رواية عيلة الجيار الفصل السادس عشر16بقلم سلسبيل احمد
- يا فريده بقا !
= لاااا Nooo هرجع لوحدي خليك قد كلمتك
مصطفى: فيه ايه مالكم
ادهم بزهق: طيب سوقي براحتك وهركب وراكي
= لا يا ادهم لا لا لا
- خليكي فكراها
ضحكت: حاضر يلا
" طلعنا بيهم و كنا ماشين ورا بعض وهو كل شوية يبص عليا محسسني اني طفلة.. و في نص الطريق تقريبا السرعه بتاعت البيتش باجي فضلت تقل لحد ما بقيت في الآخر ومكنتش شايفه ادهم..! وقفت خالص مني! وهما كانوا بيبعدوا واتفاجئت بحد بيقرب وسايق ناحيتي.. "
" ادهم بص وراه مكنش شايفها واتفاجئ راحت فين خلال الثواني دي وكان مخضوض ! "
- فريده فين يا مصطفى !!!! ؟؟
= مش عارف كانت لسه ورانا!!!
زعق جامد: يا ريس محمد وقف لحظه !! حد تاه مننا !!
" الكل وقف و أدهم مكنش عارف يتصرف ازاي خصوصا ان الأجانب تبع المؤتمر مينفعش يحسوا بأي حاجه.. "
بص لمصطفى: كمل بيهم وانا هرجع اشوفها تمام
مصطفى: مش عايز اسيبك
أدهم: الجاردات معايا!
" مصطفى اتحرك و في الوقت ده حد من
الجاردات اتكلم "
- متقلقش سيادتك الجارد خالد مش معانا
فا اكيد هو معاها.
" رجعوا بالبيتش باجي عشان يشوفوا فريده "
>>>>>>>>>>>>>>>>>>>>>>>>>>>>>>>>>>
" لقيت الجارد بيقرب ناحيتي و وقتها الراجل اللي كان بيقرب عندي جري بسرعه وانا مش فاهمه "
" الجارد خالد نزل و طلع مسـ.ـدسه علطول وهو بيبص حواليه وبيأمن فريده "
فريده بقلق: هو فيه ايه؟
" خالد كان مخليها وراه لحد ما ادهم وصل بسرعه ومطولش لأن فريده ملحقتش تبعد "
" نزل جري اول لما شافها واقفه و راح ناحيتها يطمن عليها بخوف "
- انتي كويسه؟؟؟
= ايوه انا تمام بس عطلت مني فجاة
- المهم انك بخير
بص للجارد: شوفت اي حاجه غريبة؟ شوفت اي حد؟
خالد: لا سيادتك
" وقتها افتكرت الراجل اللي كان جاي ناحيتي بس مش عارفه اقول لأدهم.. ولا يمكن انا مكبره الموضوع وبيتهيقالي.. قررت معرفهوش افضل لأنه اوردي قلقان بدون سبب ! "
مسكته من ايده لما لاقيته عمال يبص حواليه: محصلش حاجه اهدي يا ادهم !!
"ادهم قربها ناحيته وبصلها بتفحُص و فريده شكت ان فيه حاجه معينه لأن خوفة مش طبيعي.."
>>>>>>>>>>>>>>>>>>>>>>>>>>>>>>>>>>>>>
' اللهم صلِ وسلم وبارك على سيدنا محمد '
|| في الفندق | اوضة ادهم ||
" كانت فريده قاعده وهو واقف بيتكلم في الموبايل "
- ايوه ياجدو عادي مفيش حاجه.. لا كل حاجه تمام وهنكمل شغلنا عادي.. متقلقش حاضر.. هديهالك اهي
" ادهم مد ايده بالموبايل و فريده كانت باصه له بنظرات مبهمه و لكن خدت الفون "
- ايوه يا زيزو... مفيش حاجه كله زي الفل.. انت كمان خلي بالك على نفسك.. مع السلامة
" حطت الموبايل على الترابيزة الى قدامها وبصت لأدهم وهي بتقف قصاده "
- انا محتاجه افهم فيه ايه!
= فيه اني قولتلك بلاش تبعدي يا فريده
او تبقى لوحدك..
