رواية امانة الغائب الفصل السابع7والثامن8 بقلم جمانه السعيد
امل.....اكثر ثنيين ما مقتنعين بزواج فيصل من هبه
هما عمي وخالتي
لان اهلها هواي اشرطو من رحنا نخطب
وامها تحجي ويانا بتكبر
كلمه والثانيه وكالت بنتي خريجه
خالتي ماكدرت تستكت الها كالتلها ابني هم خريج
وماناقصه شي
والمستقبل كله كدامه
الشي الوحيد الي خلاهم يكملون بإجراءآت الزواج تمسك فيصل بهيه
امها أثناء التجهيز مخلينا نفسها بلزغيره والجبيره
ما تنطيهم مجال يختارون هما
لا هيه الي تختار على مزاجها
وهذا الشي زعج خالتي حيل
كل شويه وكالت ولله ماشوف فيصل يرتاح بهاي الزواجه مادام امها واكفتله بلبلعوم
امل.....نزلنا جوه اني وجهالي بغرفة فيصل
يحيى اشترا غرفة النوم بالقسط من راتبه
وصبغ البيت كله تحضيرا للعرس
اما عمي تكفل بلمهر قدم على سلفه وسحبها وجهز بيها فيصل
حجزنا بلقاعه بليلة عرسهم تحديد اكتشفت شي مهم
اكتشفت يحيى عنده علاقه بوحده وصار فتره هاي العلاقه بينهم
شلون عرفت هاي الشغله
انتبهت علي اجا تليفون عاف العرس وطلع من القاعه
اتوقعت اكو شي مهم لان عاف قاعة العرس وطلع
طلعت ورا
شفته واكف على صفحه
ويحجي وياها
يحيى...اليله ماكدر اجي مو كتلج عرس اخوي
باجر امر عليج
اااي ااي ماناسي عيد ميلادي جبتلج احلى هديه
وصلنج الفلوس
ااي اني بالخدمه اذا انتي مااجيبلج اي شي يعجبج منو الي اجيبله
حبيبي اني مشتاق اكثر بس هوسه العرس شغلتني عنج
...ااي سددت القائمه مال ذاك الشهر
امل....حسيت نفسي وحده مغفله الضاهر هاي العلاقه
من زمان واني ياغافلين الكم الله
ملتهيه بلبيت والجهال
صح يحيى مهتم بلجهال وما مقصر وياهم
بس اني مالي اي اهتمام خاص
دائما يحسسني مفروضه علي
امل...وكفت ورا وبقيت اسمع
الله لا يخلي وحده بهذا الموقف جسمي كله يرجف
الصدمه عليه جبيره
صح اني ويحيى ما بينا حب قوي بس اكو عشره وجهال
التفت شافني ارتبك
نزل التلبفون
يحيى....شكو ليش واكفه هنا
امل.... اسمع الغزل اسمع الحب
يحيى....انتي فهمتي غلط اني جاي احجي ويا صديقي
امل...صديقك باجر عيد ميلاده
وجبتله هديه
يحيى... انتي شنو واكفه تسمعيني
امل...لا بس رب العالمين يريد يكشفك اليه
خادمتك وخادمه اهلك واكفه فد وكفه الجهالك
وعمرك ماكلت شكر ولا جبتلي هديه ولا اهتميت بتعبي
اثاري عندك وحيده حاير بيها
يحيى. اهووو لا تكبرين الموضوع
امشي ندخل جوه تلكين امي ادور علينا
امل....لا ماامشي وحتى الجهال راح اعوفهم هنا
راح اروح اجمع ملابسي واطلع من حياتك حتى تاخذ راحتك ويا حبيبت الكلب
امل........صاح عليه بصوت عالي
يحيى ... امشي ك.دامي مو كتلج احجي ويا صديقي
لاتكبرين الموضوع
امل....سكتت هواي لمن كمت تتهاون بمشاعري وتضحك عليه
يحيى....خل العرس يخلص سوي الي يعجبج
امل...دقيقه ماابقى هنا
انت تضحك عليه على نفسك
داير تمشي ويا البنات واني راكني على صفحه
مبقيني للخدمه
حتى جهالك مااريدهم خليهم الك
جمانه السعيدي
امل...مشيت بسرعه طلعت وكفت ااشر التاكسي
اجا وراي
