رواية امانة الغائب الفصل السادس6بقلم جمانه السعيد
امل....كعدت بعد ماتاكدت يحيى طلع من البيت
نزلت لكيت خالتي بلمطبخ
بديت اساعدها بشغل البيت
اشتغل بلبيت بس براحتي بدون مااحد يضغط عليه
يعجبني اشتغل واذا ما يعجبني اصعد الغرفتي
بعد اسبوع كان عيد ميلادي دخلت بسنة ١٥
بيومها عمي جابلي تليفون
عمي.... هذا التليفون اللج
امل...شكرا اليوم عيد ميلادي
خالتي....عمج مايدري بعيد ميلادج
عمي...لا ولله يابوي ماادري جنت منتظر استلم الراتب
حتى اجيللها تليفون اشوفها تلعب بتليفون فيصل
امل...شكرا عمو الله يخليك ويحفظك اليه
دنكت بست ايده وراسه
شكد فرحت بلتليفون وبقيت منتظره فيصل
ينزل العاب و يسجل أرقام تليفونات
بس دخل ركضت علي
امل....شوف عمي شجابلي
فيصل...تليفون اي عمي واسطتج قويه اني بقيت اربع أشهر اتوسل يله جابلي تليفون
امل...اسم الله لا تحسدنا
اخذ التليفون مني وسجل الأسماء من ضمنهم رقم تليفون يحيى ونزل الالعاب
بليلتها مانمت للصبح بس اللعب
ما مصدكه صار عندي تليفون
خالتي كل يوم تتصل على يحيى تطمن علي هيه وعمي
مرتين سئل عني شلون صارت امل
خالتي...يسئل عليج ليش ما تتصلين علي
امل...لا فدوه ماريد اتصل علي ولا اريده يعرف رقمي
يبقى كل شويه يخابر ويسمعني كلام مثل السم
خالتي جابتلي تراكات ثنيين البسهم الصبح من انظف
حتى اتحرك براحتي
وقبل لا يرجع عمي وفيصل انزع التراك والبس دشداشه
عشر ايام بعد ما راح يحيى للدوام
بعدها بيوم اندكت الباب قوي
اني لابسه تراك وجاي امسح بلمطبخ
اندكت الباب قوي
طلعت خالتي جان يحيى رجله صابينها ولازم عكاز
ويمشي
دخل من الباب خالتي شافته ونشغت
خالتي...يمه يحيى
باوعت ياسبحان الله هو حرك رجلي اليمنى
ورجله اليمنى انكسرت ولله طلعت عندي حوبه
حيل ويااا مايعرف رب العالمين موجود وياخذ حقي منه
خالتي...يااا اسم الله ها يمه شبيك
دخل يمشي على العكاز
يحيى...خل ادخل واججيلج
دخل للمطبخ واني واكفه لا سلمت على ولا حجيت ويا كلمه واكفه واباوع علي
رفع عينه يباوع عليه
يحيى....بالتدريب رجلي االتوت ووكعت
انكسرت من يم الكف عضمين بيها انكسرن
نقلوني للمستشفى صبو رجلي ونطوني اجازه اسبوع
منا لمن تتحسن رجلي واذا احتاجيت بعد اجازه
كم يوم ينطوني
امل... كوه حجيت .الحمد لله على السلامه
رفع راسه باوع عليه وكال الله يسلمج
دنكت خالتي تنزع حذائه لابس بس تك واحد
امل...اني انزعها
دنكت نزعت حذائه
يحيى....اريد ملابسي اريد انزع البدله العسكريه
وتعبان اريد انام
خالتي...خل احضرلك ريوك
يمه امل جيبيله ملابس من فوك خل يبدل
امل صعدت جبتله تراك ونزلت
نزع قميصه بس البنطلون مايكدر ينزعه من رجله
الضاهر صابين رجله وهو لابس البنطرون
امل...دقيقه جبت مكص وفتحت البنطرون
حتى يكدر ينزع لبس البدي وبقت البجامه
دنكت لبسته البجامه
خالتي...اتريك واشرب جاي عندك علاج
