رواية رشيد وكارمن الفصل الثالث3بقلم ملك ابراهيم
"كارمن راحت تشكر الظابط اللي أنقذها، لقيت نفسها قاعدة قدامه بالساعات، بتضحك، وبتحكي، وناسية الدنيا كلها.
وركز رشيد لقى نفسه مستنيها كل يوم، و ضحكتها بقت الحاجة الوحيدة اللي بتفرح قلبه.
بس الفرحة مكملتش.
لأن القدر كان مخبي ليها وجع جديد، وجع هيكسر قلبها قبل ما حكايتهم تبدأ"
" الظابط اللي انقذكم وقبض على الخا.. طفين امبارحط
اتحمست كارمن أوي وقالت بسعادة: "بجد!"
هزت الممرضة راسها بالموافقة وكملت: "انا رايحه ادخله الفطار دلوقتي.. ايه رأيك تيجي معايا واعرفك عليه؟"
اتحمست كارمن أكتر وجاوبت بثقة: "اه طبعا ياريت."
ابتسمت الممرضة وأخدتها معاها للأوضة اللي جنبها، وقفت الممرضة وخبطت على الباب بهدوء، سمعت صوته بيسمح ليها بالدخول، دخلت الممرضة ووقفت كارمن مستنية قدام الباب، كانت حاسة بتوتر شديد مختلط بحماس عشان تشوف الضابط ده اللي أنقذ حياتها هي وصحباتها. دخلت الممرضة الأوضة وهي بتتبسم وقالت ليه بهدوء: "حمدلله على سلامة حضرتك."
ابتسم ليها بهدوء وهو بيعتدل فوق السرير وبيسند ضهره فوق المخدة: "شكراً."
وقفت شوية بتفكر بحيرة وبعدين قالت ليه بتوتر: "في ضيفه حابه تشوف حضرتك.. تسمح لها تدخل؟"
استغرب رشيد وعقد ما بين حواجبه وسأل بفضول: "ضيفه مين؟"
جاوبته الممرضة وهي بتضغط على ايديها بتوتر خايفة انه يرفض مقابلة كارمن وتتسبب في احراجها: "كانت في الاتوبيس اللي كان مخطو..ف ولما عرفت ان حضرتك هنا حبت تيجي تشكرك بنفسها."
ابتسم وقال بهدوء: "طبعا خليها تتفضل."
ابتسمت الممرضة بسعادة وقالت بحماس: "تعالي يا كارمن ادخلي."
دخلت كارمن بحماس مختلط بتوتر، وبعدين وقفت فجأة بصد..مة لما شافته هو نفس الضابط اللي شالها من الأتوبيس لعربية الإسعاف.
خفق قلبه بقوة لما شافها، اتعدل بسرعة في قعدته وهو بيحدق فيها باهتمام.
تابعت الممرضة اللي بيحصل وابتسمت وقالت لكارمن بمرح: "تعالي يا كارمن اتفضلي!"
اتقدمت كارمن وقربت منهم بخطوات مرتبكة، ابتسم ليها وقال معاها بهدوء: "اهلا يا كارمن."
خفق قلبها بقوة ووطت وشها بخجل وقالت برقة: "حمدلله على السلامة.. انا جيت اشكر حضرتك."
صوتها الناعم الرقيق اخترق قلبه وخليه عايز يسمع صوتها مرة تانية، ابتسم ليها وقال بهدوء: "تشكريني على ايه انا عملت شغلي."
اتحمست كارمن شوية وقالت ليه بفضول: "هو انت فعلا قبضت على اللي كانوا خطـ.. فينا؟"
هز راسه بالايجاب وهو بيتابع حماسها الطفولي بإعجاب شديد، ابتسمت بحماس وكملت: "هو ينفع تحكيلي قبضت عليهم ازاي؟!"
بص للممرضة وابتسم: "اه طبعاً ينفع."
وبعدين كمل بنبرة مرحة: "بس بشرط.. انتي كمان تحكيلي كل اللي حصل معاكم من اول ما المجر.. مين دول وقفوا الباص على الطريق."
