون ما تكعدني
فيصل...صار لا تزعلين
امل....راح انتظرك على الغده
فيصل... نامي خاف اتأخر
امل...لا شنو انام انتظرك
امل....حضرت الغده ونظفت البيت ودخلت سبحت
ردت البس الثوب الي جابه اليه بس استحيت مااكدر
اطلع كدامه هيج لبست ثوب اسود
ضفرت شعري كصيبه وخليت معطر
بس دخل ابتسمت من شفته
فيصل....هلو اموله
امل...هله بيك
كعد يتغدا ويسولفلي على يومه شلون خلص
امل...اريد اطلب منك طلب
فيصل...كولي
امل...اريد اروح احف وجهي تقبل
فيصل...طبعا اقبل روحي تردين اني اخذج
امل....لا خالتي تروح وياي
فيصل....من تطلعين كعديني عوفي الجهال يمي خاف يضوجوج
امل...اعوف علي يم عمي وزهراء اخذها وياي
فيصل...براحتج
امل....طلع فلوس ونطاني للصالون
امل...عندي فلوس
فيصل....اخذي مني انتي مسؤله مني
امل.. شكرا
طلعنا اني وخالتي شافتني ام الصالون
هاي شكد صارلج ما حافه
امل...اهوووو من زمان
...راح اسوي شمع حتى اطلعين بلباكيت
سويت وجهي شمع وعدلت حواجبي
امل...اريد شعري مدرج على طوله واريد لون طبيعي
كون يلائم وجهي
....تدللين
صبغت شعري احمر ماروني ووجهي طلع يخبل
عبالك شالت طبقه منه
طلعت وحده ثانيه مو امل نفسها
من رجعنا للبيت
بس دخلنا فيصل هله اتاخرتن
خالتي...ازدحام
فيصل...خل اشوف شسويتي
امل.....يمه متت بدمي كدام عمي يكول هيج
عضيت شفتي
فيصل... هااا يله بعدين
طلعت رحت الغرفتي صاح وراي
فيصل....لا اطبخن راح اجيب لفات
طلع واني فتحت شعري مدرج ومشسور يخبل
اللون حلو بشكل
جمانه السعيدي
من رجع فيصل خالتي ااشرتله
خالتي...طلعت تخبل
اجا يمشي على كيف وفتح باب الغرفه
امل....فزيت
فيصل...الله شنو هلجمال
امل...دنكت
فيصل... اي وهيج من زمان ليش هامله نفسج
هسه طلع وجهج
امل.... الله عليك حلو شعري هذا اللون حلو عليه
التفتت حتى يشوف شعري شلون حلو نازل على ضهري
مدرج
قرب وأخذ خصله من شعري وباسها
فيصل...كلش حلو
التفت متفاجئه من تصرفه وبقيت اباوع علي
فيصل....بعد كل أسبوع ترحين للصالون
امل....كل أسبوع اكص شعري
فيصل...لا ممنوع تكصي بس ترتبي
امل.... هيج حلو عليه
فيصل....انتي حلوه مو هو حلو عليج
يله تعالي انتي والجهال نتعشى لايبرد الاكل
امل....يمكن وكعت بلحب بعمري ماجربت شعور الاهتمام
من اي احد وفيصل جاي يهتم بكل التفاصيل
الزغيره بحياتي
لميت شعري
فيصل...لا عوفي هيج حلو
امل....استحي من عمي
فيصل....بس تربطين شعرج افتحه كدام ابوي
امل...ياا عيب هسه شيكول عليه
فيصل...يكول هاي بت اخوي هيج حلوه وماادري
امل...لا الله عليك بس نكمل عشى وبعدين بلغرفه
هنا افتح شعري
ربطت شعري وطلعنا كلنا نتعشى
شعور حلو اول مره احس اني سعيده
من زمان ما حسيت هذا الاحساس توقعت نسيت طعم السعاده
كملنا اكل واني اخذت الجهال غسلتلهم
اجا وراي للمطابخ
قرب وحجا باذني على كيف
فيصل....اريد اشوف الثوب عليج
امل....ابتسمت لا ممنوع
فيصل.....شنو ممنوع اريد اشوف ذوقي حلو لا
امل...حلو يخبل
فيصل.....لا اله اشوفه بعيني يله اصدك
امل....بعدين غير مره
سحب القراصه من شعري وفتح شعري
فيصل....بعد لا تربطين شعرج خلي هيج
