رواية عاصفة النسور(فريق النسور)
الفصل الخامس والعشرون25
بقلم جمال المصري
بسم الله الذي لا إله إلا هو الحي القيوم
محمود .. ربنا يوفقك وتحققي كل احلامك
نجلاء .. وانت كمان تحقق كل احلامك يارب
.. وبيوصله وبيدخله العماره وكل واحد بيدخل شقته واول نجلاء ما بتدخل الشقه بتقفل الباب وتستند ظهرها علي الباب وهي بتنزل بالراحه لحد ما بتقعد علي الارض والدموع بتنزل من عينيها وهي بتقول بصوت مخلوط بالبكاء انا اللي غلطت لما سمحت لنفسي اتعلق بمحمود طول عمري وحياتي مقفوله عليا وكنت سعيده ومبسوطه واول ما احب يكون حب من طرف واحد اااااه يا قلبي وبتمسح دموعها وبتوقف من النهارده مش هيكون في حياتي غير شغلي وبس اما محمود بيدخل الشقه وبيغير هدومه وبينام علي السرير ونجلاء شاغله كل تفكيره وبيتقلب علي السرير وهو بيحاول يطلعها من دماغه لكن مش قادر وهو عارف انه بيحبها لكن حاسس اني ده خيانه لرحمه مراته اللي ماتت بسببه عشان كده كان بيحاول يكابر وما يعترفش حتي بينه وبين نفسه بحبه لنجلاء اللي كان كل يوم بيزيد اكتر من الاول ومن اليوم ده والعلاقه بدات تتغير ما بين محمود ونجلاء كل واحد فيهم بداء يتحكم في مشاعره ويخفيها وما بقاش بينهم غير صباح الخير مساء الخير ولو فيه عزومه ممكن يروحه سواء والفريق كل فتره كان بيقوم بعمليه جديده والاستخبارات العالميه بتحاول تمسك اي خيط يوصلها للفريق اللي بينفذ العمليات دي لكن الزعيم كان بيحاول يرصد خطوات محمود عشان يعرف اي السر ان كل عمليه يظهر فيها محمود ويوقفها زي عملية تفجير الكنيسه والسياره المفخخه وعمليات تانيه كتير حصل بعد كده لكن كان واضح ان الزعيم بيخطط لحاجه وحاجه كبيره كمان وعدت ايام وسنين وبعد مرور #عشر_سنوات وفي الوقت ده محمود كان مركز في شغله وبس ونجلاء حضرت ماجستير وبتستعد لمناقشة الدكتوره ومحمود وضياء اترقو من نقيب لرائد لمقدم وليلي رائد والفريق مع كل عمليه بينفذها كان يقربه اكتر من بعض والمهام بتكون اخطر لكن بايمانهم بالله ووحدتهم كانوا بيعملوا المستحيل عشان يخدمه دينهم و وطنهم ..
نجلاء .. طالعه من شقتها
محمود .. لابس لبس الجيش وطالع صباح الخير
نجلاء .. صباح النور هتتاخر المره دي
محمود .. ما انتي عارفه طبيعة شغلنا ملناش مواعيد ليه خير فيه حاجه
نجلاء .. هناقش رسالة الدكتوراه يوم الخميس وانت عارف انا ماليش حد هنا وكنت حابه اشوفكم كلكم جنبي
محمود .. ده خبر حلو الف مبروك
نجلاء .. الله يبارك فيك
محمود .. ان شاء الله هنكون جنبك
نجلاء .. شكرآ ليك
محمود .. ما فيش داعي للشكر انتي اخت عزيزه
نجلاء .. تسلم بعد اذنك عشان هتاخر علي المستشفي
محمود .. انا هروح لضياء عشان اخده معايا يعني المستشفي في سكتي اتفضلي معايا اوصلك
نجلاء .. مش عايزه اتعبك
محمود .. ما فيش تعب ولا حاجه
.. بينزله من العماره وبيركبه السياره سوا ومحمود بيتحرك بالسياره وبتكون في عربيه وراه محمود بياخد باله وبعد ما بيوصل نجلاء وبيتاكد ان العربيه لسا وراه بيرن علي ضياء ..