يحيى....اي عندي علاج
خالتي...يمه امل جيبيله فراش هنا بلاستقبال
امل صعدت نزلتله فراش
امشي احجي ويا نفسي هيج الكسر سواك ادمي
يالله ساكت ما يحجي كون تبقى هيج دوم
فرشتله وكملت رجعت لكيته يتريك
كام غسل وراح اتمدد
يحيى....لحد يكعدني تعبان حيل
امل...طلعت وطبكت الباب
جمانه السعيدي
كملت تنظيف ودخلت سبحت ولبست دشداشه
من اجا عمي وفيصل وسمعو بحيى مكسوره رجله
انخبصو علي دخلو كعدو من النوم ويسئلونه شلون انكسرت رجله
طلع عمي هو وفيصل واني دخلت على يحيى
امل...اجيبلك غده
يحيى...لا مو جوعان بس خليج قريبه مني خاف احتاج شي
كملنا الغده عمي وخالتي دخلو نامو وفيصل دخل غرفته
واني بقيت بلمطبخ خاف يحيى يحتاج شي
الساعه ثنتين الضهر
سمعته يصيح امل
دخلت للاستقبال
امل.. هااا محتاج شي
يحيى...اريد ماي واريد ااكل شنو الغده
امل...تشريب احمر وتمن
يحيى...جيبلي اريد اتغده
جبتله مي وجبتله الغده
يحيى...ماتاكلين
امل.. تغديت
يحيى...هذا شنو بايدج تليفون
امل...اي عمي جابلي تليفون
يحيى...ومنو كال اني اقبل تشيلين تليفون
امل...اني مااشتريته عمي جابه اليه
تكدر تحجي ويا عمي
يحيى...شو جيبي بي أرقام تليفونات
امل..اخذه مني
فتحه بي بس أرقام العائله
عمي وخالتي وفيصل ورقمه
يحيى...هذا رقمي مكتوب
امل...اي فيصل نزل كل الارقام
يحيى...وليش ما تتصلين عليه
امل...شعندي وياك حتى اتصل عليك
يحيى...تتطمنيين مو امي تطمن عليه
امل....اي اعرف اخبارك من خالتي
يحيى...وليش من خالتج اتصلي انتي
امل....لا مااتصل اني وياك ما نتحمل واحد الثاني يجوز تغلط عليه
رن من تليفوني على تليفونه
يحيى...هاي صار رقمج عندي
امل....واذا
يحيى...تعالي شيلي الصينيه وجيبلي جاي
امل....اي
شلت الصينيه وجبتله جاي
جمانه السعيدي
يحيى....انتي بلبيت تلبسين تراك ضيك هيج مثل الصبح
امل....بس من اشتغل وعمي وفيصل مو بلبيت
خالتي جابتلي تراكات ثنيين
من اشتغل بلدشداشه ابقى اتعثر
يحيى.. يعني ما تلبسين تراك كدام فيصل
امل...لا مالبس
يحيى...اذا رجعت بيوم ولكيتج لابسه تراك وابوي لو فيصل بلبيت ما تلومين اله نفسج
امل...ترا ماله معنى هذا الحجي اني اعرف حدودي
يحيى...تعالي فركي ضهري يوجعني من الوكفه
امل..ترددت مااريد أقرب علي
دار وجها لجهه الثانيه
قربت افرك ضهره
يحيى...حيل شنو هاي الفهاوه
امل....كمت افرك بضهره حيل
يحيى...رجلج صارت زينه
امل...افرك بضهره ااي صارت احسن
ترا هاي حوبتي كسرت رجلك حتى بعد لا تقرب عليه
التفت عليه وكال لا بله
انتي علويه شنوووو
امل...لا مو علويه بس اليتيم اله حوبه
وانت اذيتني واني ماامئذيتك
يحيى.....انتي غلطانه والغلطان مابي حوبه
امل...بيش غلطت
يحيى...ما تسمعين الكلام وترجعين الكلمه بعشره
امل...يعني تحجي عليه وتخلي قائمة ممنوعات واسكت
شنو اني جاريه عندك
