رواية رشيد وكارمن الفصل الثاني2بقلم ملك ابراهيم
"فيه ناس ربنا بيبعتها لينا.. مش عشان تنقذنا مرة واحدة وتمشي، لأ.. عشان تكون هي بداية الحكاية كلها"
سما همست ليها: "متقلقيش يا حبيبتي هتلاقي ده بسبب الخوف والتوتر اللي احنا فيه!"
بكت كارمن وهي بتحط ايديها فوق رجلها وبتحاول تحرك رجلها بس من غير فايدة.
رواية رشيد وكارمن بقلمي ملك إبراهيم.
بعد مرور ساعتين.. وصلت عربيات الشرطة لمكان الأتوبيس على طريق العين السخنة. نزل النقيب رشيد من عربية الشرطة ووقف يبص للأتوبيس وقال بصوت قوي للخا.. طفين جوه الأتوبيس: "رئيسكم معانا.. ياريت تخرجوا البنات من الاتوبيس بهدوء."
نزل واحد من الخا.. طفين من الأتوبيس، كان مخبي وشه عشان رجال الشرطة ميتعرفوش عليه، وقف قدامهم بحذر وقال بثقة: "لما نتأكد من حرية الباشا بتاعنا الاول يا حضرة الظابط؟"
نظرات رشيد كانت بتتعقب تحركات الخا.. طفين حوالين الأتوبيس وجواه بتركيز، هز راسه وجاوب عليه: "وعايزين تتأكدوا ازاي ان الباشا بتاعكم حر؟!"
جاوبه الخا.. طف بقوة وهو بيدور بعينيه على رئيسهم "سعد بشار": "الباشا هيركب العربية بتاعنا ويتحرك بيها واحنا هنتحرك وراه من غير ما حد فيكم يقرب مننا.."
ظهرت ضحكة ساخرة على وش رشيد وهو بيسمعه، اتوتر الخا.. طف من ثقة الضابط وكمل بتوتر: "وعايز اقول لسيادتك معلومة صغيرة يا باشا، احنا زارعين متفـ ... جرات في الاتوبيس، يعني لو لحقتونا، بضغطة واحدة هفـ .. جر الاتوبيس بلي فيه."
سمع رشيد بكاء البنات وصر.. اخهم بهلع بعد ما سمعوا كلام الخا.. طفين، شاور لرجال الشرطة بأمر عشان يسيبوا سعد بشار يروح لرجالته، جري سعد للعربية اللي مستنياه، قعد جوه العربية بثقة وشاور بايديه بيودع الضابط رشيد بسخرية، وبعدين اتحركت بيه العربية من غير ما حد من رجال الشرطة يتحرك، بس بيتابعوا اللي بيحصل بصبر وثبات، لحق بيه رجالته وهم بيحذروا رجال الشرطة انهم ميتتبعوهمش. وقف رشيد ورجال الشرطة بحذر، خو.. ف على البنات من المتـ.. فجـ.. رات، بعدت عربيات الخا.. طفين دول وجري رشيد ورجالته للأتوبيس بسرعة عشان يخرجوا البنات.
طلع رشيد أول واحد للأتوبيس وهو بيتكلم بقوة وبيطلب من البنات الهدوء والنزول من الأتوبيس بأقصى سرعة، جريت البنات من الأتوبيس وهم في حالة من الهلع. وقف رشيد جوه الأتوبيس واستغرب قعاد بنتين في الكرسي اللي ورا خالص من الأتوبيس، واحدة بتبكي والتانية بتطبطب على ضهرها وبتبكي معاها، قرب منهم بحذر وقال ليهم بفضول: "انتوا ليه قاعدين ومنزلتوش؟!"
بصت ليه سما وقالت بصوت باكي: "صحبتي مش قادرة تقف على رجليها!"
اتأمل صاحبتها بدهشة، كانت بتبكي بخوف وبتضغط فوق رجلها بقوة، قال ليها بفضول: "رجلك مصابة؟"
هزت راسها بالنفي وهمست ببكاء: "لا.."
قالت صاحبتها سما بخوف: "تقريبا حالة نفسيه بسبب الخوف اللي اتعرضنا له!"