- اولا انا مبعدتش البتاع عطل! و انت مكملتش دقيقتين اصلا وكنت عندي! وجيت لقتني كويسة وجنبي الجارد اللي اول لما نزل طلع مُسـ.ـدس كأننا في حـ.ـرب
نهيت كلامي وانا بضحك بسخريه وبعدين بصيت له وانا بستوعب: هو احنا فيه حاجه معينه خايفين منها مثلا؟ ولا فيه ايه
= مفيش يا فريده
- ادهم؟ ممكن تفهمني؟؟
= مفيش حاجه..
- طب قالب وشك عليا ليه كده؟
"أدهم مسح على وشه وحاول يهدي"
بصلها وقال بهدوء: عشان كنت خايف عليكي
" فريده فضلت مركزه مع عيونه.. "
- بس يا ادهم.. انا مش صغيرة وبعدين احنا هنا حتى بعيد عن المشاكل بتاعت القاهره في الكليه مفيش حاجه تخليك تقلق عليا
" كان مازال باصص ليها وعيونه بتترجاها "
= ممكن بس.. تحاولي تسمعي كلامي..
فريده بموافقة: حاضر
- مصطفى بيرن انا هنزل له.. خليكي في اوضتي لحد ما ارجع.
" مصطفى كان مستنى ادهم في مكان حيوي في الفندق وظاهر.. "
" و ادهم وصل و مقربش لأن مصطفى بعت له مسدج يبدأو اللعبه بتاعتهم.. "
ادهم ببرود: ايه الخطه انت قولت انك محضر حاجه
مصطفى عمل نفسه من بنها واتكلم: ايه الدنيا نعجن بعض ؟
- انت مجـ.ـنون عاوزنا نتفضح؟
= طب ما حلو ده.. مش ده المطلوب عشان لولا تعرف
- هي كده كده هتعرف دول عينهم علينا من ساعه لما وصلنا كذا مره اتخيل بحد بيراقبنا منهم..
= يعني هنعمل ايه هنزعق بس ؟
- ايوه
مصطفى بإستفزاز لأدهم: بس انا كنت عامل حسابي اعجنك زي ما بعمل فيك علطول
ادهم بص له بقلبة وش: نعم ؟؟؟ بتعجن مين ياض؟
مصطفى بخبث: بعجنك انت يابا وبعلم عليك ولا نسيت شكلك
ادهم زقه في كتفه: متخلنيش اعرفك حجمك بس اخر مره كنت هموتك في ايدي
مصطفى حط ايده على رقبه ادهم وشدها ناحيته: اخرك فاضي ياحبيبي و كلنا عارفين
" بقلمي سلسبيل احمد ادهم اضايق من الحركه لأن دي اكتر حركه بضايقه فا زق مصطفى جامد و مصطفى رد له الزقه و بدأت الخناقه الاتنين كانوا بيزقوا بعض بقوة ومسكوا في بعض لدرجه انهم وقعوا على الأرض بعدها مصطفى اعلن استسلامه "
- الله يخربيتك الجـ.ـرح الجـ.ـرح
" ادهم اتخصْ جامد وقام وحاول يطمن على مصطفى بقلق واضح فا مصطفى زقه و غمز "
= بتعمل ايه يا غبي يلا زعق دلوقتي و قولي غور
ادهم فصل ساكت وعاوز يطمن عليه فا مصطفى اتكلم بسرعه: متبلمش كده انا كويس انجز
ادهم هز راسه واتكلم بعصبيه و زعيق: انا مش هكمل شغل مع واحد زيك ولا انت هتفضل في الشركه اصلا غور من هنا !!!!!!!
مصطفى بنفس النبره: خليك فاكر مين بدأ يا ادهم !!!!
" و بكده الخناقة خلصت.. و ادهم رجع اوضته و مصطفى بعت له مسدج انه هيتحرك و يرجع القاهره دلوقتي عشان كل حاجه تبقى ماشيه طبيعي.."
" رجع الاوضة و لقى فريده نامت.. فضل باصص لها بحب.. ابتسم على شكلها وهي غرقانه في النوم.. "
- فريده... فريده اصحى..
