رواية امانة الغائب الفصل التاسع9بقلم جمانه السعيد
امل....اجونا خطار يباركون على العرس كعد يمهم عمي ويحيى
عمي اتصل على فيصل ينزل يسلم على الزلم
شويه ونزل فيصل على الدرج ورا زوجته
اني طلعت من الحمام شايله الملابس اريد اشرهن
بس شافني فيصل
فيصل.....هلو امل
امل...هلو فيصل مبروك شايف كل الخير
فيصل...وين البارحه ليش اختفيتي ماشفتج بلزفه
امل....بعدين اسولفلك
صار وياي شي ما ينحجي
يراد نكعد ونسولف
راسا زوجته خنزرت عليه مقبلت بلكلام بينا اني وفيصل
هبه...احجي عيوني لو هذا الشي ماينحجي بس الفيصل
امل.....لا ماكو داعي بعدين درت وجهي وطلعت أشر الملابس
دخل فيصل على الخطار وزوجته كعدت يم خالتي
لابسه فستان قصير ابيض وضاربه المكياج
شويه اجاها اتصال من اهلها
كعدت تحجي ويا امها
اجن نسوان اني قدمتلهن عصير
شويه واجت امها واختها وزوجت اخوها
اخذءتهن وصعدت فوك
شويه اجن نسوان يباركن كالن نريد نشوف العروس
صحت عليها من الدرج بس ما نزلت
طلعو الزلم وفيصل اجاني للمطبخ
فيصل....شكو الله عليج شصار البارحه
امل....مصيبه لكيت يحيى يحجي ويا وحده الضاهر صار فتره يعرفها ويصرف عليها
بس سويت بس دكه ماصايره حركت تليفونه
فيصل...الله عليج
امل...ولله حرك كلبي وحركت كلبه
فيصل....صايره تخوفين
امل.....من الضيم الي شفته وياااا الله عليك اني مقصره ويا بشي حافظه بيته وجهاله ومتحمله غروره وانانيته
ولا عندي طلبات ولا شروط
تالي هيج يجازيني
طبعا من زمان عنده علاقات هسه يله انتبهت
كلما ادخل علي وهو يحجي بلتليفون يسمعني كلام يغث
اعوفه واطلع وهيج ياخذ راحته بلكلام ااكثر
شفت شكد خبيث شلون يخليني اشرد منه حتى ياخذ راحته بلكلام
ابد ماجنت متوقعه منه هذا الشي
البارحه جان انشليت اله شويه من القهر
من حركت تليفونه يله ارتاحيت
فيصل....الصدك انتي ماكو منج
كاعد نحجي اني وفيصل
واكف بصفي بلمطبخ ونسولف
جان تنزل زوجته هيه وأهلها من فوك بس شافتنا
نحجي جان صاحت بصوت عالي فيصل
جمانه السعيدي
التفت عليها
فيصل..هله حبيبي
هبه...شعندك هنا مو عدكم زلم خطار
فيصل....الزلم طلعووو
هبه...وانت ليش كاعد بلمطبخ ماصعدت فوك تكعد ويا اهلي
فيصل.. اي هسه اريد اصعد بس سئلت امل على شغله
امل....اني مااخذت ابالي كملت شغلي وفيصل وصل اهلها للباب
رجعت تمشي وتحجي بعصبيه
هبه...تعال نصعد فوك
اخذت فيصل من ايده وصعدت فوك
امل...كاعد امسح وسمعها تعيط علي
هبه...شعندك لازك باامل ما تستحي شنو هلسلام الحار بينكم شنو الموضوع المهم الي جاي تحجون بي
فيصل.. هاي شبيج امل مثل اختي واني متعود احجي وياها
ليش انتي عصبيه
هبه....قبل جنت عازب وماكو احد تحجي وياا بس هسه اني موجوده احجي وياي ليش تحجي ويا امل
فيصل....ليش انتي عصبيه هيج
هبه . لان وضعك مو طبيعي
امل.....هاي شبيها معقوله تغار علي الهلدرجه
خالتي جهزت العشى وكالت صعدي الهم
اخذت الصينيه وصعدت
باب الغرفه مقفول صحت فيصل فيصل