اتأملهم بتفكير وبعدين قرب من كارمن وانحنى بجزعه وحط ايديه تحت ساقيها والتانية تحت ضهرها وقام شايلها بين ايديه، اترعش جسم كارمن من الخوف ومسكت فيه بخوف من الوقوع. نزل من الأتوبيس وهو شايلها وصاحبتها ماشية وراه بتبكي، وقف الكل بيتابعوا اللي بيحصل بدهشة، خبت وشها جوه صدره بخوف، كانت حاسة انه مصدرها للأمان دلوقتي بعد اللي اتعرضت ليه من خو..ف وهلع، شعور غريب راوده وهي متمسكة بيه وكأنه طوق النجاة، قرب من عربية الإسعاف وحطها جوه العربية برفق وقال للدكتور على اللي حصل معاها وطلب من صاحبتها انها ترافقها للمستشفى. وقف قدام عربية الإسعاف قبل ما تنطلق في طريقها للمستشفى، نظرات عينيها وهي بتترجاه بخوف انه ميسيبهاش.
ميعرفش قد ايه بتنفر من ريحة التعقيم والدواء المنتشرة حواليها جوه عربية الإسعاف. كان جسمها بيرتعش بشدة وبصت حواليها بهلع، مش عايزة تروح المستشفى وهي عارفة انها مش هتلاقي حد يهتم لأمرها لحد ما ترجع البيت لوحدها، مامتها مقطعتش اجازتها مع جوزها ورجعت من السفر عشان تكون جنبها في الوضع والضعف والخوف اللي حاسة بيه، قفل الدكتور باب العربية ورشيد واقف قدامه وبيبص ليها باهتمام، بتتشابك عينيه بعينيها وشعور بخفقات سريعة في قلبه بتزيد مع قفل باب عربية الإسعاف وبعدها عنه في طريقها للمستشفى.
- تمام يا فندم.. هناخد البنات المدرية عشان ناخد اقولهم ونسلمهم لأهليهم.
فاق على الصوت ده اللي جه من وراه، لف ليه وجاوبه بهدوء: "تمام يا سامح.. متنسوش لازم كل اهل البنات يوقعوا على استلامهم."
هز الضابط سامح بالموافقة: "طبعاً يا باشا اطمن."
بص رشيد للأتوبيس وقال بفضول: "خبير المتـ.. فجـ.. رات وصل؟"
جاوبه الضابط سامح بتأكيد: "في الطريق يا فندم."
هز راسه شوية ومشي في اتجاه الأتوبيس، اتحرك الضابط سامح ومعاه مجموعة من رجال الشرطة في طريقهم لمديرية الأمن ومعاهم البنات.
وصل خبير المتفـ... جرات وفحص الأتوبيس واتأكد من عدم وجود آي شئ. ابتسم رشيد بثقة وبص لتليفونه بعد ما أعلن عن اتصال مهم، حط التليفون على ودانه وسمع باهتمام: "تمام يا فندم.. قدرنا نعرف مكان سعد بشار عن طريق جهاز التتبع اللي حضرتك حطيته في ملابسه."
ابتسم رشيد بثقة وهو بيفتكر ازاي حط جهاز التتبع الصغير في هدوم سعد بشار أثناء كلامه معاه في السجن، لما قرب منه وعدل من مكان ياقة قميصه، قام زرع الجهاز ده بخفة واحترافية. هز راسه وقال بثقة: "ابعتلي العنوان عشان لازم ازوره الليلة دي."
رواية رشيد وكارمن بقلمي ملك إبراهيم.
جوه المستشفى.
قعدت سما بتبكي بره الأوضة اللي نايمة فيها صاحبتها، جري عليها أبوها وأمها بقلق بعد ما قالولهم رجال الشرطة ان بنتهم في المستشفى، قرب أبو سما من بنته وقام حضنها بقوة، قال ليها بقلق: "ايه اللي حصل يا حبيبتي؟ انتي كويسه؟"
هزت راسها وهي بتبكي بخوف، حضنتها مامتها وقالت ليها بقلق: "ايه اللي حصل يا حبيبتي؟ طمنينا عليكي؟!"