بحيى.. امشي ادخلي جوه لا اكسر راسج فهمتي لو لا
امل...جرب اتمد ايدك عليه حتى اخلي الناس كلها
تتفرج عليك
ااشرت التكسي وكفت
ويحيى اشرله اطلع
امل...مشيت ابتعدت عنه واجرت تكسي
النوب اني مكياج وفستان همزين لابسه عبايتي
ااشرت التكسي ثاني
يحيى.. اوكفي اني اوصلج للببت
امل...كلشي ماريد منك عوفني عطت بصوت عالي
عوفني عوفني
صوتي جان عالي
يحيى.. اس فضحتينا
امل.. أشرت التكسي وصعدت
هو هم ااجر تكسي واجا وراي
بلطريق اتصل على عمي
يحيى... يابه اني وأمل رجعنا للبيت امل تعبانه
دير بالك على الجهال
عمي...شبيها امل
يحيى...مابيها شي شويه تعبانه
امل....وصلت قبل يحيى ودخلت للبيت
راسا دخل وراي
دخلت غرفتي وقفلت الباب
ماكدرت اتمالك نفسي دموعي نزلن حسيته يضحك عليه
ليش اني ما ناقصني شي
ليش يضحك عليه شاف نفسه صار ضابط ويريد
وحده من مستوى
نزعت الثوب
يحيى. افتحي الباب افهمج
امل. ماكو بينا اي كلام فهمت لو لا
لبست دشداشتي
نزلت ااجنطه وخليت ملابسي
اتصلت على عمي
عمي.. هااا بويه امل اجيج يحيى يكول مريضه
امل....اريد سياره تاخذني الخوالي هسه
عمي.. هسه ليش امج بيها شي
امل....لا مابيها شي
عمي.....اني اتصلت على خالج وعزمت امج للعرس كالت باجر اجي اليوم مااكدر
امل.. اني اريد اطلع من هذا البيت
عمي. ليش صار شي
امل.....اي صاير شي يحيى عنده وحده وعايش وياها قصة حب
وهدايه وفلوس واني الخدامه مالته
صاح بحيى من ورا الباب
يحيى.. اجذب اجذب
عمي...اجيت اني هسه اجيت
امل....مااقبل باي عذر لازم يطلكني
عمي.....الله يستر كولي يالله
رجع يحيى دك الباب
افتحي الباب لو اكسر راسج مو كتلج جاي احجي ويا صديقي
ليش تكبرين الموضوع
امل.. هاي السوالف روح مشيها على غيري
اني مو امل الزغيره الي تضحك عليها
كتلك من البدايه اذا ماتربدني طلكني وروح اخذ حبيبتك
يحيى...ماعندي حبيبه ماعندي حبيبه ليش ما تفهمين
انتي حبيبتي وزوجتي وأم جهالي
خلي هذا اليوم يعدي على خير
ليش تفرجين العالم علينا
جمانه السعيدي
امل........جان كلت النفسك هذا الحجي عايف العرس طالع توزع حب وهدايه
اني بعد مااسكت كافي تحملتك هواي
يحيى.. افتحي الباب ادخل نتفاهم
امل...بقيت كاعده بغرفتي ابجي ويحيى يحوس برا
الحد ماسمعنا الزفه اجت
دخلو العرسان وعمي و اهل العروس هلال واغاني
واني بغرفتي ما طلعت منها
صعدت العروس فوك
عمي ودع الناس الغريبه
هو ويحيى
اسمع فيصل يكول وين امل وين راحت ليش ماموجوده
جهالي يدكون بلباب عليه ثنيبنهم
فتحت الباب ودخلت جهالي بلغرفه
اسمع هوسه بلبيت وناس داخله وناس طالعه
خالتي اجت دكت الباب
خالتي....يمه امل وينج ليش قافله الباب عليج
امل.. فتحت الباب هاا خاله
خالتي... ليش قافله الباب
امل... تعبانه
خالتي...لا اكو شي احجي
امل...ماكو شي
خالتي...هاج صعدي عشى العرسان
امل.. مااكدر اعذريني
راحت خالتي صعدت الاكل
سمعت عمي كاعد بلاستقبال ويحيى وبا وعمي يسئله
عليه
دخلت عليهم
امل.. اني اريد اروح البيت خالي هسه
من سمعني بحيى احجي بعصبيه دنك راسه
عمي.. اكعدي احجيلي شصار
