رواية سلطانة الزين الجزء الثاني2 بقلم نوره عبد الرحمن
زين زقها على السرير وقال:
منار تتأسفي منها سامعه ياسلطانه هتعتذري منها وقدامي انا مش ناقص جنانك اللي فيا مكفيني
سلطانه بعناد :
مش هعتذر من حد سامع مش هتعذر..
زين قرب منها وهي خرجت من الاوضه بسرعه مسح وشه كان عايز يهدى حاول يتصل في منار مكنتش بترد عليه وبعتلها رساله..
"منار انا اسف عشان سلطانه زعلتك الصبح قلتلك ابننا تعبان وهي من التوتر بتعمل كده حقك عليا اشوفك بعدين ونتكلم "
نزل وشاف سلطانه مع سيف
زين بص للشغاله وقال:
الفطار جاهز
الشغاله:
جاهز يابيه تحب انده للمدام والبيه الصغير
زين قعد عالسفره وقال:
ياريت
سيف قعد جمب باباه وسلطانه جنبه
زين بيدلع ابنه وبيتكلم معاه وبيفطره
سلطانه لسا بتفكر في منار ومتغاظه .
زين :
انا عايزاك تاكل وتكبر وتبقى قوي
سيف :
ماانا دلوقتي قوي يابابا حتى شوف
سيف كان بيحاول يورى باباه عضلاته
زين ضحك وقال :
عارف بس عايزاك تبقى اقوى من كده شبه جدك سليم
سلطانه ردة بتريقه:
ليه مش عايزه يبقى زيك بتاع ستات
زين كور كفه بغيظ وقال :
بلاش ياسلطانه انا حذرتك قبل كده بلاش تطلعي زين المجنون دلوقتي.
سيف بطفوله :
هو في حد تاني اسمه زين غيرك هنا يابابا
زين:
كل ياحبيبي كل عشان ننزل اشتريلك هدوم ونروح نشوف الدكتور
سلطانه مكلتش حاجه ولسا هتقوم
زين :
كملي اكلك
سلطانه بعناد :
مش عايزه اتسدت نفسي من المناظر اللي شفتها الصبح
زين مسك أيدها بقوه وقال:
انا قلت افطري الاول وبعد كده امشي
سلطانة :
وانا قلت مش عايزه هو بالعافيه
شدت أيدها وطلعت أوضتها وهي بتعيط مش ناسيه منار وعمايلها معاها زمان وزين لسا بيدافع عنها ولسا بيشوفها
زين كان بيتكلم في التلفون دخل الأوضه واتكلم بهدوء :
اجهزي انتي وسيف عشان هنخرج دلوقتي
سلطانه لسا هترد عليه خرج وسأبها اتغاظت اكتر وضربت المخده عالباب
سيف :
في أي ياماما انتي متعصبه ليه
سلطانة :
مفيش يابني خليني اغيرلك عشان ننزل نشوف ابوك
***********
رؤوف لاحظ انها زعلانه اول ما دخل البيت قعد جنبها ونام على رجلها وبص ليها وقال :
حبيبتي مالها متعصبه من ايه
منار بضيق:
مفيش
رؤوف :
انا عارف بنتي تعبتك والحمل برضو مش كده
منار هزت راسها بلاا
رؤوف لما شاف دموعها بتلمع في عينيها اعتدل وقال:
في ايه قلقتيني عليكي
منار بصوت مخنوق :
انا مخنوقه يا رؤوف في حاجه كابته على نفسي
رؤوف حاوط وشها بحنان وقال:
مالك ياروحي احكيلي ..
منار انترمت فحضنه وقالت :
معرفش تعبانه
رؤوف طب تحبي نخرج اي مكان نسافر اللي انتي عايزاه ياحبيبتي
منار :
مش عارفه يا رؤوف بس عايزاك تفضل جنبي حاسه اني مخنوقه
رؤوف:
طيب ياروحي نطلع نتعشى براا ونتمشى عالنيل ونتكلم اي رأيك
منار :
طيب ومنة هنسيبها فين
رؤوف:
نسيبه عند الشغاله يللا ياروحي يلااا دلوقتي هنخرج وهعشيكي احلى عشوه مسك أيدها وهو بيقول :
يللا خلينا نمشي انا كم منار عندي هي وحده بس
ابتسمت ومشيت معاه ودفنت وشها بحضنه وقالت
:
ربنا يخليك ليا
************
هناء :
بتكلم مين ياحبيبي
كنان بتهرب :
مفيش ياروحي بكلم المساعده بتاعتي عشان نغلي الاجتماعات الاسبوع الجاي مش عايز ابعد عنك ابدا
هناء :
لو في شغل مهم انزل ياحبيبي
كنان: مفيش حاجه اهم منك ياقمر
هناء ابتسمت بكسوف وقالت :
هتفضل تحبني كده دايما
كنان :
ولحد اخر يوم فعمري
***********
وصلوا عند الدكتور وقت الموعد زين خد نفسه بهدوء بيدعي ربنا أن التحليل فيها غلط
الطبيب :
اهلا بيكم اتفضلوا
زين وسلطانه قعدوا ومعاهم ابنهم
الدكتور نده الممرضه وطلب منها تأخذ سيف تلاعبه شويه ..
