رواية عالم تاني الفصل الثاني2بقلم هبة محمد
-مستنيكِ بكرة تاني، متخافيش.
أستغربت منه أوي وخفت في نفس الوقت:
_ماله الراجل ده بيكلمني كده لي وكأنه يعرفني من زمان وأي اللي مستنيكِ بكرة ومتخافيش، هوا انا لحقت أقراهم عشان أجاي اخد غيرهم تاني بكرة.
_ومخفش من أي، مجنون ده ولا أي؟!
" هزيت راسي بتعب من اليوم كله وروحت البيت وأنا مش شايفه قدامي من التعب والصداع اللي أحتج دماغي فجأة.
-أبلة هنا أنتِ جيتي.
_أيوة يا حبايبي جيت وحشتوني أوي أوي عاملين ايه والمدرسة عاملة ايه؟!
-المدرسة حلوة مش هدى أدتني بونبوني انهاردة عشان جاوبت صح وقلتلي شاطر يا حمزة.
_وأنتِ عملتي ايه يا لين انهاردة في المدرسة.
-المس ادتني أنا كمان بونبوني وقلتلي شاطرة يا لين برافو عليكِ.
_شاطرين يا حبايب قلبي انا مبسوطة بيكم أوي، بكرة إن شاء الله هجبلكم حاجة حلوة وانا جايه من الجامعة ماشي يا حلوين.
-ماشي يا أبلة هنا أحنا بنحبك أوي أوي.
_وأنا كمان بحبكم أوي أوي، هاتوا حضن كبير بقى.
-هييي ماشي "أحتضنوها بسعادة كبيرة".
_يلا يا حبايبي ادخلوا أوضكم وحلو واجب المدرسة عشان تكونوا شاطرين وأجبلكم حاجات حلوة كتير اوي.
-ماشي يا أبلة هنا، سلام.
" نظرت في أثرهم بحب شديد وتوجهت إلى غرفتها بإرهاق من اليوم كله.. "
_ياه الواحد أخيرًا جه لسريرة انا خلاص مُت من التعب.
ثم أكملت بأحلام وردية:
_ ياه لو الواحد كان عايش في قصر وأول ما يرجع البيت ألاقي الخدامة بتقولي اجهزلك الحمام يا ست هانم وأحطلك الغدا ولا أتغديتِ برة من الباشا.
_عايشين في هنا يا نيالكم يا أغنيا العيشة اللي أنتوا عايشينها أوعدنا يا رب " إلا ما نولت من أسمي إلا الأسم بس ".
-مالك يا بت بتبرطمي بتقولي إيه، أنتِ اتجننتِ بتكلمِ نفسك ولا إيه.
_يا ماما خضتيني في حد يدخل على حد كده قولي احم أو اي حاجة بدل قطعة الخلف دي.
-أنا بقالي ساعة بخبط عليكِ أنتِ اللي مش واعية على نفسك أي اللي وأكل عقلك.
_مفيش حاجة يا ماما كنتِ عايزة إيه.
-أبوكِ جاي تعبان من الشغل متسميش بدنه بكلمه من بتوعك خليه يكون مرتاح في الساعتين اللي بياجي فيهم البيت كفاية قرف الشغل اللي بيشوفه بره.
_ حاضر يا ماما فيه أي أوامر تانية.
-لأ ياختي مفيش حبيت أنبهك بس، يلا عشان تاكلي شاكلك هفتانه اوي.
_لأ يا ماما مش جعانة، انا عايزة أنام.
-يا بت قومي دا أنا عاملة مكرونة بالبشامبل باللحمة مش الفراخ.
_بجد يا ماما أحلفى.
-ايوة والله، قومي.
_أشطا بقى دلعني.
" أتلمينا على السفرة كلنا وأكلنا مع بعض، كان الأكل ليه طعم وحلو اوي بلمتنا مع بعض وضحكنا على ريأكشن ماما لما ضحكنا عليها وقولنا المكرونة وحشة، وهيا في الحقيقة كانت أحلى حاجة دُقتها في حياتي، خلصنا أكل ولميت الأطباق مع ماما وغسلنا المواعين ودخلت على أوضتي بعد اليوم المتعب ده... ".
بعد شوية لقيت بابا دخل عندى الأوضة بعد ما خبط خبطتين على الباب قبل ما يدخل:
-نمتي يا بنتي.
