رواية امانة الغائب الفصل الرابع4والخامس5بقلم جمانه السعيد
امل....رجعنا للبيت احس نفسيتي احسن بهواي من شفت امي
بس وصلنا للبيت خالتي باستني
خالتي...البيت وحش عليج
فيصل....اي ولله ضجت من رجعت ومالكيتج
امل...شكرا اني هم اشتاقيتلكم
اليوم الي بعده فتحو حديقه عامه بمطقتنا
فيصل....ولج امل فتحو الحديقه تخبل
حتى مراجيح اطفال بيها
امل.....حلوه
فيصل..تخبل تعاي نروح اني وياج
امل...خاف عمي مايقبل
فيصل....عمج نايم شويه ونرجع قبل لا يكعد
يله بدلي بسرعه وتعالي
امل...خل اشوف خالتي تقبل اطلع
خاله خاله نروح اني وفيصل نشوف الحديقه ونرجع
خالتي...اي روحي
صعدت بدلت لبست نفنوف احمر ولبست عباتي وطلعنا اني وفيصل
رحنا مشي لان مو بعيده علينا
تخبل تخبل الزرع والورد شكد حلووو
وشكد ناس بيها والجهال تلعب مراجيح
كعدنا على المسطبه وفيصل راح جابلنا عصير
امل...الله الأجواء تخبل
فيصل.....اي ولله كلش حلوه
شويه اجا ولد يعرف فيصل سلم علي
ااشر الفيصل تعال
فيصل...هااا شكووو
.....هاي حبيبتك
فيصل....الله يطيح حظك ولك مرت اخوي
.....ولله عبالي حبيبتك لان زغيره
فيصل....ولي منا لا اخرب وجهك بوكس
جمانه السعيدي
رجع عليه فيصل
امل...ليش عصبي
فيصل...هذا الحيوان يكول حبيبتك
امل...استغفر الله
فيصل...تجين تكعدين بلمرجوحه
امل...يااا عيب
فيصل...منيين عيب تعالي اصعدي واني ادفعج
امل...لا ولله ابد عيب شكبرني وصاعده مرجوحه
غير وكت نجي اذا فارغه اصعد بلمرجوحه
امل كعدنا نص ساعه ورجعنا للبيت
بس دخلنا نزعت العبايه
فيصل....هااا حلوه
امل...تخبل
خالتي...شنو الي تخبل
امل...خاله الحديقه اجنن تونسنا
لو تدرين ولد صديق فيصل يكوله هاي حبيبتك عليه
بس كلت هاي الكلمه وقبل لا ترد خالتي عليه
دخل يحيى شايل جنطته حالق سعره خفيف حيل وضعفان
يعني الكلمه اجت كبل بوجها
نزل جنطته وبقى عينه عليه اني لابسه نفتوف احمر
وضافره شعري كصيبه
خالتي...يايمه يحيى هله بيك طولت الغيبه علينا بعد امك
فيصل...هله اخوووي
امل..اني بقيت بمكاني ولا تحركت
عمي سمع السلام طلع من الغرفه
حضن يحيى وسلم علي
بس اني مجاي اكدر أقرب علي
دفعتني خالتي سلمي على رجلج
يحيى سلم على عمي ودنك يفتح قيطان الحذاء
خالتي...سلمي شبيج
امل...مااكدر
نزع حذاء وصعد فوك عبالك يتقصد يجاهلني
فيصل....ليش ما سلمتي علي
امل....سكتت
فيصل.....الهلدرجه ضايجه منه
امل...أشرت براسي اي
فيصل....بس يحاجيج حجايه بوكس على خشمه
بعد مايكدر يرفع عينه بعينج
امل...ردت احبس الضحكه بس ماكدرت ضحكت بصوت عالي
خالتي....روحي شوفي زوجج خاف محتاج شي
امل...لا خاله خليني هنا احسن
خالتي...اكو وحده صار شهر ماشايفه زوجها هيج تلاكي
