رواية امانة الغائب الفصل الثالث3بقلم جمانه السعيد
امل..... بعده عمي فوك يحجي على يحيى
دخل فيصل راجع من المدرسه
فيصل... هلو امل شلونج مبروك
امل... الله يبارك بيك
فيصل...شكو اسمع صوت ابوي ليش عصبي
امل...مااعرف
فيصل... شوفي جبتلج حلويات
امل...اليه
فيصل...اي اللج يوميه راح اجيبلج حلويات من مصرفي
امل.... شلون تنطيني مصرفك
فيصل... فدوه اللج اني ماصظكت صارت عدنا جنه بلبيت
امل....شكرا
فيصل....شنو الغده
امل...دجاج وتمن
فيصل....وين امي
امل...صعدت فوك ورا عمي لان صار عصبي
فيصل...وهو ليش عصبي خاف يحيى زعلج بشي
امل....لا مازعلني
فيصل...احجي الصدك اذا زعلج اني اصعد اتعارك ويا
امل....لا مازعلني
فيصل...تمام اغير ملابسي حتى نتغده
دخل فيصل للغرفه شويه ونزل عمي وخالتي من فوك
امل...عمو احضر الغده
عمي...اي حضري
امل....حضرت المواعين وخالتي صبت الاكل
طلع فيصل كعدنا ناكل ويحيى ما نزل من فوك
عمي....امل بويه اصعدي خل يحيى ينزل يتغدا
خالتي.... يحيى حتى ريوك ما متريك
عمي...ومنو لازمه ماينزل شنو نروح نتوسل بي
امل...صعدت فوك اقدم رجل وااخر رجل خايفه من ردت فعله بعد ما عمي تعارك ويااا
فتحت باب الغرفه لكيته مدد على الجربايه
امل...عمي يكول خل ينزل يتغدا
من سمع صوتي طفر من الجربايه ولزمني من ركبتي
يحيى...انتي شكلتي حيوانه
امل...ولله ماكلت شي خالتي شافتك نايم بلكاع
اخ عوفني راح اموت
يحيى...تسوين فضل موتي خل اخلص منج
اذا حجيتي شي الاهلي ااي شي اموتج خلاص
فهمتي لو لا اذا سئلوج كولي كلشي تمام
امل...عوفني راح اموت
عافني كمت اكح اختنكت
نزل يحيى قبلي واني بقيت شويه ونزلت
لكيته يغسل كعدت بصف خالتي
بس مااكدر اكل ضجت شنو يعاملني هيج صح اني
جايه من بيت فقير
بس اهلي ابد مجانو ياذوني لو يغلطون عليه
لو احجي العمي اله يكسر راسه بس ماريد مشاكل
ماكدرت ااكل
كمت خليت القوري على النار وغسلت ا الجدوره
جمانه السعيدي
عمي....ام يحيى لا تخلين امل تشتغل هواي
خالتي.....لا ولله اني ما كتلها اشتغلي هيه تريد توكف وياي
امل....عمو اني اريد اتعلم اطبخ مثل خالتي
عمي...بعدين مو هسه تتعلمين اخاف عليج من الطباخ
فيصل.....اي واجت بنيه بهذا البيت وصار بي حس
عمي....امل خط احمر لحد يقرب عليها
لحد يخليها تشتغل شغل صعب
فيصل....اي امل واجا الي يدافع عنج
بس اني أريدها تصير صديقتي
امل...ضحكت
فيصل...اي هيج اضحكي خل نشوف سنونج الحلوات
يحيى كاعد ومنزل عينه عل الماعون ياكل بدون ما يحجي ولا كلمه
عمي...ليش ما تاكلين بويه
امل....شبعانه
خالتي....اكلي حبيتي حتى الصبح مااكلتي
امل....مااكدر ااكل
فيصل....اني ااكل بمكانها
امل...الف عافيه
كملنا غده اني خدرت جاي وشربنا يحيى اخذ الكوب وصعد فوك
خالتي...روحي ورا زوجج
امل....لا اريد ابقى هنا يمكم
خالتي...عمج وفيصل دخلو نامو واني راح اسبح وانام
روحي ورا زوجج
غيري ثوبج هذا وخلي معطر
امل....اخاف منه
خالتي...ليش تخافين
امل....عصبي اخاف منه
خالتي....ميخالف هسه يتعود عليج
امل....هو مايريدني
خالتي...منو كلج مايريدج
امل...اني سمعته يحجي ويا عمي يكول مااريدها
خالتي....لا هسه يكوم يحبج لان بعده ما متعود عليج
امل....بس هو يصيح عليه
خالتي...اذا صيح عليج اسكتي لا تحجين
امل....خل ابقى هنا حتلو انتم تنامون ابقى بلمطبخ ومااطلع صوت
خالتي....شلون تبقين بلمطبخ عمج بس يشوفج يسويلنا مشكله
امل....هسه اصعد
امل صعدت فوك صعدت كم بايه وكعدت على الدرج
اخاف منه خاف يشوفني ويصير عصبي
خل ينام واصعد
طلعت خالتي من الحمام وشافتني كاعده على الدرج
خالتي.. اصعدي ليش كاعده هنا
صعدت خالتي واخذتني من ابدي ودخلتني للغرفه
يحيى مدد على الفراش
خالتي....يحيى