أعتدلت في مكان وقلت:
_لأ يا بابا أتفضل.
قالت وهو زعلان ومنزل وشه في الأرض:
-كنت عايز اقولك على حاجة كده.
_قول يا بابا لو بخصوص الفلوس أنا خلاص غيرت رأي ومش هروح الرحلة هيا أصلا أتلغت.
-لأ يا حبيبتي متقوليش كده أنا جبتهم ليكِ والله بس هما ناقصين 100جنية.
_ خلاص يا بابا والله مش عايزاهم، الرحلة والله أتلغت، خليهم لأخواتي وللبيت أكيد هنحتاجهم.
-يا بنتي متقوليش كده هما خلاص جُم.
_خلاص يا بابا محصلش حاجة.
-ربنا يسعدك يا بنتي ويطيب خاطرك يا رب.
_شكرًا يا بابا وانا كنت عايزة اقولك على حاجة كده.
-قولي يا حبيبتي.
سكت شوية وبعدين كملت بصوت واطي:
_أنا أسفه يا بابا على الكلام اللي قولته لحضرتك انبارح انا مش عارفة أنا عملت كده ازاي أنا أسفه بجد.
-متقوليش كده يا هنا أنتِ بنتي وعمري ما أزعل منك أبدًا يا حبيبتي.
_ربنا يخليك ليا يا بابا يارب ومنتحرمش منك.
" وقامت بتقبيل يديه وقامت بأحتضانه بقوة وهي تبكِ.
ربت على ظهرها بحنان وقال:
-متعيطش يا بنتي دموعك غالية عندي أوي، ربنا يقدرني وأسعدك دايمًا يارب.
"أبتسمت داخل أحضانه براحة لما تشعر بها منذُ مده كيف كانت تحرم نفسها من هذا الأحساس ببعدها عنهُ سابقًا".
-يلا يا حبيبتي أسيبك تنامي بقى ربنا يريح قلبك يارب.
_ربنا يخليك يا بابا.
" بعد خروجة من الغرفة تسطحتُ على السرير عشان انام ولكن فيه حاجة غريبة في الأوضة.
_أي الحر ده يا جداع، الجو غريب عمره الجو مكنش كده في الحر، أوف الجو رهيب.
"توجهت إلى الشباك لكِ تفتحه لعل الجو يتحسن قليلًا، ولكن لا فائدة أيضًا فالجو لم يتحسن أبداً رغم اختلاف الجو في الخارج.
_لأ انا هخرج أقعد برة مش قادرة.
__________________________.
-إيه يا بنتي خرجتي لي مش كنتِ هتنامي؟!
_ايوة يا بابا بس الجو في الأوضة حر اوي معرفتش انام.
-مالو يا بنتي ما الجو حلو اهو دا حتى في نسمة هوا حلوة.
_ما هوا ده اللي انا مستغربة منه الجو حلو في البيت كله وكمان برة حلو بردو.
ثم أكملت:
_ما أنت كنت معايا في الاوضة يا بابا محستش بالحر ولا ايه.
-لأ يا بنتي الجو كان جميل ومفيش حر ولا حاجة.
=متردش عليها يا حج الجو عندها جميل دي اوضتها احلى اوضة في البيت كله، شكلها بتدلع وعايزة تجيب تكييف.
_شكلي كده يا ماما الصيف الجاي بقى الشتا داخلة على الأبواب اهو.
" قلت كده وانا مستغربة من الوضع فعلًا ازاي أنا بس اللي حاسة بالحرارة دي أما هما لأ.. "
سكت شوية وبعدين قلت في سري:
_صبرني يارب عشان مكنش أتجننت وعقلي طار.
-خلاص يا حبيبتي ولا يهمك نامي هنا في الصالة أو في أوضة أخواتك وإن شاء الله بكرة الجو يتعدل.
_ماشي يا بابا لأني فعلًا لو نمت جوة هموت من الحر.
-بعد الشر عليكِ يا حبيبتي، أنتِ بس حاسة كده يمكن تعبانة او مرهقة شوية.
_يمكن فعلًا أنا مشيت في الحر كتير انهاردة يمكن عشان كدة.
-طيب يا حبيبتي يلا تصبحي على خير.
_وأنت من أهل الخير يا بابا.