نطت بسعادة وقالت بحماس: "تمام وانا موافقه."
ابتسمت الممرضة وقالت وهي في طريقها لبره الأوضة: "وانا هروح اشوف باقي المرضى.. عن اذنكم."
خرجت الممرضة وقفلت الباب وراها، جريت كارمن للشباك وقامت فتحته وقالت بحماس: "ممكن نسمح للهوى يدخل غرفتك؟"
فتحت الشباك ووقفت قدامه، انتشر ضوء الشمس في الأوضة والهوا المنعش دخل يتطاير مع خصلات شعرها الناعم الطويل. خفق قلبه بقوة وهو بيتأملها بجمالها الرائع وعفويتها المميزة. استنشقت الهوا الطبيعي براحة وبعدين لفت تبص ليه وقالت بحماس: "يلا احكيلي بقى؟!"
ابتسم وهو بيتأملها ومش قادر يبعد عينيه عنها، بدأ يحكي ليها ازاي حط جهاز التتبع في هدوم المجرم وازاي راح هو وقوة من الشرطة للمكان اللي مستخبي فيه المجرمين. قربت منه وهي بتسمعه بحماس، قعدت قدامه فوق السرير وهي بتسمع بكل تركيز، كان بيحكي ليها وبيتابع ردود أفعالها وهي بتسمعه وكأنها كانت معاهم، كانت بتعلق على كل كلمة بيقولها وبتسأل عن كل حاجة بحماس، كان الحديث ممتع بينهم لحد ما خلص وجه الدور عليها انها تقوله اللي حصل معاها، قالت ليه ازاي كانت بتستعد للرحلة دي وقضاء العطلة الصيفية بصحبة صحباتها، كانت بتحكي بحماس وبتقوله كل حاجة بطريقة عفوية ممتعة. كان بيسمعها من غير ملل. محسيش قد ايه من الوقت عدى وهم بيتكلموا.
رواية رشيد وكارمن بقلمي ملك إبراهيم.
بعد أكتر من ساعتين.
اتفتح باب الأوضة فجأة ودخل صاحبه المقرب النقيب خالد. استغرب خالد من وجود بنت مع رشيد في الأوضة وكان باين عليهم الاستمتاع بالكلام مع بعض.
اتكسفت كارمن ووقفت بتوتر مش عارفة قد ايه من الوقت عدى وهي في أوضته. رمق رشيد صاحبه بغيظ. قال خالد بتوتر: "انا اسف مكنتش اعرف ان في حد معاك!"
اتحركت كارمن عشان تمشي من الأوضة وقالت بارتباك: "انا همشي انا عن اذنكم."
مشيت بسرعة بخجل وخرجت من الأوضة، قرب خالد من رشيد وهو بيبص ليه بدهشة وسأله بفضول: "مين دي؟!"
جاوب عليه رشيد بغيظ: "ملكش دعوه!"
حدق بيه خالد بفضول وبعدين هز راسه بتفهم وقال: "ااه.. بقى هي الحكاية كده.. طب كنت قول عشان ابقى مطمن عليك واعرف انك مش لوحدك هنا!"
اتفتح باب الأوضة مرة تانية ودخلت والدة رشيد وهي بتبكي ووراها أخته وجده اللواء المتقاعد نور الدين الجبالي. غمز خالد بطرف عينيه لرشيد وهمس ليه بمرح: "المفروض تشكرني اني جيت قبلهم وانقذتك."
رمقه رشيد بغيظ ورحب بجده ووالدته وأخته.
رواية رشيد وكارمن بقلمي ملك إبراهيم.
صباح اليوم التالي.
صحي رشيد بدري وقعد جوه أوضته مستني قدومها ليه مرة تانية، طال انتظاره لحد ما جت ليه الممرضة وهي شايلة وجبة الفطار.
اتنحنح بهدوء وسألها باهتمام مقدرش يخبيه: "فين كارمن مشوفتهاش النهاردة.. هي خرجت من المستشفى ولا ايه؟"
ابتسمت الممرضة وظهر على وشها معالم الحزن وجاوبت عليه بأسف: "كارمن مش هتقدر تخرج من المستشفى دلوقتي!"
