رواية عالم تاني الفصل الثالث3بقلم هبة محمد
-ازاي يعني، ومن امتا ده، أول مرة تقوليلي كده!
_معرفش ما هوا ده اللي انا مستغرباه، بس أنا عارفة من أمتا.
-ها من امتا، أنا بدأت أقلق منك ومن تصرفاتك.
_معرفش بس حاسه من وقت ما جبت الكتب من المكتبة والكلام الغريب اللي الراجل قاله ليا في المكتبة.
-كُتب اي وراجل مين؟!.
_يا بت الكتب اللي جبتها من المكتبة اللي قولتلك عليها لقيت الراجل اللي واقف على الكاشير اللي كان بيحاسب بيبصلي نظرات غريبة ومريبة كده أستغربت اوي وبعدين قال ليا كلام كده مفهمتوش.
-كلام اي ده يا بت ما تقولي، أنتِ هنتقطيني بالكلام ما تقولي الكلام كله على بعضه.
_معرفش قالي مستنيكي بكرة تاني ومتخافيش.
-مستنيكِ ليه وتخافي من اي؟
_معرفش يا سُهى هوا ده اللي قالوا مش بقولك كلام غريب وخفت منه روحت ماشية.
-اي الكلام العجيب ده.
_انا أعرف بقى، بس انا حاسة انو الكتب اللي جبتها دي هيا السبب في جو الحرارة بتاع الأوضة، ما المكتبة اصلًا غريبة وطالع عليها كلام مريب كده.
-بت أنتِ، أنتِ اتجننتِ كتب اي اللي هتكون هيا السبب في كده أنتِ اكيد تعبانة في دماغك بدأتِ تخرفي.
_اهو ما انا مكنتش راضية أحكيلك لأني عارفة أنك مش هتصدقي كلامي وهتقولي عليا مجنونة، وكمان في حاجة تاني مقولتش عليها.
-ما تقولي يا اخرة صبري.
_في كتاب من اللي جبتهم طلع فاضي مفيش فيه كتابة ولا حوار ولا أي حاجة.
-يعني اي فاضي.
_معرفش والله لقيته فاضي وانا بقلب فيهم بعد ما جيت امبارح.
-يعني اي، أنتِ مش بتفتحي الكتب قبل ما تجبيها.
_لأ طبعًا بفتحهم بقرأ اولهم لو عجبني باخدة بس لما جيب افتح باقي الكتاب لقيته فاضي مفيش فيه كلام، إلا اول كام صفحة اللي بصيت عليهم بس هما اللي موجودين.
-مش عارفة اقولك ايه بس دا كلام غريب اوي واول مرة اسمعه يعني اي واحد هينشر كتاب فاضي.
_ما انا كمان مستغربة وخايفه من الموضوع والله، لو مش مصدقاني تعالي معايا البيت وشوفي بنفسك او انا اجيبه معايا بكرة تشوفيه.
-ماشي هتيه بكرة معاكِ، اما نشوف اخرتها، ويلا نقوم عشان المحاضرة قربت تبدأ.
"ده الأمر التالت الغريب اللي بدأ يحصل من ساعة ما جبت الكتب من المكتبة دي والكتاب فعلًا طلع فاضي مش بيتهيألي ولا حاجة، معرفش الغلط في ايه فيا او في المكتبة او في الكتب، بس انا مش مرتاحه للوضع كله وبدعي ربنا اليومين دول يعدوا على خير عشان متجننش وعقلي يطير من مكانة.."
-يا بنتي بتفكري في إيه، امشي هنتأخر كده.
_حاضر حاضر جاية اهو.
"مشيت وراها وانا حاسة أنو عقلي هيطير من كتر التفكير، وأني مش لاقيه أجابات أو تفسير منطقي لكل اللي بيحصل ده..."
....
" بصيت على هنا وهيا ماشية جنبي، حستها غريبة اول مرة اشوفها أو اعرفها كل كلامها غريب وتصرفاتها الفترة الأخيرة مربية ولكني مقدرتش أمنع نفسي أخاف، أو بلفظ أدق أخاف منها، اول حاجة جات في دماغي اول ما قلتلي الكلام ده أنها أتجننت او بقى عندها أنفصام في الشخصية أو معمول ليها عمل أو أي ولا أي ولا أي، بحاول ألاقي تفسير لكل ده مش لاقيه، فمشيت جنبها بهدوء لتخاف مني انا بسبب نظراتِ دي ليها، أكيد مفكرة دلوقتي اني بقول عليها مجنونة.. "
_______________________.
"طول المحاضرة وأنا قاعدة مش مركزة في اي حاجة الدكتورة بتقولها، ولا حاسة بأي حاجة حوليا وكأني في عالم تاني معرفوش وفي أحداث كتيرة وغريبة بتدور في دماغي مخرجتش من الدوامة دي إلا على صوت الدكتورة وهيا بتنده عليا وبتقول....