ضياء .. انا جاهز ومستنيك
محمود .. انزل تحت وانا هركن بعد العماره بشويه فيه عربيه ماشيه ورايا لونها اسود رقم اللوحه #ه_ع_غ_٧_٨_٩ اول ما توقف امسك اللي راكبها
ضياء .. تمام يا صاحبي
نجاة .. في ايه يا ضياء
ضياء .. ما فيش حاجه
نجاة .. ده انا حفظاك فيه ايه
ضياء .. عربيه بتراقب محمود خليكي هنا وبينزل جري
نجاة .. بتوقف في الشباك استرها يارب
محمود .. بيعدي بعد العماره وبيوقف والسياره اللي وراه بتوقف بعيد عنه
ضياء .. بيتحرك من وره السياره ويقترب من الباب ولسا هيفتح الباب
السواق .. شاف ضياء وهو جاي من وراه السياره وداس بنزين بقوه وتحرك
ضياء .. جري وراه
محمود .. اتحرك بالعربيه
ضياء .. جري ناحيت محمود وركب جنبه
محمود .. اتحرك باقصي سرعه وراء السياره
السواق .. بيرن علي الزعيم
الزعيم .. عملت ايه
السواق .. بعتلك صورة البنت اللي ركبت معاه وكل التفصيل عنها بس للاسف هو اكتشف اني براقبه وبالوقت هو ورايا
الزعيم .. عارف هتعمل ايه
السواق .. روحي فداك يا زعيم
الزعيم .. مراتك وولادك هيكونه تحت رعايتي
السواق .. بيقفل الخط وبيطلع الخط من التليفون وبيرمي الخط وبيفتح خاتم في ايده بيكون فيه سم وبيبلعه ودقايق والسياره بتخبط في شجره
محمود .. ببوقف جنب السياره وبيسحب المسدس وبيقرب منه
السواق .. بتكون راسه علي الدركسيون
محمود .. بيرفع راسه من علي الدركسيون
ضياء .. ايه مات
محمود .. انتحر بالسم
ضياء .. بتقول ايه
محمود .. بقولك اخد سم بص علي الريم اللي طالع من بقه
ضياء .. ده شكله مش واحد عادي ده مدرب تدريب عالي واللي زي دول في حالة كشفهم بينتحره علي طول وغالبآ ده مش مصري
محمود .. كلامك صح شكله بيشتغل لتنظيم او جهه استخباراتية
ضياء .. لازم نبلغ اللواء اسامه بكل اللي حصل
محمود .. اكيد يا ضياء انا هبلغه وانت اتصل بالاستخبارات يجو ياخدواه ممكن يعرفه يوصلوا لحاجه
ضياء .. تمام يا صاحبي
.. وساعه والاستخبارات وصلت واخدت السواق وبعد تحقيق ورفع البصمات الارهابي مالهوش اي ملف وبعد التحري اتضح انه دخل مصر بطريقه غير شرعيه ومحمود وضياء وصله الكتيبه ..
اسامه .. بيكون واقف قدام المكتب
محمود .. يقترب منه و بيديله التحيه العسكريه
اسامه .. حمدالله لله بالسلامه
ضياء ومحمود .. الله يسلمك يا فندم
محمود .. الاستخبارات بلغتك بحاجه
اسامه .. الارهابي دخل البلد بطريقه غير شرعيه وما لوش اي بيانات يعني بموته كل حاجه انتهت
محمود .. ما احنا لازم نعرف مين دول وعايزين مننا ايه
اسامه .. انت لازم تفتح عينيك الايام الجايه
محمود .. ما تقلقش عليا يا فندم
اسامه .. هنوقف تحرك الفريق لحد ما نعرف الارهابي ده بيعمل لصالح مين
محمود .. وهو ده هدفهم عايزينا نوقف
اسامه .. انا ما عنديش استعداد اخاطر بالفريق يا محمود مفهوم
محمود .. مفهوم يا فندم
اسامه .. ضياء اجمع الفريق وهتتحركة فورآ هتاخده فرقة متفرقعات في البحر الاحمر لمدة اسبوع
ضياء .. تمام يا فندم
اسامه .. محمود تعالى معايه
محمود .. تمام يا فندم
اسامه .. انا عارف ان النهارده كان يوم طويل ومن الصبح لحد دلوقت اكيد ما كلتش حاجه هناكل لقمه مع بعض وبعد كده تنزل اجازه لمدة اسبوع وان شاء الله في الاسبوع ده نوصل مين اللي وراه الارهابي ده
محمود .. الف هنا يا فندم انا حاسس بقلق ولازم ارجع شقتي
اسامه .. زي ما تحب وهنبقا علي اتصال علي طول
محمود .. تمام يا فندم
.. نجلاء بتخلص شغلها وبترجع علي شقتها وبتفتح الباب واول ما بتدخل بتحس بحد من وراها بيحط منديل في مخدر علي وشها وبتفقد وعيها وبتوقع علي الارض ..