رواية جدو حبيبي مغلبني الفصل الاول1بقلم حياة محمد الجدوي
اللهم صل وسلم وبارك على سيدنا محمد وعلى اله وصحبه اجمعين
البارت الاول
فى فيلا رجل الأعمال ابراهيم البحراوى
دخلت ساره الڤيلا ووراها السواق شايل أكياس كتيره
ساره :حط الأكياس دى هنا وبراحه عشان أقل حاجه منهم بمرتبك شهر
السواق : حاضر يا ساره هانم
ساره : يالا بسرعه وهات باقى الأكياس من العربيه
وبعدها نادت على الخدامه
ساره : عزيزه إنتى يا بنت تعالى
جت الخدامه بسرعه
عزيزه: أيوه يا ساره هانم
ساره : هو البيت ساكت كده ليه فين حامد بيه والأولاد
عزيزه:البيه لسه ما جاش
ساره: والأولاد
عزيزه: لسه ماجوش من النادى
ساره بإحباط: ده أنا جعانه أوى وهاكل لوحدى برضوا . أمرى لله جهزى الغداء على ما اغير هدومى
الخدامه : حالا يا هانم
( ودخلت بسرعه على المطبخ)
قامت ساره وقبل ما تتحرك دخل جوزها حامد وهو بيمشى بسرعه
ساره: كويس إنك جيت عشان نتغدا سوا
حامد : مش فاضي يا ساره أنا جاى اخد الأوراق وشنطة هدومى عشان عندى سفريه مهمه
ساره بإحباط: كده بالسرعه دى طيب مش كنت تعرفنى
حامد وهو بيحط.الهدوم في الشنطه
حامد: وكنتى هتعملى إيه يعنى
ساره : ولا حاجه بس على الاقل ابقى عارفه
سحب حامد الشنطه وهو خارج من الأوضه
حامد: أديكى. عرفتى خدى بالك من الأولاد وأهم حاجه لو حد سألك عنى تقولى كلمه واحده وماتزوديش تقولى ماعرفش
ساره بقلق: يعنى إيه؟ومين هيسأل؟ واقول لمين ؟إنت بتخوفنى ليه استنى بس فهمنى
حامد بزهق: يوه ماتعطلنيش تقولى كده وخلاص . أنا عندى طياره كمان ساعه ومش فاضى يالا سلام
وأخد الشنطه ومشى وسايب ساره مزهوله
بعد شويه دخل أولادها الثلاثة مازن ومروان(توأم عندهم ١٠ سنوات ومرام ٩سنوات
ساره: كويس إنكوا جيتوا تعالوا ناكل سوا
مروان: اكلنا في النادى
ساره بإحباط: ماشي
بعد شهر نزلت ساره من سلم الفيلا وشافت الكارثة كان الأولاد بيلعبوا كره قدم في الصاله وألعاب مرام فى كل مكان
ساره بغضب: إيه الفوضى دى أنا حذرتكم أكتر من مره ممنوع لعب الكره هنا وإنتى يامرام جمعى ألعابك دى
مازن: الجو برد وعايزين نلعب
مرام : أف كل حاجه مرام مرام
ساره : بطلوا اعتراض وبعدين الشغالين.زهقوا من ترتيب الفيلا كل شويه وإنتوا تبهدلوها
مازن: سيبك منها وصد الكره دى
شاط مازن الكره فخبطت في. ڤازه كبيره كسرتها
صرخت ساره : إيه إللى انتوا عملتوه ده عقابا لكم مفيش نادى طول الأسبوع ده ويالا اتفضلوا على اوضتكم يالا عايزه مذاكره ومفيش لعب
مروان: سيبك منها وتعال نلعب بابچى
جريت مرام وراهم : استنوا هلعب معاكم
قعدت ساره على الكرسي بضيق
ساره: مفيش حد بيسمع الكلام مفيش حد بيريحنى وحتى حامد بقالوا شهر مسافر وماتصلش بيا ولا مره وتليفونه دائما مغلق ومش عارفه اعمل ايه بس
وفجأة دخلت عزيزه الخدامه وهى بتجرى