امل ...... الافندي عنده حبيبه وحسب ما فهمت من كلامه صار فتره مو قليله
ويطلع ويدخل وياها ويجيب هدايه
واني كلما يشوفني يعوج بوزه
وكلما اصير كباله وكال ابوي فرضج عليه
انتي مو مستواي
اني اريد اطلك وجهالكم اعوفهم الكم
اريد اعيش حياتي توني يله عشرين سنه
ليش اضيع عمري ويا واحد مثل يحيى شايف نفسه عليه
وكل يوم ويا وحده
عمي...صدك هذا الحجي جاوب
يحيى...يابه ترا يتهيئلها اني احجي ويا صديقي
امل....فوكاها اجذب
يحيى...انجبي شنو اجذب
عمي.. ليش تغلط عليها
يحيى.... اكو وحده تسوي مشكله بيت اهلها بهيج يوم
عمي ...... حقها اعتذر منها
امل....مااريد منه أي اعتذار خل بطلكتي ويشوف حياته
يحيى...مااطلكج لو تموتين فهمتي لو لا
امل...مو بكيفك
يحيى... ترا اكوملج شنو مو بكيفي قابل بكيفج
عمي....راسي يوجعني يمكن ضغطي صعد
بويه امل اصبري الباجر واني حاضر شنو تردي اسوي
ولله تعبان وراسي بوجعني
جمانه السعيدي
امل.... رجعت الغرفتي وقفلت الباب
شويه واجا بحيى
يحيى ليش قافله الباب اريد انام اريد ملابسي
امل.. كلشي مالك يمي روح نام بلمطبخ
يحيى.. اربد دشداشه ابدل
امل.... كلشي مالك يمي
خليت جهالي بحضني ونمت بس مقهوره بشكل
اني يحيى يضحك عليه ويعرف وحده عليه شنو ناقصني
خو هاي الفلوس الي يصرفها على صاحباته
ينطينياهن اشتري ملابس واروح للصالون واني اصير احلى منهن قابل هنا بيش احسن مني
اني نظيفه وحلوه وما ناقصني شي بس هو عنده احساس بلنقص وراح يدور على وحده تكمله
ثاني يوم الساعه عشره خالتي دكت الباب
خالتي.. يمه امل اكعدي حبيبتي
امل. .كمت من الفراش راسي يوجعني
هلكد ما بجيت ونقهرت
طلعت برا
امل.. صباح الخير
خالتي.. صباح الخير تعاي ساعديني وحدي ماكدر
بديت اشتغل ويا خالتي شويه ودخلت امي هيه وخالي جاي يباركون للعرسان
خالي سلم على عمي من الباب وراح للسوك وكال من ارجع اخذ ام امل وارجع للبيت
بس شفت امي حضنتها وكمت ابجي
امي.. ؤاستار ليش تبجين
امل...يمه اخذيني وياج
دخلت امي بغرفتي حتى احجي وياها براحتي
امل...فدوه يمه اخذيني وياج
امي .... وين اخذج الله يستر هيه غرفه بلوك وحاره
انتي تعودتي على هاي الحياة بعد ماتكدرين تعيشين مثل قبل
امل...يمه يحيى عنده صاحبه
امي... كلها الزلم هيج اكعدي على جهالج وبيتج
لا تخربين حياتج نزوه جم يوم ويرجع الجهاله
مادام ما مقصر وياج ولا ويا جهاله اكعدي واسكتي
امل...يمه لا تكسرين بيه ااكثر مااني مكسورة
امي... اكعدي بيتج ولا اضيعين حياتج
اني احجي ويااا
كعدنا وامي التهت تسولف على خالتي
واني اعزل بلبيت دخلت بلاستقبال
لكيت يحيى نايم بلفانيله والشورت وملابسه على القنفه
حيل حيل بي بعد راح اغير اسلوبي ويااا
منا وهيج اله مااخلي علي فلس احمر
يضم فلوسه الصاحباته اني اعلمك
راح عمي كعد يحيى
عمي...يله اكعد وشيل فراشك وياك
خاف تجينا ناس كعد يحيى يثاوب وعاف تليفونه بمكانه سويت نفسي اشيل الفراش وأخذت التليفون
ااكو دوالكه ماي يم الفراش خليت التليفون بيها
وشلتها خليتها بلمطبخ