امل....ماشفتي شلون ما معبرني نهائيا
خالتي....انتي سوي الي عليج ومالج شغل بي
عمي....بويه حضري الحمام اليحيى
امل...صار عمي
باوعت على فيصل ومديت بوزي
رفع ايده قبضت البوكس وااشرلي اضربي
ضحكت وصعدت ورا
دخلت للغرفه لكيته بلفانيله والشورت
يحيى...بعد وكت جان كملتي سالفتج
امل...تريد شي
يحيى....ماتشوفيني جاي تعبان هو هذا هم سؤال
تبقين غبيه وكلشي مايفيد وياج
امل...ليش الغلط كول شتريد وخلصني
جمانه السعيدي
وكف على حيله ولزمني من كصيبتي
يحيى...السانج صاير طويل
اذا ما تعرفين تحجين اعلمج الأدب من جديد
امل...عوفني لو اصيح عمي انت كلشي عندك بلقوه
مو كتلك شتريد ليش تغلط عليه
يحيى...اغلط واكسر راسج
امل...خليت عيني بعينه وكتله عوفني
يحيى...واذا ما عفتج ولله وطلع السانج لوما امس جبناج
من وره الهوش
شوفي شلون صرتي هنا بيتنا الله لايرجع ايام الجوع والفكر
صايره سمينه طبعا بطنج انترست بعد الجوع والفكر
كال المثل خوفك من الفكر اذا شبعت بطنه
امل....شكد اريد ابين اني قويه من سمعت كلامه نزلن دموعي
كلامه لا يطاق
صحت بصوت عالي عمو عموووو
راسا عاف شعري
يحيى....اخذي ملابسي اغسليهن واريد اكل جوعان
اذا بعد طولتي السانج عليه اكصه فهمتي لو لا
امل...شلت ملابسه ونزلت بس ماكدرت اسيطر على دموعي
بس نزلت شافني فيصل
فيصل....ليش تبجين
امل.....اخوك دمرني
فيصل.....امسحي دموعج لا تبينين ضعيفه
امل...يعيرني بلاكل يكول جبناج ضعيفه وكاتلج الفكر
وهسه صرتي سمينه عدنا
فيصل...ولله هيج يكووول
امل....شكد اكرها اموت منه
اخذت الملابس خليتهن بلغساله
مسحت دموعي ورحت للمطبخ لكيت خالتي محضره الاكل
خالتي...هاج صعدي الاكل اليحيى
مسحت دموعي
خالتي...ليش تبجين
امل....مابيه شي
خالتي...يحيى يحجي عليج
امل...هزيت راسي
خالتي...ميخالف جاي تعبان وانتي ما سلمتي على من دخل للبيت
امل....لا مو هذا السبب هو يكرهني من زمان
خالتي...ميخالف لابد يوم يقتنع ويرضا
امل...شلت الصينيه وصعدت خليتها بلكااع وردت اطلع
يحيى... اوكفي
امل..نعم
يحيى.. ومرض منوهذا الي حبيبج
امل.. اي حبيب
يحيى.. اني سمعتج تكولين اتوقع حبيبته
امل...طلعنا اني وفيصل وولد صديقه عباله اني حبيبت فيصل
يحيى...وانتي منو كلج اطلعي من البيت
امل...خالتي كالت
يحيى...ممنوع توصلين للباب فهمتي لو لا
لا امي ولا ابوي يكولون اطلعي وطلعين
اني كلت مطلعين الا اذا ميته اخذج ادفنج واخلص منج
امل...شكرا ابن عمي
يحيى...انت شنو تستهزئين بكلامي
امل.....عفته وطلعت من الغرفه شكد غثيث الخاطر الله
جمانه السعيدي
شويه وسمعته يصيح من فوك
يحيى...امل صخام الغبيه وينج
امل...سمعتي خاله الا مااروح ولا اكول هااا
اذا ما يحترمني
صعدت خالتي