" لقاها رايحه في النوم فا قفل النور وغطاها و خرج هو ساب اوضته عشان يبات في اوضتها.. بيدج الفيس بوك بتاعتي سلسبيل احمد "
>>>>>>>>>>>>>>>>>>>>>>>>>>>>>>>>>>>>
' سبحان الله وبحمده سبحان الله العظيم '
|| في شركه WOG ||
" زياد كان بيتكلم في الموبايل و بيزعق "
- والله العظيم حبه متحْلفين !!!!
= يا ريس والله عملنا زي ما قولت و عطلنا عربيتها لكن فجأة ظهرت رجالة من العدم حواليها! و كان معاها جارد مش بيفارقها اصلا دي كأنها متحصنه ! بس رجالة الجيار عاملين حسابهم كويس اوي في تأمينها
- يا فرحتي.. هو ده الى انتوا فالحين فيه !! رجالة الجيار !! وانتوا بقا ايه ؟؟ انتوا مش رجالة اصلا ؟؟
= قولنا نعمل ايه واحنا هنعمله سيادتك
ضحك بسخريه و زعق: انا اللي هقولكم كمان غوروا
" باب مكتبة اتفتح و دخل واحد من رجالتة "
- زياد.. انا لسه قافل مع لولا.
= ياتري عرفت تعمل حاجه ولا زي الحْرفان الى مشغلهم
- هي مراقبه البنت.. و في اقرب فرصه هتقدر تتكلم معاها بس المهم انها بلغتني ان ادهم الجيار اتخانق هو ومصطفى.. و ساب الفندق و في طريقه للقاهره
زياد: اتخانقوا لدرجه انه يسيبهم؟
= بظبط.. و لولا بتقولي انها كانت بتتابع اخبارهم قبل كده.. و ان علاقتهم مش احسن حاجه.. انا من رأيي نضم مصطفى لحسابنا..
- و لولا ايه رأيها في الموضوع ده يا مدحت؟
= بتقول انه كان بيموت فيها.. وتقدر تعمل معاه اللي احنا عاوزينه..
زياد ابتسم: حلو اوي.. خليه يقابلني مجرد ما يرجع القاهره ويبقى هنا..
>>>>>>>>>>>>>>>>>>>>>>>>>>>>>>>>>>>>
' لا إله إلا انت سبحانك اني كنت من الظالمين '
|| بعد مرور اربع ايام ||
" كان ادهم وفريده خلصوا معظم شغلهم في هدوء.. و الأمور بينهم كويسه.. ولكن طبعا كل حركه بيعملوها بتوصل لزياد.. اللي فاكر ان عشان مصطفى راح له المكتب واتكلموا وكمان اتفقوا على شغل سوا.. انه كده زرع عين وسط عيلة الجيار..! "
- لسه مش عايز تقولي مصطفى مشي ليه؟
= انتي فكراني مخبي حاجه بس هو فعلا هياخد اجازه فتره وهو اللي اختار ده..
- اوكيه مقلتش حاجه بس غريبة انه يمشي فجأة
= ظروف بقا معاه..
- طبب و احنا هنتحرك بكره صح..؟
= ايوه..
- انا رايحه التويلت..
" ادهم حرك راسه للجارد يتحرك وراها وفريده لاحظت وضحكت بسخريه على اللي هي فيه.. "
" مجرد لما مشيت لولا كانت في طريقها لترابيزة ادهم وقعدت قدامه "
- مش معقول الصدفة..
ادهم رفع عينه وبص لها بثبات: افتكر اني اخر مره شوفتك.. عبرت عن رغبتي اني مش عايز اشوفك تاني
= وافتكر اني قولتلك مصطفى خدعك كلامي طلع صح مش كده
ادهم عمل نفسه مضايق: ولا يهمني واحد وطلع ندل...و واحده و طلعت
لمياء قاطعته: متتكلمش وانت متعرفش حاجه عني! متعرفش اني لحد دلوقتي مش عارفه اكرهك بعد لما طردتني.. و عملت اللي عملته وانا مليش ذنب
ادهم قرب لها وبص لعيونها: بعد السنين دي كلها.. وكل اللي بينا يا لولا.. اتفقتي مع مصطفى عليا..
" و للحظه نسيت ان هي بتمثل واتعصبت "
- انت بتقول ايه هو قالك كده ؟؟؟
= هتنكري! انا عرفت كل حاجه؟؟ انتوا الاتنين اللي رتبتوا كل ده!!!