حس بالقلق عليها وسأل باهتمام: "ليه؟!"
جاوبت عليه الممرضة بحزن: "لان والدتها مسافرة واتواصلت مع إدارة المستشفى وطلبت منهم ميخرجوش كارمن قبل ما هي ترجع من السفر وتيجي تاخدها بنفسها!"
حدق بالممرضة بصدمة وقال بذهول: "معقول والدتها مش قادرة ترجع من السفر مخصوص عشان تطمن على بنتها!"
جاوبت عليه الممرضة بحزن: "الموضوع ده مقصر على نفسية كارمن جدا، بس الواضح انها متعودة من والدتها علي كده!"
شرد شوية بيفكر فيها وفي اللي حاسة بيه دلوقتي، سأل الممرضة مرة تانية بفضول: "وباباها فين او اي حد من عيلتها؟"
جاوبت عليه الممرضة بأسف: "اللي عرفته ان باباها متوفي وهي طفله ووالدتها مقاطعه كل عيلتها.. يعني كارمن حاليا ملهاش حد غير مامتها."
حس بالحزن الشديد عليها، اتعاطف معاها كتير وسأل عنها مرة تانية: "وكارمن فين دلوقتي؟"
ابتسمت الممرضة وجاوبت بنبرة مرحة: "في غرفة "عدي" اتعرفت عليه امبارح وشكلهم حبوا بعض اوي."
خفق قلبه بقوة، سأل نفسه جواه مين عدي ده! حس بالغيرة وقال بغضب: "مين عدي ده؟"
بهتت ملامح الممرضة بحزن وجاوبته: "ده طفل عنده عشر سنين وللأسف مريض كانسر.. كارمن اتعرفت عليه امبارح واتعلقوا ببعض اوي وطلب كارمن تروحله غرفته من بدري!"
حس بالارتياح شوية بعد ما عرف ان عدي طفل صغير، لكن فضوله زاد جوع في رؤية الطفل اللي حبته كارمن. وقف من فوق السرير وقال للممرضة بإصرار: "ممكن تاخديني لغرفة عدي.. عايز اتعرف عليه انا كمان."
استغربت الممرضة شوية وهزت راسها بالموافقة: "تحت امرك اتفضل معايا."
مشي معاها وهو حاطط دراعه المصاب جوه الحامل الطبي، أوضة عدي كانت في الدور اللي فوق، وقفت الممرضة قدام الأوضة وقالت ليه ان دي أوضة عدي ودخلت هي الأول وقالت لعدي بمرح: "البطل بتاعنا عامل ايه النهارده؟"
ابتسم عدي وهو قاعد جنب كارمن وبياكلوا الفطار مع بعض، ابتسمت كارمن وجاوب عدي بحماس: "انا كويس جدا عشان كارمن معايا."
ابتسمت الممرضة وقالت معاه بلطف: "في بطل تاني عايز يشوفك ويتعرف عليك.. ايه رأيك؟"
جاوب عدي بحماس: "طبعا وانا كمان عايز اتعرف عليه عشان انا بحب الابطال."
ابتسمت الممرضة وقالت: "اتفضل يا حضرة الظابط.."
دخل رشيد وهو بيتبسم، خفق قلب كارمن بقوة لما شافته، وقف عدي وجري ليه بحماس وقال بسعادة: "انت ظابط؟"
هز ليه بالموافقة وقال ليه بلطف: "أيوه.. وسمعت ان في بطل هنا في المستشفى وحبيت اجي اتعرف عليك."
ابتسم عدي بحماس وقال: "وفي بطل كمان غيرنا هنا في المستشفى، كارمن اتعرفت عليه امبارح.. هو ظابط برضه وهو اللي انقذ كارمن واصحابها وقبض على المجر.. مين كلهم وحطهم في السجن."
اتكسفت كارمن ووطت وشها في الأرض، بص ليها رشيد بابتسامة، ابتسمت الممرضة واستأذنت منهم ومشيت عشان تتابع شغلها. قال رشيد لعدي بفضول: "وكارمن اللي حكتلك عن الظابط ده؟"
جاوب عليه عدي بثقة: "كارمن مش بتتكلم غير عليه أصلا.."