خالتي.. شتريد منها ليش تغلط عليها حرام عليك
يحيى...ليش مااجت روحي خليها تجي
خالتي..ما تجي كول شتريد
يحيى...تجي وغصبا ما عليها لا انزل اموتها تموت
بعدين انتي شلون تقبلين تطلع من البيت
خالتي....انت جايبها تسجنها
خطيه طفله محبوسه بهذا الببت هم تريد تطلع شويه
يحيى...هبج راح تخليها تعاند وبعد ما تسمع الكلام
قابل هيه منيين جايه
جانت كاعده بخرابه ونص بطنها جوع
خالتي...يااا يحيى عيب عليك هذا الحجي
انت ما تصرف عليها هذا كله خير ابوك
بس يسمع ابوك يكلب البيت علينا
يحيى...اني مجذب شوفيها شلون سمنانه
خالتي...اني جبتلها مشهي حتى تاكل لان من اجتنا ماتاكل ابد اني الي أريدها تسمن
شوفها صايره تخبل
يحيى..منيلها الخبال جنها وحده مخبله
خليها تجي تأخذ الصينيه وجيبلي جاي
خالتي...اني اخذ الصينيه واجيبلك جاي
يحيى...تجي هيه وغصبا ماعليها
خالتي .يمه ليش شاد وياها خطيه يتيمه وفقيره
يحيى...هيه شنو وشاد وياها انتم مو تكولون زوجتك
يله خل تجي تخدمني
خالتي...يمه اني انزل الصينيه وهيه اجيب الجاي
يحيى...اكسر المواعين اذا شلتيهن
امل...نزلت خالتي
يمه امل الله يرضا عليج اخذي الجاي ونزلي الصينيه
اليوم جنيه راكبته
امل....شلون بصخام اموت نفسي ليش هيج يعاملني
خالتي...فدوه الخاطري الله يرضا عليج
امل اخذت الجاي صعدت خليته على الميز ودنكت شلت الصينيه نزلتها
همزين ماحجه مقهوره حيل منه
يمكن صدك اضربه بوكس بس يحجي وياي مثل ماكال فيصل
نام واني بقيت جوه
طلع عمي لكاني اللعب بتليفون فيصل
عمي...هذا تليفون فيصل
امل..... اي عمي هو خلا يمي اللعب بي
عمي. باجر اجيبلج تليفون
امل...شسوي بي اني ماعندي احد اتصل علي
عمي. ميخالف تحتاجينه حتى الجهال عدهم تليفونات
تعشينا ويحيى نايم فوك
الساعه عشره صعدت ابدل ملابسي
اخذت دشداشه ورحت الحمام بدلت ورجعت للغرفه
دخلت جان يصيح عليه
يحيى.. هي انتي زفت اريد اكل جوعان
امل....هسه نزلت حضرتله اكل وصعدته
خليت الصينيه ونزلت
شويه صاح اريد جاي
خدرت جاي وصعدت ااكو واحد يشرب جاي هسه
انطيته الجاي ونزلت مااريد اسمع صوته حجايه والثانيه وعيرني بلاكل خل انزل لمن يطلع لو يروح مكان واصعد
نزلت جوه خالتي نايمه وعمي راح للمدرسه وفيصل بعده ماراجع من برا
شويه واجا فيصل جايب حلويات
اني متعوده من يجيب حلويات اجيب صينيه نخلي بيها الحلويات ونكعد ناكل اني وياا
وهو يبقى يحشش ويضحك
كاعدين ناكل ونسولف ونضحك
نزل يحيى من فوك
شافني مكابله فيصل ونسولف وهو تخبل
يحيى....انتي هيه حيوانه بس للأكل حاضره ليش اصيح عليج مانكولين هااا
امل...عفت الجبس من ايدي ماسمعتك
فيصل....ما سمعنا بعدين ليش تغلط عليها
يحيى...انت لا تدخل وبطل اجيب حلويات وتعلف عليها