"لمياء بصت له و هي هتجنن لأن ادهم نجح يستفزها"
- مصطفى ده كداب !!!!!! عمل كده عشان رفضته وقولتله اني مش بحبه !!! ادهم صدقني !
ادهم بتمثيل: يعني انتي مش بتحبيه
بصت له وعيونها بتلمع بالدموع: انت عارف كويس.. عارف اني بحبك انت..
ادهم قرب منها ومسك ايدها: وانا محتاج لك وعاوز اتكلم معاكي.. بس دلوقتي مش هينفع انا الفترة دي جدي مش راحمني..
لمياء ردت بغيرة قوية: وساحب بنت عمك وراك فكل مكان عشانه برضو!
ادهم بذكاء: انا بعاملها الشغل عشان هيجي الوقت واسيبه وابقى حر واعمل اللي يريحني..
لمياء بضيق: ولما طردتني قدامها !!
- وقتها كانت جدتها لسه ميتة وبعدين انا مكنتش عايز اي مشاكل تحصل لها بسببي عشان جدي هيعملي حوار! لكن هي مش فارقه معايا أصلا
" في اللحظه دي اللي خدم ادهم و خلاه لمياء تصدقه ان بالفعل فريدة شافتها في الحمام ومعرفتهاش.. لأن اول مره اتقابلوا في الشركه.. فريده كانت مش مركزه بسبب وفاة جدتها.. ومركزتش اصلا مع لمياء.. "
ابتسمت له: يعني هنتقابل.. ارن عليك.
ادهم بتمثيل: رقمك لسه متسجل عندي هكلمك انا ونتقابل بليل لوحدنا..
" قامت من على الترابيزة و لكن فريده كانت
راجعه فا شافتها من ضهرها وهي بتمشي "
- هي مين البنت دي.. كانت قاعده معاك؟
= معرفة من الشركة.. كانت بتسلم عادي..
- اه.. اوكيه
" ادهم لاحظ شبه غيرة كده من فريده.. فا ابتسم من غير ما تاخد بالها.. "
" اما فريده فا مكانتش بس غيرانه هي
كمان كانت مضايقه.. ومعندهاش ادنى فكره عن السبب اللي مخليها مضايقه.... "
>>>>>>>>>>>>>>>>>>>>>>>>>>>>>>>>>>>>
' الله اكبر الحمدلله لا إله الا الله استغفر الله '
|| ألمانيا | داخل دسكو ||
" الاربع ايام اللي فاتو كان مازال زين مش بيتكلم مع چنى لكن هي بدأت تحس انها عايزه تتكلم معاه.. وكانت في الدسكو مع صحابها.. وشربت كتير جدا.. وبعدم وعي فتحت موبايلها وفضلت ترن على زين كتير"
" زين كان قاعد في اوضته بيذاكر و ملاحظ رنات موبايله استغرب لما لاقاها چنى فا رد "
- الو چنى ؟؟
= Ohhh, hey... You finally picked up. I really don't know why you're acting like that. Haa, Zein, you know I liked you, yeah? And now I'm doing some stupid stuff...
ترجمه: أوه، هاي... أخيرًا رديت على المكالمة. أنا بجد مش فاهمة إنت بتتصرف كده ليه. آه يا زين، إنت عارف إني كنت معجبة بيك، صح؟ ودلوقتي أنا بعمل شوية تصرفات غبية...
" زين كان سامع الصوت بالعافية بسبب الدوشة الى حوالين چنى و لكن اللي مركز فيه انها بتتكلم بالانجلش.. وهي قالت له انها لما بتبقى مش كويسه بتعبر عن اللي جواها وتتكلم ألماني او انجلش.. "
- چنى هو انتي فين انتي سمعاني.؟ مكانك فين؟؟
" قفلت الموبايل و زين حاول يكلمها مردتش.. لكن هو عرف المكان اللي الاغلب سهرانين فيه وقرر يروح.. "
" دخل الدسكو وفضل يدور عليها بس شاف روبيرتو وصحابها فا راح لهم "
اتكلم بضيق: Wo ist Jana? Sie war doch beieuch, oder? Wo ist sie hingegangen?“
- فين چنى هي كانت معاكم صح ؟؟ هي فين؟
" ولكن طبعا محدش منهم واعي اصلا فضل يبص بعيونه لحد ما لقاها واقفة بترقص مع واحد و حاطط ايده على وسطها و الاتنين مقربين من بعض اوي مستحملش المنظر خالص و راح بسرعه شدها بعيد عنه. "
- انتي بتعملي ايه ها ؟؟؟؟؟؟
" الولد زقه بعدم وعي وكان مسطول و زين عارف انه مينفعش ابدا يعمل مشاكل.. وده هيأثر على المنحة بتاعته و خصوصا وجوده في دسكو "
" ساب الواد يتفلق و شد چنى معاه
وخرجها من المكان "
>>>>>>>>>>>>>>>>>>>>>>>>>>>>>>>>>>>>
' اللهم ارحمنا برحمتك يا أرحم الراحمين '
|| الغردقة.. الفندق | بليل ||
" ادهم كان بيلبس و نازل يقابل لولا..