يحيى...انتي محسوبه عليه ااي غلطه منج تصير بوجهي
امل...غير اغلط اني ماغلطانه
يحيى....رجعنا للسان الطويل
امل.... تريد شي لو اطلع
يحيى....هااا كمزتي
امل....كلامك ينرفز
يحيى....اسم الله عليج عيوني حساسه
امل....وليش مااكون حساسه مو بشر بشر لومو بشر
يحيى...ماعلينا ليش وكفتي فركي ضهري
امل...كمت افرك بضهره حيل
يحيى...اي عاشت ايدج
امل.... يعني تعرف تحجي حجي عدل
يحيى...شنو قصدج حجي مخربط
امل....لا ياريت مخربط مثل السم
ينزل على الاذن
يحيى....مو ويا الكل بس ويا الناس الي ماتفهم
امل... هااا رجعنا
بحيى...احجي الصدك قابل اجذب عليج
انتي جنتي عايشه بمستوى غير مستونا وافكارج محدوده
اني تعلمت وعشت وطلعت واجيت
افكارج ما تلائم أفكاري
جمانه السعيدي
امل...بمكان ما تقلل مني علمني فهمني مو تغلط عليه
انت تقبل واحد يغلط عليك
يحيى...غير اشك حلكج
امل...هااا انت مسموحلك تغلط عليه
واني ممنوع احجي اي كلمه
يحيى...اني اختلف انتي تقارنين نفسج بيه
امل....خلاص اني راح اجي اشوفك إذا محتاج شي
بدون ما احجي اني وياك
حتى لا تغثني ولا اغثك
يحيى....شنو يعني تعاقبيني
امل....ليش اعاقبك انت مو تكول انتي مو مستواي
اني اربد احفظ مستواك
مااحجي اي كلمه
يحيى....شنو مزوج صنم
امل....شنو رائيك احجي ويا عمي وننفصل
انت ترتاح واني ارتاح ازوج وحده من مستواك
تفهمك ااكثر مني
يحيى...اكيد اني راح ازوج قابل ابقى عليج
امل....ماتزوج واني على ذمتك طلكني وازوج براحتك
يحيى.....مو هسه من اتخرج ويصير عندي راتب ااكدر اصرف علي زوجتي
امل....اريد احجي كلمه وسكتت
يحيى..احجي اسمعج اتعودت عل السانج الطويل
امل...انت اناني من تدرس والمصرف على ابوك تريدني على ذمتك
لان ما متحمل مسؤليتي
ومن تتخرج ويصير عندك راتب تزوج وحده ثانيه
يحيى...اي لان انتي انفرضتي عليه ومااختاريتج بكيفي
امل....اني راح اطلب الطلاك واصمم علي
حتى انت ترتاح واني هم ارتاح
يحيى....وين اكو راحه اكثر من هاي شوفي شلون تغير شكلج ولبسج وتليفون
وين تلكين هبج راحه
امل...لا الفلوس ولا الاكل والا الملابس الراحه راحت الكلب
يمكن الكا انسان يحبني ويهتم بيه
يحيى..انتي صدك ماتستحين كدامي تكولين الكه واحد بحبني وبهتم بيه
امل...يعني حلال عليك تختار وحده تزوجها واني حرام عليه
يحيى...اني كلت من اتخرج مو هسه
امل...وليش اتحملك بسنتين التعب لمن انت ناوي تعوفني
بايام الخير
يحيى...نصيب ماعندج غير اختيار
امل... الكلام وياك مابي فايده اروح ارتاح بغرفتي
جمانه السعيدي
كمت طلعت من الغرفه
شكد ضجت من كلامه
يريدني خدامه منا لمن يتخرج ويعوفني
صعدت للغرفه بقبت اكلب بلتليفون
كعدت خالتي وجهزت العشى صاحت عليه
امل.. مااريد خاله شبعانه اتعشو الف عافيه
بليل اجت اخت خالتي هيه وابنها يسئلون على يحيى
اجا صديق فيصل
نزلت خدرت جاي ونضفت المطبخ