راح اطك منا هيه ماشايفه
والنوب انتم كبرتو راسها
امل...كمت شتريد
يحيى...ومرض احجي عدل
فيصل...هاي شبيك ليش تحجي وياها هيج
يحيى...لا تدخل هاي الحيوانه محسوبه عليه
واني اريد اربيها من جديد
امل...فار دمي من كلامه صح اني زغيره بس عقلي
جبير ومحترمه ومربايه
امل......اني متربيه وبت ناس انت ماجبتني من الشارع
يحيى...عود هم تعرف تحجي
امل...اي احجي لان انت مايفيد وياك الاحترام
يحيى...هذا الحجي عليه
امل ماحسيت اله ضربتي راشدي فر راسي فر
فيصل...انت هي شببك ليش تضربها
يحيى...ماسمعتها شتكول اله اربيها من جديد
امل...استغفر الله ربي
يحيى....ماعاجبج موو
فيصل.....هاي شبيك وياها شسوتلك
يحيى...انتم مو حاسبينها عليه مره اني اريد اعلمها الأدب والاحترام لان محد علمها
امل...اني متربيه ومحترمه
طلعت خالتي من غرفتها على صوت الحجي
شكو ليش الصياح
جمانه السعيدي
يحيى....هاي الحيوانه ماتعرف تحترمني
امل...خاله اني اريد اروح الامي اني مو فصليتكم
يحيى من اجا لسه بس يغلط عليه
خالتي.. تعاي ادخلي بغرفتي وانعلي الشيطان
فيصل...انت انسان لا تطاق
امل..دخلت غرفة خالتي وفيصل بغرفته ويحيى صعد للغرفه فوك
امل...خاله اني اربد اروح البيت خالي ولله بعد مااكدر اتحمل أكثر يعيرني بلكمه شنو من بشر
خالتي...نامي هنا اليله وباجر يجي عمج يحجي وياا
امل...من يجي عمي اريده ياخذني البيت خالي
خالتي....عليمن تكبرين السالفه هو بس باجر يحيى هنا
وبعدها يرجع يلتحق
تردينه يتشمت بيج ويكول شردتها
صيري قويه لا تخافين وتنهزمين من كل مشكله
امل...نامت خالتي وبقيت ابجي للصبح صح اني فقيره بس ولله متربيه احسن تربيه
ومادخلت بيتهم جوعيه ولا ماشايغه
الحمدلله عيني مليانه
الصبح كعدت خالتي قبلي واني بقيت بلفراش
سمعت يحيى نزل وخالتي حضرتله الريوك وكامت تحجي علي علمودي
بس هو السانه شطوله ومعاجبه الحجي
سمعته طلع من البيت وطلعت
خالتي...صباح الخير هله
امل...صباح الخير
خالتي..اليه عندج طلب
امل...اي كولي
خالتي...لا تحجين كدام عمج ترا يسوي يوم اسود علينا
بس اليوم اتحملي يحيى باجر يطلع من الصبح
وشهر كامل يله ينزل فدوه بعد خالتج
امل...ميخالف
للضهر اجا عمي ويحيى تغدينا ويحيى صعد فوك
اجا فيصل يضحك
امل.. ليش تضحك
فيصل شوفي شجبتلج
امل...شنو
جان بطلع كفوف ملاكمه
من شفتهن متت ضحك
فيصل...تعاي ادربي عليهن بس يحجي وياج بحيى اضربي على عينه
امل...هههه ههههههه وين لكيتهن ذني
فيصل...رحت الصديقي جبتهم منه
الله عليج لا اضوجين ولا اطلعين من البيت
ترا يحيى هو هذا اسلوبه من زمان
امل....وانتم ضامينه اليه يطلع عقده عليه
فيصل...شنسوي طاحت القرعه عليج هههههه
امل....هههههه
انتظرونا....
