رواية عاصفة النسور(فريق النسور)
الفصل الرابع والعشرون24
بقلم جمال المصري
بسم الله نبدأ
أسامه: يقترب من محمود وبيحضنه حمد لله بسلامه يا بطل
محمود: الله يسلمك يا ابني
أسامه: انا فعلا سعيد اني عندي فريق زيكم انا فخور بيكم
محمود: احنا اللي سعداء ان ربنا عز وجل ادانا الفرصه اننا نخدم بلدنا واهلنا
أسامه: طول ما فيه شباب زيكم مستحيل اي قوه تقدر او تفكر تلمس مصر
محمود: احنا كلنا فداء مصر يا فندم
نجلاء: بعد ما بتخلص المرور بترجع عشان تطمن علي أمل بتخبط وبتفتح الباب وبتدخل اخبارك ايه يا أمل
أمل: الحمد لله يا دكتور بخير
نجلاء: الحمد لله بس بلاش دكتوره دي ولا مش حابه نكون اصحاب
أمل: ده شرف ليا
نجلاء: يبقا بلاش دكتوره دي ولا ايه رايك يا نجاة
نجاة: معاكي حق واحنا قريبين في السن يا نجلاء
نجلاء: ايوه كده انا لسه ناقله هنا جديد وما عنديش اصحاب غير ليلي وهي علي طول في الشغل
أمل: من دلوقتي احنا اخواتك وان شاء الله هنكون معاكي علي طول
نجلاء: ان شاء الله يا حبيبتي قوليلي بقا هتسمي القمر ده ايه
أمل: لما يجي احمد هو اللي هيسميه
تليفون أمل بيرن بتمسك التليفون وبتلاقي احمد جوزها هو اللي بيرن
أمل: الو
أحمد: عامله ايه يا حبيبتي
أمل: الحمد لله بخير انا وابنك
أحمد: الحمد لله انا جاي علي المستشفي محتاجه حاجه اجيبه معايا
أمل: سلامتك يا حبيبي نجاة ونجلاء مش مخليني محتاجه حاجه
أحمد: ربنا يقدرني ونرد جميلهم
أمل: يارب يا حبيبي
ضياء: يلا يا فريق النسور علي المستشفي ده اول مولود في الفريق ولازم نعمله تشريفه ملوكي
محمود: انتو روحوا وانا هغير هدومي واحصلكم
ضياء: ما تتاخرش
محمود: لا هشوف محل ملابس واشتري لبس بدل اللي اتبل من المياه ده
ضياء: تمام يا قائد يلا يا شباب
الفريق بيروح علي المستشفي وهما طايرين من الفرح وبيوصلوا عند باب الغرفه وبيخبطوا علي الباب وكانهم فرقه موسيقي
نجاة: البشوات وصلوا
ضياء: بيفتح الباب وبيدخل مصطفي
ضياء: مصطفي
مصطفي: افندم
ضياء: غمي عيون احمد ودخله
مصطفي: تمام يا فندم علم وجاري التنفيذ
مصطفي بيحط ايديه علي عيون احمد وبيدخله الغرفه براحه لحد ما بيوقف قدام أمل وأمل بتشيل الطفل والفرحه مسيطره علي الجميع واول ما مصطفي ما بيشيل ايده عن عيون احمد وبيفتح عينه وبيشوف ابنه بيسمي بسم الله وبيشيله وهو بيبوسه حمدلله بسلامتك
أمل: الله يسلمك يا احمد
نجاة: يلا قول هتسميه ايه
أحمد: محمود
نجاة: الله الله علي اسم النقيب محمود
أحمد: بالظبط كده
نجاة: امال هو فين
ضياء: جاي ورانا
نجلاء: يعني هو بخير
ضياء: اه وهيبقا بخير اكتر لما يدبس هو في العزومه
نجاة: قصدك
ضياء: بالظبط كده طول ما احمد سما القمر ده علي اسمه يبقا العزومه عنده ولا ايه يا شباب
الفريق: تمام يا فندم
أحمد: لا العزومه دي عندي انا
ضياء: بتعارض الامر العسكري يا رقيب احمد
أحمد: بيبتسم لا يا فندم
ضياء: عبد الرحمن
عبد الرحمن: افندم
ضياء: اول ما يوصل النقيب محمود بلغني
عبد الرحمن: تمام يا فندم وطلع بره
ضياء: حمدلله بسلامه يا مدام أمل
