رواية جميلة وادم الفصل الثاني2بقلم ايلول احمد
_ها يوسف لقيت حاجه.
جاله صوت يوسف بأسف.
_انا بجد دورت في كل حته
وبردو ملهمش اثر.
_احنا لازم نعرف جميله دي عندها اعداء ولا لا.
_طب ما نروح نسأل مامتها.
قال بالهفه.
_انت عارف العنوان؟
_اه كنت وصلت ليلى هناك مره، هبعتهولك ولو قريب منه
اسبقني وانا هحصلك.
_تمام، مستني اهو.
بعد دقايق كان اللوكيشن وصل لي ادم
وكان قريب منها اوي، فماخدش كتير وكان وصل.
_الو يا يوسف
الدور الكام؟
_الدور الرابع ياصحبي، انا داخل عليك اهو.
_تمام.
قفلت السكه واتجه للسلم
وقف قدام الشقه الرابعه وهو نفسه متقطع من الجري على السلم.
خبط لحد ما الباب اتفتح بسرعه.
_جميله انتـ..
مين حضرتك؟
_انا عارف انك قلقانه على بنت حضرتك
وانا هنا عشان اعرف اي حاجه توصلني ليهم.
قالت برجاء.
_قول عاوز تعرف اي وانا اعرفهولك
بس ونبي جبلي بنتي.
_هي جميله ليها اعداء
يعني في حد مستنياي فرصه عشان يأذيها؟
ساد الصمت لثواني
لحد ما قالت الام متذكره.
_ايوه ايوه.
اتعدل ادم في قعدته بهتمام.
_ابن خالها عملها مشاكل قبل كده كتير
ومتوعدلها من اخر مره ضربته فيها.
_طب متعرفيش اي مكان ممكن ياخد فيه البنات؟
_بص... هو في مكان انا شاكه فيه.
_اي هو اي معلومه ممكن تفيدنا ف اتكلمي بسرعه.
_طيب
هو عنده مزرعه في الحي التاني
كان اسمها اي يا بت يا هنا اسمهااا ايي..
اه ال القاسم.
قال وهو بيطمن مدام هنا.
_تمام متقلقيش انا هلاقيهم
بنتك هتبات في حضنك انهارده متخاقيش.
_تسلم يبني، وان شاءلله هتلاقيهم.
طلع من الشقه طيران على العربيه
كان يوسف وصل.
_ادم تعالى معايا.
ركب ادم في عربيته ووجه مكان ما قالتله ام جميله.
>>>>>>>>>>>>>>>><<<<<<<<<<<<
_بلاش تتهوري يا جميله.
ضيقت عيني
وبتسمت بشر.
_خايفه يا بطه، انت اللي زيك لو ماتو هيرتاحو
فانا مش عاوزاك تموت.
فرح عُمر اوي فضحكت عليه انا والبنات
المغفل.
_متفرحش اوي كده
انا عاوزاك تعيش عشان افش فيك غلي كل ما ابقى متدايقه
وبالمره البنات معايا ابسط يا عم.
_اظن انه هيعملها خلاص يا جميله.
_وانا كمان حاسه كده.
ضحكنا تاني.
_لو عاوز تعيش تعالى راجل لي راجل
ومش هنا.. برا
وسيب القطط اللي معاك دول على جمب.
_لا وواثقه من نفسها اوي.
_انت عارف اني قد اي حاجه
ولو انا كسبت هنمشي من غير شوشره
ولو انت كسبت هعمل اي حاجه انت عاوزها.
_وانا موافق.
وجه كلامه للرجاله.
_وانتو
اجازه من دلوقتي، روحو عالجو الجروح دي يا هلافيت.
الرجاله مشيو، وطلعت انا وهو والبنات بره المخزن
وكانت ارض واسعه على طريق
والوقت متأخر يعني بليل.
ليلى وفريده وقفو على جمب لحد ما اتاكدو ان الرجاله مشيو
وانا وقفت قدام عُمر عشان نبدأ.