-اللي لسه أسود هناك، سرحانة في إيه؟!
_أنا يا دكتورة.
-إيوه أنتِ، سرحانة في إيه؟!
_مش سرحانة، أنا مع حضرتك أهو.
-طيب أتفضلي قوليلي اخر حاجة كنت بقولها إيه.
_أنا أسفه يا دكتور اخر مرة.
-لو شوفتك سرحانة تاني هتطردك برة.
_تمام أنا أسفه أوي.
" قعدت ونزلت وشي للأرض بأحراج من كل الموجودين، وكأن دي او مرة حد من الدكاترة يوقف حد سرحان في محاضرة، وأتمنيت بجد اليوم ده يخلص لأني خلاص تعبت وجبت أخري... ".
" بعد نهاية اليوم قلت لـِ سُهى بأرهاق وأضح على وشي.
_سلام يا سُهى أشوفك بكرة.
-مالك يا هنا في إيه؟!
_مفيش تعبانة بس شوية.
-ألف سلامة عليكِ، خلاص هرن عليكِ أطمن لما تروحي.
_تمام، يلا سلام.
-سلام، خلي بالك من نفسك.
"هزيت راسي ليها وانا خلاص مش قادرة أتكلم، وكأن ارهاق اليومين اللي فاتوا جم عليا مرة واحدة، مسحت دمعة هربت من عيني من التعب اللي انا حاسة بيه دلوقتي، ومشيت للبيت وانا عايزة أنام بأي طريقة.
-وصلتِ يا حبيبتي، حمدلله على السلامة.
_أه يا ماما الغدا جاهز عشان خلاص هموت من الجوع.
-ايوة يا حبيبتي جهز الحمدلله، مالك يا هنا شكلك تعبان اوي أنتِ كويسة يا حبيبتي.
_أبدًا يا ماما شوية أرهاق بس ولما أنام هكون كويسة إن شاء الله.
-ألف سلامة عليكِ يا حبيبتي، طيب يلا غيري هدومك عقبال ما أحط ليكِ الأكل.
_ماشي يا ماما.
" غيرت هدومي وخدت دش كده عشان يفوقني ويقلل شوية من تعب اليوم، وخرجت الصالة أكلت وشلت مع ماما الأطباق وانا بوديها المطبخ وقلت.
_الأكل كان جميل تسلم ايدك يا ماما، هيوحشني اوي.
-بالهنا يا حبيبتي، لي بتقولي كده، ربنا ما يحرمنا منك أبدًا يارب.
_قصدي يعني لما اتجوز وكده هيوحشني اكلك.
-اهاا ربنا يسعدك ويهنيكِ يا حبيبتي يارب.
"مش عارفة لي قولت كده، بس كنت حاسة أني هبعد عنهم قريب أوي وهما هيوحشوني جدًا، فالكلام طلع مني من غير ما أحس انا بقول إيه.
-اي يا بنتي روحتي فين، أي اللي واكل عقلك.
_أبدًا يا ماما مفيش، أنا هروح انام بقى عايزة حاجة.
-لأ يا حبيبتي تصبحي على خير.
" وبالفعل دخلت نمت، يمكن ارتاح من التفكير بتاع طول اليوم وتعبه.
تاني يوم الصبح.
" قومت وجهزت للجامعة لبست بنطلون جينز واسع سنه صغيرة وعليه بلوزة لحد القمر وطرحة وخدت الكتاب عشان أورية لـِ سُهى، وفي مدة وانا بلبس كنت هموت من حر الأوضة، وانا بخرج قبلت بابا في الطريق فقلت..
_صباح الخير يا بابا، عامل ايه.
-صباح النور يا حبيبتي، بخير، أنتِ عاملة ايه.
_الحمدلله بخير.
"وفجأة لقيته بيبصلي جامد وبيدقق في لبسي وقال بنظرات غضب.
-اي اللي أنتِ لابساه ده يا هنا، أنتِ عايزة الناس تاكل وشي.
_في أي يا بابا مالو لبسي ما هوا حلو اهو.
-ولا حلو ولا نيلة كله قلة أدب ومسخرة أنتِ، بقالك مدة لبسك زي الزفت وقلت ماشي خليها تدلع بس كده زاد عن حده اوي.
_ماله يا بابا ما هوا محترم اهو.
-ولا ماله ولا ملوش ادخلي حالًا غيري اللبس ده، وإلا مفيش خروج برة النهاردة.
_يعني اي مفيش خروج، حتى اللبس كمان بدققوا عليه انا تعبت من العيشة دي كل حاجة لأ لأ.
-هوا ده اللي عندي، وأذا كان عاجبك الكلام.
_اوف بقى حاضر هدخل اغير.
