رواية جميلة وادم الفصل الاول1بقلم ايلول احمد
_جميـــــــله
قومي يلا هتتاخري يابنتي.
فتحت نص عين وانا بقول.
_حاضر يا ماماا
قايمه اهوو.
قمت اخدت شاور وصليت
وقرات اذكار الصباح
وطلعت لي احلى حاجه عندي في الدنيا
_مامي حبيبتي
_طب يلا يا متأخّرة
جميله دي اخر سنه في الكليه بلاش لعب وعاوزه مذاكره.
ضحكت.
_ماماا.. انا مش صغيره على فكره
عمومآ حاضر يا ستي.
كانت ماسكه علبه في اديها فقولت.
_اي دي؟
بصتلي بحب وقالت.
_السندوتشات ياروحي.
قولت بيأس.
_مامااا.
رد عليا بحزم.
_جميله.. ولا حرف
هتاخديها وكمان هتاكليها
كلها!
_كلها كلها؟
ردت وهي بتتريق عليا.
_لا نصها نصها.
ضحكنا.
_حاضر ياستي
اللي تشوفيه يا هنووون.
_طب يلا يا بكاشه
هتتاخري والدكتور هيطردك من المحاضره.
قولت وانا بلم في حاجتي.
_لاا. وعلى اي
الطيب احسن.
_خلي بالك من نفسك.
_حاضر.
_وكلي السندوتشات.
افتكرت فضحكت.
_حاضر.
احنا الاتنين في نفس واحد.
_ولو حد كلمك بالبكس وفوشه.
_ولو حد كلمك بالبكس وفوشه.
_حفظت والله يا هنون
سبيني امشي بقى.
_طب يلا ياختي.
بعتلها بوسه في الهوا.
_سلام يا احلى هنون.
نزلت بسرعه
ركبت العربيه وطياره على الجامعه.
اول ما دخلت
لقيت صحابي جاين، وشكل كده
الدكتور مجاااش.
فريده: اي التأخير ده كله يابت؟
_معلش يا فيرو والله صحيت بالعافيه.
ليلى: طب يلا ياختي على المحاضره.
_نعم هو الدكتور جه؟
_امال انتي فاكره اي.
_احم احنا كمان متاخرين زيك يا حلوه.
سكت شويه وبعدها انفجرنا ضحك احنا التلاته.
_جت الحزينه تفرح ملقتلهاش مطرح.
_ايوه ايوه اقعدي اندبي كده.
_طب يلا يا حلوه منك ليها.
وصلنا قدام القاعه
وخايفين نخش
عمالين نبص لبعض عشان اي واحده فينا تخش الاول
بس مفيش حد اتحرك
فدخلت انا.
_طق طق طق.
الدكتور الغتت فتح
اتصمرنا مكانا
وكل واحده ابتسمت بتوتر.
_اتفضلو.
كان صوته هادي
يعني مش متعصب؟
دي غريبه دي.
_هو الدكتور سخن؟
قولت وانا لسه مش مستوعبه.
_فريده
الراجل ده مش طبيعي.
_عندك حق بجد
يلا يلا ادخلو.
دخلنا المدرج
وهو كان بيشرح، وبجد شرحه تحفه.
خلصت المحاضره وجينا طالعين
حصل اللي كان متوقع للاسف.
_جميلة، فريده، ليلى
على المكتب.
قولت من تحت ضرسي.
_ااتقفشنا يا لطفي.
ردت عليا ليلى.
_اانشف يا وحش
ده التقيل لسه وراا.
_يلا يا حلوه منك ليها
احسن ده هدؤه ده مش مطمني خالص.
دخلنا المكتب
وكان قاعد بيقلب في الورق.
قال بكل هدؤ.
_لازم نحط حد لموضوع التأخير ده
عشان المره الجايه.
رفع ورقه قدام عيونا. هيبقى في رفض.
_رفض؟
_رفض؟
_رفض؟
هو اتجنن ده ولا اي.