جان تطلع عليه هبه
شكلها عصبي وتكول نعم
امل.. عشاكم
هبه.....شكرا اذا عندج شي صيحي هبه مو فيصل
امل....هزيت ايدي ونزلت
خالتي....شبيج
امل....جنتج المحروسه ماتريدني احجي ويا فيصل
خالتي....ميخالف بعدها ما متعوده عليج
امل...اني بعد مااصعدلهم اكل
خالتي.....اني اصعدلهم اكل
امل....فيصل ماينزل هواي جوه بس على كد الخطار ويصعد وخالتي تصعد الاكل الهم
زوجته حتى ما تكلف نفسها تنزل تاخذ الاكل
التحق يحيى بعد يومين
قلت الناس الي تجينا تبارك ورجعنا الوضعنا الطبيعي
زوجت فيصل ابد ماتنزل يمنا
وامها بين يوم ويوم يمها
خالتي تطبخ وتصعدلهم الاكل
بعد زواج فيصل بشهر عمي اقترح على فيصل يدور شغل
خوما يبقى هيج ياكل وينام
طلع فيصل يدور شغل بس مالكه شغله تفيده
دور بمراكز التحليل محد قبل يشغله
دور يم الدكاتره ماكو اي احد يقبل يشغله
عمي.....اني عندي الك شغل
فيصل..شنو
عمي...تجي وياي للشغل الصبح اني جاي اتعب وبعد مابيه حيل مثل قبل
اني وياك نتعاون على الحلال ونظف مكانه
شغلة ٣ ساعات يطوني ٥٠ الك ٢٥ واليه ٢٥
منا لمن تلكه شغل زين
وافق فيصل على هذا الشغل
فيصل ماشرح الزوجته طبيعة شغله كللها اشتغل ويا ابوي
نطلع الصبح ونرجع الضهر اخذ ٢٥ وهاي هيه
نزل الصبح ماقبلت تكعد علموده
خالتي جهزت الريوك اتريك ويا عمي وطلع
من رجع بي ريحة حلال ريحه مو طيبه
صعد فوك حتى يسبح
بس شافت شكله هبه والريحه تخبلت
هبه...هو هذا الشغل الي تشتغله صدك تحجي
لا ولله ماتطلع وتشتغل هيج شغل
اني زوجي يشتغل هيج شغل
فيصل...شغله موقته منا لمن احصل شغل
هنا ٣ ساعات وارجع واسبح وتروح الريحه
هبه...انزل انزل جوه اوي شني هلي الريحه كتلتني كتل
جمانه السعيدي
امل.. نزل فيصل خطيه سبح جوه
واني غسلت ملابسه الي نزعهن
من طلع من الحمام كعد يتغدا ويا عمي ويسولف علي
راسا نزلت ورا جان تصيح بي كدامنا
هيه..شو كاعد وماخذ راحتك ليش ما تصعد عيوني
فيصل...صوتج شو تعلين صوتج عليه
هبه....اي لمن كاعد هنا وعايفني وحدي فوك شتنتضر مني
فيصل....اصعدي بلا كلام زايد جاي وراج
عمي....هاي شبيها حتى ما سلمت علينا نازله تهوس
فيصل..معليك بيها يابه
حضرنا صينية الاكل اخذها وصعد فوك
جان تكله وين الفلوس جيبهن
مدت ايدها بجيبه وأخذت ٢٥
ثاني يوم ماقبلت فيصل يروح للشغل ويا عمي
عمي وكف على الدرج وصاح على فيصل
عمي........ هااا بويه تروح لا
فيصل.... هسه اجي
هبه...وين تروح لا ماتروح تشتغل وياااا هو يشتغل وينطيك ٢٥
فيصل... رجال جبير يشتغل واني كاعد
هبه..... عمره كله يشتغل وحده
فيصل....عرسنا كلف هواي وهو بعد مايكدر للشغل مثل قبل
اني بس الكه شغل واشتغل
اخلي يعوف من هذا الشغل المتعب واني انطي من شغلي
هبه..لا ولله خاف ماترضا
شغلك كله اليه نلم نفسنا نكعد بيت مثل الناس خوما نبقى معلكين هيج طول عمرنا
فيصل....يعني ابوي يصرف عليه صار ٢١ سنه
وهسه أدير وجهي واروح
عمي...يله بويه فيصل اتاخرنا
عمي يسمع كل كلامهم بس مايريد يدخل بينهم