جاوبت على مامتها بصوت متقطع من شدة البكاء: "انا كويسه يا مامي.. بس.. بس كارمن تعبانه اوي.. مش قادرة تقف على رجليها من الخوف والر.. عب اللي عشنا فيه!"
حس أبو سما بالحزن والغضب بعد ما اتعرضت بنته للهلع ده على ايد المجر.. مين دول. سكت شوية وبعدين بص حواليه وقال لبنته بفضول: "ومامت كارمن فين؟"
وطت سما وشها بحزن وتعاطف مع صاحبتها وجاوبت على أبوها: "اتجوزت جديد ومسافرة مع جوزها كالعادة!"
ابتسامة ساخرة رسمتها والدة سما على وشها وهي بتتكلم بغضب مكتوم: "الله يكون في عونها كارمن، من بعد وفاة باباها وهي متبهدله ومامتها ولا بتهتم ولا بتسأل فيها!"
وبعدين بصت لجوزها وكملت بترقب: "هنقول ايه بقى.. حظها ان مامتها ملهاش شغلانه في الحياة غير توقع الرجاله وتاخد فلوسهم."
اتوتر جوزها وهو بيسمع كلامها المقصود، عارف ان مراته كانت على علم بعلاقته مع "سهير سالم" والدة كارمن، ولولا تدخلها كان وقع دلوقتي في شباك سهير سالم واتجوزها في الخفا زي ما اعتادت تعمل مع كتير من رجال الأعمال، لكنه تراجع عن الجواز في آخر لحظة بعد تهديد مراته ليه، ومستنتش سهير سالم غير أيام معدودة واتجوزت من راجل تاني في أقل من أسبوعين!
بص أبو سما لباب أوضة البنت المسكينة دي اللي مفقدتش أبوها بس، دي فقدت حنان واهتمام مامتها اللي فاكرة انها بتوفر ليها كل حاجة بالفلوس.
خرج الدكتور المعالج من أوضة كارمن، قرب منه أبو سما ومراته وبنته، قال ليه أبو سما بقلق: "طمني يا دكتور.. البنت حالتها ايه؟"
ابتسم الدكتور بهدوء وجاوب: "متقلقوش الحمد لله البنت بخير، هي بس اتعرضت لخوف وهلع شديد وده اتسبب في حالة نفسيه انها تفقد القدرة على تحريك قدمها."
بكت سما بخوف، طبطبت مامتها على ضهرها وقالت للدكتور بفضول: "يعني كده البنت مش هتقدر تقف على رجليها تاني؟"
بص ليهم الدكتور وقال بتوضيح: "لا طبعا هتقف على رجليها وهتقدر تمشي تاني، بس ضروري دكتور نفسي يتابع معاها."
وطى أبو سما وشه في الأرض بحزن، قالت سما ببكاء: "ممكن نشوفها يا دكتور؟"
رفض الدكتور وأكد: "للأسف هي نايمه دلوقتي والافضل انها ترتاح."
سابهم الدكتور ورجع لشغله، حضنت والدة سما بنتها وبصت لجوزها وحركت عينيها بتطلبه انهم يمشوا، هز ليها جوزها ومسد بايديه فوق شعر بنته وقال ليها بهدوء: "يلا يا حبيبتي خلينا نمشي ونسيب كارمن ترتاح شويه."
بكت سما وهي بتبص للأوضة اللي نايمة فيها صاحبتها لوحدها وقالت بخوف: "هنسيبها ازاي لوحدها كده يا بابا!"
قالت مامتها وهي بتضم وشها بين ايديها بحنان: "هنيجي الصبح نطمن عليها يا حبيبتي متقلقيش."
بصت لباب الأوضة وبكت بشدة، خدها أبوها من ايديها وهو بيوعدها انه هيجي بيها في الصبح بدري عشان تشوف صاحبتها، مشيت سما مع أبوها وأمها وهي بتبكي بحزن على حال صاحبتها الوحيدة.
رواية رشيد وكارمن بقلمي ملك إبراهيم.