_هو ده اللي عندي
اتفضلو.
طلعنا من المكتب
كان دمي بيغلي من كمية البرود دي.
_فريده انا بجد مبقتش قادره على المعامله دي
انا بجد مش عارفه انتو ازاي اخواات؟
_اهدي يا جميله
هو بس بيقول كده عشان منتأخرش.
قالت ليلى وهي بتفك التوتر ده.
_اي يا جماعه ما انتو عارفين ادم وعمايله
مش جديده ياعني.
_ااه ما انتو مستريحين
ده يبقى اخوكي
وانتي تبقى بنت عمه
انا همشي قبل ما اتجلط.
ضحكنا انا وفريده على الهبله دي.
_جميله
اول مره احب اشوفك متعصبه.
اتعصبت اكتر.
_وده لي ان شاءلله؟
قالت فريده.
_عندها حق
شكلك بيبقى كيوت اوي
ويفطس ضحك.
قعدو يضحكو جامد
لحد ما ضحكت معاهم.
>>>>>>>><<<<<<<<<<<<
||في الكافتريا||
_بنااات هتطلبو اي؟
قالت فريده.
_اانا ايس كوفي.
وقالت ليلى.
_وانا نسكافيه لاتيه.
_اشطا، وانا قهوة.
بعد شويه جه الطلب.
_بنات ثانيه وجايه.
_على فين يا جميله.
_هصور كام ورقه وجايه.
_ااشطا.
طلعت من الكافتريا، عشان اروح المكتبه
بعد ما خلصت لقيت حد بينادي عليا.
_يا جميله.
لفيت
وقولت بنفاد صبر.
_عاوز اي يا كريم.
ابتسامه جانبية ظهرت على شفايفه.
_عاوزك يا بطل.
ضربته بالبكس فى وشه وقولت بتحذير.
_لو فكرت بس تقربلي
انا مش هحلك، وانت عارف انا ممكن اقدر اعمل اي.
حسس مكان الضربه بوجع.
_االلي يشوفك من بعيد يقول
كيوته، لكن الشخصيه مش شخصيه بنت خالص.
قولت بقرف.
_دي بس مع الاشكال اللي شبهك،اتفو.
بصلي بغضب.
_اانا سكتلك كتير اوي
وهيجي يوم الحساب يا جوجو
وقريب اوي.
_ااعلى ما فخيالك اركبه
ولا تقدر تعمل حاجه.
_هنشوف يا قلبي هنشوف.
خلصت وروحت لي البنات.
_اانا بقول كفايا كده
يلا مراوييح.
ضحكو عليا.
_بقولك اي انا هاجي معاكي.
_فيرو هتيجي بجد؟
قالت ليلى.
_ااخص عليكي، هتروحي من غيري.
ضحكنا.
_خلاص تعالو انتو الاتنين.
قالو هم الاتنين
_يلا بينا.
طلعنا عشان نركب العربيه
بس كان الكوتش نايم.
_يوه ما مش وقتها خالص.
_طب مش مشكله
تعالي ناخد تكسي.
_اانا على اخر الزمن اركب تكسي؟
بصينا انا وفريده لي ليلى بقرف.
_وحياة امك
يلا يا بت يا فريده نركب احنا وخليها هي
تيجي مشي.
_جرى اي يابنات
ما انتو كنتو ماشين حلو امال.
ضحكت.
_قلبت على طول على حقيقتها.
_يلا يابت قدامي.
وقفنا تكس
وركبنا احنا التلاته، عدى شويه لحد ما لقيته بيخش شارع غير شارعنا
وكان الشارع مهجور.
_مش ده الشـ..
مكملتش كلامي ولقيت اللي رش في وشنا
مخدر، كنت بحاول افتح الشباك بس كان مقفول
لحد ما البنات وقفو مقاومه، وانا كنت خلاص بغيب عن الوعي
لحد ما عيوني اتقفلو، واستسلمت للنوم.