نزل فيصل وهبه زعلت علي
شلون تروح تشتغل ويا ابوك وترجع ريحتك تلعب النفس
خل ابوك يروح يشتغل وحده وينطينا ٢٥ كل يوم
من رجعو فيصل دخل للحمام الجوه سبح وبدل وتغده
بعدين صعد الغده الها
جان تتعارك ويا
هلمره العركه شلون تجي وتسبح وتتغده وبعدين تصعد فوك
فيصل.. انتي مو تكولين ريحتك مو طيبه
هبه.. اي اسبح واصعد
فيصل.. ترا انتي زودتها حيل صار ٢٢ يوم مزوجين
الاكل يصعدلج فوك اي خلي عندج احساس وانزلي
ساعديهن شويه
هبه...لا ولله خاف اشتغل عدكم وماادري
هذا الاتفاق كان من البدايه
بعدين اني تقارني بزوجة اخوك هاي الهمجيه الي جايبيها من الريف تريدني اني اشتغل حالي حالها بلبيت
اني بت ناس وخريجه
فيصل...لهنا وكافي امل بت عمي ومااقبل تحجين عليها
شايله اهلي شيل لاتتعاجز ولا انانيه مثلج
هبه...اني انانيه ما تنلام امي من طلبت اكعد بيت وحدي
اني صوجي قبلت بهيج وضع لان احبك
فيصل...امي امي امج شنو دخلها بحياتنا
ماخرب علينا غير تدخل امج
فيصل....اني راح اجيب مسواك انتي اطبخي النفسج
اني مااقبل امي تخدمج
هبه...هااا امك شكت مني بسم الله الرحمن الرحيم
مو كتلك نطلع ببت وحدنا بلا دوخت الراس هاي
اني مااطبخ مااعرف اطبخ جيبلنا اكل جاهز وياك
حتلو لفات
جمانه السعيدي
فيصل...هبه جري عدل احسلج
خلينا نمشي الامور اني راح اخلي امي ما تحسب حسابنا
انتي اطبخين
لو تنزلين اتساعديهم جوه
هبه...ماانزل ومااطبخ وهذا الي عندي
امل...صوت عياطهم واصل جوه
.استمر فيصل يشتغل ويا عمي مو بس لان ماكو شغل
بس لان عني تعبان حيل ومايكدر للشغل مثل قبل
واحنا أكثر شي معتمدين على عمي بلمصرف
وهاي الشغله فلوسها اكثر من راتب عمي
رغم يحيى يساهم بمصرف البيت بس اكثر المسؤليه على عمي
بس ينزل فيصل ويتأخر عليها تنزل تركض ورا خاف كاعد يسولف عليه
مرات تنزل من فوك على كيف
على اساس تكبسنا اني وفيصل
ولله مسكين فيصل قبل الزواج شكد جان مرتاح
وهسه عرك ليل نهار هو وياها
من غير امها الي ماعايفتها تعيش بسلام
لازم تقرير يومي بكلشي يصير بينها وبين زوجها
بلتفاصيل حتى من يدخل الحمام لازم امها تعرف
على اساس ماتعرف تتصرف وامها الحكيمه الي اديرلها حياتها
امل...فيصل يشكي من امها اكثر ما يشكي منها
امها تكوله لاتنزلين تشتغلين بلبيت
هما يخدمونج لا تنطيهم وجه وتكعدين تسولفين عليهم
خليهم بعيدين عنج
فيصل يسولفلي يكول حتى العلاقه بينا امها تدخل بيها
تكلها اشلعي كلبه لا تقبلين يقرب عليج يمتى ما يعجبه
يكول امها موتتني طبعا هو يسولف بس عليه
يكول ماريد احجي كدام امي لان امي حذرتني من امها قبل الزواج واني ماسمعت كلامها
رغم امها جاي اضيع عليها فرصة تعيش بسلام
هيه وزوحها ولله فيصل ما يتعوض ابد بس هبه غبيه وما تعرف شلون تحافظ علي
جمانه السعيدي
نزل هلمره بحيى وعنده تليفون جديد
فيصل ...هذا تليفون جديد
يحيى...اي صديقي جابه اليه بلقسط
فيصل...بلعافيه مبين خوش تليفون