_يلا يا وحش ولا خايف.
اول ما قرب مني لفحته ضربة راس
جابته الارض، احم انا اه بنوته بس جعفر اللي جايه بحبه عشان بيطلع في الوقت الصح.
_لالا متمسحش دلوقتي عشان لسه هتنذف كتير.
قاملي تاني ولسه هيضرب بس جت في الهواء وانا ضربته في جمبه.
>>>>>>>>>>>>>>>><<<<<<<<<<<<
||على الطريق السريع|في عربية يوسف||
قلت بخوف.
_لسه بدري ولا اي؟
_خلاص اهو يا ادم متقلقش ان شاءلله هيبقو بخير.
_اان شاءلله.
>>>>>>>>>>>>>><<<<<<<<<<
||نرجع لي حلبة المصارعه دي||
كانو البنات قاعدين على الارض بعد ما عملو دائره حوالين
عُمر وجميله
وعُمر حرفيآ كان وشه راح في داهيه
ده غير جمبه اللي هينفجر.
قالت ليلى باعجاب.
_انا اول مره اعرف انها شاطره وقويه اوي كده.
ردت عليها فريده بحب.
_جميله ممكن تعمل اي حاجه عشان اللي بتحبهم
ميتأذوش، عشان كده هي بتخاطر على طول.
_عندك حق، يلا نشجع.
_جميله.. جميله جميله.
صفرت فريده.
_يلا يا ليلووو.
كنت انا متعوره فوق حاجبي وواخده ضربه في جمبي
اما هو كان مضروب في كل حته
عاوزه اقولكم ان عُمر بعد العلقه اللي اخدهت فوق
مش فايق ولا قادر
اما غير كده كانت هتبقى مصارعه بجد.
_اانشف يلا كده امال.
_حسابك معايا بيتقل يا جميله.
ضحكت.
_يبني ده انا مدياك فرصه اهو عشان نصفي الحساب ده
لكن شكلك كده مش هتقدر.
فجأه لقيته بيقف وهو بيقول.
_اهلا اهلا بصديقي.
بصيت ورايا وكان كريم!
_اي ده يسطا انت هببت اي من غير ما تقولي؟
قولت بقرف.
_اه لايقين على بعض بصراحه.
قال كريم بشهوه.
_بصراحه انا مكنتش اعرف انه.. هيخطف القمر ده
.. وجه كلامه لي عُمر..
بس طلعت سوسه وعاوز تلهف كله لوحدك.
_الهف؟
انت صدقت نفسك ياض!
انت مجرد واحد شغال عندي زيك زي اي واحد هنا.
اتصدم كريم وشوفت ده في عيونه.
_اااه عندك حق انا اللي غلطان بصراحه
فكرتك صاحب، بس طلعت غدار
وانا اتعلمت منك،ودي بنت منطقتي ولو قربت منها هقتلك يا عُمر.
ضحك عمر ببرود واستمتاع في نفس الوقت.
_عاوز تاخدها؟
خدها معنديش مانع.
صوت انا خلاص مبقاش عندي ذرة صبر واحده.
_بااااااس، اي انتو اتجننتو
فاكريني لعبه؟
هتحركوني زي ما انتو عاوزين
كفايا كده بقى وسيبوني في حالي.
قرب مني كريم وكان هيمسك ايدي
بس بضربه سريعه مني وقعته على الارض.
_لو فكرتو تقربو مني او من حد يخصني
هزعلكو وجامد اوي.
لقيت فريده بتقول.
_ادم.
ببص مكان ما جريت هي وليلى
كان دكتور ادم وواحد كمان معاه.
_اانتو كويسين.
وجه نظرو ليا، وبعدها لي الهطل اللي ورايا
ولسه هيقرب مني لقيت مطوه اتحطت على رقبتي.
قولت بصوت مخنوق ومتقطع.
_ادم.. الحقني!