" وبالفعل دخلت غيرت هدومي وانا هموت من الغضب والغيظ لدرس واسع وعليه طرحة وطولتها شوية عشان يخلي اخرج بيه، وخرجت وانا بنفخ بضيق..
_حتى الواحد مش عارف يلبس على راحته في البيت ده، انا بجد قرفت وتعبت.
"وصلت الجامعة بعد ما عركت في دبان وشي وأنا جاية، مكنتش طايقه نفسي ولا طايقه اي حد حوليا، لقيت سُهى واقفه على جنب كده وبتشاور ليا من بعيد فروحت ليها وأنا بنفخ بضيق من كل حاجة حواليا....
-مالك يا بت هتولعي كده ليه زي البوتجاز في وشي.
_والنبي يا سُهى سبيني في حالى انا مش طايقه نفسي ولا طايقه حد.
-يا ساتر استر يارب، طيب اهدي كده طيب ووحدي الله.
_لأ أله إلا الله يا ستي.
-أحكيلي بقى حصل إيه على الصبح كده.
_بابا يا ستي اتخنقت انا وهوا الصبح.
-لي.
_عشان لبسي، قال إيه وحش ومينفعش يتخرج بيه.
-ما هوا بصراحة عنده حق، أنتِ عندك كام طقم كده فظاع خالص يا هنون، وعمو بيخاف عليكِ يا حبيبتي وبيغير عليكِ، ومش عايز أي حد يبص عليكِ بنظرة وحشة.
_ولا خوف ولا نيلة هوا بس عايز بتحكم فيا وفي كل حاجة بعملها، هما ليه مش عايزين يعرفوا أني كبرت خلاص على التحكمات دي.
-بت اسكتي أنتِ الكلام معاكِ مفيش منه فايدة، جبتِ الكتاب نشوف المصيبة اللي بتقولي عليها دي.
_ايوة اهو عشان تعرفي أني بتكلم بجد ومش بخرف، خُدي.
-هاتي، ماله يا بت ما الكتاب مليان أهو والكلام موجود أنتِ اتعميتِ ولا إيه؟!
_مليان أيه يا بنتي ما هوا فاضي أهو، أنتِ اللي أتعميتِ ولا إيه؟!
دا حتى اول كام صفحة اللي قلتلك انهم موجودين، الصبح وانا بجيبه لقيته كله فاضي حتى هما كمان أختفوا.
-يا بنتي والله مليان أهو، وانا هكدب عليكِ ليه يعني.
" قلت وانا بمسكه منها:
_والله يا سُهى فاض... ولكني وقفت بصدمة خلت عيوني تتفتح من الذهول..
" الكتاب فعلًا بيكون في أيد سُهى مليان والكلام موجود، لكن أول ما أنا أمسكه الكلام بيتمسح فورًا وكأنه حد شطبه بأستيه، ركبي سابت من الرعب أزاي كده والواضح أنو مفيش إلا أنا الله شايفه كل ده، رميت الكتاب من أيدي بفزع ورجعت لورا سنه من الصدمة اللي بقيت فيها.
-مالك يا بت فيكِ إيه وكأن عقربة لدغتك.
_سُهى أنا مرعوبة الكتاب ده فيه حاجة مش طبيعية.
-أنتِ اللي مش طبيعية، الكتاب مفيش فيه إي حاجة أنتِ اللي أتجننتِ.
" مكنتش سامعة بتقول إيه من صدمتي، أديتها الكتاب مرة تانية يمكن بيتهيألي ولا حاجة، ولكن الموضوع اتكرر تاني وأنا مش بيتهيألي ولا حاجة، فقلت بخوف ورعب.
_سُهى أنا مروحة، أنا تعبانه وعايزة أنام سلام.
-في إيه يا بت خدي مالك.
"مردتش عليها وأنا دماغي وقفت خلاص، أكلمت وكأني بكلم حد قدامي، لكني لقيت الناس بتبصلي بخضه، فأيقنت أني خلاص اتجننت.
_أنا لازم أروح المكتبه وأرجع الكتاب ده في حاجة مش طبيعية.
" وفعلًا روحت المكتبة ودخلت وأنا بنفس الرعب اللي دخلتها أول مرة ولقيت الراجل بتاع الكاشير بيبص بنفس النظرات بردو فهربت منه ودخلت لجوه ولكن من اللبخة خبطت في واحد بالغلط فقلت بتوتر من كل ده..
_أنا اسفه بجد مخدتش باللي.
-لأ عادي ولا يهمك محصلش حاجة.
"مشيت للرف اللي جبت منه الكتاب وجيت أحطه لقيته وقع مني وأتفتح نصين وبردو كان فاضي
فميلت اجيبه، فجأة ظهر منه ضوء شديد أوي وحفرة سودة وكأنها ثقب أسود ففتحت عيوني بذهول ولكن فجأة النور زاد وسحبني لجواه ومحستش بحاجة بعدها.....