و فريده في اوضتها.. "
" رن على رقم لمياء اللي اخده من مصطفى و قالها انه نازل و بعد ثواني شريف رن عليه "
- ايه يا نجم
= ده انت اللي نجم
" ادهم بص في الموبايل بستغراب و رجع يرد "
- يوسف؟ هو انت مع شريف؟
شريف اتكلم: اه يا عالمي.. خطتك ماشيه عنب ومصطفى بقا مع زياد نصراوي خلاص..
يوسف: خطه في منتهى الذكاء
ادهم بعدم فهم: معلش بس انت بتعمل ايه عندك وانت يا زفت يا شريف عرفته ايه بظبط
يوسف: متقلقش سرك في بير
شريف لحق الموقف: هو سمعني وانا بكلم مصطفى.. فا عرفته اننا بنعمل كده عشان نزرع لنا عين عند زياد ولا ايه
" ادهم فهم ان يوسف معرفش كل حاجه واتنهد "
- طب غور منك لي مش فاضي لكم..
" قفل معاهم و نزل.. وقبل ما يمشي أكد على حرس فريده ميتحركوش من قدام اوضتها.. "
>>>>>>>>>>>>>>>>>>>>>>>>>>>>>>>>>>>>>
|| دبي | اوضة يزن و يونس ||
- ها و بعدين كمل ؟
= بس كده فشكلت الخطوبة بسب تدخل امه
- بسبب امه يعني ممكن ترجع له صح؟ لأنها بتحبه
= يونس ياحبيبي قولتلك متتعلقش بيها! اكيد ممكن
- بس احنا بنتكلم دلوقتي في إطار الدراسة يعني كا زمايل بس انا حاسس اني حبيتها اكتر..
= انت قولت اننا لسه صغيرين ايه غير وجهه نظرك
- ما انت قولت اني كان لازم اعترف لها !
= وانت قولت انك مش عايز ترتبط
- فا قولتلي ساعتها عرفها بس بمشاعرك
= حصل و رديت عليا قولت لي كده هبقي بعلقها !
يونس بضيق ونرفزه: اعمل ايه دلوقتي
= اصبر لما نتجمع وناخد رأي الشباب ايه رأيك
- اوف.. طيب..
>>>>>>>>>>>>>>>>>>>>>>>>>>>>>>>>>>>>>
|| الغردقة | في كافية داخل الفندق حولين الجاردن و البسين ||
" كان ادهم قاعد مع لمياء.. بيتكلموا.. والمعلومه اللي مكانش يعرفها.. انهم مكشوفين لدرجه ان فريده لما خرجت البلاكونه بتاعت اوضتها شافتهم عادي.. "
" و في اللحظات دي فريده مكانتش قادره تحدد بيعمل ايه ولكن دمـ.ـها كان بيغلي.. رنت عليه وقتها و مردش و ده جننها زياده.. مكانتش عارفه تعمل ايه "
" دخلت اوضتها لبست عشان تنزل و الجاردات كانت معاها و واحد منهم بلغ ادهم انها اتحركت من الأوضة و نازله على تحت "
- سوري يا لولا.. شغل ضروري ومش هعرف أجله.. نكمل كلامنا بعدين؟
" لولا قربت ناحيته "
= ميتأجلش خالص؟
ادهم حاول يبتسم: للأسف ايوا..