الساعة 12 نص الليل.
في إحدى المناطق الشعبية.. وصل رشيد ومعاه قوة من العمليات الخاصة للعنوان اللي أشار ليه جهاز التتبع اللي زرعه في هدوم سعد بشار. اتحركوا بخطوات مدروسة ومتقنة، اقتحم رجال العمليات الخاصة البيت اللي قاعد فيه سعد بشار، قاموا بمها..جمة اللي في البيت والتعامل معاهم، كان في البيت عدد كبير من رجال سعد بشار، اتبادلوا اطلا..ق الـنـار مع رجال الشرطة، كان رشيد في المقدمة، أصابته واحدة من الطلـ..قات في كتفه، فضل صامد وواقف على رجليه وشايل سلا.. حه بايديه، استسلم رجال سعد بشار بعد سقوطهم واحد ورا التاني على ايد رجال الشرطة، مقدرش سعد يهرب وخرج مستسلم لرجال الشرطة بعد ما شاف سقوط رجالته قدام عينيه واتأكد من محاصرة رجال الشرطة ليه، قرب منه رشيد وهو بيتبسم ليه بثقة، استغرب سعد بشار من وجود الضابط اللي أطلق سراحه من السجن النهاردة، مش مصدق ان الضابط قدر يوصله بالسرعة دي، قرب منه رشيد وهو مصوب السلا.. ح في وشه وبيتبسم ليه بسخرية، صدح صوته وقال بنبرة قوية ساخرة: "ازاي كان هيجيلك نوم يا سعد بعيد عن الزنزانه بتاعك؟!"
بص ليه سعد بصدمة، ابتسم رشيد وقال لواحد من الضباط: "خدوه ينام في زنزانته."
قرب واحد من رجال الشرطة وأخد سعد بشار وخرجوا من البيت في طريقهم للسجن، وقف رشيد بيتنفس براحة بعد إتمام مهمته بنجاح، بدأ يتسلل ليه الشعور بالألم في كتفه، قرب منه واحد من الضباط وبص ليه بصدمة بعد ما شاف الدماء غرقت هدومه، صدح صوت الضابط بيطالب بسرعة حضور عربية الإسعاف، بدأ يحس رشيد بالضعف، قام الضابط بمساندته وأخده لعربية الإسعاف.
رواية رشيد وكارمن بقلمي ملك إبراهيم.
في ساعة متأخرة من الليل.
في المستشفى.
صحيت كارمن على أصوات مزعجة بتسمعها من بره أوضتها، مش عارفة ايه اللي بيحصل بره، في حالة من الهرج عامة في المستشفى، اتعدلت فوق السرير وهي حاسة بالخوف والقلق. دخلت واحدة من الممرضات الأوضة عشان تديها الدوا في معاده. بصت للممرضة وقالت ليها بتوتر: "ايه الدوشه اللي في المستشفى دي!"
اتنهدت الممرضة بحزن وجاوبت: "في ظابط وصل المستشفى دلوقتي مصاب.. ربنا يقومه بالسلامه."
شحب وشها واترعش جسمها شوية بعد ما سمعت كلام الممرضة، بصت ليها الممرضة ولاحظت شحوب وشها من الخوف، قربت منها وكملت: "انتي اكيد لسه خايفه بعد اللي حصل معاكم النهاردة، بصراحة الله يكون في عونكم على الر.. عب اللي عشتوا فيه وانتوا مخطو.. فين!"
بصت ليها كارمن بتوتر، جسمها اترعش بشدة، ابتسمت الممرضة وكملت بفخر: "بس انا سمعت دلوقتي انهم قبضوا على اللي كانوا خاطفـ.. ينكم."
حدقت بيها كارمن باهتمام وهمست ليها بصوت ضعيف: "بجد!"
