رواية الطريق للقلب الجزء الثاني2من الوحش الفصل السادس عشر16بقلم حنان احمد ماهر
ـ إيه اللي جايبك عندنا يا إبن راكان
ـ والله يا عمي انا مش جاي ل حضرتك أنا جاي أخد مراتي وامشي
اتكلم غيث بسخرية ـ وهو أنت مين سمحلك إنك تخادها
ـ انا سمحت لنفسي
قالها ليث ببرود وهو بيرفع كتفه بلا مبالاة
ـ يا ابو استفزازك يا شيخ
قالها غيث بنفاذ صبر منه وكمل ـ بصفتك مين إن شاء الله
ـ معلش يا عمي انا عارف أن كبر السن بيعمل اكتر من كده اكيد بس حابب افكرك أنها مراتي
ـ تصدق بالله
ـ ونعمة بالله
ـ انا استاهل ضرب الجزم اني جوزتهالك
ـ متقولش كده بس يا عمي كده او كده كنت هتجوزها يعني
ـ بعدم رضايه
قالها غيث بزهول وهو بيشاور على نفسه
هز ليث رأسه بتأكيد ـ الله ينور ...بعدم رضاك
قام غيث من مكانه بعد ما خلاص طفح الكيل منه ومسكه من ياقة قميصه ـ تصدق يلا إنك محتاج تتربى تاني ...شكل راكان مكنش فاضي ...انا فاضيلك اهو
نزلت على السلم وانا شايفه بابا ماسك في ليث ومتعصب وليث عمال يعصبه اكتر ببروده
ضربت على جبيني بخفه ونزلت بسرعه علشان افك بينهم
مسكت أيد بابا وانا بشده من عليه ـ خلاص يا بابا سيبه بقى
ـ انا هطلقك من الواد ده
ـ ليه بس كده
بعد عنه وقال ـ ليه بس ايه ...ده واد مش متربي
ـ طب هي تفهم إيه بقى كده يا عمي ...ما كنت تسيب عدم التربية ده بيني وبينك أحسن
بصيت ل ليث بغضب ـ ممكن تسكت أنت خالص
ـ غالي والطلب رخيص يا سنيوريتا
بصيت ل بابا تاني ـ خلاص حقك عليا أنا يا حبيبي ملكش دعوه بيه بقى
ـ هو جاي ليه وأنتِ عرفتيني إنك هتخرجي معاه
ـ يا بابا ماهو طبيعي إمبارح كان كتب الكتاب اكيد هنخرج انهارده يعني
جت ماما على صوتنا ـ جرا ايه يا غيث ما تسيب العيال في حالهم بقى
ـ كنتي فين يا حماتي من بدري ده مبهدلني
بصيت عليه بغيظ ـ يا بني هو مش قولتلك تسكت
ـ ويسكت ليه بقى يا ست ياسمين مش عيب لما تقولي لِ جوزك كده
ـ وهو ايه اللي عيبه ... أنتِ مقولتيش ليا كده قبل كده
قالها بابا بسخرية
ضحكت عليه انا وليث
راح بص علينا بغيظ
مسك ليث أيدي ـ طب اسيبك انا بقى تحلوا مشكالكم مع بعض وانا هحل انا ومراتي مشاكلنا
واخدني وخرجنا
وقفني فجأة قبل ما نروح عند العربية
بصيت له باستغراب
راح شدني لحضنه وهو بيدفن وشه في كتفي
ضمته ليا وانا ببتسم بكسوف
خرج من حضني وهو مازال محوطني ـ وحشتيني
أبتسمت ـ لحقت
ـ شوفي أنتِ وحشاني دلوقتي
ـ بلاش بقى الشويتين دول هتيجي بعد الجواز تزهق وتبقى عايز تسيب البيت وتمشي
ـ طب نتجوز بس و هوريكي مش هسيبه ازاي
ضحكت ـ طب سيبني بقى وخلينا نمشي من هنا بابا لو شافنا هيطلع عليك القديم والجديد
اتكلم بغيظ ـ هو أنتِ ليه محسساني اني شقطك لقدر الله يعني ... أنتِ مراتي
ـ طب ما انا عارفه ما اختلفناش بس بابا بيغير عليا
ـ يعني انا مبغيرش !؟
قالها برفع حاجب
ـ من ابويا يا ليث
اتكلم بسخرية ـ لأ من وجودك معاهم وانا لأ يا قلب ليث
ضحكت ـ طب سيبني بقى
ـ مش لما تصبحي عليا
رفعت حاجبي بإستغراب ـ ليه هو أنا مصبحتش
ـ تؤ
قالها بإبتسامة تسلية
ـ والله!!