أمل: الله يسلمك وانا مش عارفه اشكركم ازاي انت ونجاة
ضياء: ما فيش داعي للشكر احنا اهل
أحمد: شكرا يا فندم
ضياء: انتو ما فيش علي لسانكم غير الكلمه دي غيروا
عبد الرحمن: بيدخل بسرعه وصل يا فندم
ضياء: الكل يسكت وبيطفي النور
محمود: بيخبط مره واتنين وبيفتح الباب وبيلاقي الدنيا ضلمه انا شكلي غلطت في الغرفه وبيبص في الرقم لا هي امال فين الفريق وبيدخل
ضياء: بيقفل الباب
عبد الرحمن: بيشغل النور والفريق كله حمدلله بسلامه يا قائد
محمود: اول ما الباب اتقفل ولسه هيسحب المسدس كان عبد الرحمن فتح النور ومحمود شال ايده عن المسدس انتو عايزيني اموت بسكته قلبيه
ضياء: مبروك يا غالي بقي عندنا محمود تاني غيرك
محمود: مش فاهم بتتكلم علي ايه
ضياء: بعد اذنك يا مدام أمل وبياخد الولد وبيقترب من محمود اتفضل اللواء محمود
محمود: بسم الله ما شاء الله ربنا يحفظه ويحميه
عبدالرحمن: بيقرب وبيبص علي الولد اللهم صلي علي سيدنا محمد الواد قمر زي ابوه وكمان اسمه علي اسمك يا قائد
محمود: ده كتير يا احمد
أحمد: بعد كل اللي بتعمله يا فندم ما فيش حاجه كتيره عليك وبتمنا من ربنا محمود ابني يكون بشجاعتك ووطنيتك وهو اتولد وقت ما انت رجعت من الموت
محمود: يتربا في عزك يا ابو محمود
مصطفي: بيحط ايده علي بطنه مش هينفع حاف كده يا فندم
محمود: بيبتسم عايز ايه يا دارش
مصطفي: عايزين عزومه يا قائد
نجاة: بصراحه يا محمود الفريق اتفق عليك واحنا معاهم
محمود: بقا كده وانا بقول ايه الاستقبال الحافل ده وانت معاهم يا ابو محمود
أحمد: بيبتسم انا ما اقدرش اخالف اوامر النقيب ضياء
محمود: تمام امري لله وينظر لضياء وانا عارف انك انت ورا العزومه دي وهعديها عشان نجاة بس والايام بينا يا ضياء باشا
نجلاء: تقترب من ليلي عايزاكي
ليلي: بعد ازنكم
نجلاء: مش هتبطلي ما ترديش علي التليفون
ليلي: والله غصبن عني يا نوجا اوقات كتير مش بقدر ارد
نجلاء: ايه اللي حصل لمحمود
ليلي: محمود ماله ما اهو زي الفل
نجلاء: انتي فهماني بلاش لف ودوران
ليلي: نوجا يا حبيبتي ما ينفعش اقولك اي حاجه عن شغلنا او المهمات اللي بنتكلف بيها
نجلاء: بس احنا صحاب
ليلي: انتي اكتر من اختي لكن السريه اهم حاجه في شغلنا ياريت تفهميني
نجلاء: فهمتك يا لولو بس انا عايزه اطمن
ليلي: هو حصل ولا ايه
نجلاء: ايه هو اللي حصل
ليلي: نوجا مش عليا يا قلبي احنا فاهمين بعض
نجلاء: لا انتي دماغك راحت بعيد خالص انا بس عندي فضول اعرف
ليلي: بتبتسم فضول ماشي يا نوجا برحتك يا جميل هتروحي مني فين
نجلاء: يلا بينا ندخلهم
ليلي: بتمسك ايدها يعني مش هتقوليلي
نجلاء: بتضحك دي اسرار يا لولو ما ينفعش حد يعرفها
ليلي: بقا كده بتردهالي
نجلاء: يلا يا قلبي
وبيدخلوا والكل بيهزر وبيضحك ومبسوطين كانهم اخوات مش اصدقاء وبيتفقوا علي العزومه بعد اسبوع عشان أمل تكون كويسه وخلال الاسبوع ده محمود بيروح لعايده ويطمن عليها وعايده بتعزمه هو ونجلاء وبيروحوا سوا
محمود: طالع من شقته بيلاقي نجلاء طالعه مساء الخير يا نجلاء