ابتسمت الممرضة وجاوبت بثقة: "أيوه.. اصل انا عرفت دلوقتي ان الظابط اللي جه المستشفى مصاب هو نفس الظابط اللي انقذكم النهاردة، واتصاب دلوقتي وهو بيقبض على اللي كانوا خاطفـ.. ينكم والحمدلله قبض عليهم كلهم"
ابتسمت بسعادة وهي بتسمع كلام الممرضة، بدأ يتسلل جواها الشعور بالأمان بعد ما عرفت بالقبض على الخا.. طفين، حست برجلها وكأنها كانت متجمدة وفك الجليد عنها، حدقت برجلها بذهول وهي بتحرك صوابعها وبتستجيب ليها، سابت السرير ووقفت عشان تتأكد من احساسها، قدرت تقف على رجلها بجد بعد احساسها بالأمان، استغربت الممرضة وقالت ليها بذهول: "ايه ده انتي قدرتي تقفي على رجلك!"
بصت كارمن لرجلها وقالت بسعادة: "انا مش عارفه انا وقفت ازاي ولا ايه اللي حصل! بس المهم اني بقيت حاسه برجلي دلوقتي."
ابتسمت ليها الممرضة وقالت بهدوء: "شكل اللي حصلك ده كان فعلا من الخو..ف ولما عرفتي ان المجر..مين دول اتقبض عليهم اطمنتي وقدرتي تقفي على رجلك!"
ابتسمت كارمن وقالت بتوتر: "انا كده هرجع البيت الصبح صح؟"
جاوبتها الممرضة: "انا هبلغ الدكتور عشان يجي يطمن عليكي الاول وهو هيقرر ترجعي البيت امتى."
هزت كارمن راسها وعادت للسرير مرة تانية عشان ترتاح شوية.
دقايق قليلة ودخل الدكتور لأوضة كارمن، ابتسمت كارمن وقالت ليه بحماس: "انا قدرت اقف على رجلي يا دكتور.. حاسة اني بقيت احسن دلوقتي."
ابتسم الدكتور وقرب منها وقال بتأكيد: "بس ده ميمنعش انك محتاجه دكتور نفسي عشان الحالة دي متتكررش تاني."
وقفت من فوق السرير وقربت من الدكتور: "حاضر يا دكتور انا هروح لدكتور نفسي.. بس لو سمحت عايزة اخرج من هنا."
وطى الدكتور وشه في الأرض بيفكر بحيرة؛ ازاي هيقولها ان مامتها رفضت خروجها من المستشفى، بص ليها وقال: "للأسف مش هينفع تخرجي من المستشفى دلوقتي."
حدقت بيه بصدمة وقالت بقلق: "ليه يا دكتور؟ انا بقيت كويسه اهو!"
هز الدكتور راسه وجاوب بقلة حيلة: "إدارة المستشفى اتوصلوا مع والدتك.. والدتك هي اللي طلبت انك متخرجيش من المستشفى قبل ما ترجع من السفر وتيجي تستلمك بنفسها ودفعت للمستشفى كل التكاليف."
تلألأت الدموع جوه عينيها وقالت بصوت مبحوح: "وماما قالت هترجع امتى؟"
هز راسه بحزن وجاوب: "للاسف مقالتش."
هزت راسها بتفهم، خانتها عينيها وذرفت الدموع على وشها، حزن الدكتور عشانها، سابها وخرج من الأوضة وقفل الباب وراه، انهارت في البكاء، عارفة ان مامتها مش هتقطع اجازتها وتيجي عشانها، ده اللي اتعودت عليه من مامتها، عليها الانتظار جوه المستشفى لحد ما تيجي مامتها وتطلق سراحها. اتجهت للسرير وقعدت تبكي بحزن، حاسة بالوحدة واليتم، معندهاش حد في الحياة دي، عارفة ان مامتها مش هتهتم لأمرها ومش هتيجي عشانها مهما حصل معاها.
رواية رشيد وكارمن بقلمي ملك إبراهيم.
عند رشيد.
خرج الدكتور من أوضة العمليات، قرب منه اللواء طلعت ومجموعة من الضباط زمايل رشيد بيسألوه عنه بقلق: "خير يا دكتور طمنا؟!"
ابتسم الدكتور عشان يطمنهم وجاوب بهدوء: "الحمدلله قدرنا نخرج الرصا.. صه ومفيش اي خـ.. طر متقلقوش."