ـ والله
ـ بس انا فاكره اني صبحت
ـ بس انا مش فاكر
نفخت بنفاذ صبر ـ متنجز يا ليث عايز ايه
شاورلي على خده
ضربته على صدره بغيظ ـ تصدق بابا معاه حق أنت مش متربي
مسك أيدي ـ مش عيب لما تقولي لجوزك كده يا ست ياسمين
ـ مش لما هو يبطل قلة أدب
ـ طب ايه رأيك مش هسيبك غير لما اخدها
ـ طب إيه رأيك أن انا هصوت والمهم عليك
ـ جربي
قالها بابتسامة ممزوجة ببعض البرود
ـ بارد
قُلتها بغيظ منه
ـ ماعنديش مانع نفضل واقفين كده العمر كله على فكره
قربت منه بسرعة وبوسته وبعدها بعدت وانا بتلفت بشوف حد شافنا ولا لأ
بصيلي بضيق ـ على فكره محستهاش
ـ مش مهم سيبني بقى
ـ أنا مش فاهم أنتِ خايفه من ايه
ـ من ابويا يطلع يكسر دماغك دلوقتي
ـ الله يخربيت كده يا بنتي جوزك وربنا
ـ يلا بقى يا ليث
ـ مع انها معجبتنيش بس يلا
ـ معلش تعالى على نفسك شويه
ـ ده انا اجي عليها شويتين مش شويه بس
ضحكت عليه وهو مسك أيدي وروحنا ناحية العربيه
عند رحمة وغيث
ـ إيه يا سي غيث أنا كنت بسكتك زمان لما بتيجي تتكلم ولا إيه
ـ لأ أبداً انا قلت كده
ـ وأبو كده يا غيث
ـ إيه ناسيه يا قلب غيث ده أنتِ كنتي مربيالي الرعب
ـ ليه كنت بطفي في قفاك السجاير
ـ كنتي محرمه عليا اشوف حد غيرك
قالها بإبتسامة جميله
ـ ومازالت على فكره
ـ طب ما انا مش شايف اهو
ـ اهو كده احسن ...اتلم
قالتها بتحذير وهو ضحك عليها
---------------------------------------
ـ صباح الخير على نجمة النهار
أبتسمت بعدها لفيتله بجدية ـ عايز ايه على الصبح يا عُمير
ـ الناس بتقول على صبح صباح الخير يا قلب عُمير
ـ عُمير أحترم نفسك
قُلتها بتحذير منه
ـ والله انا كده في اقسى احترامي متعرفيش لما ببقى قليل الادب بعمل إيه
ـ تصدق إنك قليل الادب بصحيح
ـ عيب يا نجمتي ... أنتِ رقيقه متقوليش الحاجات دي
ـ مين قالك كده
ـ متربيه في حواري دبي عايزاني أفهم إيه
ـ بس مصريه أباً عن جد يا حبيبي
ـ قلب حبيبيك
قالها بغمزة
ـ أووووف منك ..انا إيه اللي موقفني معاك بس يا ربي
ـ قلبك يا جميل
سيبته ومشيت وانا عماله أضحك زي المجنونه من أفعاله دي
----------------------------------
في مكان أشبه ما يكون مهجور
ـ لسه بدري يا سيادة الدكتورة
أبتسمت ونزلت من العربية وقلعت نضارتي
ـ والله ده أقل حاجه عندي لو مش عاجبك شوف حد تاني غيري يا سيادة الرائد
ـ حاولت بس ملقتش زيك والله
أبتسمت ـ يبقى تستنى بقى
ـ استنى مستناش ليه
دخلت وبدأت شغلي
قلعت الجلافز ـ الجريمة دي محصلتش إمبارح
ـ ازاي والتعليمات جايه لي انهاردة
ـ زي ما بقولك كده بقالها أسبوع
بعدها قمت وبصيت على المكان بتفحص ـ كمان مش ده المكان اللي حصلت في الجريمة ... اعتقد اللي عمل كده جاب الجث.ة إمبارح
وزع نظره على المكان بعدها بصلي ـ يبقى هنحتاجك فترة كده
أبتسمت ـ وأنا تحت أمر سيادة الرائد
بص على العساكر اللي معاه لقه الكل مشغول قرب مني ونزل لمستوايا ـ ده سيادة الرائد ملوش أمر تحت امرك أبدا
أبتسمت ونزلت عيوني لتحت ـ على فكره أسر هيعمل منك بطاطس محمره على اللي بتقوله ده
عدل وقفته ـ ميقدرش
رفعت نظري ليه ـ متثقش اوي كده
ـ لأ أثق ونص ... علشان سيادة الدكتورة هتبقى حرم سيادة الرائد قريب اوي
برقت بصدمة من اللي قاله وهو ضحك وراح يدي الأوامر للعساكر
حطيت أيدي على قلبي يمكن أقدر اهدي من ضرباته
ـ يخربيت اللخبطه اللي عملتها فيا يا شيخ
------------------------------------------
ـ راكان
ـ حياته