نجلاء: مساء النور
محمود: كويس انك ما تاخرتيش
نجلاء: انا جاهزه من بدري
محمود: طيب يلا عشان ما نتاخرش
نجلاء: يلا
وبينزلوا سوا وبيروحوا عند عايده اللي بترحب بيهم ونجلاء بتدخل المطبخ مع عايده عشان تجهز الاكل ومحمود بيقعد قدام التليفزيون ونجلاء بتبدأ تحط الاكل علي السفره ومحمود بيقوم وبيساعدها وبعد الاكل عايده بتقوم عشان تعمل الشاي لكن نجلاء بتقوم هي تعمل الشاي
عايده: والله نجلاء دي بنت حلال مصفي
محمود: فعلا طيبه وجدعه ربنا يسعدها
عايده: يعني عجباك
محمود: قصدك ايه يا ماما
عايده: انت دلوقتي ابني وعايزه اطمن عليك
محمود: انا بخير وبعد رحمه مستحيل افكر اتجوز
عايده: لا كده حرام عليك نفسك انت لسه صغير والحياه قدامك وانا شايفه ان نجلاء مايله ليك وبصراحه من اول ما شوفتها دخلت قلبي
محمود: لو سمحتي يا ماما ممكن نقفل الكلام في الموضوع ده
عايده: حاضر بس عشان خاطري فكر
نجلاء: بتدخل وهي شايله صينية الشاي اتفضلوا الشاي وبعد الشاي بيدردشوا شويه ومحمود بياخد نجلاء وبيروحوا وكل واحد منهم بيدخل شقته ونجلاء بتحس ان محمود متغير طول الطريق ساكت وما قالش ولا كلمه وتاني يوم بيكون معاد العزومه ومحمود بياخد نجلاء معاه وضياء بياخد نجاة واحمد وامل والفريق كله بيتجمع في المطعم وبيطلبوا الاكل
ضياء: بصراحه الاكل يجنن والاجمل اني مش هدفع حاجه كلي يا نجاة مش حارمك من حاجه
نجاة: بتبتسم اهو بالك المهم خلي بالك من صاحبك لحسن يخلع ونغسل احنا الصحون هنا
محمود: مشكلتك انك كشفاني يا نجاة
ضياء: كريم انت ومحمد عنيكم ما تنزلش عن القائد مفهوم
كريم ومحمد: مفهوم
عبد الرحمن: مصطفي
مصطفي: مش بيرد
عبد الرحمن: انت علي طول مفجوع كده
مصطفي: وانت علي طول رخم كده مش بتهنيني علي لقمه اكلها
عبد الرحمن: انا خايف عليك يا صاحبي الاكل يطبق علي نفسك وتموت مننا
مصطفي: لا ما تخافش انا لو اكلت عجل مش هيطبق علي نفسي خاف انت علي نفسك
سامح: انا هتجنن واعرف الاكل اللي بتاكله بيروح فين
ليلي: ما فيه ناس مطرح ما يسري يمري وفيه ناس زي العرسه تاكل وتنسي وبتضحك والكل بيضحك اما مصطفي ولا كأنه سامع حاجه وبياكل وبس مش مركز غير في الاكل وبعد ما بيخلصوا اكل وبيتكلموا بيقوموا عشان يروحوا ومحمود بياخد نجلاء معاه
نجلاء: وهي في العربيه محمود من امبارح لما كنا عند طنط عايده وانت متغير هو فيه حاجه
محمود: لا ولا حاجه وسكت شويه وقال في نفسه لازم احط النقط علي الحروف عشان نجلاء ما تتعشمش في حاجه
نجلاء: انت سرحت في ايه
محمود: بصراحه ماما عايده عايزه تجوزني وانا مستحيل افكر في الموضوع ده بعد مراتي الله يرحمها
نجلاء: شكلك كنت بتحبها اوي
محمود: حب ما فيش حد حبه لحد قبل كده كانت كل حياتي ولحد دلوقتي معايا وكل ليله بحلم بيها بكون في قمة السعاده ومش عايز اصحي من النوم
نجلاء: بصراحه قليل اوي لما تلاقي حد بيحب للدرجه دي ربنا يرحمها ويكتبلك اللي فيه الخير ليك
محمود: يارب ويسعدك وانتي ما فيش حد في حياتك
نجلاء: لا انا كل حياتي لشغلي وبس