وغسلت ملابس يحيى
للعشره طلعو صعدت سبحت لبست ثوب نص ردن قصير
كاعده امشط بشعري رن تليفوني
باوعت بحيى
مارديت علي
رجع رن مره ثانيه
امل...نعم
بحيى...نعم الله عليج شو ما نزلتي ولا عبالك زوجج مريض
شعندج فوك انزلي
امل...شتريد مني
يحيى...فيصل طلع وامي نامت وابوي طلع للمدرسه بقيت وحدي تعالي انزلي اريد اسبح تعاي جيبلي ملابس
امل..نزلت شعري بعده مبلل نازل على ضهري
دخلت هذا التراك
يحيى..تعالي ساعديني اريد اسبح
امل....اني ادخل وياك للحمام
يحيى...طبعا قابل ابوي يدخل وياي
روحي جيبي علاكه لفيها على رجلي حتى لا تتبلل
امل رجعت للمطبخ جبت علاكه ودنكت شديت رجله
يحيى...تعالي أسند عليج
عاف العكاز وخله ايده على جتفي
يحيى...ليش لابسه هيج
امل...نمشي اني ويا رايحين للحمام شنو قصدك هبج
يحيى...ايدج طالعه والثوب قصير والعطر يسطر
امل... اريد انام
يحيى..ولي تنام هيج اسوي
امل.... حتى بلنوم مدخل
بحيى....ليش نزلتي هيج
امل....هيج شنو غير انت كلت محد بلبيت ونزلت
يحيى...متعوده تنزلين هبج بليل وفيصل بلبيت
امل....اكيد ماانزل هبج وفيصل موجود
يحيى...سبحيني وروحي البسي شي مستور وانزلي نامي هنا
امل...هنا وين
يحيى....بلاستقبال يمي خاف احتاج شي
امل....اني تعبانه وما نمت بالنهار اريد انام
يحيى..اي ومن لازمج تعالي نامي هنا
امل...مااعرف اغير مكاني
يحيى....اسم الله عليج ليدي ديانه نامي على السرير الملكي الله يرحم ايام الخرابه
امل...مو كتلك اشور بيك ليش ماتسكت عني
بحيى.....روحي جيبي كرسي اكعد علي
امل...جبت كرسي خليته بلحمام
سبحته وغيرت ملابسه وطلع
دخلته للاستقبال ثوبي اتبلل من ورا لزك على جسمي
سمعنا الباب الخارجيه انفنحت
فيصل... هااا يحيى كاعد
باوع يحيى عليه ثوبي قصير وتبلل وطبع على جسمي
يحيى...لا تدخل فيصل
فيصل..ياستار ليش
يحيى....هبج لا تدخل روح نام
فيصل..بس اطمن عليك
يحيى...ماببه شي روح نام
امل...كعد بحيى على الفراش ونطاني الجرجف
يحيى...هاج لفي نفسج وروحي البسي شي مستور وانزلي
امل...لفيت نفسي وصعدت الغرفتي
لبست دشداشه طويله وكعدت اجفف شعري
اتصل عليه يحيى ليش اتاخرتي
امل...شعري مبلل جاي انشف بي
يحيى...جيبي الشسوار تعالي هنا جففي شعرج
امل...شنو القصه خل اجفف نفسي وانزل
مو سبحت بعد شتريد
يحيى.. تعالي يمي اريدج
امل...خل اجفف نفسي وانزل
جففت شعري وضفرته ونزلت
امل....هااا رايد شي
يحيى...اي تعالي نامي هنا ايجوز احتاج شي
امل...اصعد انام بغرفتي واذا احتاجت شي اتصل عليه
يحيى...ليش اتراددين مو كتلج نامي هنا خاف احتاج شي
امل...اامري لله
فرشت بلجهه الثانيه تمددت
يحيى...جيبلي مي اخذ العلاج
امل...كمت انطيته مي اخذ العلاج وراح بسبابع نومه
للصبح
واني ماكدرت انام لان مغيره مكاني
هسه ليش يتحكم بيه قابل يحبني مثلا
لو يريد يحس نفسه رجال براسي