رواية ماوراء النصيب الفصل الثامن والعشرون28بقلم دانيا

           

رواية ماوراء النصيب الفصل الثامن والعشرون28بقلم دانيا

صلوا على النبي......
قاعدين في الحوش على اعصابنا عمتي فاطمه دي خلاص هبطت قلت لماما ليلى دي ما حاله دي نحن لازم نتصرف نودي عمتي فاطمه المستشفى لأنها تعبانه شديد قالت لي عاد يابتي البنسوي غلبنا كدي اتصلي تاني لمعتز دا شوفيهو حصل عليهم شنو قلت ليها طيب... شلت التلفون اتصلت لمعتز مابرد تاني رجعت اتصلت برضو ما رد قلت ليها ما رد لي مرت خالو قالت لينا خلاص انا وبناتي نسوق فاطمه نوديها المستشفى عشان انتي يانوادر بتي تقيله التعب الكتير مابنفع معاك. 

امي ليلى قالت ليها خلاص كويس يا ندى وابقن اضربن لينا بعد تصلن ونحن لو الجماعه ديل جو بنضرب ليكن نكلمكن، ، قالت لبتها تمني امشي جوا جيبي القروش من الدولاب،  بت خالهم قالت لأختها ورح نجيب ركشه مشن جابن الركشه وجن صحينا عمتي فاطمه قلنا ليها قومي امشي معاهن المستشفى فتحت عيونها ببطء وقالت بصوت شبه مسموع "مريم مريم بتي وينا جيبو لي بتي مادايره مستشفى انا " امي ليلى قالت ليها ماتقولي كدا يافطومه انتي لازم تمشي المستشفى عشان تتعالجي ومريم بترجع بإذن الله معتز فات يفتشها خالتو ندى مسكتها من كتفها ورفعتها براحه قومتها من السرير وهي لسه بس بتنادي بإسم مريم سندنها طلعنها برا ركبنها الركشه وانا وماما ليلى وتمني مشينا معاهم للباب لمن ركبو الركشه قلت ليهم خلو التلفون جنبكم وطمنونا عليها ونحن لو في حاجه بندق ليكم. 

كل شويه اشيل اتصل لمعتز وهو مابرد واشوف الساعه لقيتها عامله واحدة صباحا... اتصلت على ناس خالتو ندى اطمئن على عمتي فاطمه قالت لي هسي كويسه لكن رقدوها ضغطها انخفض مركبين ليها درب وفي فحوصات لسه نتائجهم ما طلعت منتظرنها هي حالياً نايمه ماعارفين دا تأثير المرض او الدواء ربنا يرجع ليها بتها بالسلامة اها وانتوا مافي خبر عنهم ؟قلت ليها لسه والله معتز زاتو بقى مابرد .

قمت على إنقباضات فظيعه في بطني فتحت عيوني لقيت امي ليلى قاعده في الكرسي الجنب السرير ونايمه كوركت ليها قامت مخلوعه قالت لي بسم الله بسم الله يابتي في شنو مريم؟ مسكت في السرير قوي من شدة الوجع... هي طوالي قامت على حيلها وقالت لي بسم الله يابتي نوادر مايكون جاك وجع ولادة انتي زمن لسه ،، هي بتتكلم وماسكاني من كتفي وانا قلبني الرد وموعي نازله مطر بقت تهدي فيني قلت ليها اتصلي لمعتز. 

شالت التلفون من جيبي وصحت تمني راقدة في السرير الجنبي قالت ليها كدي اتصلي لناس خالك شوفيهم وين وهي اتصلت في تلفون معتز مافي رد... تمني قالت ليها خالي رد قالت ليها جيبي التلفون دا ادتو ليها قالت ليهو انتوا وين يااخوي من امبارح بنتصل ليكم لا انتوا ولا معتز مافي زول فيكم برد بقول الحاصل شنو وهسي دا آذانالفجر؛ فطومه تعبت شديد والضغط قام عليها إلا ودنها ناس ندى المستشفى واتنومت هناك وهسي هنا نوادر بتتوجع للولادة يااخوي قول لمعتز دا يخلي اي حاجه يجيني في البيت انا براي بقيت ماقادرة اتصرف اعمل شنو قال ليها لا حول ولا قوة إلا بالله اهدي واسمعي كلامي دا ياليلى انتي معاكي منو في البيت قالت ليهو معاي تمني بس، ، قال ليها نحن حاليا بعاد لكن اضربي لياسمين تكلم ابوها يجي يسوقن المستشفى بالعربيه هسي دي قالت ليهو كويس لكن انتوا حصل معاكم شنو؟  قبل تتم كلامها قفل الخط. 

وقفت محتارة وقالت لا إله إلا الله محمد رسول الله،  ربنا يحفظن ويجمعنا كلنا لا فاقدين ولا مفقودين... ادت التلفون لتمني قالت ليها اضربي لياسمين شالتو ضربت ليها كلمتها شوية والعربيه جات وقفت قدام الباب لقونا جاهزين طلعنا ياسمين سندتني لمن ركبت في العربية وقعدت جنبي وماما ليلى قعدت جنبي بالإتجاه التاني وتمني ركبت قدام... كم دقيقه ووصلنا المستشفى اول ما نزلنا كان في زحمة عربات وعساكر برا. 

عند ياسمين:
اول ما وصلنا المستشفى استلمو نوادر مننا دخلوها للولادة وكتبوا لينا روشته شلتها ومشيت وديها لأبوي تحت في الإستقبال إلا اشوف خال معتز واقف وجنبو معتز شابك يديه في راسو وبهزهز في رجليه وبتمتم بكلمات من بعيد مافهمتها لكن سمعت خالو بقول ليهو استغفر يازول الموت دا مايومو واحد كلنا بنموت انت ما مؤمن !! انا هنا حيلي كلو مات
تعليقات



<>