#امانة -الغائب
#البارت الخامس
#جمانه السعيدي
@الجميع
امل....كل واحد راح الغرفته نام الا اني بقيت جوه
مااكدر اتحمل اكعد اني ويحيى بنفس المكان
للعصر طلعت خالتي لكتني كاعده بلمطبخ اللعب بتليفون
فيصل
خالتي...يااا انتي بقيتي كاعده
امل...وين اروح مااريد اصعد للغرفه مااتحمل اني ويا
نكعد بنفس المكان
بس يحجي عليه هلمره اروح بيت خالي
بعد مااكدر اتحمله اكثر
خالتي...كولي يالله ولله يحيى كلبه طيب
بس شويه عصبي
امل....لا مو شويه عصبي هواي عصبي واناني وخبيث
خالتي...عيب تحجين على رجلج
امل...من ضيمي هسه انت نزلت يوم واحد ليش تحجي عليه
اني بيش مضوجتك
اعتبرني ماموجوده اعتبر نفسك مامزوج
انت حتى لا شايل مسؤليتي ولا تصرف عليه
خالتي....احجي الصدك انتم صا بينكم شي لو لا
امل....سكتت
خالتي.. هااا فهمت ااكول ليش عصبي
امل....هو كال لا تكولين ولا تحجين
خالتي...اي روحي قربي علي لبسي شي مال نوم
امل...خاله صدك تحجين شنو اروح ابوس ايده
هو مايريدني شنو اتوسل بي
اني هم مااريده هيه كوه اني باقيه ومتحمله الخاطر
عمي والخاطرج انتي
ولله الي مثل وضعي ليش تبقى هنا
هو يكول مااريدج
خالتي....هو عصبي وعمج بقى يلح علي وصارت شغلة عناد
امل...الله يسامح عمي هذا ظلم ويحيى مستقوي عليه
لان يتيمه ومالي احد
لو احد يدافع عني جان احترمني
مو حتى اللكمه يعيرني بيها
اني حلوه وزغيره عادي ازوج واعيش حياتي ليش اتحمل حياة المهانه
خالتي.....على كيفج مو هيج الحجي
مجرد وقت ويتعود عليج
اني وياج كله بسبب عمج هو الي صمم على هاي الزواجه
امل.....والى متى
خالتي....نكول الله كريم منا لمن يتغير الوضع
جمانه السعيدي
نزل يحيى من فوك من شفته نزل سكتت
يحيى....كومي اكوي ملابسي وجهزي الجنطه باجر اطلع من الصبح
خالتي....تريد اسويلك اكل تاخذه وياك
يحيى....لا مااريد
دخل للحمام واني صعدت الغرفتي
لكيتها مخربطه نايم على الجربايه ونازع ملابسه وشامرهن بلكاع
رتبت الغرفه وطلعت الاوتي وفرشت جرجف بلكاع وكمت اكوي ملابسه
طبعا اني مااعرف اكوي بيتنا قبل ماعدنا أوتي
لان ما محتاجينه بشي لادوام ولا طلعه
بس شفت فيصل يكوي
وجاي اسوي مثله
صعد يحيى للغرفه
يحيى...مو هيج الكوي وتكول ليش تحجي عليه
امل...مااعرف اكوي تعال انت اكوي ملابسك
يحيى...اني المن ماخذج شنو ما تعرفين تكوين
كعد بلكاع كبالي وأخذ الاوتي
هيج اطبكي البنطلون واكوي شوفي زين هيج
امل......يكوي واني كاعده كباله اباوع علي شلون يشتغل
يحيى...كملت البنطلون بعد القميص
افتحي هيج وتاكدي من حرارة الاوتي مو تحركين القميص
هو يحجي واني ساكته بس عيني علي شلون يكوي
يحيى....ماريدج تكعدين هواي ويا فيصل وسوالف وضحك
امل...ليش
يحيى...هيج بدون ليش فهمتي لو لا
وممنوع اطلعين من البيت
امل.....شنو اني داخله سجن
يحيى....اسمعي الكلام بدون نقاش