" وقف عشان يمشي.. فا هي كمان وقفت و حضنته و ادهم فضل متجمد مش عارف يعمل ايه.. "
" و لـ محاسن الصدف.. فريده شافت كل ده من بعيد و كانت مصدومه جدا وحست انها مخنـ.ـوقه اوي "
" طلعت جري على اوضتها وهي بتحاول تستوعب اي حاجه من اللي بتحصل لكنها مقدرتش قفلت الباب عليها وفضلت تعيط وهي مش قادره تفهم ليه "
" اما ادهم فا عرف باللي حصل و راح على اوضتها علطول وفضل يخبط عليها وهي مش بتفتح "
" طلب الروم سيرڤز و وضح لهم ان فيه مشكلة معينه و فتح الاوضة و دخل كانت فريده قاعده في اخر الاوضة اول لما شافته اتجننت من وجوده قصادها "
- انت بتعمل ايه هنا !!!!
= فريده اهدي محصلش حاجه لكل ده
بصت له بغضب: فعلا محصلش !!!! لما هو محصلش ايه اللي جايبك هنا ؟؟ روح شوف كنت بتعمل ايه
- مش بعمل والله انتي مش فاهمه حاجه
= و مش عايزه افهم لأني كنت فاكره اني بفهمك وطلعت غلطانه
" حاول يقرب لكنها بعدته و زقته بقمه العنـ.ـف "
- اهدي طيب اهدي خليني اشرح لك
= مش عايزة اسمع حاجه منك.. هتقول ايه!!!!
- اللي بعمله مع البنت دي مجرد لعبة مش اكتر عاوز منها حاجه معينه.. الموضوع معقد بس صدقيني مش زي مانتي فاهمه
بصت له: وانت ليه مهتم باللي انا فهماه!!!
" ادهم معرفش يرد و فريده اتكلمت بدون تفكير وهي بتستوعب وضحكت "
- دي نفس البنت الى كانت معاك في البار صح!!
" مسحت دموعها وهي بتبصله بتعجب "
- ازاي مختش بالي و هي هي اللي طردتها قدامي بس بترجعوا لبعض بسرعه! عشان كده حاولت تتكلم معايا في الحمام!
ادهم بص لها بستغراب: حمام ايه؟؟ ده حصل فين وامتى
فريده مسحت على وشها: انا مش عايزه افضل هنا ثانيه واحده اطلع بره اوضتي انا هكلم جدو.. و هرجع ومش عاوزاك تقرب ناحيتي تاني ابدا
" ادهم حاول يمسك ايدها فا فريده صْربته نفس الصْربه اللي خدها قبل كده لما ضايقها.. بونية في وشة"
" ادهم بعد خطوتين وفريده فضلت تتنفس بغضب وهي بتدرك اللي بيحصل وبعدين زعقت "
- انت فضلت تقرب مني و علاقتك بيا بقت كويسه وقولت لي انا اتغيرت.. فضلت تحكيلي حاجات وتقولي احنا قريبين لبعض... و وقت لما اتكلمت معايا ! و خرجت كل حاجه جواك قولت لي لو انتي كمان حكتيلي هعتبر اننا بقينا قريبين لبعض !!!! كل ده وانت بتلعب بمشاعري وبتلعب بيا !!!!! تقرب وبعدين تتصرف أكن مفيش بينا حاجه
" دموعها نزلت ورا بعض غصب عنها "
- قولتلي انك حاسس ان محدش بيحبك!!! وانا قولتلك وقتها انه انا بحبك و انت مردتش على ده!!! يبقى ليه؟؟؟ فضلت تقرب ليه؟ بتخاف عليا ليه وتفضل طول الوقت جمبي!! محاوطني من كل حتة وبتطلب مني متحركش من غيرك وعاوزني اسمع كلامك كل ده ليه ؟
" ادهم في اللحظه بطل يفكر بعقله بص لها بقمه الاستسلام و قرب بدون ما يبقى خايف من ردة فعلها "
= عشان انا بخاف عليكي مني.. بخاف لو قربت زيادة عن اللزوم و بقا بينا حاجه اجرحك.. وانا قولتلك قبل كده انتي بالذات انا عمري ما هقدر اجرحك.. كنت بحاول طول الوقت اقرب عشان تعرفيني وتعرفي عيوبي وان عندي ماضي كله أخطاء كنت عاوزك تشوفيني علي حقيقتي.. تعرفي اني جوايا حاجات غلط.. وخايف في يوم ترجع تسيطر عليا.. بس كل ده كان بيتعالج وانا قريب ليكي.. وشايف انك واثقة فيا.. محبتش احْون ثقتك.. عشان لما اقولك اني بحبك.. تفكري فكل ده قبل ما تردي عليا يا فريده.... تفكري فكل عيوبي.. انا عمري ما لعبت بيكي ولا بمشاعرك!!