زين وسلطانه اتوتروا اكتر
الطبيب قرب من مكتبه وشبك اديه ببعض واتكلم بعمليه:
زين بيه انا كلمتك عن الحاله امبارح بتفاصيلها فاكر
زين هز رأسه باه
الطبيب:
دلوقتي سيف طلعت تحاليله مش سليمه يعني هو محتاج متبرع
سلطانه بدموع :
انا هتبرع لابني يادكتور
الطبيب :
شكل زين بيه متكلمش معاكي في التفاصيل
زين سكت
الدكتور:
بصي يا هانم انا هتكلم معاكي بكل صراحه احنا محتاجين نزرع نخاع العظام لسيف انا مش هقول انتي والاستاذ زين مش متوافقين معاه لا
حضرتكم كأب وام متوافقين بنسبه 50 في المئه
سلطانة :
مش مشكله المهم ابني يخف
الطبيب :
لكن في طريقه تاني واحتمال التطابق هيكون 100في الميه
سلطانه:
ايه هي ابوس ايدك يادكتور انا عايزه ابني يخف هو لسا صغير خد من عمري واديله
الدكتور:
الحل انكم تخلفوا تاني
سلطانه بصدمه :
ايه عايزنا نخلف ولد عشان ننقذ ابننا
الطبيب :
يامدام الجنين مش هيتأثر بالنقل بنسبه ميه في الميه احنا زي ما شرحت لزين بيه امبارح هننقله وقت الولاده من الحبل السري وبكده مش هيكون في خطوره لا على الجنين ولا على سيف
سلطانه :
انا مش فاهمه حاجه
الطبيب :
انا دي الحلول اللي عندي عايزين تخاطروا ويتبرع حد فيكم انا معنديش اي مشكله لكن انا بلغتكم أن نسبة التطابق هتكون 50في الميه دي الحلول المتاحه عندكم فكروا وبلغوني بقراراكم بس حابب انكم تعرفوا أن سيف كل اما يكبر حالته هتسوء اكتر
زين :
متشكر يادكتور بعد اذنك هنفكر ونبلغك بقرارنا قريب جدا
الدكتور :
شرفتوا
زين :
يلاا ياسلطانه ..
سلطانه وقفت ومشيت معاه وهي سرحانه ..
وصلو البيت وقعدت سلطانه في الصاله لسا مش مستوعبه الكلام اللي سمعته
وزين طلع سيف أوضته عشان نام ومعاه الحجات اللي اشتراها ليه ورجع قعد جنبها
زين:
بتفكري بأيه
سلطانه:
مش عارفه
زين :
سلطانه انتي لازم تعرفي حاجه مهمه
سلطانه بصت ليه
زين :
منار النهارده جت البيت عشان أنا طلبت منها بقالي عشر ايام هي مختصه بالديكورات وعندها شغلها الخاص
سلطانه سكتت
زين :
وانا اتصلت بيها عشان تهتم بالبيت قبل فرحي
سلطانه اتصدمت وبصت ليه وقالت:
انت قلت ايه
زين لسا هيتكلم قاطعة بنت جميله طويله جسمها متناسق وكأنها عارضة أزياء جريت على زين وقالت بقلق :
زين انت كويس صوتك الصبح مكنش تمام
زين بص لسلطانه وقال :
اه ياسيلا انا بخير الحمدلله
سلطانه بصت ناحيتها بصدمه
سيلا قالت:
ياحبيبي مش قلتلك بلاش تتعب نفسك في الشغل وفرحنا مافضلش ليه ايام احنا بصراحه نستاهل اجازه طويله على فكره
سلطانة حست فجأه انها خسرت كل حاجه وقالت بصوت مبحوح وكأنها مش مصدقه اللي سمعته :
مين دي يازين
زين بضياع :
سيلا خطيبتي
سيلا بابتسامه :
اتشرفت بيكي انتي مين
سلطانه سأبتهم وطلعت أوضتها تجري ووووو