وبعدين كمل بصوت هامس: "اقولك على سر.."
انحنى ليه رشيد شوية عشان يسمع صوته الهامس وشجعه على الكلام، قال عدي بصوت هامس: "انا قررت لما اكبر ابقى ظابط عشان كارمن تحبني وتشوفني بطل زي الظابط اللي انقذها."
ابتسم رشيد بسعادة وسأله بهمس هو كمان: "هي كارمن قالتلك ايه بالظبط عن الظابط اللي انقذها؟"
جاوبه عدي بهمس: "قالتلي كل حاجة."
تابعت كارمن همسهم بفضول شديد، مقدرتش تسمع كلامهم، علي صوتها شوية وقالت ليهم بغيظ: "انتوا هتفضلوا تتهامسوا كتير كده وانا قاعده لوحدي!"
جاوب عليها عدي بمرح: "ده كلام رجاله مش كلام بنات!"
رمقته كارمن بغيظ، ضحك رشيد وقال هو كمان بمرح: "فعلا احنا بنتكلم كلام رجاله!"
وقفت كارمن بغيظ وقالت بعناد: "تمام وانا هخرج واسيبكم تتكلموا كلام الرجاله برحتكم."
جري ليها عدي وقال معاها برجاء: "لا يا كارمن خليكي معايا."
وبعدين بص لرشيد وقال ليه هو كمان برجاء: "ممكن تفضل معايا وتحكيلي عن المغامرات بتاعتك وازاي بتقبضوا على المجر.. مين؟!"
ابتسم رشيد وقرب منه وقال ليه بنبرة مرحة: "تحت امرك يا بطل."
استغربت كارمن من تواضعه وطريقته المرحة مع عدي، تابعت قعاده جنب عدي وبدأ يحكي ليه عن مواقف كتيرة اتعرض ليها في شغله، منها مواقف مضحكة طريفة ومنها مواقف صعبة وشاقة. كانت بتتابع كلامه باهتمام وتركيز، حست بخفقات قلبها بتزيد بقوة كل ما بصت ليه. صوته كان مميز وطريقة كلامه ممتعة للغاية، ضحكته كانت رائعة وغمزاته كانت بتزود من وسامته. اتأملته من غير ما تحس بنظرات إعجاب مختلطة بانبهار.
دخلت الممرضة المسؤولة عن حالة عدي وطلبت منه الاستعداد عشان ياخد الدوا. وقف رشيد وسلّم على عدي بقوة ووعده انه هيجي ليه مرة تانية، قربت كارمن من عدي وباسته من خده بحنان وقالت ليه انها هتيجي ليه في الصباح.
خرجوا الاتنين مع بعض من أوضة عدي، شعور قوي بالأمان كانت حاسة بيه وهي ماشية جنبه. قلبه كان بيخفق بقوة ومش عايز انها تبعد عنه. وقف الاتنين كل واحد منهم قدام أوضته، اتشابكت نظرات عينيهم، شعور جديد اخترق قلبه... ✋.
رشيد فاق من ذكرياته مع توقف العربية فجأة.
صوت احتكاك الكاوتشات بالأرض رجعه من ذكرياته معاها وإزاي اتعرف عليها ، ضرب بايديه بقوة وهو حاسس بنيران بتحرق قلبه كل ما افتكر اللي عملته فيه، هتف بصراخ وهو بيضرب بقسوة فوق قلبه اللي بينبض بعشقها لحد دلوقتي: "ليه عملتي فيا كده؟ انا ضحيت بكل حاجة عشانك.. لو كنتي طلبتي مني روحي كنت هضحي بروحي وحياتي عشانك!"
مش مصدق اللي عملته فيه لحد دلوقتي، ازاي انها تقابل حبه وعشقه ليها بالخيانة، ازاي قدرت تخدعه من غير ما يطرف ليها عين! عملت فيه ايه عشان ميشوفش حقيقتها قبل ما يحط قلبه وعقله واسمه بين ايديها.