فوك الثلاجه
غسل يحيى ورجع يدور تليفونه ماكو ووو
الجهال كعدو اخذتهم غسلتلهم
وهو انخبص وين تليفوني
يمشي بلشورت والفانيله ويدور وين تليفوني
امل...كعدت الجهال اريكهم عبالك مااعرف عليمن يدور
يحيى.. امل وين تليفوني
مارديت علي
صاح بصوت عالي وين تليفوني مو احجي وياج
امل...شمدريني وبن تليفونك
يحيى شنو طار اني خليته بصف المندر وطلعت اغسل
امل.. يله ماما شبعتو
يحيى.. مو احجي وياج
امل...عطت علي شمدريني انت خليته يمي
رجع يدور بنفس المكان
امل.. اذا مااحرك كلبك مثل ماحركت كلبي مااسمي امل
خل نشوف منو الي راح ينتصر بلاخير
كمت جبت الدولكه الي بيها التليفون خليتها بصف بنتي زهراء زهراء عمرها هنا سنه ونص
رجع عليه يحيى
يحيى.. امل امل الله يخليج وبن التليفون بي أرقام مهمه
باوعت علي. بحقد ااي اعرف بي أرقام مهمه
يحيى.... بس رجعي راح امسح كل الارقام منه
امل ...... قابل هو عندي وارجعه
مدت ايدها زهراء بلدولكه وطلعته
هو شافه وتخبل هذا تليفوني لا يالله بلدولكه
امل.... ايجوز زهراء خلته بلدولكه
يحيى...ماكو غيرج الي سوا هاي المصيبه بعد ما يشتغل
اخذ التليفون وكعد ينشف بي بلشسوار
بس كلشي ماكو طافي فد مره
بدل ملابسه وأخذ التليفون وطلع يشوف واحد يصلحه
ساعه ونص ورجع عيونه براسه
يحيى..ماكو غير امل هيه الي خربت تليفوني
عمي...اش لا تصيح عدنا خطار
امل ...اجا وراي للمطبخ ليش هيج احجي وياج
امل....واني شعليه
يحيى...تليفوني احترك
امل.......للجير خل يحترك انت مقهور علي لو على صاحباتك
للضهر رجع خالي اتغدا عدنا وأخذ امي وراح
اتخبل يحيى بيومها حتى مااكل
للعصر شفته سبح وكشخ اي مو سالفه البارحه مرت سلامات وأمل بقت بلبيت ماراحت بيت اهلها
امل....رحت كعدت عمي من النوم
عمي...هااا بويه
امل.... يحيى بدل وراح يطلع ويا صاحبته
اني وجهالي اولى بهاي الفلوس الي يصرفهم عليها
خل ينطيني الفلوس الي عنده ويروح وياها مهنى بيها
عمي....شمدريج يطلع وياها
امل...اني سمعته البارحه بااذني
اني اريد اشتري محبس ذهب على الاقل باجر اذا احتاج يحيى فلوس ابيع الذهب علموده
بس اذا هاي المسعده اخذت الفلوس شلون يرجعن
جمانه السعيدي
امل...شحنت عمي علي
عمي...يحيى وين طالع
يحيى....عندي شغله اخلصها وارجع
عمي...تجينا ناس لا تطلع
يحيى..مااتاخر بسرعه ارجع وهم اشوفلي تليفون اشتري بلقسط
عمي....اني اريد الفلوس الي عندك مطلوب
يحيى....ماعندي هواي فلوس هنا ٥٠٠
عمي...اي أريدهن
يحيى...اريد اشتري تليفون بمكان تليفوني
عمي...خليهن للشهر الجاي واشتري تليفون
يحيى.. وابقى شهر بدون تليفون
عمي....اي ما تشوف عرس اخوك مابقا عدنا فلوس خلي التليفون للشهر الجاي
امل....اخذ عمي ٤٠٠ من يحيى وانطانياهن
بقت عنده بس ١٠٠ كروه ومصرف منا لمن يخلص الشهر
اخذت الفلوس وضميتهن
بطل يحيى ما طلع من البيت كعد وسكت
هو متاكد اني الي حركت تليفونه
بس مايكدر يحجي بسبب مشكلة البارحه
وصممت بس يشتري تليفون احركه مثل هذا التليفون
اريد اشوف شلون يحجي ويا صاحبته