امل....اريد اعرف ليش فيصل مؤدب وماشفت منه شي موزين ليش مااحجي ويا
واني مااطلع اي مكان اله شغله ضروريه ويروح وياي عمي لو فيصل
اصلا من اجيتكم لليوم طلعت مرتين
مره اخذني عمي اشوف امي ومره طلعت ويا فيصل للحديقه
يحيى....السانج هذا يراد اكصه
ليش ما تسمعين الكلام وتكولين حاضر
امل...اجذب عليك يعني انت ماموجود واني ماعرف الضروف شني
امل...شال الاوتي وخلا على رجلي بسرعه شاله
حرك زغير بكد خاشوكة الاكل
امل...اي اي ليش حركتني شكد خبيث الخاطر الله
يحيى...اني خبيث المفروض احرك وجهج
لان ما تسمعين الكلام
امل....ليش ما تخاف الله اااي ايي توجعني
جمانه السعيدي
كمت من مكاني اربد اطلع من الغرفه
يحيى...لاتنزلين تعاي جهزي الجنطه
امل...بس أوامر حتى اسلوب ماعندك
يحيى...تسكتين لو اجي اخرب وجهج
امل.....خفت منه ماعنده مانع طلعت الجنطه بس رجلي حيل توجعني
وخليت ملابسه بيها
امل......كملت اريد انزل رجلي توجعني اريد اشوف اكو عصاره اخليها الرجلي
يحيى...عود انزلي احجيلهم عليه حرك رجلي
امل...جذب انت ماحركت رجلي
تتعمد اضوجني ترا اني هم اكرهك مو بس انت تكرهني
واني انجبرت على هذا الزواج مثلك
مو عبالك ميته عليك
اني باقيه هنا علمود عمي
تفاجئ كلامي بقه صافن بوجهي
امل...كملت كلامي ونزلت بسرعه قبل لا يرد عليه
نزلت جوه
امل...خاله ماكو شي للحرك
خالتي...احتركتي
امل....اي غير انتي اصعدي اصعدي هاج حرك رجلي بلاوتي
خالتي...يااا يحيى حرك رجلج
امل...من اكول خبيث ما تقبلين
لا ويهديني اسكتي لو احرك وجهج
خالتي...اوكفي عندي عصاره
جابت خالتي العصاره ودهنت رجلي
ااكعدي لا تشتغلين
خالتي...اذا يسئل عمج لا تكولين يحيى حرك رجلي
فدوه هنا كم ساعه ويروح يحيى للدوام استري علينا
امل...استغفر الله ربي واتوب اليك
كعد فيصل ...امل اريد جاي من ايدج الحلوه
امل...صار كمت شاف رجلي
فيصل...شبيها رجلج
امل...مابيها شي احتركت بلاوتي
نزل يحيى وعمي كعد
عمي....بويه امل عشاج حاضر اريد اطلع
امل...اي عمو هسه اصبلكم ااكل
باوع عمي شاف رجلي
عمي...شبيها رجلج
باوعت على يحيى وكتله احتركت بلاوتي
عمي...ليش ما تنتبهين النفسج
امل...باوعت على يحيى وكتله غلطه وبعد ما تنعاد
صبينا الاكل بين ماعمي كمل صلا
كعدنا نتعشى
كملنا ويحيى وفيصل طلعو واني نظفت المطبخ
ودخلت سبحت
ولا تكول حرك زغير كلش يوجعني
ماكدرت اتحمل الوجع نزلت الخالتي
امل...خاله ماكو مسكن الحرك يوجعني حيل
خالتي....ماعندي مسكن
طلعت تليفونها واتصلت على يحيى
خالتي....تعال بسرعه امل رجلها توجعها تعال
اخذها للمضمد لو اجيبلها وياك عصاره ومسكن
يحيى...اني اجيبلها من ارجع
جمانه السعيدي
امل....صعدت مشطت شعري وبقا مفتوح اريده ينشف
اذا اضفره مبلل اتمرض
بس الحرك يوجعني حيل
نص ساعه يله رجع يحيى من برا
اسمع خالتي تحجي على وهو يصعد الدرج