عزيزه: إلحقى يا مدام ساره فيه ظابط شرطه ومعاه عساكر وناس كتير فى الجنينه وعايزيك
ساره: عايزينى أنا؟؟ليه ؟ أنا معملتش حاجه
خرجت ساره فوجدت ناس كتيره فى الجنينه
ساره: حضراتكم جايين هنا ليه أنا معملتش حاجه
الظابط: يا مدام إحنا جايين عشان الأستاذ حامد مرسي
ساره: حامد جوزى مسافر من شهر
الظابط : للأسف استاذ حامد اخد قروض كتيره من البنوك واتأخر كتير فى تسديد القروض دى والبنك معاه حكم قضائي بالحجز على ممتلكاته
ساره بصدمه: أنا ..أنا ...معرفش أى حاجه عن شغله وعمره ما قالى إنه عنده مشاكل في الشغل وعمره ما قالى عن القروض
الظابط: حتى لو ماتعرفيش ده مايمنعش حكم قضائي وأنا جاى عشان أحجز على كل الأملاك
ساره بتوهان : يعنى إنت حجزت على الشركه
الظابط: أيوه وأنا جاى احجز على الڤيلا وباقى الأملاك
ساره: بس الڤيلا دى بتاعتى بإسمى
الظابط: لكنه زوجة المتهم وطبيعى يكتب بعض الأملاك بإسمك عشان كده هنحجز عليها
ساره: لأ دى مش بتاعت حامد دى بتاعتى انا ورثتها عن بابا الله يرحمه يعنى مش من حقك تحجز عليها
الظابط: الأمور دى تناقشيها مع المحامي بتاعك أما دلوقتي سيبينى اقوم بشغلى
( وبدأ في إجراءات الحجز على الڤيلا)
فى مكتب صبحى المحامى
الاستاذ صبحى: أيوه يا مدام أنا اطلعت على ملفات القضيه للأسف المبلغ إللى سحبه حامد بيه من البنوك كبير جدا وللأسف دخل فكام صفقه خسرانه بسببها اتعثر في دفع أقساط القروض
ساره : طيب ليه يحجزوا على ڤيلتى
الاستاذ صبحى: لأن الشركه ماتكفيش المبلغ عشان كده حجزوا على الڤيلا وجمدوا كل ارصدت حامد بيه وكل أرصدتك
ساره: إزاى مش كل الفلوس بتاعت حامد فيه فلوسى ميراثى عن بابا وعن ماما الله يرحمهم
الأستاذ صبحى: للأسف تم تجميد كل الأرصدة بس أنا هحاول اثبت ده وساعتها نقدر نفك الحجز على الڤيلا بس الموضوع هياخد شويه وقت
ساره: وأنا هعيش أنا وأولادى فين وهصرف وإزاى لحد ما تقدر تثبيت وتفك الحجز عن بيتى وفلوسى
الأستاذ صبحى: بصراحه يا مدام فيه حاجه لك وصلت لى وبصراحه مش عارف أوصلها لك إزاى
ساره: مالك متوتر كده ليه قول يا استاذ ماهو مش هيبقى اسوء من إللى أنا فيه
فتح درج المكتب وخرج ورقه وقدمها لها
الاستاذ صبحى: بصراحه يا مدام الورقه دى وصلت للڤيلا بتاعتك وأنا استلمتها بصفتى المحامى بتاعك
أخدت ساره الورقة وقرأتها وبعدها قعدت تضحك بصوت عالى ولحظات واتحول الضحك لبكاء
ساره وهى بتبكى : الندل الجبان بعت ورقة طلاقى ببحسب إنه كده قطع كل علاقته بينا طيب وأنا وأولاده هنعيش إزاى وفين بعد ما البنك ما حجز على كل حاجه دي الفلوس اللي معايا مش هتعمل حاجه لا هتكفى إيجار بيت ولا مدارس طيب هعمل ايه وهتصرف إزاى
&&&&ـ&&&&&&&&&&&&&
موقف وحش اوي اللى فيه ساره يا ترى هتروح فين وهتعمل إيه