يحيى.. اي احسن من تليفوني القديم
امل...وين مايروح يحيى تليفونه بايده حتة من يدخل الحمام تليفونه ويااا
يخاف لا احركه مثل التليفون القديم
بس سمعت بي مستلم الرتب رحت العمي
امل...عمي يحيى استلم الراتب من ينطيك حصة المصرف
اني هم اريد مصرف خاص بيه
بس تبقى عنده فلوس يصرفهم على الحبايب
عمي...اي مو تدللين
فعلا عمي اخذ منه ٥٠٠ مصرف للبيت و٢٠٠ مصرف الجهال
و٢٠٠ مصرف اليه
كلما ادخل علي وهو يحجي بلتليفون
راسا ينهي المكالمه حتى لا اسمع ويامن يحجي
اعرف اني مستحيل اكدر امنعه من العلاقات
ويا النسوان مادام هو مخلي بعقله هاي السالفه
مراح اكدر امنعه منها
بس مااريد اخرب حياة جهالي وابهذلهم
ماعندي مكان ولا مصدر معيشه حتى اعوف يحيى خلي شايل مسؤلية جهاله ويصرف عليهم
مادام مرتاحه هنا لازم اصبر واتحمل الخاطر جهالي
بس راح اخلص فلوسه حتى لا يصرفهم هنا وهناك
كتله شاركت بسلفه اريد اشتري ذهب
يحيى...اي مو اخذتي ٢٠٠
امل...شنو ٢٠٠ مصرفي اريد بعد ٢٥٠ سلفه
يحيى...هو الراتب شكد وتاخذين انتي وجهالج ٦٥٠
امل...الراتب خير من الله لو بس يم الحبايب هدايه
وتسديد فواتير ويانا الراتب خلص
يحيى...ماعندي
امل....ولله تنطيني بكيفك لو ابوك فلوسك
اني اريد اشتري ذهب لو بس محسوب عليه ضابط كدام الناس
بقيت احجي علي منا لمن اخذت منه ٢٥٠
مرات اكوله مريضه اريد اروح للطبيب وأخذ الفلوس واضمهن
لو اكله اريد اروح للصالون لو اشتري ملابس
اي حجه بس لا تبقى عنده فلوس زايده
بس شنو مشاكل اني ويااا من ينزل لمن يلتحق مشاكل
هو حتى يخلص من الكلام والمشاكل
ينطيني حتى يخلص مني
هلمره التحق يحيى ونطوهم انذار
دخلو الدواعش الموصل والمرجعيه انطت الفتوى
الوضع حيل متوتر
قدموهم حتى يقاتلون
بقا ٣ أشهر مانزل انذار ماكو نزول
خالتي وعمي كلبهم علي نار
كل اسبوع لو اسبوعين لو يتصل مره لو ماكو اتصال
كلما يتصل يبقى يوصي بعمي على الجهال
حتى اني من احجي ويااا ماكو على السانه غير الجهال
يمكن حاس راح يصير شي
ويخاف بعد مايشوفهم
يحيى...امل ديري بالج على الجهال
امل....دير بالك على نفسك لاتفكر بيهم شعليهم
امل....اني اعرفج اصيله جهالي امانه عندج
امل...ليش تخوفني عليك كول يالله
يحيى...يالله ياكريم خلصنا من هاي الشده
الاخبار تخوف والوضع مو امان
وعمي حيل تعبان من التفكير والقلق
والضغط دائما صاعد
بطل يروح للشغل الصبح وفيصل يروح بمكانه
وهبه مسويه حياته جحيم هيه وامها
كلشي مايعجبها ودوم تحسسه هيه ندمانه لان قبلت بي
رغم هو يحاول يسعدها بكل طريقه
واي فلس يحصله ينطي الها
كل يومين وراحت البيت اهلها تبقى اسبوع واكثر يله ترجع
من ترجع اجيب المشاكل وياها
وكلمه والثانيه وكالت امي نصحتني
امي كالتلي امي حذرتني
لمن طلعت روحه من صدك
حتى هو ندمان على هاي الزواجه
هيه ورطته بينتله تحبه وتريده وراح تعيش ويا على الحلوه والمره
بس من ازوجت طلع وجها الحقيقي
كلشي مايعجبها يومين هنا وعشره بيت اهلها