خالتي....ليش هيج ماتخاق من الله لو مجرم هم مايسوى هبج ليش تحرك رجلها ولله لو ابوك يدري اليوم يطردك من البيت يمه انت باجر رايح بدرب الله يعلم بي
بمكان ماتدفع صدقه تحرك رجل هاي اليتيمه
يحيى...هو حرك زغير قابل ذبحتها
كلشي ماببها جنها حصان
امل......صعد فوك لكاني كاعده على الجربايه لابسه دشداشه بيضه منقطه وفاتحه شعري اريد يتشف
يحيى....شبيج خبصتي الدنيا هو حرك زغير
امل....مااريد منك شي حتى العلاج الي جبته ماريده
يحيى...يطبج مرض حتى مرض
امل....شكرا الله موجود
قرب عليه ولزمني من فجي شكلتي
دفعته حيل وكتله الله موجود
يحيى...شنو تهدديني الله موجود انشاء الله ياخذج
وارتاح منج
امل...كمت من مكاني لميت شعري وطلعت من الغرفه
يحيى....بعد لا ترجعين راح اقفل الغرفه عليه
امل...حجيت بصوت ناصي الله ياخذك وارتاح منك
نزلت يم خالتي
خالتي...هاااا
امل...ليش اتصلت علي مو علاج عبالك راح يدخلني للجنه
حتى فرك حلكي
خالتي....ولله هذا الولد ماعرف شبي
شويه ورجع عمي
خالتي...هااا شو رجعت
عمي.....راسي يوجعني رحت قست الضغط صاعد
خليت صاحبي بمكاني واجيت
( هما ثنيين يلزمون حراسه بلمدرسه عمي قصده عاف الحارس الثاني وحده ورجع للبيت )
امل....كلت بكلبي هسه وكتك عمي رجعت للبيت اليله وين انام اني
فوكاها رجلي موتتني حتى ورمت بسبب الحرك
بقيت افتر بلمطبخ منا لمن نشف شعري
صعدت على كيف بلكت باب الغرفه مفتوح وارجع انام بغرفتي
فتحت الباب على كيف الغرفه ضلمه
يحيى نايم على الجربايه
مشيت على كيف منا لمن وصلت للفراش الي بلكاع
صاير بجهة الجربايه الثانيه
تمددت وتغطيت رجلي توجعني حيل
كمت اريد اجيب المرهم الي جابه يحيى الغرفه ضلمه خفت افتح الضوه يكعد يحيى
على كيف امشي ايدي على الميز
لكيت العصاره بعد المسكن
جاي ادور حركت علبة الكلنس
فتح عينه يحيى
يحيى....هااا رجعتي
اخذت العلاج ومشيت رجعت المكاني
يحيى....درب الجلب
امل...كلت بصوت ناصي ماغيرك بعدني ما مكمله الكلمه
تكلب على الجربابه وطاح فوكي
يحيى...شكلتي
امل...وخر وخر عني لو اعيط واخليهم كلهم يجمعون هنا
خله ايده على حلكي
يحيى...يله عيطي
امل... حركت رجلي اريد ابعده عني انزلغت رجلي المحتركه بلغطه وكامت توجعني
دفعته بايدي وخر عني صوتي كوه يطلع
يحيى....اذا ما اموتج على ايدي مااسمي يحيى
دفعته باديه حيل وكمت من مكاني
يحيى....يله نامي على الجربايه ااكول خطيه
امل...بقيت واكفه اخاف منه
يحيى...نامي مراح أقرب عليج
تغطي ونام بلكاع
بقبت واكفه اكثر من عشر دقايق رجلي مو تتني
انزلغت وكامت توجعني حيل
اتاكدت منه نام
كعدت على الجربايه دهنتها وبلعت حبايه مسكن
وبقيت اباوع على الجهه النايم بيها يحيى اخاف يكعد
منا لمن اشتغل المسكن ونمت
كعدت على صوته الصبح فتحت عيني لابس بدله العسكريه وشايل جنطته
سويت نفسي نايمه
مااريد اشوفه ولا احجي ويااا
خلي يروح اخلص منه ومن خباثته
كون يموت واخلص منه