انا حبيتك من اول مره شوفتك فيها.. مكنش عندي نقطه ضعف.. مكنتش بخاف او بهتم بحاجه.. بس لما شوفتك لأول مره كنت عارف اني مش هعرف احارب قلبي المره دي.. وانك هتبقي نقطه ضعفي.. فا حاولت ابعدك لكن منفعش.. لأني بحبك.. والله بحبك و عمري ما كان عندي المشاعر دي مع اي واحده قبل كده..
" كان مازال دموعها نازله فا ادهم قربها له وفضل يطبطب على راسها و ينكشها و هي راسها مالت عليه وفضلت تمسح في دموعها بزعل "
- انا بكرهك
ادهم ابتسم وحط ايده على راسها بحنية: مش مشكلة هنشتغل على الموضوع ده.
- كل كلامك ده مش هيعالج انك كنت
مع واحده و حضنتها
= طالما انتي شوفتي يبقى ختي بالك ان هي اللي حضنتني.. مش انا
ردت بعصبية: والله يعني لو جه واحد يحضني اسيبه وابقي اقول هو حضني
ادهم لمس دقنها و رفع راسها ناحيته بهدوء: لا بصيلي هنا كده.. اللي قولتيه ده متفكريش حتى مجرد تفكير تقوليه تاني فاهمه؟
- لا مش فاهمه فهمني بقا
اتنهد: مضطر اعمل كده واخليها تفتكر اني بحبها
= يعني ايه!!! ليه بتعمل ده؟؟؟
- الموضوع له علاقة بـ.. حاجات في الشغل
= حاجات ايه عرفني
ادهم بص لها: فريده.. اللي محتاجه تعرفيه دلوقتي اني بحبك انتي.. مفيش ابدا ابدا واحده عرفت تعمل فيا اللي انتي عملتيه.. وتخترق كل حصوني بمنتهي السهوله دي وانا ابقى في منتهى الاستسلام..
" فريده بصت له بحب وهي مش مصدقه كلامه! "
" و بعدين قاطعهم خبط على الباب "
>>>>>>>>>>>>>>>>>>>>>>>>>>>>>>>>>>>>>
|| ألمانيا | على الطريق ||
" زين كان سايق العربية و چنى مش في كامل وعيها معاه و هو مش عارف يعمل ايه معاها اشترى لها حاجات و حاول يفوقها وكانت بتفوق شوية.. "
- انا عايزة اروح.. احنا فين
" زين مكنش بيرد عليها ومضايق جدا عمره في حياته ما وصل لمرحله الغضب والعصبيه دي قبل كده "
= انا مش قادر استوعب.. بتعملي كده ليه ؟؟؟؟
" سكتت ومردتش عليه فا بص لها "
= انا مش هسمح لك تكرري تصرفاتك دي !!
ضحكت بعدم وعي: هتعمل ايه.. هتحبسني معاك!
- فوقي لنفسك !!! فوقي قبل ما تضيعي يا چنى
" كان مازال الشرب مأثر عليها "
= انت اللي مفروض تفوق.. و تعرف اني كنت بحبك.. بس قبل ما تعمل اللي بتعمله ده.. وتتخلى عني.. انا كنت فاكره انك غيرهم..! بس انت زيهم يا زين.. انت كمان زيهم وشايفني زيهم
" چنى كانت عماله تتكلم و زين متفاجئ ومش عارف يستوعب كلامها "
= انا افتكرتك هتفضل جمبي.. بس انت عملت زيها
رد بعدم فهم: عملت زي مين!!
- ماما.. انت عملت زيها.. انت كمان عاوزهم يحبـ.ـسوني صح!!! عاوزني ارجع مصر.. واتحبـ.ـس تاني
زين بتعجب:...