قال ليه اللواء طلعت بقلق: "يعني نقدر نشوفه ونطمن عليه يا دكتور؟"
جاوب الدكتور بالرفض وأكد: "الأفضل محدش يزعجه دلوقتي، هو هيتنقل غرفة عادية الصبح وتقدروا تشوفوه بكره ان شاء الله."
ختم الدكتور كلامه قبل ما يمشي: "عن اذنكم."
مشي الدكتور وسابهم بيتكلموا مع بعض، اتكلم واحد من الضباط مع اللواء طلعت: "هنبلغ عيلة رشيد يا فندم؟"
وقف اللواء طلعت بيبص قدامه بتفكير وبعدين جاوب: "بلاش نقلقهم دلوقتي.. احنا الحمد لله اطمنا عليه انه بخير، خلينا نمشي دلوقتي وانا هبلغ جده الصبح."
هز الضابط راسه باحترام، مشي اللواء طلعت من المستشفى ومشي وراه كل الضباط.
رواية رشيد وكارمن بقلمي ملك إبراهيم.
في الصباح.
صحيت كارمن على صوت طرق على باب أوضتها، دخلت سما الأوضة وهي شايلة شنطة صغيرة فيها هدوم لكارمن، استقبلتها كارمن بابتسامة، جريت عليها سما وحضنتها بسعادة، قعدت معاها سما وقالت ليها بتوتر: "كارمن انا اسفه مش هقدر اقعد معاكي كتير لان مامي هي اللي وصلتني ومنتظراني تحت في العربية."
بهتت ملامح كارمن بالحزن، هزت راسها وقالت بصوت مبحوح: "المهم انك جيتي وخلتيني اشوفك."
ادتها سما الشنطة وقالت بتوتر: "انا جبتلك شنطتك اللي كنتي مجهزاها عشان الرحلة."
هزت كارمن راسها بحزن وأخدت الشنطة وهمست: "شكراً."
وقفت سما وحضنتها مرة تانية وقالت بحزن: "انا اسفه يا كارمن."
طبطبت كارمن على ضهرها وهزت راسها وأكدت: "متتأسفيش يا سما.. انا فاهمه كل حاجة."
بصت ليها سما وهي بتبكي بحزن، مش عايزة تسيب صاحبتها لوحدها لكن مامتها رفضت انها تقعد مع كارمن أكتر من كده.
قعدت كارمن في أوضتها وحيدة بعد ما مشيت سما، عارفة ان والدة سما مش عايزة صداقتهم تستمر، كانت حزينة وهي لوحدها، الكل بيبعد عنها بسبب أفعال مامتها. بصت لشنطتها اللي جابتها سما، أخدت منها هدوم عشان تبدل هدوم المستشفى وتلبس هدوم تانية.
بعد ما خلصت لبس.. لبست هدوم أنيقة كانت لايقة عليها، وقفت بتصفف شعرها الطويل. دخلت الممرضة وهي بتتبسم ليها وبتتكلم معاها بمرح: "يا صباح الجمال كله.. انا جبتلك الفطار."
ابتسمت كارمن وقربت منها بتبص لأكل المستشفى من غير نفس، وبعدين بصت حواليها بملل وقالت بحزن: "انا مليش نفس."
ابتسمت ليها الممرضة وقالت معاها بحنان: "شكلك مضايقه من حاجة؟"
هزت كارمن راسها وقالت بحزن: "بصراحه انا مش عارفه ازاي هفضل محبوسه هنا في المستشفى لحد لما ماما ترجع!"
حزنت الممرضة عشانها، فكرت شوية وبعدين قالت ليها بحماس: "ومين قال انك هتفضلي محبوسه هنا.."
حدقت بيها كارمن بدهشة، كملت الممرضة بحماس: "ايه رأيك تيجي معايا وانا بمر على المرضى؟"
بصت ليها كارمن بتفكير، كملت الممرضة بحماس: "انتي عارفه مين بقى في الغرفة اللي جنبك؟"
بصت ليها بفضول، كملت الممرضة بحماس: "الظابط اللي انقذكم وقبض على الخاطفين امبارح..."...