أبتسمت و روحت قربت منه
اتنفست بهدوء وهو متابعني بعينه لحد ما أتكلمت ـ أنا خايفة
مسك أيدي وخدني وقعدنا ـ من إيه
ـ من الشخص ده ...راكان انا مش حمل اني اخسرك ولا أخسر حد من عيالي خالص
ـ وهو ده ولا أول ولا آخر شخص يهددني يعني
ـ لأ يا راكان مش أول ولا آخر شخص بس كمان ده شخص قدر إنه يدخل قصرك ويهدد بناتنا فيه
ـ بس مقدرش يعمل حاجه ولا هيقدر
ـ بس قلبي مش مطمن
ـ عيب لما تقولي كده وانا معاكي ......طول ما انا معاكي متاخفيش أبدا
ـ أنت مصدر اماني وعارف كده كويس انا خايفه عليكم افهمني
ـ وأنا مش عايزك تخافي مافيش حاجه هتحصل لينا وده وعد
حضنته وانا بدفن نفسي اكتر في حضنه وهو ضمني ليه
ـ ربنا يديمك نعمة في حياتي يارب يا راكان
ـ ويديمك ليا يارب يا حيات راكان
---------------------------------
ـ ديما شغلنا كصحافه نعرف اللي بيحصل عن المشاهير بس طبعاً سيادتك انحزتي لعيلتك ونسيتي شغلك خالص
ـ والله يا أمينه انا عارفه شغلي كويس ...وشغلنا كصحافه مش أن إحنا نجبر الناس أنهم يحكوا مشاكلهم خالص
ـ إيه اللي بتقوليه ده ....ده شغلنا أصلا
ـ دي قلة ذوق مش شغل خالص
ـ لارا احترمي نفسك
قربت منها وبصيتلها من فوق لتحت وأتكلمت بتشنج ـ إيه زعلانه اوي أن حبيب القلب زعلان ...طب ما كان لازم جوزي يوقفه عند حده وده اللي هيحصل بعد كده لو تجاوز حدوده مع أي حد من عيلتنا اتمنى تكوني فهمتي قصدي إيه....لو مدايقه اوي روحي وطبطبي عليه مش تيجي تتعصبي على خلق الله بدون السبب ....وده اخر إنذار ليكي علشان تبقي تعرفي أنتِ بتتكلمي مع مين كويس
وبصيت للي واقفين وقُلت بحديه ـ كل واحد على شغله ...يلا
-------------------------------
ـ تمام كده يا شباب...كده المحاضره خلصت اشوفكم المحاضره الجايه إن شاء الله
ـ أسيل استني عايزك
بعد ما المدرج فضي قربت منها ـ نعناعتي أخبارها إيه
أبتسمت وبعدت نظري عنه ـ المفروض أنا اللي اسأل السؤال ده ....لقيته ياسمين ولا عملتوا ايه
ـ لقينها وكتبوا الكتاب كمان
بصيتله بصدمة ـ أنت بتتكلم بجد
ضحك ـ اه والله
ـ طب ليه عَملت كده من الأول ده مش هزار
ـ لأ ماهو مش ياسمين اللي بتهزر الهزار البايخ ده
كشرت بضيق
نزل لمستوايا ـ على فكره ياسمين اختي في رضاعة
اتوترت ورجعت لورا وانا بغير الموضوع ـ طب ليه عملت كده
ـ في شخص أو بلاش شخص هو كائن رخم بيراقبنا ومفكر إنه ممكن يقدر علينا ف هدد ياسمين إنه يقتل ليث لو مرفضتش الجواز وطبعاً الهبله علشان بتحبه سمعت كلامه
ـ على فكره هي كده مش هبله ...الحب مش أهبل هي اكيد هتخاف عليه ده حبيب فؤادها
قرب خطوة مني ـ وده معناه إنه لو حصل كده معانا هتعملي كده
رجعت خطوة لورا وقلت بتوتر ـ يعني ...أحم
وقف مكانه وقال بتكشيره ـ هي محتاجه تفكير يعني
وقفت مكاني ـ لأ طبعاً... أكيد هعمل اللي عملته
أبتسم بخبث ـ معنى كده إني حبيب فؤادك مش كده
غمضت عيني لوهلة لما لقيته بيرواغني في الكلام علشان يوصل للمبتغاه
فتحت عيوني لقيته قصادي مباشرةً اتخضيت ورجعت لورا
راح اتكلم ـ كان نفسي اتأكد من مشاعرك وأنه مش عايزه تتجوزيني وخلاص.. لأ علشان قلبك دق نفس الدقه اللي دقها قلبي ....مش أكتر....بعد بكره هاجي أنا وأهلي علشان نطلب إيدك واه عايزك تستخيري كده اليومين دول وتفكري علشان انا عايز أعمل كتب كتاب على طول ومش هستنى نعمل خطوبة والكلام ده انا مش محتاج أعرفك أنا عايزك ليا انهاردة قبل بكره يا وصية الرسول
صلوا عليه 🫵🏻🥰