بص قدامه بحزن، مفيش فايدة من العذاب ده اللي عايش فيه دلوقتي، اتمنى لو تخونه ذكرياته معاها وتسيبه زي ما عملت هي! مش ممكن يعيش وذكرياته معاها بتطارده دايما.
أعاد تشغيل عربيته وهو بيلتقط أنفاسه بصعوبة، مش عايز انه يفتكر الماضي بعد دلوقتي، انطلق بعربيته بأقصى سرعة هارب من التفكير فيها.
رواية رشيد وكارمن بقلمي ملك إبراهيم.
خلصت الحفلة اللي كانت بتشتغل فيه كارمن. ومشيت مع صاحبتها مودة، كانت ماشية وهي شاردة بعد ما شافته النهاردة. بتفتكر لهفته عليها لما جرحت ايديها، ملامحه متغيرتش كتير عن الماضي، بل بقى أكتر وسامة بعد ما ساب لحيته تنمو شوية، ميعرفش قد ايه كانت مشتاقة ليه أوي.
وقفت مودة عن المشي وحدقت بيها بدهشة: "ايه يا بنتي روحتي فين!"
فاقت من شرودها وبصت لمودة: "في ايه؟"
ابتسمت مودة بغيظ وقالت باستخفاف: "في ان احنا اكيد مش هنروح مشي.. والوقت متأخر دلوقتي، يعني لازم نوقف تاكسي!"
هزت راسها بالموافقة وبصت جوه شنطتها بتدور على فلوس، قالت مودة مرة تانية: "بصي احنا نوقف تاكسي ونقسم الاجرة بالنص انا وانتي.. انا رجلي وجعتني اوي يا كارمن.. احنا واقفين طول اليوم على رجلينا."
هزت راسها بالموافقة، شاورت مودة لواحدة من عربيات الأجرة، وقفت العربية قدامهم، طلعوا جوه العربية، قعدت كارمن وسندت براسها على الشباك الزجاجي وهي شاردة بالتفكير فيه، اتحركت عربية الأجرة وكأنها بتاخدها للماضي عشان تفتكرها ازاي بدأت علاقتها مع رشيد... ✋
[بعد اسبوع ليها جوه المستشفى]
اعتادت الذهاب لأوضة "عدي" في كل صباح وكان رشيد بينضم ليهم من حين لآخر، كانوا بيتبادلوا الكلام مع بعض بطريقة ممتعة، تطورت علاقتهم التلاتة بشكل سريع، اتعلقت كارمن كتير بعدي واعتادت على الكلام المرح مع رشيد. بقت رؤيتهم الاتنين كل يوم أهم حاجة بتملكها في حياتها.
النهاردة صحيت بنشاط ولبست هدومها بسرعة، صففت شعرها الطويل واستعدت للخروج من أوضتها والذهاب لأوضة عدي عشان تاكل معاه وجبة الفطار ويبدأ يومهم مع بعض زي ما اعتادت تعمل كل صباح طول الأسبوع اللي قعدته في المستشفى.
كانت ماشية بخفة وسعادة، بقت المستشفى مسكنها المفضل. طلعت للدور اللي فوق حيث أوضة عدي، كانت ماشية بسعادة وبتوزع ابتسامتها على الكل، اتباطأت خطواتها فجأة وخفق قلبها بخوف بعد ما شافت والدة عدي وهي واقفة قدام الأوضة ولابسة الأسود وبتبكي بانهيار! ووالد عدي واقف جنبها بيبكي بصمت وبيحاول يسيطر على انهيار مراته. قربت من الأوضة وعقلها رافض يستوعب اللي بيوحي ليها بيه المشهد ده، وقفت قدام الأوضة وشافت السرير فاضي والممرضات بيقوموا بتجهيز الأوضة لاستقبال مريض تاني. قربت منها الممرضة اللي كانت مسؤولة عن متابعة حالة عدي، بصت ليها كارمن بصدمة وقالت بصوت مبحوح: "عدي فين؟"
وطت الممرضة وشها وجاوبتها بحزن: "عدي مات النهاردة الفجر."....