"بابا وماما سابوني ودخلوا اوضتهم وأنا جبت مخدة ونمت على الكنبة اللي برة ولكن فضلت أتقلب كتير ومعرفتش أنام، الموضوع شاغل دماغي والوضع مقلقني أوي أي اللي حصل خلى الجو بالشكل ده، دماغي تعبت من التفكير، معرفش فضلت كده أد اي لحد ما تعبت وروحت في النوم من كتر التفكير..".
__________________________
تاني يوم الصبح مفقتش إلا على صوت ماما وهي بتصحيني للجامعة الصبح.
-قومي يا هنا يا حبيبتي الوقت أتأخر على جامعتك كل ده نوم.
_اوف بقى يا ماما قايمة اهو مش عارفة نمت كل ده ازاي.
-قايمة اي انا بقالي ساعة بصحي فيكِ يلا اتأخرتِ يا دوب تلحقي تفطري وتمشي.
_خلاص يا ماما قمت أهو.
" قمت وأنا دماغي هتنفجر من كتر الصداع، دخلت أوضتي ألبس هدومي ولكن أو ما دخلت كأني دخلت فرن لسه الجو زي ما هوا بل دا زاد اكتر كمان..
_اي هوا أنتِ تحت بركان أهدي شوية هتولعي.
" قولت كده بغيظ لأن الجو فيها غريب ولا يُحتمل بجد، أخيرًا خلصت وطلعت برة كلت لقمة خفيفه كده ونزلت.
_يلا ماما سلام أنا ماشية.
-طيب يا حبيبتي خلى بالك من نفسك ومن الطريق.
_حاضر يا ماما هوا انا صغيرة على الكلام.
-امشي يا بت وأنتِ ساكته واسمعي الكلام.
" مشيت وانا خلاص جبت أخري من تحكماتهم دي وأوامرهم محسسني إني عيله صغيرة لسه، ليه مش راضيين يحسوا بقى إني كبرت وخلاص بقيت قادرة أحافظ واعتمد على نفسي، يارب أخلص بقى من القرف ده.. "
=مش تحاسبي يا عامية أنتِ، خدي بالك أنتِ ماشية فين؟!
ناس هم بصحيح.
_ما خلاص يا جدع أنت في إيه.
"فوقت على صوت واحد كان ماشي بعجلة وكنت خلاص هخبط فيه، اللا ده اللي قادرة أعتمد وأخافظ على نفسي قلت لنفسي بضحك:
_أنتِ بؤق والله يا بت يا هنا ولا عارفة تعملي اي حاجة.
" وصلت الجامعة وقبلت سُهى وحضرنا اول محاضرة وكنت خلاص هموت من الصداع فروحنا الكافتيريا وقعدنا شوية لحد ما المحاضرة التانية تبدأ.
ولقيت سُهى بتقولي بنظرة تفحص كده:
-مالك يا بت يا هنا مش مظبوطة من الصبح مالك، وكمان شكلك مرهق أوي أنتِ كويسة.
_كويسة الحمدلله مفيش حاجة.
-لأ بجد مالك، حاسة فيه حاجة مخبياها عليا.
_مش عارفة يا سُهى في إيه بس بجد حاسة في حاجة غريبة بتحصل ومش مرتاحة ليها.
-حاجة غريبة ازاي يعني؟!
_معرفش في حاجة غريبة بتحصل في الأوضة بتعتي.
-زيي اي يعني مش فاهمة.
_معرفش جو الاوضة بقى غريب وحرارته زايدة عن البيت كله.
-طيب واي الغريب في كده يمكن الجو حرر شوية في الأوضة عندك.
_الغريب مفيش إلا أنا اللي حاسة بكده، كلهم بيقولوا عادي مفيش فيها اي حاجة بس انا مش حاسة كده.
-ازاي يعني، ومن امتا ده، أول مرة تقوليلي كده!
_معرفش ما هوا ده اللي انا مستغرباه، بس أنا عارفة من أمتا.
-ها من امتا، أنا بدأت أقلق منك ومن تصرفاتك.
_معرفش بس حاسه من وقت ما جبت الكتب من المكتبة والكلام الغريب اللي الراجل قاله ليا في المكتبة.
-كُتب اي وراجل مين؟!.
_الكتب اللي جبتها......