يحيى...هااا يمه
خالتي...ليش ويا امل كاعده على الدرج تخاف تصعد للغرفه
يحيى.... رد بعصبيه شلون ويا امل
اشرد من هذا البيت
دشوفي شكلها شوفي منظرها شلونه
امداني ومده حظي الاغبر اني يحيى هاي زوجتي
ولله لوما ابوي هسه اشمرها من السطح
خالتي...حرام عليك شمسويتلك ليش ما تخاف الله
يحيى....اني كتلكم مااريد ازوج
انتم غصبتوني عليها خليها تخدمكم بلبيت
واني بس اتخرج ازوج وحده غيرها ووحده اني اختارها
مو انتم تختاروها اليه
جمانه السعيدي
خالتي....صير رجال وحافظ على الامانه
بنيه يتيمه وفقيره وبت عمك ليش تحجي وياها هيج
يحيى...يمه لا ادوخيتي اريد انام
امل...اشرتلي خالتي روحي غيري ملابسج ونامي
امل...نزلن دموعي اريد امي مااكدر اتحمل اسلوب يحيى وياي ليش يعاملني هيج
اني مااختاريته عمي جبرني علي
اخذت دشداشه وطلعت سبحت ورجعت للغرفه مشطت شعري ونمت
ساعه وكعدت نزلت جوه لكيت خالتي كاعده وفيصل يسولف عليها
نزل يحيى مبدل طلع ويا جماعته
رجع متأخر بليل
خالتي...روحي اسألي زوجج متعشي لو تحضرين العشى
امل...صعدت للغرفه
لكيته مدد على الجربايه
امل...تكول خالتي متعشي
يحيى...اي متعشي اغسلي ملابسي
امل...اي
بليل نمنا كل واحد بمكانه اني على الجربايه وهو نام بلكاع
يحيى.. اذا سئلتج امي كولي كلشي تمام فهمتي لو لا
امل...اي فهمت
الصبح بدلت ونزلت
خالتي...هله صباح الخير
امل.. صباح الخير
خالتي.....هااا شلونه يحيى
امل...زين
خالتي...كلشي تمام
امل...اي كلشي تمام
خالتي...صلوات مو كتلج بس يتعود عليج يحيى حنيين
بس هو هالايام عصبي
لان راح يلتحق بلكليه العسكريه
امل....اي صح
من رجع فيصل جايبلي علاكة حلويات
فيصل.. هاج زوجت اخوي الحلوه
امل...شكرا ابن عمي الحلو
فات اسبوع كامل واحنا كل واحد ينام بمكان وكلما تسئلني خالتي
ااكول كلشي تمام
ابد مااقرب علي ومن يصعد للغرفه ابقى كاعده جوه منا لمن ينام واصعد
مو بس هو يكرهني اني هم كرهته
اسلوبه وياي مو حلو حتلو مايريدني المفروض ما يعاملني هيج معامله
لحد ماخلص هذا الأسبوع ويحيى راح للدوام
الصراحه فرحت ااي خل اخلص منه عصبي واي شي ما يعجبه
شايل خشمه ويحجي وياي بتعالي
عبالك اشتغل عنده
اخلص النهار ويا خالتي وفيصل ابد ما يعوفني
لو يسولف عليه لو يجيبلي حلويات
لو عنده لعبه بتليفونه
ينطينيها اللعب بيها
فيصل احسن من يحيى الف مره
احسه فرحان بيه ويحاول يخليني مرتاحه
خالتي جابتلي مشهي من الصيدليه
خالتي...هاج هذا مشهي اريدج تسمنيين اكلج كلش قليل
امل...يعني يخليني اكل هواي
خالتي.. اي ااكلي الخير هواي
امل...ياا خاف اصير سمينه
خالتي....لا ما تصيرين سمينه خل جسمج يبين
حتى الملابس مو حلوه عليج
امل....ميخالف
خالتي...هذا كريم تفتيح خلي منه بليل من تنامين
امل...شكرا
هلمره غاب يحيى شهر كامل ابد مااجا للبيت
واني بديت اكل بسبب المشهي
اتريك واتغدا واتعشى ومن يرجع فيصل جايب ويا حلويات نكعد ناكل لو نكلي فد شي وناكل اني ويااا
فعلا جسمي تغير وبدت تبين عليه ملامح انثويه
وجسمي صار لونه افتح
وبشرتي تغيرت
الصراحه اني مرتاحه حيل بيت عمي
بيتهم جبير وحلو والاكل متوفر ومعاملتهم وياي تخبل
عمي يعاملني احسن من ولده
وفيصل صديقي المقرب
ناكل ونشرب سوه ويكعد يسولفلي على جماعته
بعد شهر اخذني عمي اشوف امي
من شافتني امي ضحكت
امي.. يايمه امل صايره حلوه
امل...هاي خالتي سوتني حلوه
امي...الف رحمه الاهلها الله يوفقها ويستر عليها
امل...يمه مشتاقتلج
امي.. واني هم مشتاقه يمه مرتاحه بيت عمج
امل...مدلليني دلال ما صاير
امي الحمد لله والشكر ورجلج
امل...صار شهر ما نازل
امي...يرجع بلسلامه انشاء الله
امل...كعدت يم امي ساعتين ورجعت ويا عمي البيتنا